|
كتب الكاتب الفاتح جبرا المتوفرة بمعرض الدوحة
|
|
 Re: الاحباب في أمريكا .. عندي هدية بالجنيه سود� (Re: علي عبدالوهاب عثمان)
|
حبيبنا هيري لويك ده ما قصر معاي
يعني لو صرفت مليار في الشهر أعيش 50 سنة
طيب أنا حسب عمري ما ممكن خمسين سنة
خلي في الشهر 2 مليار جنيه (25) شهر أبقى في عمر جمي كارتر
طبعاً عزومة يومية لأهلي الترابلة وعمرة كمان وحج
حبيبنا هيري لويك .. زول جميل .. خلاني في عالم الخيال
أرجوكم ما في واحد يقول لي الزول ده نصاب
أنا طبعاً لسع ما رديت عليه ..
يعني في الدنيا الواسعة ما لقى غيري .. ناس ضواحي الدنيا
أها أقول أرزاق ..
| |
 
|
|
|
|
|
|
|
|
Re: الاحباب في أمريكا .. عندي هدية بالجنيه سود� (Re: علي عبدالوهاب عثمان)
|
حبيبنا هيري لويك .. العالم ده 6 مليار كيف وصل لي
أنا هنا في السعودية أدخل سحب في المولات يمكن أقل من 50 الف مشترك
لم أفز يوماً ولا بالمركز العاشر = 500 ريال
يكون هيري لويك .. من قرية أسمها دنقلا في أمريكا .. كان كتب عتها الهباني الحبيب قبل كده
اجتمال يكون من عندينا .. يمكن :
دنقلا مسمى في قرية صغيرة في امريكا- ولاية الينوي.
دنقلا اسم مدينة في امريكا حتى عربات الشرطة مكتوب فيها اسم دنقلا .
دنقلا مسمى على كلية في امريكا
يعني نقول : ووو هيري أمبس سيرناقمي
| |
|
|
|
|
|
|
|
|
|
Re: الاحباب في أمريكا .. عندي هدية بالجنيه سود� (Re: Ali Alkanzi)
|
يا اخوي ابوعلوة
حرامي شنو
الله يقطع طار بلكلنتون
لو ما العقوبات الفرضا على السودان
كان طلبت منك تديني الجائزة واديك الف دولار وفاتحة وعشرة عجول للتربالة بتاعنك
شفت الحظ بعاكس كيف؟
==============
حبيبنا الجميل الكنزي ..
تستاهل الحبيب .. أهلي الكنوز عندنا في البلد كانوا أكبر التجار
ما شاء الله عندهم عقلية تجارية .. ما كان يشتغلوا ترابلة
تحياتي .. نعمل أيه الحبيب الكنزي مع زهج الغربة
مودتي ..
| |
|
|
|
|
|
|
|
|
|
Re: الاحباب في أمريكا .. عندي هدية بالجنيه سود� (Re: علي عبدالوهاب عثمان)
|
يا حبيبنا ابوعلوة
Quote: حبيبنا الجميل الكنزي ..
تستاهل الحبيب .. أهلي الكنوز عندنا في البلد كانوا أكبر التجار
ما شاء الله عندهم عقلية تجارية .. ما كان يشتغلوا ترابلة
|
عارف حسب قولك الفوق دا انو اهلنا تجار
ودي اول سقطاطي وسقوطي
زمان عامل فيها مقددا في اواخر الثمانيات
علمتا رحلة لابوظبي دبي والعين والدوحة عشان الولد قايل نفسو بجيبا من قرونا
ودخلت في تجارة الثياب التصنيع السويسري في كانتون سانغلان
وقوم يا اصدام اغزي الكويت وطير علي الكنزي وراسمالو
اها لمن جيبت نهائي السودان في اغسطس ٢٠١٥
دخلت مع اخوي التاجر في ادوات الكهرباء شراكة لتشغيل رأسمالي لصالح اسرتي في السودان
انقر القروش اي رأس المال بارباحو ما جاب تلث الدولارات الدفعتها
اسا السنة دي اخوك تربالي في الشوال
زرعت عيش وبحضر للقمح
وعايز ازرع خضروات
في جنينتي التي كانت مزروعة اشجار بان وليمون وجوافة وموز
كنتا مديها لزول من القرية لمن جيت راجع ليقت ليك شجر الكتر والمسكيت غابة وسط اشجار الفواكه
مما اجبرني لتنظيفها كلها ٢٦ فدان
وخسرت مليارات عشان ارجعا ارض جرداء
تصدق؟
فأنا فاشل كمستثمر
عشان كدا محتاج لقورشك الباردة دي عشان تعوضني خاسرتي الفادحة
قول يا لطيف
| |
|
|
|
|
|
|
|
|
|
Re: الاحباب في أمريكا .. عندي هدية بالجنيه سود� (Re: Ali Alkanzi)
|
حبيبنا الكنزي .. تحياتي يا جميل ..
ما شاء الله عندك مغامرات وخبرة في التجارة
خليك في الزراعة .. خاصة القمح .. مربحة جداً .. ما تحتاج أي فلسفة
في الشمالية عندنا مضمون 100% ربح .. بسبب فصل الشتاء والأرض مستوية
والمياه الجوفية قريبة ..
يقال عندنا الكنزي حسينون جاء في البلد في مجاعة سنة ستة أيام المهدية
وكان لديه قدرة مالية ما شاء الله اشترى سواقي بالجملة .. وكان لديه أسطول مراكب
شراعية .. يبدو لي أن الموضوع وراثة أحفاده كذلك ..
تحياتي الكنزي .. خليك مع الزراعة ..
| |
|
|
|
|
|
|
|
|
|
Re: الاحباب في أمريكا .. عندي هدية بالجنيه سود� (Re: علي عبدالوهاب عثمان)
|
تأكد يا عمنا و أستاذنا علي عبد الوهاب أن المال ده نصاب وحرامي ، زي ناس نظام اللصوص والحرامية، وهو فقط عاوز يعرف ال email بتاعك ، وبعد داك هو عنده التكنلوجيا الكافية عشان يعرف كلمة المرور لفتح البريد الاكتروني ويعرف كل حساباتك في البنوك وأرقام كروت البنك والارقام السرية ،، وبعد يومين فقط ما حتلقى في حسابك ولا سنت واحد....
| |
|
|
|
|
|
|
|
|
|
Re: الاحباب في أمريكا .. عندي هدية بالجنيه سود� (Re: علي عبدالوهاب عثمان)
|
علي أمبس ياخي أنت مكانتك رفيعة ..
أها خاطبوك الامركان يمكن عشان أشتغلت معاهم خاتنك في بالهم كان بالكضب كان بالصاح ..
لكين تعال شوف المراسل أخوك ..
| Quote: انا وداد بابكر زوجة الرئيس المعزول عمر البشير لدي مبالغ مالي قدره عشرة ملايين دولار اعطاها لي زومجي وابحث عن من يستثمرها معي وقد دلنى اشخاص يثقون بك واعطوني ايميلك أرجو أن تكاتبني على هذا الايميل |
| |
|
|
|
|
|
|
|
|
|
Re: الاحباب في أمريكا .. عندي هدية بالجنيه سود� (Re: Deng)
|
ول أبا الحبيب علي،
سلام ..أعمل highlight للأيميل و أنقر في dropdown في الأيميل جوار كلمة Junk .. في صفحة الأيميل .. أختيار phishing ثم أرسله .. حيتم حظر هذا الأيميل علي نطاق العالم ..
وهذا أجر وثواب لك ..
أي واحد يلقي إيميل ما عارف طبيعته شنو لا تفتحه أبداً .. أبداً.. وأنقر علي junk ..
تذكروا نظافة البيئة .. هذه بيئة أيضاً فيها كثير من التراش .. وبأخذ باندوتس ويسرقوا حق الناس .. أبقوا جزء من المكافحة وينوبكم ثواب بإذن الله.
بريمة
| |
|
|
|
|
|
|
|
|
Re: الاحباب في أمريكا .. عندي هدية بالجنيه سود� (Re: Biraima M Adam)
|
سلام ..أعمل highlight للأيميل و أنقر في dropdown في الأيميل جوار كلمة Junk ..
في صفحة الأيميل .. أختيار phishing ثم أرسله .. حيتم حظر هذا الأيميل علي نطاق العالم ..
===================
الحبيب بريمة .. يا سلام ياجميل .. إنت مبدع
عندما تكتب عن التراث عن أهلنا البقارة أتخيلك على ظهر بقرة ولم تفارق تلك الحاضنة
تكتب عن التكنولوجيا .. بعمق ومعرفة وعلم ( بيل غيتس ) ما شاء الله أينما حللت متوفق
طبعاً سوف أقوم بالتجربة حسب ما ورد في مداخلتك .. ولكن صعب جداً بالنسبة لي
شكراً أديبنا بريمة ..
| |
|
|
|
|
|
|
|
|
|
Re: الاحباب في أمريكا .. عندي هدية بالجنيه سود� (Re: محمد على طه الملك)
|
ها خاطبوك الامركان يمكن عشان أشتغلت معاهم خاتنك في بالهم كان بالكضب كان بالصاح ..
لكين تعال شوف المراسل أخوك ..
Quote: انا وداد بابكر زوجة الرئيس المعزول عمر البشير لدي مبالغ مالي قدره عشرة ملايين دولار اعطاها
لي زوجي وابحث عن من يستثمرها معي وقد دلنى اشخاص يثقون بك واعطوني ايميلك أرجو أن تكاتبني على هذا الايميل
=================================
الملك أمبس .. تحياتي ..
أيام جميلة في القاعدة العسكرية تتخيل يا ملك كان ممنوع دخول أي جنسية عربية غير السودانيين
يخرب بيتك يالبشير ضيعت سمعتنا ..
هم ناس حلوين جداً في زمالة الشغل .. الظاهر صاحب الايميل ( عربي ) أشعر أنه من الشوام
لأن اللغة والطريقة تشعر أنه نصاب بالوراثة
============
عشرة مليون دولار .. عرفنا الامريكان محترفين تكنولوجيا .. نحن الحرامية عندنا أميين
تحياتي الملك أمبس .. كنا منتظرنك في الحكومة .. تعال الانتخابات بإذن الله أكيد نصوت ليك
| |
|
|
|
|
|
|
|
|
|
Re: الاحباب في أمريكا .. عندي هدية بالجنيه سود� (Re: الطيب عباس)
|
حبيبنا ابو علوه ليك وحشه ..
البلوك واجب كما قال بريمة .. دا حرامي ودقوسة كمان
======================
يا سلام على الاخوة حبيبنا الطيب .. إن شاء الله ما تشوف وحشة يا جميل
أنا طبعاً ( زيرو ) تكنولوجي .. منتظر زميلي في المكتب لتطبيق كلام بريمة
لكن بصراحة يا حبيبنا الطيب .. بغض النظر .. الايميل خلاني في عالم آخر عالم (لو)
الخواجة النصاب ما قصر .. أحلام البقظة فيها صحة ولو مؤقتة
تحياتي الطيب
| |
|
|
|
|
|
|
|
|
|
Re: الاحباب في أمريكا .. عندي هدية بالجنيه سود� (Re: قلقو)
|
يا على عبدالوهاب سيب الأنانية . أين زملاء البورد ورفاقه ؟ ( ديل أنحنا) .
=====================
قلقو الحبيب .. كيفك أننقا..
ناس البورد معظمهم مرطبين ( أمريكا و أوروبا والخليج )
قول أهلنا في البلد والحاج اليوسف والدروشاب والعودة الطوعية إلى البلد
لازم كمان تأسيس منظومة ( دعم سريع نوبي ) بقيادة ( أوشي)
تحياتي الحبيب قلقو ..
| |
|
|
|
|
|
|
|
|
|
Re: الاحباب في أمريكا .. عندي هدية بالجنيه سود� (Re: علي عبدالوهاب عثمان)
|
هي دي أمريكا .. ( مش الحرامي هيري لويك
شكراً ماما أمريكا
وصلت ميناء بورتسودان
=============
وصلت إلى ميناء بورتسودان شحنة مساعدات أمريكية جديدة مقدمة من الوكالة الأمريكية للتنمية الدولية عبر برنامج الأغذية العالمي التابع للأمم المتحدة.
وبحسب بيان عن البرنامج تلقته “سودان تربيون”، فإن المساهمة الأميركية تهدف إلى دعم 2.2 مليون شخص في كل أنحاء السودان.
وتبلغ القيمة الإجمالية لمساهمات الولايات المتحدة 102 مليون دولار، وستدعم الاحتياجات الغذائية المتزايدة للنازحين داخلياً واللاجئين والمجتمعات الضعيفة من خلال مجموعة متنوعة من المشروعات التي ينفذها برنامج الأغذية العالمي.
وأضاف البيان: “هذه أكبر مساهمة يتلقاها البرنامج في السودان من جهة مانحة واحدة خلال السنوات الأخيرة. وهذه هي أول شحنة من ثلاث شحنات متتالية قادمة من الولايات المتحدة إلى ميناء بورتسودان، وتحتوي على الحبوب وزيت الطعام والبقوليات”.
وقالت مديرة مكتب الوكالة الأمريكية للتنمية الدولية في السودان هيلين باتاكي: “إن الوكالة تقف دوماً بجانب الشعب السوداني وقت الحاجة”، وأضافت: “نأمل أن يساهم هذا الدعم في التخفيف من معاناة السودانيون حتى يواصلوا رحلتهم نحو الديمقراطية والازدهار”.
===================
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
علي عبدالوهاب عثمان
Ali Alkanzi
محمد على طه الملك
Deng
Biraima M Adam
الطيب عباس
قلقو
فيس بوك
تويتر
انستقرام
يوتيوب
بنتيريست