|
Re: الإنتخابات الكندية من وجهة نظر دكان ودال� (Re: النصرى أمين)
|
قضية اخرى تشغل حيز صغير من العملية الانتخابية. طبعا كندا بلد واسع جدا ، فى مناطق rural عدد سكان البلدة بضع عشرات او مئات. اها ..عملية توفير الامن لهذه المجتمعات الصغيرة مشكله كبيرة.
اها
قالو .فى واحد تلب لبيت من هذه البيوت الزراعية ووحاول يسرق ، صاحب البيت صحى بالحركة. الحرامى دق البيرق و جرى هربا من القبض عليه او تعرضه لرصاص صاحب المزرعة.
وهو جارى بعيد من البيت ؛ صاحب المزرعة ضربه رصاص و اصابه اصابة بليغة (لاحظ انه الحرامى كان جارى ولا يشكل خطر على صاحب المزرعة) المهم ..الحرامى قبضوا عليه و اخد عقوبته كامله ...
المشكلة بدات عندما رفع الحرامى قضية تعويض ضد صاحب المزرعة بدعوى انه ضرب رصاص ليس دفاعا عن النفس بل انتقام من الحرامى. القضية فى المحاكم و اظن وصلت المحكمة العليا.
| |
|
|
|
|
|
|
Re: الإنتخابات الكندية من وجهة نظر دكان ودال� (Re: النصرى أمين)
|
سلام اخ النصري
Quote "لمهم انا ما شفت عيب فى الصور لكن تأثيرها كان كبير فى وسائل الاعلام."
والله انا نفس الشي ابدا ما شفته او حسيت انه صورة Justin Trudeau فيها حاجة, لكن كده ناقش ليك اي زول مولود و متربي في كندا , حيقنعك لما تحتار في روحك, غايته بتي زعلت خالص, و قدرت تخليني انا ذاتي ازعل..وش ضاحك.
رغم كل شي اتمني له الفوز.
سلام
| |
|
|
|
|
|
|
Re: الإنتخابات الكندية من وجهة نظر دكان ودال� (Re: سلمى عبد العزيز)
|
اهلا سلمى .. مرحب بيك من جديد فى البورد ...
دى الصورة التى يظهر فيها رئيس الوزراء الكندى فى حفلة تنكرية ( فى فانكوفر 2001)
https://ibb.co/FX6yKyg
غايتو انا ما شفت فيها اى حاجة serious , لحسن الحظ مواقف ترودو كلها كانت لصالح المهاجرين والاقليات والنساء و البيئة ..
نتمنى له الفوز رغم مواقفه الرمادية من قضية خطوط انابيب النفط المهمة جدا لاقتصاد البرتا.
طبعا ناس مقاطعة البرتا عنده كراهية عجيبة مع ترودو من زمن ابوه الذى يعتبر عدو لالبرتا و صناعة النفط والغاز
| |
|
|
|
|
|
|
Re: الإنتخابات الكندية من وجهة نظر دكان ودال� (Re: النصرى أمين)
|
الله يسلمك يا النصري و سلامي للاسرة الكريمة ايوة هي دي الصورة , لكن انا شفتها عفويه خالص , وهو فعلا يميل للاقليات واتمني فوزه .بالنسبة لموضوع غطاء الراس كرمزية دينية والقانون الصدر بمنعه في مقاطعة كيبيك , احب ان اوضح انه المنع خاص فقط بمكان العمل , و لشاغلي وظائف بعينها , لكن تحصل بعض الحالات الفردية الرافضة لغطاء الراس في الشارع العام كما حصل مع المرشح السيخي ..
| |
|
|
|
|
|
|
Re: الإنتخابات الكندية من وجهة نظر دكان ودال� (Re: النصرى أمين)
|
اهلا ابوبكر.. العلاقة بين كندا و أمريكا علاقة (شاذة) مافى زيها فى العالم كله.
لكن اخر شي ممكن تتصوره انه يكون فى عداء بينهم. نعم ، هناك خلافات تجارية طاحنة و شد و جذب فى قضية (التعريفة الجمركية) لكن فى النهاية الاثنين لا يستطيعوا الاستغناء عن بعض .
لمن جيت كندا كنت فاكر اللهجة بتختلف ؛ كنت فاكر الكنديين لهجتهم زى الإنجليز.
| |
|
|
|
|
|
|
Re: الإنتخابات الكندية من وجهة نظر دكان ودال� (Re: النصرى أمين)
|
حبيبنا النصري .. تحياتي .. الرئيس ترودو .. إنسان راقي جداً ونال اعجاب الناس في كل انحاء العالم .. في تعامله مع اللاجئين .. يستحق جائزة نوبل للانسانية
متواضع .. وكاريزما .. مخلوق كده رئيس ..
كلم الاخوان كلهم في كندا يصوتوا ليه ..
تحياتي النصري ..
| |
|
|
|
|
|
|
Re: الإنتخابات الكندية من وجهة نظر دكان ودال� (Re: علي عبدالوهاب عثمان)
|
اهلا يا على ... تعرف !!! اديك تشبيه دقيق جدا جدا لموضوع ترودو ده ...
ترودو يشبه الثورة السودانية و حمدوك . اقول ليك كيف .
الثورة السودانية و حمدوك فى نظر العالم حاجة كده اشبه بالكمال . العالم شايف ثورتنا دى مثالية و ناجحة جدا ؛ و يضربوا بيها المثل لكن نحن اصحاب الحارة السودانيين عارفين انها شبه اتسرقت ؛ وانها ناقصة و فاشلة فى ملفات كتيرة جدا . عارفين خازوق الدعم السريع و الدولة العميقة ..عارفين ماساة مجزرة القيادة و الفشل فى بداية التحقيق الشفاف... ثورتنا دى مافى ناس عارفين عيوبها غيرنا ؛ العالم الخارجى ما جايب خبر.
نفس الشيء بالنسبة لرئيس الوزراء الكندى جاستن ترودو، العالم شايف زول وسيم متواضع ؛ متعاطف مع الأقليات ، مع المسلمين ، مع المرأة، مع البيئة لكن نحن العايشين فى كندا عارفين انه زول خازوق ساى ؛ مثلا نحن فى مقاطعة البرتا النفطية، معظم الناس يكرهون ترودو لمواقفه المتخازلة امام قضية النفط و معاكساته المستمرة لبناء خط أنابيب يحمل انتاج الولاية (المحاصر حاليا) الى موانئ المحيط الهادى. عدم خبرته و تخبطاته و صرفه البذخى على الخدمات دخل البلد فى ديون . واخيرا تستر على شركة إنشاءات ضخمة فى كويبك تورطت فى رشاوى فظيعة ، تستر عليها ترودو و فصل المدعى العام لمن رفع صوته.
ترودو خازوق يا على لكن العالم الخارجى ما جايب خبر. لكن برضه احسن من المحافظين.
| |
|
|
|
|
|
|
Re: الإنتخابات الكندية من وجهة نظر دكان ودال� (Re: النصرى أمين)
|
حبيبنا النصري .. تحياتي .. طبعاً المواطنين لديهم نظرة أخرى .. ( البيئة ، العطالة ، الضرائب ،الصحة ... إلخ ) النظرة من الخارج تختلف وخاصة في عهد ( ترامب ) الذي حطم كل القيم الغربية الخطر في اليمين الذي انتشر في كل بقاع الغرب مع التحية الحبيب ..
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|