|
Re: اقتراح لتعديل قانون التسلل في كرة القدم (Re: صبري طه)
|
Quote: التعديل: يعتبر اللاعب متسللاً إذا كان أقرب إلى خط مرمى الخصم من الكرة (عند ضربها من زميله) وبكامل جسده من اللاعب قبل الأخير من الفريق المنافس
يعني إذا تقاطع مع اللاعب قبل الأخير من الفريق المنافس بأي جزء من جسمه لا يعتبر متسللاً
|
من بؤك لباب خبراء الاتحاد الدولى لكرة القدم يا صبرى يا حبيب والامنيات النواضر لهلال الملايين بانجاز نسكّت بيه الخشّامة يا رب .
| |
|
|
|
|
|
|
Re: اقتراح لتعديل قانون التسلل في كرة القدم (Re: علاء سيداحمد)
|
Quote: من بؤك لباب خبراء الاتحاد الدولى لكرة القدم يا صبرى يا حبيب
|
تسلم يا حبيب ...
Quote: والامنيات النواضر لهلال الملايين بانجاز نسكّت بيه الخشّامة يا رب .
|
رغم الانتصار على النجم لكن المستوى بصراحة تعبان .. أهو غايتو إلاّ نتمها موية وكجور :)
| |
|
|
|
|
|
|
Re: اقتراح لتعديل قانون التسلل في كرة القدم (Re: محمد عبد الماجد الصايم)
|
Quote: الإنجليز مسخوها يا صبري ..
|
مساخة شديدة ياخ ...
Quote: ياخ قبل كم يوم مورينيو قال الناس ديل ما فاضل ليهم إلا يحسبو التسلل بضفر الأصبع
|
ما فاضل ليهم إلاّ يجيبوا ميزان موية عديل كدا :)
فما ممكن ياخ الفريق يجتهد ويجيب قون بعد تعب .. يلغوهوا ليهو عشان اللاعب متقدّم بي بوز الجزمة !!
| |
|
|
|
|
|
|
Re: اقتراح لتعديل قانون التسلل في كرة القدم (Re: صبري طه)
|
سلام اخ علاء سيد احمد عارف انا مريخابي على السكين وكنتُ قريبا من أن اكون من لاعبي المريخ فقد صعدت من الاشبال في السبعينات ولكن أثرت الدراسة على كرة القدم هذه المقدمة لاقول لك أنني افرح لانتصار الهلال خارج السودان لانه باسم الوطن واحزن لهزيمته وبشتري جرائد الهلال والمريخ بالمناسبة في شبابي دخلت كرة الهلال والمحلة المصري الشهيرة مشجعا للهلال والتي انتهت بنفس نتيجة الذهاب ٤ ل ١ في المنافسة الافريقية وفازت المحلة بضربات الترجيح وكانت ملحمة لا تنسى خاصة للدحيش فقد ابدع فيها واظنه احرز الهدف الخامس ونقضه الحكم هذه المداخلة لقولك: والامنيات النواضر لهلال الملايين بانجاز نسكّت بيه الخشّامة يا رب . عارف انا مشترك في قروب مريخابية في الواتساب واحد رسل تهنئة بعامم 2020 ,وجاب الصفر باللون الازرق وشعار الهلال فالمريخاب زعلو شديد منو قام قال ليهم داير اذكركم بصفر الهلال الكبير عشان كدا من كل قلبي اسال الله تعالى ان يتوج الهلال ببطولة هذا العام
| |
|
|
|
|
|
|
Re: اقتراح لتعديل قانون التسلل في كرة القدم (Re: عمر نملة)
|
صبري كيف حالك و سلامة الرجعة طبعا صعب اقول ليك مع او ضد ، لكن الاقتراح طبعا في مصلحة المهاجمين بشكل خاص والكرة الهجومية بشكل عام ، في نفس الوقت بجهجه المدافعين وبخليهم ياخدوا احتياطات زيادة في مسألة نصب مصيدة التسلل لانو في مدافعين حرفاء جدا في الحتة دي الواحد تلقاهو شغال مع المهاجم بي طرف عينو وخاتيهو في التسلل بي بوصات وجاء الفار خدمهم اكتر بقو مطمئنين تماما والفار ذاتو جابوهو اصلا عشان يخدم القانون الحالي. فلو اخدوا بالاقتراح ده يمكن الفار ذاتو اهميتو تقل او يسحبوهو كلو كلو لانو مرات ببوظ ايقاع المباراة وبكتل فرح الاحتفال بالاهداف.
| |
|
|
|
|
|
|
Re: اقتراح لتعديل قانون التسلل في كرة القدم (Re: Khalid Basheer)
|
Quote: عادي عشان تفك باص ممكن تعلقهم من السبعينات لي حسة 😂
|
هههههههههههههه الزمن داك انا كنت مريخابي، ما عارف شعوري حيكون كيف والكنزي معاهو الكورة في منتصف دائرة للسنتر وناس عادل امين وسامي بحنسو فيهو عشان يلعب باص ، والكنزي حالف ستين يمين الا يوروهو وجهة نظر محمود محمد طه في مصيدة التسلل وهل هي غش او حلال اتمنىا نو ياسر الشريف يكون هلالابي
| |
|
|
|
|
|
|
Re: اقتراح لتعديل قانون التسلل في كرة القدم (Re: Abdullah Idrees)
|
تمام يا عبدالله والله يسلمك ...
Quote: طبعا صعب اقول ليك مع او ضد ، لكن الاقتراح طبعا في مصلحة المهاجمين بشكل خاص والكرة الهجومية بشكل عام ، في نفس الوقت بجهجه المدافعين وبخليهم ياخدوا احتياطات زيادة في مسألة نصب مصيدة التسلل لانو في مدافعين حرفاء جدا في الحتة دي الواحد تلقاهو شغال مع المهاجم بي طرف عينو وخاتيهو في التسلل بي بوصات وجاء الفار خدمهم اكتر بقو مطمئنين تماما والفار ذاتو جابوهو اصلا عشان يخدم القانون الحالي. فلو اخدوا بالاقتراح ده يمكن الفار ذاتو اهميتو تقل او يسحبوهو كلو كلو لانو مرات ببوظ ايقاع المباراة وبكتل فرح الاحتفال بالاهداف. |
قبل الفار كان الشك في مصلحة المهاجم .. جاء الفار وقطع الشك باليقين ولكن اقتطع من زمن المباراة !!
وأتفق معك المدافعين حيتجهجهوا جهجهة شديد خلاص .. وحتنعكس الصورة بحرفنة المهاجمين في كسر التسلل ...
| |
|
|
|
|
|
|
Re: اقتراح لتعديل قانون التسلل في كرة القدم (Re: صبري طه)
|
Quote: سلام اخ علاء سيد احمد عارف انا مريخابي على السكين وكنتُ قريبا من أن اكون من لاعبي المريخ فقد صعدت من الاشبال في السبعينات ولكن أثرت الدراسة على كرة القدم هذه المقدمة لاقول لك أنني افرح لانتصار الهلال خارج السودان لانه باسم الوطن واحزن لهزيمته وبشتري جرائد الهلال والمريخ بالمناسبة في شبابي دخلت كرة الهلال والمحلة المصري الشهيرة مشجعا للهلال والتي انتهت بنفس نتيجة الذهاب ٤ ل ١ في المنافسة الافريقية وفازت المحلة بضربات الترجيح وكانت ملحمة لا تنسى خاصة للدحيش فقد ابدع فيها واظنه احرز الهدف الخامس ونقضه الحكم |
يا مراحب يا الكنزى
بالله عليك انتا لسه فاكر مباراة الهلال والمحلة !؟ ياخ دى واحدة من افضل مباريات الهلال على مر العصور ولكن الحظ عاند الهلال والدحيش شخصياُ كان فى برج نحسه فى المباراة وفعلا الدحيش كان احرز هدف خامس مع نهايةالمباراة ولم يحتسبه الحكم بحجة انتهاء الزمن وايضاٌ انزلق ووقع اثناء تنفيذ ضربة الجزاء بفعل الامطار الغزيرة . وطبعاُ الفترة ديك كانت فترة بروز المدافع الايسر عبدالله موسى والذى كان يسمى المدافع العصرى لانه اول مدافع فى افريقيا يهاجم ويعكس الكور للمهاجمين . ويازول احسن ليك انك اخترت و واصلت دراستك على الكورة . وربنا يتمم الامانى وتحقق ما تصبو اليه فى العام الجديد .
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|