|
Re: اغنية يامسافر بعيد . صديق عباس . سيد خليفة . (Re: Osman Musa)
|
الحبيب عثمان .. تحياتي .. ايام جميلة كانت أيام الغزو الكردفاني للوجدان السوداني بالقفاز الناعم والأنعم كمان بالغناء والطرب والصوت الجميل أفتكر كان في السبيعنيات .. صديق عباس ابراهيم موسى أبا عبدالله الكردفاني عبدالقادر سالم عبدالرحمن عبدالله أذكر اكتسحوا الساحة الفنية في السودان بطريقة رائعة جداً حتى في ضواحي الدنيا عرفنا معاني ( شقيق ، وقدريشنا ) واخت النمور في خشة ... الخ من تلك الحقبة وقر اسم كردفان في اللاشعور الذهني للسودانيين بأنهم أهل جمال وشعر وطرب وطبيعة === بعدهم كان أهلنا الشايقية جبارة كرم الله وداليمني صديق فأجزلوا العطاء بالنغم والشجن ============= ولفترة وجيزة أيضا كسلا التاج مكي
====== الفن أعلى قيمة من السياسة والحرب والسيف والرمح
تحياتي الحبيب عثمان .. ذكرتنا الايام الجميلة كانت مع انتشار مسجلات الكاسيت
| |
|
|
|
|
|
|
Re: اغنية يامسافر بعيد . صديق عباس . سيد خليفة . (Re: علي عبدالوهاب عثمان)
|
اخونا استاذ علي عبدالوهاب كنا ننفخ بي الخشم شريط الاستريو من التراب وفي نفس الوكت ننفخ التمره من السوسه . وكان الحال ملبن في ملبن . في منطقتنا ما عندنا رطانة لكن كان تسمع الاغنية حتي لو بي الرطانة ترسخ ليك في ذاكرتك من مره واحدة . اذكر تساب اغنية وردي بالرطانة ( اي كان جلك كمشكا ) ( كان قرييرك كجلا ) اذكر كيف كان حجم انتشار ديك الاغنية الفارهة . اخي علي عليك الله ارجع انسدح في السرير واسمع اغنية صديق دي تاني وتالت وبعد تسمع قيس الكلسترول . وشوف مفعول الاغنية دي . داااااااام
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|