|
|
|
 Re: اضرب معاى : فيديو ذو النون الأخير 7 الف شير (Re: النصرى أمين)
|
التجمع بكل قنواته (فيسبوك و تويتر) لا يستطيع جمع 700 الف مشاهدة فى ساعة واحدة.
الرقم الحقيقى فى نظرى أكبر من 700 الف بكثير .
اعتقد انه يصل لاربعة او خمسة مليون مشاهدة معظمهم من الشباب دون الخمس و عشرين.
نسبة المشاهدين من كتاب وقراء سودانيز أونلاين لا تتعدى العشرة فى المية واحتمال اقل بكثير .
| |
  
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: ABUHUSSEIN)
|
Re: اضرب معاى : فيديو ذو النون الأخير 7 الف شير (Preview) x
Author: النصرى أمين
أهلا ابو حسين..
عارف انه كان مؤتمر شعبى ، عارف انه كان مع جماعة الترابى.
المهم عندى الآن وفى هذه اللحظة ماذا يقدم للحراك .
هناك بضع ملايين من الشباب يتابعون هذا الرجل يوميا .
تقريبا هو الآن العدو الاول للإنقاذ (من ناحية التأثير الاسفيري)
رقم واحد على الإطلاق .
اذا عندك عدو للإنقاذ اكبر من منه أتمنى ان تحدثنى عنه .
أذكرك تانى ، انا أتحدث عن ملايين الشباب يتابعون الرجل.
هذه ظاهرة سودانية لم تحدث من قبل و تستحق الاهتمام .
| |
|
|
|
|
|
|
|
|
 Re: اضرب معاى : فيديو ذو النون الأخير 7 الف شير (Re: النصرى أمين)
|
Quote: النصري يا اخوي ما تقع بي تقلك كلو ....
بعدين القومة بتبقى ليك صعبة شديد .... 😂 |
لا إله إلا الله! والله إن لابي حسين تجليات!
بعدين يالنصري حكاية الشباب و عدد الأصوات و الكلكات دي فيها نظر و كثير من الشباب ديل ذاتهم هم من شكك في ذنون و حكاية تسجيله الأخير ألقى بظلال هو الأخر..
الشباب يسمع له لانه قدم نفسه كصوت ثورة و لكن بعد الثورة نفس هؤلاء الشباب سيألونه سؤالا عسيرا.. هنالك شكوك حول الرجل و ماضيه لا يساعد!
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Omer Abdalla Omer)
|
مقولتي هي
ما بدا لنا جميلا فهو جميل الي ان يثبت العكس
مساهمات ذو النون شايفا ايجابية جدا جدا،،بل وتزعج الكيزان المجرمين
الذين يتحدثون بمنطق انه شعبي فالشهيد الاستاذ احمد الخير كان شعبي ،،
بالمناسبة الكثير من الشعباويين تعرضوا لتعذيب بشع يشبه ما تعرض له الشهيد الاستاذ،،لكنهم سكتوا ولم يطلعوا الكلام ومنهم الناجي الموصوف عندهم بالدباب
ثورتنا تبحث عن الحقيقة
ثورتنا جميلة لا تستخدم الاتهامات من طرف
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: mekki)
|
سلامات النصري
لاشك ان الشاب ذو النون عنده قدرة علي الحشد
ومؤكد هذا دعم كبير للثورة
ولكن لايساوي شيئا مقابل من قدم روحه مهرا لهذه
الثورة، هذه الثورة نجومها الشهداء
وأيضا مهم ان ننتبه الا نصنع اصناما لهذه الثورة
الثورة اصلا قايمة عشان تكسر الأصنام نقوم
نعمل في اصنام.. كل واحد من الشباب له
دوره وكل مجموعة لها إسهام، منهم من
هو معتقل ومنهم من يخرج للشارع كل يوم
ومنهم من يخرج لايف كل يوم
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: عبدالعظيم عثمان)
|
مشكلة ذنون الكبيرة ،إنه تربى في كنف الحركة الإسلامية، الإسلاميون عموما فى السياسة يعبدون الأصنام و يتبعون الزعامات كالقطيع، المشكلة الأخرى عند ذنون،وهى مرتبطة بالاولى هى تضخيم الذات واستسهال الامور السياسية الشائكة فى الساحة السودانية ،واتباع طريقة ،،انا لى يومين ينجز ليكم الدستور، ذنون فكريا رصيده صفر باعتبار التنشئة فى صفوف الاسلام السياسي ،اى هو ثورى و اسهامو مقدر ،بس سياسيا و فكريا، متواضع جدا ولا يرقة أن يكون زعيم حزب سياسي ولا حتى زعيم منظمة ...
عرفت الكلام دا من قال انا بعمل دستور فى أسبوعين وانا عايز الفترة الانتقالية سنة ..
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Al-Noor Abdullah)
|
النصريأمين.
أنا ما عارف ليه أنت مصر إصرار غريب أن تلمع لنا هذا الكوز الغاضب؟
أمثال ذو النون هم أكبر ضررا على الثورة.
بالمناسبة.
يجب أن نتزكر جيدا أن فساد الاخوان المسلمين في السودان لم يبدأ بعد إستيلائهم على السلطة في عام 1989م. لقد عرفنا فساد الاخوان منذ أيام بنك فيصل الاسلامي وكيف كان يتاجرون بالسلع التموينية وخلق أزمات غذلئية وهمية عن طريق تخزين بعضها، وقصر علي الحاج العشوائي، وبدر الدين طه الذي سرق الكهرباء من المسجد وقام بتوصيلها الى منزله مجانا.
| |
|
|
|
|
|
|
|
|
 Re: اضرب معاى : فيديو ذو النون الأخير 7 الف شير (Re: Deng)
|
سلام عليكم
| Quote: يجب أن نتزكر جيدا أن فساد الاخوان المسلمين في السودان لم يبدأ بعد إستيلائهم على السلطة في عام 1989م. لقد عرفنا فساد الاخوان منذ أيام بنك فيصل الاسلامي وكيف كان يتاجرون بالسلع التموينية وخلق أزمات غذلئية وهمية عن طريق تخزين بعضها، وقصر علي الحاج العشوائي، وبدر الدين طه الذي سرق الكهرباء من المسجد وقام بتوصيلها الى منزله مجانا. |
اذكر فى الثمانينيات فى حينا واحد كوز من اقرباء شخصيه قياديه (من كردفان) تقدم لكوزهوالح الطلب يدها وهى ترفضو رفض قاطع ولما سالها بعض المقربون منها ليه ترفضى الزول دا وهو ناجح فى التجاره وزول كويس (حسب مقاييسهم طبعا) قالت انها ترفض لانو (تاجر سلاح) الامر غير المعروف لجميع ناس الحى كيزان او غيرهم.
.
.
بالنسبه ل ذوالنون اين هو على الارض بعيدا عن اللايفات؟؟؟؟
احد كتاب الكيزان كتب فى مقال احسب انو لتلميع (شخصيه ما) عن وجود يستهدف اغتيال الشاب بواسطه محركى الثوره لاستغلالو فى زياده زخم الحراك بتجريم النظام وان الاجهزه المعنيه استدعته وكشفت له المخطط (المزعوم) ................... من هو ؟ واين موقعه من الاحداث ؟؟؟؟ ومن اين يستمد بريقه خلال هذا الحراك ؟ هل هو نوع من الشخصيات ذات البريق المزورعه لضرب الثوره بعد نجاحها ؟؟؟ ويكفى من خذلوا الجماهير بعد وقوفهم وخطبهم الناريه بين الثوار خلال انتفاضه 2013 وسقطوا فى الطريق.
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: ABUHUSSEIN)
|
You can't judge people because of their past especially if they apologise and admit their mistake and willing to change give him a second chance even God give people chance who you are to deny Zanon second chance.
Please you personally tell what you have done for the revolution that better than what Zanon is doing right now give me one example or please shut up and do some.
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Al-Noor Abdullah)
|
شكرا يا شباب على المرور و التعليق.
هذا البوست الثانى الذى أكتبه عن ذو النون ،
حقيقة ؛ وجدت نفسى مضطرا لفعل ذلك لانى امام ظاهرة لم تحدث من قبل .
درجة التفاعل التى يجدها ذو النون فى الفيسبوك لم يحظى بها سودانى قبله .
نحن أمام ظاهرة تستحق الدراسة .
السبعة الف share و الألفين و شوية تعليق ارقام كبيرة جدا بحسابات الفيسبوك.
الشى العجيب انى كنت فى ضيق من الوقت ونويت أشاهد جزء من الفيديو اللايف
و بدون ان أشعر وجدت نفسى أشاهد كله .
من ملاحظاتي عن الرجل انه يتحدث و يتناول المواضيع من وحى اللحظة وهى ميزة تعرض صاحبها للخطأ مهما اتخذ من حذر ؛ لكن من الظلم تصيد هذه الاخطاء و تجاهل الإيجابيات.
الرجل حتما controversial. لكن هذه ليست القضية . المهم عندى هو درجة التأثير.
اذا انا نجحت يوما فى حصد 7 الف شير فى الفيسبوك ذلك يعنى انى شخص مؤثر ، سلبا او إيجابا.
التكوينات السياسية مجتمعة لا تستطيع ان تاتى بسبعة الف شير .
حتى حسين خوجلى و تعليقاته المستفذة لا تجد نفس التفاعل فى الفيسبوك لان مكانها الواتساب وهو beast من نوع مختلف . ذو النون لا اجد له وجود فى الواتساب و ضعيف جدا فى تويتر لكنه ملك الفيسبوك دون منازع .
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: النصرى أمين)
|
للتاريخ.
حتى اليوم، لم يتقدم أي كوز غاضب أو "تائب" وأعترف بالجرائم التي أرتكبها هو شخصيا ضد الشعب السوداني.
ذو النون حتي اللحظة لم يقر بذلك لأنه كوز.
المحاسبة هي دائما بتتم على تاريخ وسجل الشخص، ونحن نعيش في هذا العالم ورغم كل الثروة والسلطة ولكن في النهاية الناس سوف يحكمون علينا بأفعالنا وبتاريخنا و السجل الذي نحمله.
"The decision we made it will dictate the life we live"
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: اخلاص عبدالرحمن المشرف)
|
انا ما ضد انو أيا كان يشارك في الثورة دا حق يستحقه الجميع دون أي إستثناء ...
لكن ضد ان يوكل له دور مؤثر او منصب او ان يقود مجموعة لوحده .....
الزول عند نجاح الثورة سيكون من الناس اللي حا يتحاسبو ...
يعني حا يقيف خصم ضد الثوار لأنو كان جزء من النظام في فترة الظلم و الفساد ....
و إذا كنا حا نتعامل مع كل شخص قال تسقط بس على انه إنسان صالح يبقى ممكن نقبل البشير زاتو لو نطقها ...
و تبقى القصة تسقط بس تهدم ما قبلها .... !!!!!!!!!!
هروبه في اول ايام الثورة الى ماليزيا ترك علامات إستفهام كثيرة و ماليزيا خزنة اموال الكيزان
و مكان اكبر إستثماراتهم .... !!!!!
و يقال انه الراعي الرسمي لإستثمارات الجاز في ماليزيا ... !!!!!!!
و ماضيه يقول انه (كادر خطابي) و (كادر عنف) كان يستفيد منه الكيزان في انتخابات جامعة الخرطوم
و هو طالب في جامعة وادي النيل
يعني مهنتة الكلام و الإقناع بالتي هي احسن و بالعنف إن لم تتم بالتي هي أحسن ....
30 سنة جربنا الكيزان و عرفنا وسخهم كلو و مكرهم و كذبهم و ضلالهم و حبهم للسلطة بأي ثمن و التمكين و التمثيل .......
الزول دا لو بكره انكشف كذبه و دجله حا يكون تأثيره مدمر للثورة فأحذرو ان تساعدو في اعمال تضر بالثورة
الزول دا لسه ليه مصالح مع الكيزان
و صدقوني لو الكيزان شايفين انهم متضررين منه او مسبب ليهم اي إزعاج ممكن يدمروه في لحظة ...
و زي ما بقولو اهلنا ابو القدح بعرف من وين يعضي اخوه
ليه الكيزان ساكتين عليه لغاية الآن ... !!!!!!!!!!!!
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: ABUHUSSEIN)
|
شنو يا ابو حسين كلامك كلو يقال و ويظن و كمان جابت ليها دليبة قدر دي, كيف عوض الجاز قيادي المؤتمر الوطني واحد اقطاب المفاصلة ضد كبيرهم الترابي يوكل امر أمواله لكادر مؤتمر شعبي سابق! ولم يحدث ان انضم للوطني حتى عندما ترك الشعبي اختط لنفسه طريق مختلف
وسؤال الكيزان ليه ساكتين عليه يجاوب عليه حديثك الاول عن هروبه لماليزيا
يا اخوان هل خلاص انتصرت الثورة و انتهينا من النظام السرطاني دا عشان الكلام و اللغة كلها تبقى اقصاء ومحاسبة و محاكمات تاريخية!
لسة الثورة لم تعبر عنق الزجاجة و للأمانة لازالت خديج تحتاج رعاية ودغم اي صوت واي كلمة واي يد
الامن و النظام يراهن على الزمن وحلحلة بعض المشاكل المعيشية ودعم دول الجوار و المحاور وما خبر الجيش المصري ينشأ مخابز في الخرطوم الا احد مطاهر هذا الرهان و تسويق الثورة على انها احتجاجات مطلبية تنتهي بزوال الازمة!!
فا في هذه اللحظات الحرجة من عمر الثورة اي صوت يساهم في دعمها و نشر العوي مرحبا به ولو كان صوت الترابي نفسه كع ما في هذه المقاربة من مبالغة!!
فا شنو دعوا عنكم هذا التنطع و الاستاذية و تصحيح اوراق الآخرين خاصة وان اغلبكم إن لم يكن كلكم لا تعدوا مساهمتكم الشير و اللايك و ربما الديسلايك!
دعوا من يعمل ليعمل و يساهم بايجابية و توعية شخص واحد وكسبه لجانب الثورة اهم و اجدى بكثير, وهذا ما فعله الآن و يفعله ذو النون و صحبه
ودونكم فيديوهاته ولا يفاته متاحة اليطلع احدكم كلمة فيها تدعو للحوار او يمارس تشكيك او تخذيل او اي ما يضر الثورة ومسارها!
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: اخلاص عبدالرحمن المشرف)
|
ذو النون حوله خلاف كبير
إنتمائه للحركة الإسلامية لا يجعل منه
قائدا للثورة علي دولة الحركة الإسلامية
لكن الكلام دا كله ما وقته ، الحساب قدام
خلونا نسقط النظام، وحتي يسقط مافي طريقة
لصناعة اي صنم الآن
موضوع ذو النون الناس تشوفه بعد الثورة
هسي لاصوت يعلو فوق صوت الثورة وإسقاط النظام
موكب 6ابريل موكب مفصلي في تاريخ الثورة
باقي 8أيام
تسقط بس
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: ABUHUSSEIN)
|
ح تتعبني يا فقر, عاد ما جديد على الشغلانة :)
المهم..
ذو النون في الايام الاولى كان في قلب المظاهرات, نفس المظاهرات التي استهدف فيها كادر المؤتمر الشعبي الشواني برصاصات اطلقن بتحديد و استهداف
وطلع اكتر من لايف من قلب الخرطوم و من التسجيل المسرب له يتضح انه لك يطن فقط مشارك في التظاهرات بل من المنظمين لها
خروجه من السودان حسب ما رواه كان تقدير موقف منه بعد ان صلت له ما يفيد باستهدافه شخصيا وخرج عن طريق اثيوبيا بالبر
هااا....اي سؤال!
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: ABUHUSSEIN)
|
...| Quote: التجمع بكل قنواته (فيسبوك و تويتر) لا يستطيع جمع 700 الف مشاهدة فى ساعة واحدة. |
التجمع يستطيع - أن عشرات الالاف - فيل في لحظة واحدة - في عشرات المدن والقري في السودان - بشر من لحم ودم وعرق وإصرار وسط الغبار والبمبان مدي أكثر من3 أشهر - - فهل يستطيغ ذو النون
أي قيادي فرد - أن يحشد - علي أرض الواقع - الف شخص حقيقي في تلاتة مواقع
بالسودان في وقت واحد !
- قيادة التجمع - غيرية - تتسم بنكران الذات والتجرد - ولم تسعي لزعامة وأمجاد قيادةوهي وسط جماهيرها -- إي شخص يفكر أو يتوهم زعامة وقيادة ثورة بالريموت كنترول
أو حتي يسعي لذلك - شخص لايصلح للقيادة أوله أجندة ذاتية !
المحك - والمخاضة - هو الواقع الفعلي - الشارع والغبار - والتفاعل علي الأرض - مش لايك وشير !
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: ABUHUSSEIN)
|
Quote: تقريبا هو الآن العدو الاول للإنقاذ (من ناحية التأثير الاسفيري)
رقم واحد على الإطلاق .
اذا عندك عدو للإنقاذ اكبر من منه أتمنى ان تحدثنى عنه . |
العدو الاول للإنقاذ هم المتظاهرين يا النصري اخوي .....
بدليل الضرب و القتل البتعرضو ليه ....
اهو انت الآن ركزت على ذو النون و على حساب من لم يهابو الموت من اجل وطنهم و اهلهم ...
يا جماعة ما تساعدو على صنع اصنام مشكوك في نواياها .....
الخوف كل الخوف نكون نحن بنساهم في تدمير ما بناه الثوار على الأرض .... !!!!!
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: ABUHUSSEIN)
|
Quote:
اذا انا نجحت يوما فى حصد 7 الف شير فى الفيسبوك ذلك يعنى انى شخص مؤثر ، سلبا او إيجابا. |
أوافقك الرأى أخى العزيز النصرى.
ما يهم فى الوقت الحالى هو دعم مسيرة الثوره وأتابع معظم اللايفات
للشباب الداعمين لإلهاب جذوة حماس الثوار على الأرض داخل السودان
وخارجه وذو النون لفت نظرى وصرت من المتابعين لتسجيلاته ولم ألمس فيها
ما يعيب مما جعلنى من أكثر المعجبين بحماسته وثوريته ولا يهمنى ما كان عليه
من توجه سياسى فى السابق ما دام حالياً يقف معى جنباً إلى جنب فى خندق الثوره
رغم ظروفه الصحيه .
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: ABUHUSSEIN)
|
الكوز ياهو النصري دا🤥
بوستاتو كلها موجهة بعناية ودقة لضرب الثورة
من خلال الترويج تنصيب قيادات يسهل ضربها وتشكيك الناس في ما ستؤول إليه الثورة
وإذكاء روح التنافس السالبة بدلاً عن روح التعاون ونكران الذات السائدة الآن في محيط الثورة
وشغل الناس بنقاشات غير مفيدة لا تخدم غرض الثورة.
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Hafiz Bashir)
|
شكرا يا شباب على المرور
ما عندى شئ اضيفه ، واضح فى إختلاف شديد حول ذو النون مما يعنى
فى اهتمام شديد حول شخصيته .
رد واحد لاخونا كمال عباس .
كل جهة لها دور معين ، التجمع لا يستطيع مخاطبة الناس فى لايفات ،
حتى عندما يكون فة مؤتمر صحفى يشارك فيه المتحدثين باسم التجمع غالب المهتمين
من العجائز و نادر تجد شاب عمره 15 سنة بقضى معظم يومه فى المظاهرات نادر جدا تجد هذا
الشاب يشارك او يهتم للمؤتمرات دى.
هناك شباب فى الشوارع ، خلايا سرية تعمل بكفاءة لتنسيق بداية كل موكب .
التجمع لا يستطيع فعل ذلك بسبب الظروف الامنية غير الاعتيادية التى تمر عليه
التجمع نجح فى استقطاب الشباب لكن فة نفس الوقت يحتاج لقادة فى الميادين.
هؤلاء القادة هم جمهور ذز النون.
يعنى فى الاخر الجميع يعمل مع بعض وده شي يسبب قلق شديد للإنقاذ.
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Hafiz Bashir)
|
الكوز عقلية قبل ان يكون فرد
ثورة شارك فيها الشباب ميدانيا
والكبار بالدعم في الداخل والخارج
وحتي الاطفال
بل شاركت الحجارة والمسامير والحفر والتضاريس الصعبة
واسطح المنازل
شارك فيها السلوك الردئ للكجر وقيادة الانقاذ بالتصريحات الهوجاء
شارك فيها ارتفاع الاسعار وحياد الدول وتامر دول اخري
شارك فيها الشجاع والبنبان الذي يصيب الجبان فيحسب شهيد وهو تحت سريره
شارك فيها العاقل والبليد
شاركت الصدفة والضرورة وكل شئ يشارك وغصبا عنه
حتي النظام -المطلوب اسقاطه - يشارك في سقوطه بنسبة عالية
ــــــــ
كل ذلك يصنع افراد امثال ذو النون ولكن ذو النون لايصنع الواقع
هؤلاء ينتظرون الجسارة ليحكوا عنها فقط
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Hafiz Bashir)
|
اعتدت اصلى فى اقرب مسجد لاشبهه فى ادارته من الكيزان وقبل ذهابى انتبهت انو مسجد حينا لم يرفع فيه الاذان ولا ادرى ان اقيمت فيه صلاه الجمعه بدون مايكروفون ام لا
هل هوخوف من مخاطبه وداخل المسجد وخروج موكب منه ؟؟؟ مع العلم انو الحى فيهو نسبه من الكيزان والامنجيه منهم خاصه.
.
خوف النظام من مخاطبات عبر منابر المساجد ودا اللايف الحتاجين ليهو على الارض وسط الجماهير ليقودهم .
لكن مشكلنافى السودان نهوى تمجيد الشخصيات وان لم نجد نصنعهم لنمجدهم .
كنت اتمنى ان يفتح بوست لتمجيد واعلاء دور حزب المؤتمر السودانى الاعلامى فى كصوت من اصوات الثوره عبر الاسافير.
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Asim Ali)
|
ذو النون لمن جاءت الانقاذ كان عمره ٩ سنوات ولم جاءت المفاصله كان عمره ١٢ سنه يعنى بالتاكيد
حتى ذلك الوقت لم ينتمى لاى نشاط .الان اذا نشاطه بيساهم فى اقتلاع سلطه متجزره لمده ٣٠ عاما
وبهذه الكثافه حقو نخلى الحساب لوقته وتقديمه لمحاكمه اذا كانت هنالك تهمه فى وقتها .
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: عمر دهب)
|
Quote: ذو النون لمن جاءت الانقاذ كان عمره ٩ سنوات ولم جاءت المفاصله كان عمره ١٢ سنه يعنى بالتاكيد
حتى ذلك الوقت لم ينتمى لاى نشاط .الان اذا نشاطه بيساهم فى اقتلاع سلطه متجزره لمده ٣٠ عاما
وبهذه الكثافه حقو نخلى الحساب لوقته وتقديمه لمحاكمه اذا كانت هنالك تهمه فى وقتها |
الخوف يا عمر اخوي يكون بيأسس لي عهد جديد للكيزان ... !!!!!!!!!
و دا ما حساب ليه دي حسابات بنضعها في تقييمنا للناس الذين يفكرون في قيادة الثورة و هو لم يخفي رغبته في ذلك لي درجة انو قال لي جماعته شكروني ليهم .... !!!!!!
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: كمال عباس)
|
قبل أكثر من 10 سنين كتبت بوست جاء فيه
ان العواطف emotions فى المنبر غير حقيقية لأنه عالم سودانيزاونلابن عالم افتراضى يعنى كل شء هنا افتراضى ..يعنى عادى تكون بتكره زول فى المنبر و عمرك ما شفته ولا قابلته .
معظم التعليقات فى البوست ده عاطفية .
انا أتحدث بلغة الأرقام.
اقول ذو النون لديه اكثر من 200 الف متابع فى الفيسبوك ..يقولوا هكذا كوز
نقول فيديوهات اللايف تحققأرقام قياسية ..يقولوا انت تحاول تلمع
نقول الفيديو الأخير ربما وصلت المشاهدة لبضع ملايين يقواوا انت تصنع صنم و ماعرفش ايش.
قلنا قبل كده ان منعم سلمان قوة ضاربة فى الفيسبوك ضد الجداد ، هاج و ماج emotional guys مع ان ادعاءاتنا قائمة على ارقام .
هذه أرقام و ليست عواطف.
و و رغم ذلك سودانيز أونلاين عالم جميل.
اصحى يا بريش
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: كمال عباس)
|
بعد الشهداء
خليك من ذو النون يا النصري
محمد ناجي الأصم خرج بعد التوقيع علي
إعلان الحرية والتغيير من جوة الخرطوم متحدثا بإسم
تجمع المهنيين وهو عارف ممكن يقضي باقي عمره في المعتقل
إذا لم تنجح الثورة.. تقولي ذو النون طلع في مظاهرة
في الشارع وباقي شغله عبر الوسائط.. كثير من الشباب
الناكر ذاته يعمل في صمت ولم يطلب اي زعامة اوقيادة
مش زي زولك دا (الكلام دا مؤجل لي بعدين)
الثورة خط وفاصل بين السودان القديم الذي
تصنع فيه الأصنام وبين سودان جديد تقدم فيه
التضحيات والدماء ونكران الذات في سبيل البناء
دا توضيح بسيط مع انه دا ما وقته لكن الشارع
والثوار لن يسمحو لولادة صنم جديد اي كان نضاله
لن يستطيع أن يصل الي مرتبة الشهداء
مافي مجال لصناعة اي صنم بالطرق القديمة ..
الشارع بس وتسقط بس
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: عبدالعظيم عثمان)
|
نقول ان الارقام تقول كذا و كذا ..يقولوا تصنع صنم .
بداية ...سودانيز أونلاين لا تصنع اصنام لسبب بسيط جدا
سودانيز أونلاين صالون صغير جدا لا يرتاده 5% من رواد التواصل الاجتماعي..
يعنى اكبر صنم يصنع هنا يشارك فى بناءه كل الكتاب والقراء لن يسمع به
غالبية الشعب السودانى.
انتم تجلسون فى صالون صغير ؛ ليس هناك تلميع و صناعة اصنام.
اصحى يا بريش من الوهم الذى تعيش فيه
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: النصرى أمين)
|
1- من اين لك بهذه النسب العشوائية 5% مثلا ولماذا تكتب في صالون صغير
2- لو فرضنا صحة الملايين التي شاهدت اللايف ، ماذا يعني ذلك بالنسبة للثورة
هل كل هولاء موجودين في الشارع او احتمال ان ينزلوا للشوارع ؟
3- هل كل هؤلاء معجبين بذو النون مثلا ؟ وهل الضغط علي زر اعجاب
يعني إعجاب بالفعل ، الايعني الرغبة في الرجوع للبوست احيانا
4- هل مشاهدة الملايين لفيديو تعني شيئا ذا مغزي بالنسبة للثورة واين هؤلاء في ارض الواقع
5- ماهو الهدف الحقيقي من تسويقك لهذا الشخص ؟
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: النصرى أمين)
|
Quote: معظم التعليقات فى البوست ده عاطفية .
انا أتحدث بلغة الأرقام. |
طيب يا النصري يا خوي
موش الزول قبل ما يتحدث بأي لغة ويخاطب بيها الناس يحاول يجوِّدها في الأول؟
حسلباتك دي غلط
Quote: فيديو اليوم 7 الف شير غى الفيسبوك.
اضرب 7 الف فى 100 (بحساب كل حساب به 100 صديق فقط )
الناتج 700 الف مشاهدة .
هناك مشاركات فى قروب أعضاءها نصف مليون
اضرب بس |
حساباتك دي ما وضعت أي إعتبار للأصدقاء المشتركين.
وديل مفروض تحسبهم مرة واحدة وتطرحهم عندما تنتقل من حساب لحساب.
وبالتالي تطرح في الأول حتين تجمع او تضرب.
يعني ممكن يكون اللايف دا دوَّر وسط السبعة الف ديل فقط او بزيادة قليلة.
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Hafiz Bashir)
|
كثره المتابعين والجماهيريه التى تتخطى شخصيات لها تاريخها على الارض وعلى الاسافير- زى البوشى - تعنى ان الشخص مدرب تدريب عالى فى مجال مخاطبه واداره الراى العام ومعرفه مفاتيح قيادتو.
فقط سؤال
.
Quote:
ذو النون لمن جاءت الانقاذ كان عمره ٩ سنوات ولم جاءت المفاصله كان عمره ١٢ سنه يعنى بالتاكيد
حتى ذلك الوقت لم ينتمى لاى نشاط .الان اذا نشاطه بيساهم فى اقتلاع سلطه متجزره لمده ٣٠ عاما
|
الحساب دا صاح ؟ (3 سنه بين الانقلاب والمفاصله ؟؟؟)
لوصح انو عمرو 9 سنه 89 يكون بلغ سن ارسد ايام المفاصله وقد يكون كادر فاعل انذاك
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: ABUHUSSEIN)
|
يا كمال..انا نهائي ما جبت سيرة اللايك .
و دى فرصة احكى ليك حادثة صغيرة تتعلق اللايكات .
قبل سنوات كان عندى صفحة تجارية فى الفيسبوك و اللايكات تعبانه شديد.
فتشت و فتشت فى قووقل لقيت شركة تبيع اللايكات..اظن الالف لايك بخمسين دولار او ما شابه.
اامهم اتصلت بالشركة (شمار والله) لانى غير مستطيع دفع اى مبلغ للصفحة.
قالوا لى ممكن نديك 30 لايك تجربة .قلت ليهم بمزاج.
بعد ساعات ظهرت فعلا 30 لايك .لمن دخلت الصفحات الشخصية لهؤلاء اللايكون
واضح انهم كلهم شخصيات وهمية صناعة السوفتوير .
انا بصراحة very impressed بالسبعة الف share فى ساعات قليلة .
ولا اظن انها شغل جهات منظمة لانه حتى جهاز الأمن الالكتروني لا يستطيع ،رغم الامكانيات المهولة و الميزانية المفتوحة ان ياتى بشي مشابه.
طيب نفترض الأرقام مضروبة ...من الجهة المستفيدة من العمل و ماهى إمكانياتها ؟
هذا شغل ؛ فى تقديرى ، طبيعى و تفاعل genuine من شباب وجد ضالته فى شخصية ذو النون.
هؤلاء الشباب لا يفكرون بنفس طريقة تفكيرنا و لا يتأثروا بنفس المؤثرات.
عشان كده رأى أن كل ما يكتب هنا irrelevant لما يحدث فى الشارع.
يعنى لو كتبت انا ذو النون اله الثورة .. it doesn't matter
هنا مجتمع صغير مقفول غالبية الاعضاء من كبار السن الذين تضاءل دورهم فى الشوارع
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: عمر دهب)
|
أنا ما عارف سر الاستعجال شنو ؟ .. وليه ذاتوو !! ..
وليه الناس (البعض) بتبحث عن ما يفرقها لا ما يجمعها ..
وزي ماقال ليكم ذا النون بلسانه نتحاسب قدام ..
وأنا بقول أي زول لو أجرم اليتحاكم وقتها ..
لكن الآن !!! .. أمر غير مقبول منطقاً ولا يستقيم البتة ..
وبكل الحسابات تقلبه جاي توديهو بي غادي تلقاهو ما جاي ..
كل من له جهده لازاحة هذا النظام فليقدمه الآن ..
لأن الحوجة للاتحاد واليد الواحدة لا للفرقة أشد ..
حملة التشكيك في ذا النون وغيره من المنادين بسقوط النظام ..
وفي التوقيت ده المستفيد منها منو ؟ ..
والجهة المستعجلة دي شنّها ؟!! ..
ومن أخرج له التسجيل بتاع اجتماع يقدح فيه..
في كيان لم يكن لحظتئذ قد تم التوافق عليه .. ليه في التوقيت ده ؟
بعد بتره من سياقه وابتساره لأن تجمع المهنيين أتى ..
بعد أن خرج ذو النون ورفاقه في أول حشد الخرطوم ..
الأيادي البتعبث دي المفروض إنها تستحي شوية ..
ولو عندها تحفظ على زيد أو عبيد ده مش وقته ..
الحساب لي قدام ما ماش يلغوهو ولا المحاكم حتتوقف !!! ..
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: جمال ود القوز)
|
مايضير الثورة ( أي ثورة ) ان يكون لها أيقونات !! ..
بعيدا عن صناعة أصنام (فيما بعد) ..
مايضير الايقونات الآن ؟ ما ضررها أصلا ؟ ..
لو استباق للم المغانم زمنها لسه أعتقد ..
ولو تحسس ساي كده لي قدام ..
ما بالضرورة أيقونات الثورة هي التي تحكم ..
أو تتبوأ المقاعد القيادية فيما بعد (نجاح الثورة) ..
ربما كان دورها إنارة الطريق وحمل مشاعل التغيير وبعدها ..
ربما ترتضي بحدوث ما يبتغيه الشعب ..
وتركن على جنب ..
الناس مايتحسسوا من ذا النون أو غيره كل من له قليل جهد فليقدمه ..
فمابالك بجهد مقدّر يقدمه ذا النون الآن ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعبنا من اسمه أبو مقطورة ده .. مايسموهو يونس يأخ ..
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: جمال ود القوز)
|
Quote: المهم اتصلت بالشركة (شمار والله) لانى غير مستطيع دفع اى مبلغ للصفحة.
قالوا لى ممكن نديك 30 لايك تجربة .قلت ليهم بمزاج.
بعد ساعات ظهرت فعلا 30 لايك .لمن دخلت الصفحات الشخصية لهؤلاء اللايكون
واضح انهم كلهم شخصيات وهمية صناعة السوفتوير . |
يبقى إتا ده يا نصري العملت الشيرنق للايكات ذا النون 
وقدت جموع اللايكين ديل ..
بتجيب قينان في مرماك يا النصري .. !! .. خخخخ
والله إنك راجل ظريف .. 
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: جمال ود القوز)
|
| Quote: مجرد راى اى شخص بيعمل ضد النظام يفترض تشجعه بكل قواك لانو ابدا ماوقد تشتيت حتى لو قوش نفسه ترك النظام وعمل مع الثوره نشجعه ولم تنتصر الثوره نقدمه للقضاء ليجد حسابه العادل . |
تمام شديد يا عمر دهب ومتفق معاك للآخر
ذو النون صاحب إسهامات في دفع الثورة مثل الكثيرين الآخرين
مشكلتي مع بوستات النصري هي تقزيم مجهودات الآخرين في مقابل رفع ذو النون.
ممكن جداً نشجع ذو النون من غير إحباط أعمال الآخرين ومساهماتهم.
وفوق هذا لا توجد أي حوجة للمقارنة بين المجهودات التي يقدمها الثوار فالفعل الثوري فعل تعاوني ذو تأثير متبادل و ليس فعلاً تنافسياً.
إضافة إلى ذلك فالمقارنات التي يعقدها النصري لا تستند إلى معايير حقيقية وفوق ذلك هي مقارنات غير مفيدة وانصرافية.
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: قسم الفضيل مضوي محمد)
|
عشان ما تلبسونا تهمة ساي
انا ما بحاكم في الزول دا
انا بشوف انو الزول دا ما مفروض يكون في اي حتة قيادية حتى و لو لي مجموعة ....
الزول دا كان جزء من هذا النظام ....
انا ما بستبعد انو يكون الكيزان قاصدين يزرعوه في وسط الثورة .....
خاصة و انو تجمع المهنيين لغاية الآن ما معروف للأمن افراد او وين اماكنهم
و لو انكشف الكوز دا حا يكون ضربة كبيرة للثورة و الثوار بعد ان تبعه الكثيرين .....
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Al-Noor Abdullah)
|
سلامات يا النصري...
ذو النون دا في طلاب زملائه اتضررو منو و تم اعتقالهم بسببه مات من مات منهم لرحمة مولاه و آخرين ينتظرون مواجهته أو اعتذاره الصريح و الواضح.
غير الفوق دا الكوزنة دي عقلية و الزول دا صراحة لسه عقليته عقلية كيزان لانو في كتير من فديوهات دي قاعد يقول هو ما بتنفع معاهو علمانية و لا الشيوعيين و كده و دا كلام بتاع زول لا بيؤمن بتغيير و لا بتعدد و لا ديمقراطية ياخ الزول دا عندو نية يرشح نفسه و يلقى رئيس السودان اها ح يبقى رئيس كيف و هو لا يؤمن بحق العلمانيين و لا بحق الشيوعيين؟
اي مخلوق ممكن يعمل فديوهات و بكون حناك و كلام او شعار زي أخونا(ابيض اللون) ربنا يرحمه كان له متابعين و عشاق عدد مهول و لكن.... و لكن.... وزي أخونا طارق جيب الله لهو متابعين بعدد يفوق الخيال في اليوتيوب.
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Al-Noor Abdullah)
|
كتب حافظ بشير:
Quote:
الكوز ياهو النصري دا🤥
بوستاتو كلها موجهة بعناية ودقة لضرب الثورة
من خلال الترويج تنصيب قيادات يسهل ضربها وتشكيك الناس في ما ستؤول إليه الثورة
وإذكاء روح التنافس السالبة بدلاً عن روح التعاون ونكران الذات السائدة الآن في محيط الثورة
وشغل الناس بنقاشات غير مفيدة لا تخدم غرض الثورة.
|
هههههه..!
حبيبنا وصديقنا حافظ بشير..
يا ديجانقو افرز ياااااااااااااااخ؟
انت بتتكلم عن ياتو نصري والنصري امين كمان يا حافظ؟..
رجل عفر رجليه بالغبار ، ذات يوم غريب وعصيب ، في شان مارس الماسك كتف ابريل..ينتهي بيهو الأمر كوز؟..دي واسعة يا حافظ ..واسعة شديد يا قريبي..!
النصري امين (الذي اعرفه شحم ولحم ودم وذكريات حلة كما يحكي لي عنه العزيزات والأعزاء)..زول مواكب..ومشكلتو الكبيرة استوعب الإمبريالية للطيش عشان كده بيصارعها بادواتها العجيبة..!..ألإمبريالية كما فهمها ادوارد سعيد ونعوم تشومسكي..واخرين واخريات كثر..!!
الرجل يا حافظ بشير بيقدم الفكرة المخالفة (التفكير خارج الصندوق)...
Thinking out of the box
زول بيفكر ليك بفهم ثقافة الدوت كوم يا حافظ ، الثقافة التي تجاوزتك وتجاوزتني وامثالنا..وكيف يتلقى شباب السودان مثل هاتيك ثقافة ويتعامل معها ، في غفلة مننا نحن جيل العواجيز الذي يفكر في السودان عبر اخر حكومة ديموقراطية في سنة 1989..التي استغفلها عسكر الجبهة الإسلامية وفحط بالشغلانة حتى اللحظة..!
هل تصدق يا حافظ..طيلة وجودي في هذا المنبر اتحملت اتهامي باني كوز..اتحملت اتهامي باني جهوي ، اتحملت اتهامي باني عنصري..الخ..لكن بالجد ما قادر ابلع حكاية انو النصري امين كوز وشغال تسويف ضد الحراك الثوري (طبعا انت مش براك يا حافظ ، فهناك اخرين بدوا مشرع النياصة برضك وانت سيد العارفين..!!)..
يا حافظ ، اعتبر تضريبات النصري غــلط..ولكن لا تظن ان النصري يسعي لتصنيم زيد ولا عبيد..فلان ولا علان..!!..ولو داير الفكرة اخطها ليك بعبارة مالحة يا حافظ: ليه الحركة الإسلامية اشطر مننا؟..
ايقونات الثورة (ذو النون ، احمد بشارة الضي ، عيسى المسيري ، علي هباني..ياخي حتى دكتور ناجي الأصم ، والشهيد احمد الخير..كلهم فيهم اٍنة انهم كيزان واشتغلوا في دولة الحركة الإسلامية..والآن دعموا الثورة بالكلمة والحملة والدم..!!)..كلهم كيزان يا حافظ..وبالطبع النصري ليس كوز..يبقى النقة فوق كم بالضبط؟..
اليسار السوداني ، جميل يا حافظ..وسيظل الأجمل/الأحرف.. في المشهد السوداني..ولكن صدقني..اكتر من يقتل اليسار اليانع هو حركات الشيوعيين (مش مجرد كلامك هنا ، ولكن من شواهد بشوفها حية في الجخانين الخلفية للنخبة التي تدعي انها تخوض غمار ثورة الشباب السوداني الآن..ومنتظرة انتصار الثورة عشان تجي تملانا فقر وعواسة ما انزل الله بها من سلطان..!!)..
شكرا يا النصري امين..اتذكرها دوما: اكتر من يقتل جمال اليسار في امسودان هم ناس الحزب الشيوعي..الطابور الخامس بتاع عمر البشير والحركة الإسلامية..!!
فهل تنجح الثورة؟..
اكيد يا النصري يا امين..اكيد يا صديقي..!!
شكرا الأحباب..محمد البشرى..وعادل (ابوحسين بالإنجليزي)..سويتوا العليكم..!!..
لسع بنتفرج..وبنعرف كيف نخش في لحظة الزاوية الحرجة..!
الشيوعيين..كدأبهم..طابور خامس لأي ديكتاتورية كانت..وسيظلون هكذا لمن يبقى ليهم بمبي يا حافظ بشير..!!
المشكلة مش ذو النون يا حزب يا شيوعي سوداني ، المشكلة ليه كيزان زي ذو النون ، احمد الضي بشارة، عيسي المسيرى ، ناجي الأصم ، عبد المنعم سليمان..هم الأعلا صوتا..هم من يغتنم الجماهير..؟..اين كودار الحزب الشيوعي؟ اين كوادر المؤتمر السوداني؟ أين كوادر الطائفية التي تحلم بانها وريثة نظام عمر البشير ، نظام الحركة الإسلامية ، نظام اليمين بتاع ناس اهل القبلة ومين كده ما عارف..!!
كبر
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Kabar)
|
اهلا كبر
والله اتغتغت و ادمدمدت داير انوم شفت إسمك فى البوست.
مع انى كملت كلامى و ما عندى اى اضافة وآلله.
بصراحة ما بقرا كل المداخلات (دى طريقتى من زمان ، مرات بفط سطر او بروقراف)
المهم ...معظم التعليقات هنا ناتجة عن حالة عاطفية emotion وهو شعور كاذب .
لكن اظن انى وصلت الفكرة للقراء و هم يحكموا بنفسهم .
معذرة للمتداخلين ، لا استطيع الرد على الجميع، لو العدد بسيط كان ممكن نرد على كل واحد منفرد. لكن العدد كبير و بصراحة اى بوست بعملوا بزهج منه بسرعة ماعدا بوستات معينة مثل
Sudaneseonline Biggest Losers وهو بوست طويل عريض يتعرض لمسألة تخفيض الوزن والريجيم؛ ندعو القراء الكرام لزيارته ، رقم المكتبة 144 (رقم المنبر الحالى 500)
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: النصرى أمين)
|
سلام يا كبر
يبدو إنك ما دققت في الوش المصاحب لجملة "الكوز ياهو النصري دا"
🤥 = Lying Face
used to convey disbelief (e.g., You must be kidding) or feeling abashed (e.g., as if caught in the act of lying).
فيا كبر يا صديقي ما تحملني مسؤلية عدم إجادتك للقراية العاملة زي عدم إجادة النصري للغة الأرقام التي يتحدث بها.
أكيد معلوم بالنسبة لي تماماً إنو النصري ما كوز.
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Hafiz Bashir)
|
كتب حافظ بشير:
Quote:
سلام يا كبر
يبدو إنك ما دققت في الوش المصاحب لجملة "الكوز ياهو النصري دا
"
|
دققت لغاية المحطة الوسطي في الخرطوم، ياحافظ..فشنو المعني يا قريبي؟
حليلك يا حافظ بشير..انت برضك صدقت حكاية كبر طاشم وشنو كده ما عارف؟..
من الأخر يا حافظ: الكتابة في منبر سودانيز اونلاين..ناس شوية بتقراها و بتعرفها.. امثال بريمة محمد ادم ، وهاشم الحسن ، وكبر..شرط عليك يا حبيب، أي ود حاجة، بيعرف يقرا المنبر ده يجينا مارق..!!
فشنوحكاية الكضب بتاعة ما قرونا صاح ، شغلة الشيوعيين دي ما تسويها معانا يا حافظ بشير....!!..
اهو كلامك فوق..!
انتا كتبت شنو، بالعربي ، يا عمك عشان يستشكل على الناس..ولا انتو مع سكرة الثورة دايرين تقرونا لغة عربية من الأول؟؟؟
بياتو منطق واخلاق يا حافظ بشير بتقول للنصري امين كوز؟؟
اعتبرنا جنجويد ما بنفهم هظار ، يا حافظ ،..باي منطق بتقول للنصري امين كوز وكمان قاعد يفحط بالحاجات؟ (اتذكر بوست عبد الحفيظ اب سن بتاع كتاب الله..!! محل النياصة يا حافظ..!!)..
شرحو: النصري امين بيتحدث عن ظاهرة اجتماعية اسمها عثمان ذو النون..انت يا حافظ فهمك شنو للظاهرة دي؟ الحزب الشيوعي السوداني فهمو شنو للظاهرة دي؟ اليسار السوداني فهمو للظاهرة دي؟..ده شغل سيوسيولوجيا يا حافظ بشير..وحتى اللحظة مافي ود مقنعة فاهم النصري امين بيقول شنو وبيسوي شنو..باقي ليك حكاية بندقية دقة ابظرطة القاعد يسوي فيها اليسار عبرك يا حافظ ح تقهم الناس وترجعها لي علبها؟..
بندقية دقة ابظرطا الساهلة بتاعة ياخي ده كوز..باقي ليك يا حافظ ح تنفع مع شعوب السودان اليوم؟..
اها ، عنطزة ساكت مني: لا حافظ بشير ولا كمال عباس عارفين شعوب السودان في هذي اللحظة (30 مارس 2019) بالثانية والدقيقة كمان..!! ولا عارفين النصري امين بيقول شنو..!!
والأغرب..النصري امين عارف وعارف اكتر يا حافظ بشير..!!
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Deng)
|
الكيزان معروفين بركوب الموجة
حدث ذلك في اكتوبر وابريل ويحدث حاليا
غير الكيزان - مجموع الشعب السوداني - ناكرين لذواتهم
زي الشاب القطع اصابعه ومايزال يشير بعلامة النصر والامثلة
لاتحصي ولاتعد
الوحيدون المتاجرون بالثورة هم خارج الثورة ، بمعني خارج ميدان
المعركة ، والكوز عقلية ، دوما تبحث عن اقصر الطرق الانتهازية لركوب الموجة
الكوز- يمكن معرفته من خلال شطر بيت في قصديدة - ولايحتاج ذكاء كبر او غيره
النصري مخدوع لان عقليته لاتستطيع ان تقطعه ظلط دعك من نظرة بعيدة المدي
ولذلك يقع في الفخ الذي يقع فيه كثير من الخدج والطيبون
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: عبداللطيف حسن علي)
|
Quote: سلامات يا النصري...
ذو النون دا في طلاب زملائه اتضررو منو و تم اعتقالهم بسببه مات من مات منهم لرحمة مولاه و آخرين ينتظرون مواجهته أو اعتذاره الصريح و الواضح.
غير الفوق دا الكوزنة دي عقلية و الزول دا صراحة لسه عقليته عقلية كيزان لانو في كتير من فديوهات دي قاعد يقول هو ما بتنفع معاهو علمانية و لا الشيوعيين و كده و دا كلام بتاع زول لا بيؤمن بتغيير و لا بتعدد و لا ديمقراطية ياخ الزول دا عندو نية يرشح نفسه و يلقى رئيس السودان اها ح يبقى رئيس كيف و هو لا يؤمن بحق العلمانيين و لا بحق الشيوعيين؟
اي مخلوق ممكن يعمل فديوهات و بكون حناك و كلام او شعار زي أخونا(ابيض اللون) ربنا يرحمه كان له متابعين و عشاق عدد مهول و لكن.... و لكن.... وزي أخونا طارق جيب الله لهو متابعين بعدد يفوق الخيال في اليوتيوب. |
عزيزي سفيان نابري
كما عهدك، دائما بتقراء المواقف بطريقة سليمة جدا.
يا جماعة كلام سفيان ده مهم جدا.
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: عبدالعظيم عثمان)
|
Quote: اراد احد السودانيين اصطحاب زوجته الاوربية للسودان واحتج والده قائلا كمان عاوز تجيب لينا الكافرة للبيت ؟ وحضر السوداني مع زوجته وانسجمت مع العائلة
اضطر السوداني لسفرة مباغتة وترك زوجته
في هذه الفترة كانت الكافرة تساعد في كل شئ في البيت وتهتم بالوالد..... اكله ،شرابه وميعاد تناول الدواء وملابسه وفرشه وقهوة الصباح وشاي المساء
انضبط السكري واحس الوالد بقيمته بعد ان كان مهملا
عند رجوع الابن سأل والده ... لقيت الكافرة كيف يا ابوي ؟ وكان الرد .... والله الكافرة امك دي |
نكتة منقولة
يا كبر إذا فهمت جملة "والله الكافرة امك دي" الوردت في نهاية النكتة الفوق دي بتقدر تفهم جملتي بتاعة "الكوز ياهو النصري دا"
غير كدا ما عندي ليك شرح أكتر من دا.
| Quote: انت برضك صدقت حكاية كبر طاشم وشنو كده ما عارف |
ما عندي معاك شغلة تطشم، تقلب هوبة، تركب مرفعين، دي حاجات ما بتهمني أصلاً عشان اصدقها او ما أصدقها.
ومن مصلحة أي نقاش بيني وبينك يجب أن تضع في حساباتك أنك لا تعنيني كشخص ولا يهمني سلوكك خارج المنبر ولا أؤمن بمقولة السكران في ذمة الواعي. فأنت محاسب على ما تكتب سواء كنت طاشم او كنت غير طاشم. لذلك لن تفيدني معلومة أنك طاشم او واعي.. الذي يمكنني نقاشك فيه هو ما تكتبه هنا في هذا المنبر.
وسبب آخر في عدم إهتمامي بطشمتك او الشنو كدا ما عارف هو إنو أنا مخي دا فيهو مية واحد وعشرين بيليون خلية عصبية بس (أكتر من باقي الناس شوية) وما بقدر اخصص ليك منهن أكتر من خليتين بس وبالتالي ما بقدر احتفظ بداتا كتيرة عنك.
| Quote: فشنوحكاية الكضب بتاعة ما قرونا صاح ، شغلة الشيوعيين دي ما تسويها معانا يا حافظ بشير |
أنا خالص ما قلت إنو ما قروكم صاح. أنا قلت إنت ما جودت القراية والنصري ما جوَّد الحساب.
يمكن قروكم صاح لكن إنتو ما إتعلمتو صاح.. فأنا مهتم بالمُخرَج التعليمي وهو أن مقدرتك في القراءة ضعيفة كما أن مقدرة النصري في الحساب ضعيفة ولكني عير مهتم ببالمنهج والوسائل التعليمية والأسباب التي أدت لهذا الضعف.
| Quote: ولا انتو مع سكرة الثورة دايرين تقرونا لغة عربية من الأول؟ |
أكيد لا يا كبر
ودا سقف طموحات عالي جداً منك كونك تتوقع إنو مع سكرة الثورة ممكن نقدم ليك خدمة شخصية تنتفع منها إنتفاع شخصي قدر دا.
للأسف يا كبر الcost-benefit analysis بيقول إنو أنا ما ممكن أساهم في مشروع غير مُجدي زي دا
| Quote: النصري امين بيتحدث عن ظاهرة اجتماعية اسمها عثمان ذو النون..انت يا حافظ فهمك شنو للظاهرة دي؟ |
فهمي من يا تو ناحية؟
لا توجد ظاهرة ولكن يوجد حدث متكرر شاهدناه اللاف المرات في قراءاتنا للتاريخ ومعايشاتنا لأحداث الحياة.
ذو النون ليس مركز لإهتمامي ولم اشاهد له سوى بضع فيديوهات كعينة عشوائية ولم اكمل أي واحد منها.
ولم أجد غرابة في ظهوره و لا غرابة في سيرته الذاتية ولا غرابة في محتوى فيديوهاته ولا غرابة في عدد مشاهدات الشباب لفيديوهاته.
وطبيعي أن تختلف الآراء حوله بين من يراه أيقونة للثورة بناءً على نشاطه وبين من يراه ماسورة بناءً على ماضيه ومحتوى فيديوهاته.
الذي أجده يستحق التعليق هو إهتمام النصري بتقليل قيمة مجهودات الآخرين.
أما رأي في موقع ذو النون من الثورة فتلخصه مقولتي "الكوز ياهو النصري دا".
| Quote: الحزب الشيوعي السوداني فهمو شنو للظاهرة دي؟ اليسار السوداني فهمو للظاهرة دي؟ |
لماذا تسألني؟
ما علاقتي أنا بالحزب الشيوعي السوداني؟ وما علاقتي باليسار السوداني؟
اووعك تكوني قايلني شيوعي او داير تقول إني شيوعي
في الحالة دي يبقى حتى لو فهمت إني قلت إنو النصري كوز برضو بكون ما من حقك تعترض.
يا كبر عليك الله ساعدنا بشوية إتساق الله يرضى علينا وعليك.
| Quote: زول بيفكر ليك بفهم ثقافة الدوت كوم يا حافظ |
يا كبر عليك الله هو زول بيفط مداخلات مولانا وما بيقراها كيفن يقدر يفكر بفهم ثقافة الدوت كوم؟
هسه لو قرا مداخلاتي كان إتعلم الحساب الدوت كومي على الأقل.
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Hafiz Bashir)
|
والله صراحة انا من متابعى تسجيلات الشاب ذو النون حتى زان كان ماضية مع حركة الاخوان المسلمين الا ان الرجل اضاف نقلة حقيقة للثورة مع بعض الاخوة اولاد الضى والاخ المميز جدا من ابناء المسيرية قسما بالله شباب ثورة لوحدهم هذه بالاضافة الى التنسيق المستمر بينهن وبين تجمع المهنيين
ليسقط النظام اولا ولنبعد عن الفرقة والشتات قبل ان تاتى الثورة بهدفها المنشود
ما احب ان اضيفة اذا كان لهولاء الشباب ماضى سى صدقنونى سوف يتم غسلهم من الكيزان
وفى الختام نقول ثورة حتى النصر
وتسقط بس
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Yousif A Abusinina)
|
تحياتى يا النصرى
بدأت التركيز اكثر على لايف ذو النون بعد البوست الاول لك عن هذا الشاب
وهو شاب مثابر ومتحمس للثوره وله اتباع مؤيدين طالما يخدم الخط العام للتغير ورغم ماضيه الكيزانى إلا أن موقفه الحالى هو المهم وهذا لايعفيه من تقديم رؤيه واضحه لموقفه الفكرى وليس التنظيمى من دوله المشروع وكذلك إستعداده للمحاكمه العادله جراء ما اقترف من ظلم تجاه الاخرين كما ذكر الشباب هنا...سفيان تحديدا
النقد ليس ل عثمان ذوالنون كما فهمت من ردود الشباب بل لتصورك الشخصى يا النصرى عن هذا الشاب.. يعنى ب الدارجى (جبتا ليو الكفوه)😁
عموما التركيز على الاشخاص كما تفعل يشبه الامر ب البحث عن سوبر ستار وكأنك تتناسى ابطال حقيقين يقدمون لذوالنون ماده حديثه بل وميلاده الجديد فى النور بعد سنوات الغيبوبه
ذوالنون يعكس بعض من ظاهره الحراك فى ميدان الميديا وسهوله التعامل معه تتعلق بالوسيط الذى يستخدمه فى التواصل مثل الكثيرين من الناشطين وكل هذا لن يصرفنا عن فرسان وفارسات يخضون اشرس المعارك
| |
|
|
|
|
|
|
|
|
|
Re: اضرب معاى : فيديو ذو النون الأخير 7 الف شير (Re: Abdelrahim Mohmed Salih)
|
تحياتي
عزيزنا النصري أمين - و حافظ بشير
- قرأت مداخلة حافظ بشير وفهمتها بإعتبارها مداعبة ومشاغلة لا أكثر - دا في الشق الأول
شق إنو النصري كوز!
أما في الشق الثاني - ففيه معاتبة = يالنصري دا ماوقت توزيع جوائز وحصاد نضال وإنو الأولي بالتقريظ - هو الشهيد والجريح والأسير ومن يخرج من داره - ولايعرف إن كان سيعود أم لا
وربات البيوت اللواتي يختنقن بالبمبان في دورهن بشكل يومي!
ناس الخارج وتسجيلاتهم وبما فيهم ذو النون مشكورين فقد إسهموا - بالكلام والخطاب والمنطوق والمسموع والمكتوب وتظاهرة التضامن والدعم المالي - مشكوريين من دون مفاضلة
وترتيب مدرسي A+ A B C
حافظ بشير لم يقصد إتهام النصري بالكوزنة - بل ظل هو ممن يرفض تصنيف البعض بالكوزنة - هنا جزافا -
والنصري كما حافظ
معارض مبديئ - لم يهادن النظام ولم يدافع عنه خفية وتلبسا - والنصري كما حافظ منطلقاتهم وطنية نبيلة تسمو علي القبليات الضيقة -والجهويات السلبية - يجمعهم خندق واحد -
والنصري كما حافظ لم -إن إنتقد معارضة - فهدفه البناء وتجاوز السلبي لاالهدم وخدمةأجندة النظام وعداء كل ماهو وطني معارض ...وليس هم كذلك أجندة ذاتية
أها دي مداخلة قصدت أنزلها أمس عن النصري:
( عمكم - مختار - النصري أمين دا دخلو الكبرساي !
الزول - في prime time بتاعو زمان - وعلي ما أذكر هو من أوائل من نبهو للوسائط الجديدة -
و التوتير
وعلي التلفونات الذكية و الآي فون والجلاكسي - بس في زميلة الله يطراها بالخير هي
أول من نبه لمزايا الموبايلات الحديث والذكية دي وشنو الأفضل الآي فون أوالجلاكسي !
الزمن داك !
وطبعا عمكم النصري مما شفناه في المنبر دا معارض للإنقاذ وبس هو بحب التنكلوجيا وتأثيرها!
بس هو مفتكر إنو عضوية سودانيز في 2019 هم بعقلية 2005 - ولسة متقوعيين في دائرة
المنبر وماعرفو درب الفيس بوك والواتس والتوتير !
- يانصري نحن تكنلوجيا - جيل ماسنجر الياهو والهوت ميل والإتصال عبر الكروت - والموبيالات الزمان ديك - ومعاك نقر
إنو المنبر دا ومنابر الحوار المشابهة أصبحت دقة قديمة وتقليدية -مقارنة بالوسائط الجديدة
وعشان كدة الناس الشايفا كلها منفتحة علي الجديد - وبتابعوا المظاهرات وملتصقيين بنبض
الثوار والحراك - بما يشبه المعايشة الحية ! )
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
ABUHUSSEIN
Omer Abdalla Omer
mekki
عبدالعظيم عثمان
Al-Noor Abdullah
Deng
Asim Ali
عبداللطيف حسن علي
محمد البشرى الخضر
كمال عباس
ABDALLAH ABDALLAH
Hafiz Bashir
عمر دهب
جمال ود القوز
علاء سيداحمد
قسم الفضيل مضوي محمد
معاوية المدير
سفيان بشير نابرى
Kabar
Yousif A Abusinina
Abdelrahim Mohmed Salih
فيس بوك
تويتر
انستقرام
يوتيوب
بنتيريست