اولا المحك ما انو دمبلاب شالو وله استقال براهو .. المحك في انو منو حيتعين بدلو؟؟ تانيا اصلا ده ما المطلب فقط وما حيكون في فايده لو اتشال دمبلاب براهو او اتشال معاهو كم ضابط كبير كده .. لالا .. لازم يتغربل الجهاز ده كلووو ويتقلب فوق تحت ويتصفو كل الكيزان منو تماااااما .. بس ده المطلب ولا تنازل عنو .. مهما كانت الظروف .. الكيزان في الجهاز ما في الرتب الكبيره بس زي الجيش والشرطه والدعم السريع لالا الجهاز في كل المستويات من الجنود لحدي اعلي درجه في الضباط ومرورا بضباط الصف وصغار الضباط نسبة الكيزان فيهو فوق ٨٥ في الميه .. يبقي ما حنسكت وما بنرضي غير بالبل للكل .. والبرهان لو متخيل انو البلد دي حقتو عشان يحدد هو بي مزاجو وحمايتاً لنفسو ومصالحو الشخصيه انو ما حيهيكل الجهاز يبقي فعلا هو واهم .. وواااااهم خالص كمان والله العظيم لانو الكرسي الهو فيهو ده لو ما كانو الثوار قعدوهو فيهو بي جهدهم وتضحيات شهدائهم ولو كانت القصه واقفه علي قدرتو هو والبقدر يسويهو هو ما كان قعد فيهو الي يوم يبعثون .. .. فشنوووو .. احسن الناس تتكلم علي قدر قدرتا .. الشعب هو صاحب القرار يا ساده يا كرام يا من تحكمو الان .. فاسمعو واعو .. يجب انو تعو هذا الدرس والمغالطنا وما مصدقنا .. كدي يعاندنا ويجرب حظو .. والشوارع لا تخون (البزدريك يا ويلو من غضبط عليهو ومن مشيك .. يا ويلو من اجلوو الوشيك) .. .. #هيكلة_جهاز_الامن
01-16-2020, 01:01 PM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11826
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة