Quote: الأخ / مولانا اسماعيل التاج السلام عليكم ورحمة الله
انا فارس العمرابي الكنت بقعد معاك في ساحة الاعتصام امام القيادة العامه جنب ترس الكلنك لو تتذكر وما اظن انك تتذكر.
قبل يومين كنتي ماشي لجماعة أهلنا في قاردن سيتي وقلت بالمره امر عليكم في تجمع المهنيين اسلم عليكم وامشي .
جيت لقيت الشارع مقفول بنيران الثوار ال معترضين على اسلوب تعاملكم مع قضاياهم ومتطلبات ثورتهم، استغربت جدا من ردك عليهم انه السكرتاريه استلمت مذكرتهم!!!!!! من متين يا اسماعيل التاج السكرتارية بتستلم المذكرات؟؟؟ ياخ اذا كان وزير العدل والنائب العام وباقي الوزراء بطلعوا يستلموا المذكرات بنفسهم ، انت يا الكنت صابيها معانا عملت ليك سكرتارية وبنيت حيطه بينك وبين الجابوك ؟؟؟ سبحان مغير الاحوال .
المهم قمت انتظرتهم لحدي ما مشوا ولقيتك اختفيت جوه المبنى قالوا دخلت اجتماع مع خواجات ، برضو قلت انتظرك عشان انصحك واوريك انك بتحفر لنفسك حفره كبيره بتعاليك على الثوار .
جيت طالع ولقيت في دكتور شكلوا من جامعة الرباط بتكلم معاك ، قلت احسن ابقى بعيد والاحظ لطريقة تعاملك عشان ما أظلمك ، وفعلا اكتشفت انك اتغيرت كتير . الدكتور بتكلم معاك عن مشاكلهم وانت بترد بكل عنجهيه وتعالى وبتوجه ليه في اسئله ممكن تطلع من كوز لكن يستحيل تطلع من زول ثورجي أصيل ، وفي النهاية مشيت خليته واقف بتكلم براه بدون أدنى درجات الاحترام لا ليه كوضع مجتمعي كاستاذ جامعي ولا ليه كمواطن جابك و وصلك لما انت فيه الآن .
وانت طالع على الباب بعد ما سفهت الدكتور جاك واحد من ثوار بري واتكلم معاك ورديت عليه بصوره سخيفه جدا أثارت دهشتي واستغربي ، معقول ده اسماعيل التاج ؟؟؟؟ الثورجي انفعل وقال ليك : انا الجبتك واتضربت واعتقلوني عشان انت تجي . وكان ردك الصادم...... انت ما جبتني
وله جابتك الثوره يا اسماعيل؟؟ وله جابتك دماء الشهداء الهسي اتنكرت ليهم ؟؟ وله جابوك الجرحى و المفقودين الاتعاليت على قضاياهم ؟؟
لو انت فاكر انه الثوره ماهي الجابتك ف الثوره بريئه منك وبريئه من كل من اتخذها سلم للوصول إلى مطامعه الشخصيه ومن كل متكبر ومتعجرف و متعالي عليها .
لو انت فاكر انه الثوره ماهي الجابتك فلتذهب غير مأسوف عليك وتنضم الي ركب المتسلقين المصلحجيه.
دافعنا عنك بقوة امام كل من استهدفك على الأرض وعلى الوسائط المتعددة ، لكن لا دفاع عنك بعد اليوم بعد ما رايته بأم عيني من عجرفه وتسلط واستفزاز وتكبر على من أتوا بك من منفاك .
حسبي الله ونعم الوكيل فيك ومنه العوض وعليه العوض .
برضه نحن بنردد وراك اندهاشاتي إذا كان تصرف واحد من قيادات قوى الحرية والتغيير...فلا شك أبدا أن الثورة انتهت وان الشعب سوف يرحب باي انقلاب عسكري وبدل مدنياوووززز...حننادي عسكرياوووززز...او وا حميدتااااااوووووو..
معقولة الكلام ده ...الثورة عليها العوض..ومنها العوض...هسع في ناس إذا قرأوا الكلام ده حيتحسروا على نظام اللصوص والحرامية....ويا ريت إذا اسماعيل التاج يرد ويضع النقاط فوق الحروف قبل فوات الأوان، وفجأة نجد السفاح علي عثمان في التلفزيون يقول ؛ shoot to kill
11-22-2019, 03:07 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
يا امتثال ياخي ما معقول كدا! اي هراء طوالي يتصدّق و تصدر على اثره احكام ضياع الثورة ونهايتها! منو الكاتب دا و شنو هي مصداقيته بل منو اسماعيل التاج زاتو عشان عجرفته المزعومة تنهي الثورة!! ثورة دي ولا صندوق ختة ينتهي منه عجرفة احدهم!
يا ود هارون قبل ما تندهش مش كان تسال وين "جابوه" اسماعيل التاج!! ماسك شنو بالضبط عشان يقولوا ليه احنا الجابوك؟ جابوه من وين ول وين؟ مولانا اسماعيل التاج لا يتنسّم اي منصب رسمي او حكومى, وضعه كقيادي في تجمّع المهنيين لم يتغّير من قبل الثورة الناس دي كان روحها محرّقاها ما تفكّها في غيرها ساي و الزول القال بعرف اسماعيل وعاش معاه ايام الاعتصام مش لو فعلا عايز ينصحه كان وجه ليه الكلام لوحده بدون النهج الفضائحي دا وقبل كدا مش يستفسر منه بدل رامي اضانه لكلام دار قدامه ولا سأل شنو الحاصل!
محمد البشرى هو ما عنده وظيفة رسمية في الحكومة الانتقالية ولكن ظاهر عليه وكأنه هو الحاكم وراء الستار ونحن شايفنو في التلفزيون بيتفقد ضحايا السيول والأمطار وبيقابل الضيوف من الاجانب....باسم الثورة والثوار ...يعني هو بقى ايقونة من ايقونات الثورة ..والناس كلها بقت تعرف اسماعيل التاج ، بل هو كان مرشح ليكون وزير العدل أو رئيس القضاء أو النائب العام .....
11-22-2019, 03:57 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
سلام أختنا الكنداكة إمتثال عبدالله .. المقال دا حايم في الواتساب وما أدراك ما الواتساب .. اسماعيل تاج كان يوما الناطق الرسمي لتجمع المهنيين ولازال شخصية فاعلة في (قحت) .. لابد أن يتعامل مع الناس بكياسة كما يفعل المعلم الكبير الدكتور عبد الله حمدوك .. فارس العمرابي يستحق رد وإعتذار ..
تحياتي
11-22-2019, 04:32 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10353
سلام يا ود هارون اندهاشاتي انا ياخ اسماعيل التاج دا انت مفروض بتعرفو و بتعرف دماثة اخلاقو رجل طيب و متواضع للحد البعيد بكون قاعد في شبردبوش في مطعم دفع الله مع الشباب ما عندو عجرفة و لا بعرف العجرفة و في الفيديو التحت دا لما عرف انو ابراهيم شوتايم اعتقلوهو في المطار مشى طلعو كلام الاخ الاسمو العمرابي دا ما بشبه مواصفات و اخلاق مولانا ود التاج
11-22-2019, 04:49 PM
Mohammed Haroun
Mohammed Haroun
تاريخ التسجيل: 12-21-2005
مجموع المشاركات: 4836
Quote: يا ود هارون قبل ما تندهش مش كان تسال وين "جابوه" اسماعيل التاج!! ماسك شنو بالضبط عشان يقولوا ليه احنا الجابوك؟ جابوه من وين ول وين؟ مولانا اسماعيل التاج لا يتنسّم اي منصب رسمي او حكومى, وضعه كقيادي في تجمّع المهنيين لم يتغّير من قبل الثورة
أخونا محمد البشرى الخضر سلام كتير ومحبة .. نعم شاهدته ذات يوم محمول على أكتاف الثوار .. يعني الثوار عظموا نضاله وقدموه فأصبح شخصية وطنية معروفة في كل السودان .. الثوار جابوا ناس قحت كلهم بما فيهم اسماعيل تاج ...
تحياتي واندهاشاتي
11-22-2019, 05:05 PM
Mohammed Haroun
Mohammed Haroun
تاريخ التسجيل: 12-21-2005
مجموع المشاركات: 4836
Quote: سلام يا ود هارون اندهاشاتي انا ياخ اسماعيل التاج دا انت مفروض بتعرفو و بتعرف دماثة اخلاقو رجل طيب و متواضع للحد البعيد بكون قاعد في شبردبوش في مطعم دفع الله مع الشباب ما عندو عجرفة و لا بعرف العجرفة
أخونا خضر الطيب سلام كتير وشوق لا ينضب .. يا أخي عشان كده أنا مندهش!!! كيف سماعين تغير 180 درجة حسب إفادة فارس العمرابي أعلاه.. يعني لو كان عينوهو رئيس للقضاء كان شوفته تكون مستحيلة خااااااالص..
تحياتي واندهاشاتي
11-22-2019, 04:52 PM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
عندك الف حق تندهش محمد هارون لان هذا التصرف من أحد قيادات الثورة تصرف لا يليق ... طبعا هذا إذا كان الخبر صحيحا ، لان أخبار الواتساب ٩٩ في الميه منها أخبار مضروبة ، هذا إذا لم يكن خبر مفبرك من الدولة العميقة ، لأن كل الناس بتقول ان اسماعيل التاج بطبعه رجل متواضع وخدوم واخو اخوان....
11-22-2019, 10:12 PM
Mohammed Haroun
Mohammed Haroun
تاريخ التسجيل: 12-21-2005
مجموع المشاركات: 4836
Quote: لأن كل الناس بتقول ان اسماعيل التاج بطبعه رجل متواضع وخدوم واخو اخوان....
أخونا السر عبدالله سلام ممزوج بعبق الياسمين والعنبر .. عملية إرضاء كل الناس حاجة صعبة جدا جدا لكن السياسي المحترف يحاول بقدر الإمكان إمتصاص غضب الجماهير والصبر على طلباتهم والحاحهم ومقارعتهم بالحجة والمنطق.. قيادات قحت وتجمع المهنيين مطلوب منهم مواصلة الكفاح والصبر على المكاره..
تحياتي
11-24-2019, 00:37 AM
ABDALLAH ABDALLAH
ABDALLAH ABDALLAH
تاريخ التسجيل: 08-26-2007
مجموع المشاركات: 7628
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة