|
|
|
 Re: اسقى الشمس شاى الصباح (Re: نعمات عماد)
|
أهلا يا نعمات وكيف حالك
فعلا نضميك فى محله
نشرت النص اول مره هنا فى العام 2014
و تناجينا فيه كتير انا والصديق الجميل
المرحوم حرسم
كان عندنا مداورات كتيرة بخصوص النص ده
ربما تكونى مرتى عليها فى حينها داك
ولسه مخزنه عندك فى ذاكرة القراية
تسلمى أن شاء الله و تطيب أيامك
| |
  
|
|
|
|
|
|
|
|
Re: اسقى الشمس شاى الصباح (Re: أبوذر بابكر)
|
Quote: صنقر تحت ضل المنى الممحوق
واخير تجى
امرق تعال
قبال تبور فى السوق
المرقة فى دربك سؤال
والرجعة زادك والجواب
|
وايضا امرقْ تعال الى الدهشة، أيها القارئ ..
وصنقرْ تحت الظل المديد للشعر ...
| |
|
|
|
|
|
|
|
|
|
Re: اسقى الشمس شاى الصباح (Re: osama elkhawad)
|
فى رأيي الشمس و المطر هم أو هما ثنائي خلق الحياة فى مبتداها الأول
الشمس دائما جديرة بطقس احتفائي يومى
وشاى الصباح قربان مننا
زلفى لحضور سيدتنا المشرقة
نحن يا مشاء الخرمانين
للضوء و الدفء و الحياة
وقبل ده كله
للرجوع إلى طيننا الأول
| |
|
|
|
|
|
|
|
|
|
Re: اسقى الشمس شاى الصباح (Re: أبوذر بابكر)
|
( وجاءت امي تحمل الشاى وفرغ ابي من اوراده فجاء
وجاءت اختي )
بي نفس طريقة عمك الطيب صالح دي حنجيك نشرب
معاك شاى الصباح .
المكانات شايلة نفس الملامح .
وطعم الشاي بي اللبن في تمبول وفي كرمكول واحد .
...
دا الشعر البخلي موج الازرق يضارب .
انت قايل الموج دا بيضارب بلا سبب ؟
تحياتي .
انا في السودان نفس التلفون القديم
| |
|
|
|
|
|
|
|
|
|
Re: اسقى الشمس شاى الصباح (Re: Osman Musa)
|
عثمان
تجينا
ويجينا معاك فرح
نمتع روحنا بيك
أو كما قال سيدنا عمر الدوش
انت تجى السودان وانا أكون بره السودان
انت بره أكون أنا جوه
عكس عكاس بس
الأيام دى انا فى مغامرة عجيبة فى نواحى الإمارات
لكين بجى قريب كان الله هون
قاعد لمتين فى البلد ؟
| |
|
|
|
|
|
|
|
|
|
Re: اسقى الشمس شاى الصباح (Re: أبوذر بابكر)
|
سلامات شاعرنا الكبير
هرمنا يا ابوذر ونحن في دروب السفر الطوال
محتفظ بي كل كعوب تذاكر السفر من اول سفرية في سنة 1979
وحتي اخر سفرية .
والله متذكر شكل المضيفة اليمنية في اول رحلة .
وشكل الراكبة الالمانية السمحة في الكرسي المجاور . النزلت في مطار
ميونخ . وانا تابعت الرحلة الي لندن . والكرسي الجمبي فاضي .
دشليون سفرية قابلنا فيها سحنات كلها صباح خير . الحمد لله
لكن يا اخوي شكلنا كدا بقينا ناس مقابر مقابر .
غايتو انا اديت صاحبك الخواض وصيتي يجمع لي شعري كلو
حق امريكا علي حق اليمن علي حق لندن في كتاب واحد .
مع اعادة طباعة الديوان القديم .1981 مطبعة الفجالة القاهرة
داير اخليك في الصورة .
| |
|
|
|
|
|
|
|
|
|
Re: اسقى الشمس شاى الصباح (Re: Osman Musa)
|
لسه بدرى ياخ
كلنا متشبثين و متشعلقين فى هذه الدنيا البايخه
بس ما بنمرق بى هينه
ههههه
احسن شى فعلا تلملم شغلك كله فى حته واحده
انا حاولت قبل كم سنة و لميت كتير
بس بدون ميز وبدون ترتيب كويس
الشغلانه محتاجه وقت و فضاوه زى ما بقول السعوديين
يلا قو اهيد
| |
|
|
|
|
|
|
|
|
|
Re: اسقى الشمس شاى الصباح (Re: Biraima M Adam)
|
اخونا بريمة سلامات .
والله احب النقد جدا . لكن ما عندي اي معرفة بي النقد .
بس بفتكر يا بريمة لمان اب ذر جاب ليك في القصيدة سيرة الشمس
داير يصور ليك حرارة حب الشاعر للمحبوبة . ودا يا اخ بريمة
اسمو الجن الكلكي .
دا يا بريمة ما هو الغزل المكشوف زي غزل ناس ( فيفتي سنت )
دا غزل فيه عفة وصدق . انت ما سامع بي ( يا قلبي المكتول كمد )
يعني هارت اتاك والمقابر .
اسقي الشمس شاي الصباح يا بريمة شغل فيه خجل . شغل كتامي
دا الحب البخليك تناهد .
تحياتي
| |
|
|
|
|
|
|
|
|
|
Re: اسقى الشمس شاى الصباح (Re: Osman Musa)
|
تعرف يا عثمان
البقارة ديل من اكتر الناس محبة للفنون و الفرح
طبيعة البيئة و طريقة الحياة عندهم بتخلق عوالم جميلة جدا ليهم
لكين برية ده بقارى تايوانى
ههههه
شاعرهم قال
فى الوسامه
جل رسامه
يا خلى دى الدنيا
معدودة ايامه
حليوه يا بسامه
الفايح نسامه
الريده فى القلوب
الله علامه
| |
|
|
|
|
|
|
|
|
|
Re: اسقى الشمس شاى الصباح (Re: Biraima M Adam)
|
ازيك يا بريمه
منو القال ليك انت ما ناقد ؟
يا زول انت ناقد تب والله
انت قايل النقد ده شنو ب الضبط
ما ياهو رأيك البتقولو فى أى شى
و اكيد لما تقول رأيك فى أى شى مهما كان هو شنو بكون عندك اسبابك و دوافعك و محركاتك الخ الخ
ودى ياها التحليلات الانت بتلقاها عند الناس البقولو عليهم نقاد ديل
ياهو نفس ال
Criticism
البقولوهو
الاختلاف بس بكون فى الحتة أو النقطة الانت واقف فيها و بتعاين منها
هسى كلامك ده نقد عديل كان بتتذوق ولا ما بتتذوق الشعر
الغريبة انت بقارى
اول مره يمكن يلاقينى بقارى ما بضوق طعم الشعر
هههههه
ما سمعت
كن قليبكى فراكى
انا بطراكى
يا قمير في سماكى
| |
|
|
|
|
|
|
|
|
|
Re: اسقى الشمس شاى الصباح (Re: هشام الدرديري)
|
ازيك يا هشام و كيف الحال
لو كانت الغربة امرأة
كنت خنقتها ههههه
دى على وزن لو كان الفقر رجلا ديك
الغربة ما بعرف عذابها إلا الناس الضاقوها
و الأسوأ كمان الناس الجربوها و رجعو لى أهلهم فرحانين
وتانى اضطروا يفوتو و يغتربو غصبا عنهم
حاجه قاتله و مهلكه بالجد والله
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
أبوذر بابكر
نعمات عماد
osama elkhawad
معتصم عيدروس
Osman Musa
هشام الدرديري
Biraima M Adam
عمار عبدالله عبدالرحمن
عبيد الطيب
فيس بوك
تويتر
انستقرام
يوتيوب
بنتيريست