|
|
|
 Re: اخير ليكم يا قحوطة زحوا من دريبنا (Re: أيمن نواى على)
|
كدة كدة اصلها ماشة لثورة ثالثة .. قبل ما تقوم الثورة لابد من وضع عقوبة مناسبة للقحاطة تنفذ مع البرامج .. عشان بعدين ما نقعد نتلفت ذى القحاطة .. لابد من مراعاة حقوق الانسان شئ مهم جدا .. ما حدث للقذافى فى ليبيا يجب ان لا يتكرر .. خصوصا ثورة الجياع لايمكن التحكم فيها .
| |
 
|
|
|
|
|
|
|
|
Re: اخير ليكم يا قحوطة زحوا من دريبنا (Re: أيمن نواى على)
|
اصلوا انا على قناعة تامة بان الحال المايل و المائع لايمكن ان يستمر طويلا .. محاولات الترقيع و التلتيق و تلصيق الطين فى الكرعين ما بيقى نعلين .. العقلوا فى راسه بيعرف خلاصوا .. يا القحاطة انتو لمن ما عارفين تعملوا شنوا .. و لأ عندكم برنامج جاهز المحشركم فى الشغل دا شنوا .. ما كان تزحوا و تخلوا الناس البتعرف الشغل تتقدم .. و لا انتوا مفتكرين الشغل فهلوة و ركوب راس وخلاص و عدى من وشك و السلام .. لابد ان تعرفوا دخول الحمام ما ذى خروجوا .. لابد ان تكونوا عظة و عبرة لمن ياتى من بعدكم .. حتى نقطع دابر الاستهبال و الاستهتار بمصير الشعب .
| |
|
|
|
|
|
|
|
|
|
Re: اخير ليكم يا قحوطة زحوا من دريبنا (Re: أيمن نواى على)
|
زمن القشير عامل فيها ثورى
و زمن الثورة عامل فيها تور
..............
ارجع لى محمد طه القدال : حوار الخليفة و امنة بت حاج احمد
يا ديارى الوين أني ...
تور عفين الشين أني ...
ما اضين و زين أني
ثقافة بلدك ما عارفها .. امشى لى كبر يشرح ليك .. ما عندى وقت اشرح ليك .. مشغول مع القحاطة المشاطة يمشطوا فيها بى قملا .
| |
|
|
|
|
|
|
|
|
|
Re: اخير ليكم يا قحوطة زحوا من دريبنا (Re: أيمن نواى على)
|
فرصة ذهبية كيف نجعل من القحاطة عظة و عبرة لمن يخلفهم .. قبل اى برامج نعمل فى الناس ديل شنوا .. التشاور سمح .. بيت الشورة ما بيخرب تب .. عشان الثورة تكون نجيضة و عديلة و قدم خير للشعب .. بعدين ما يحصل ليهم شئ يبقى لينا عار .. نعقد فى انحنا ما قايلين الشارع ينفجر قدر دا .. واحد ماسكينوا ذى القذافى .. و التانى مربطنوا من كرعينوا وراسه مدلدل ذى ديك البطانة .. بعدين نقعد نقول قضاء وقدر ..
| |
|
|
|
|
|
|
|
|
|
Re: اخير ليكم يا قحوطة زحوا من دريبنا (Re: adil amin)
|
استاذ عادل امين
الناس ديل ما قاعدين في السكة قدامنا كما تفضلت ...ديل قاعدين في راسنا عديل ورايح ليهم درب
.................
تعليق اوسكار
قاعدين على رؤسنا .. ويتلفتوا يفتشوا فى الحل كان على رؤسهم الطير .. ذى مثل زميل البورد حسن منعول اشترى قندول .
| |
|
|
|
|
|
|
|
|
|
Re: اخير ليكم يا قحوطة زحوا من دريبنا (Re: أيمن نواى على)
|
يا القحاطة فى زول قال ليكم تعالوا استلموا السلطة .. الشعب قال ليكم اتفاوضوا مع العساكر و سلموا السلطة الى حكومة تكنوقراط غير حزبية .. عملتوا فيها شطار و مفتحين و استلمتوا السلطة .. بعد دا خموا و صروا .. براكم درعتوا الحبل فى رقبتكم .. منذ سقوط الانقاذ انتم مسؤولين مسؤلية مباشرة عن اى روح فارقت الجسد بالقتل او الجوع او المرض .. و اى نتهاكات لكرامة الانسان اليتامى و ارامل معاقين نفسيا و جسديا و كبار السن .. ديل كلهم فى رقبتكم .. بعدين الحساب ولد .. من هسى احسبوا .. اذا انتوا قدرها واصلوا فى السلطة .. و اذا ما قدرها اتخارجوا من هسى دى نصيحتى ليكم .
| |
|
|
|
|
|
|
|
|
|
Re: اخير ليكم يا قحوطة زحوا من دريبنا (Re: أيمن نواى على)
|
الشباب وليس الشعب مرقو بي مكانيزمات مجرمة كراهية في البشير شخصيا وبي تسقط بس واتحركت مخابرات الدولة الوسخة الخمسة المستفيدة من الوضع الشائن للانقاذ في الواتس والفيس لشحن الناس بي الغضب وليس الوعي والمشروع الديمقراطي الفدرالية الاشتراكي الحقيقي =رؤية الحركة الشعبية المحترمة 2005-2010 المرقت الملاييين يوم قيامة الساحة الخضراء
يعني الناس مرقو كراهية في بشير والمؤتمر الوطني وليس الانقاذ كلها من ساسا لي رسا وليس حبا في كائن مجهول يسمي تجمع المهنيين او ق ح ت والذين هم بعاعيت مايو 1969 وما فايتين مثلث الحمدي في الداخل
قرود السيرك الامريكي الخمسة مصر والسعودية والامارات من ناحية وقطر وتركيا من ناحية اخرى
وجا الانقلاب بتاع 2019 علي مرحلتين
ابن عوف صفر العداد ولغي دستور 2005 الفدرالي وبكل ما معه من اتفاقيات وجهود جبارة لتفكيك الدولة المركزية الوسخة الرابطانا بصورة مشينة مع هذه االدول الخمسة
ق ح ت الانتهازية راهنت علي غضب الشباب وليس وعيهم
الثورة بتاعة الوعي والبصيرة ما جات لسه ولم تجي بحدث بريقا ضجة الضو في المكان وترجع هوية السودان والسودان الحضارية والاخلاقية اول شي
ومشروحة هنا في البورد بي التفاصيل المملة وفي متناول الجميع
نتحرر نفكر نتحرك نتغير
ابسط حاجة اجدع علم مايو القبيح 1969 وارفع علم الاستقلال 1956 علم الهوية السودانية ده ابسط حاجة
ما يا يلزمنا الحمدي الكعوك ولا مثلثه ولا الوعي البمثلو من كيزان وسلفيين وشيوعيين وبعثيين والناصريين ابدا
https://top4top.io/
| |
|
|
|
|
|
|
|
|
Re: اخير ليكم يا قحوطة زحوا من دريبنا (Re: adil amin)
|
شكرا استاذ عادل امين
ق ح ت الانتهازية راهنت علي غضب الشباب وليس وعيهم
الثورة بتاعة الوعي والبصيرة ما جات لسه ولم تجي بحدث بريقا ضجة الضو في المكان وترجع هوية السودان والسودان الحضارية والاخلاقية اول شي
.......................
القحاطة سجم الرماد .. فعلا ترهن على الغضب وتسعى جاهدة على تغبيش الوعى .. اخر تجلياتها تصنع كتائب الجداد الاكترونى .. الدفعة الاولى بدأت نشاطها فعليا .. تقول الحكومة ليها اربعة شهور و تعدد فى الانجازات .. ما باقى ليهم إلا يقولوا اارد بالسد .. تتحرك قحت بسرية تامة و تعقد صفقات لا يعلم بها الشعب منذ الجولات الخارجية و الحوار مع المجلس العسكرى حتى مع المؤتمر الوطنى .. تتكتم على كل شئ و ثكمم افواة الوزراء و تحركاتهم كانهم موظفين لدى قحت.. اخر لقاء تلفزيونى مع رئيس مجلس الوزراء اعترضت عليها قحت .. ما دايرين ااشعب يعرف الحقيقة .. الناس ديل تصرفاتهم مريبة .
| |
|
|
|
|
|
|
|
|
|
Re: اخير ليكم يا قحوطة زحوا من دريبنا (Re: أيمن نواى على)
|
| Quote: ما دايرين ااشعب يعرف الحقيقة .. الناس ديل تصرفاتهم مريبة . |
ديل اصلا بمثلو في دور قذر خارجي ما عنده علاقة بالديمقراطية والفدرالية والاشتراكية وشكل الدولة الكان موجود قبل الانقاذ جو يحرسو مصالح الدول دي بس
مصر والسعودية والامارات وقطر وتركيا وصفرو العداد بالغاء دستور 2005 بواسطة قائد الثورة المزيفة بن عوف وهرول مصر ثم جو ناس الموجة الثانية البراهان وحميدتي في ابقاء الاوضاع الشاذة للانقاذ في الداخل والخارج وناس حمدوك ركبو الفيل
والامر لحدي هسة انقلاب ولم يتحول الي ثورة حقيقية تزح السودان من العرب مصر السعودية الامارات قطر تركيا ونهب الموارد المستمر وبيع الجنود مرتزق في حروب نظام الانقاذ المجرم ودلالين المشروع الامريكي والبنك الدولي
ولمن انت تدي ناس مشروع تحول ديمقراطي واضح ومؤسس دستوريا وما يمشو فيه هم حالة من اثنين اما معتوهين وما عندهم مخ اما رخيصين وازرقية شحادين احرص علي مصالح الدولخارجية من مصالح الشعب السوداني
اعادة السودان الحقيقي هو انك تمشي يالاستيكة في مشاريع الانقاذ دي من هسة الي 30 يونيو 1989 السودان كان كيف ؟؟ الحكم الاقليمي للامركزي ودستور 1973
مش كان دولة ديمقراطية فدرالية اشتراكية مكونة من ستة اقاليم بس
خلاس نرجع لي الحتة دي ونسلك طريق جديد مشروح كويس
وهسة نحن نتجاوز الشجب لي ق ح ت او غيرا بي طرح البديل ((السوداني ))) الواضح ما فاضح
اطرح البديل طوالي
وعندي بوست عن غرب كرفان تعال وريني رايك شنو في قضية كلية الطب الوهمية دي وحلول وزيرة التعليم العالي القحتية
| |
|
|
|
|
|
|
|
|
|
Re: اخير ليكم يا قحوطة زحوا من دريبنا (Re: أيمن نواى على)
|
اتكلم حتى اعرف من انت .. عندما تحدث السادة الوزراء فى الاعلام نزل حديثهم نزول الصاعقة على الشعب .. وقف الشعب مصدوم ما بين مدهوش و من عقدت لسانه و من هو جاحظ العينين .. هل هؤلاء هم الكفاءات انقسم الشعب ما بين مصدق و مكذب .. و الطامة الكبرى لا يجيدون اقوال و لا افعال غير اثنين او ثلاث .. اما البقية تمومة جرتك فى عرس الاحزاب .. سأل احد الاشخاص ديل ينقلونا من الانتقالية الى الديمقراطية .. ما اظن ما ظن اصبح يردد يضرب كف بكف ديل يوصلونا احمد شرفى بالموسيقى .. واقف براك و الهم عصف.
| |
|
|
|
|
|
|
|
|
|
Re: اخير ليكم يا قحوطة زحوا من دريبنا (Re: أيمن نواى على)
|
استاذ عادل امين
ديل اصلا بمثلو في دور قذر خارجي ما عنده علاقة بالديمقراطية والفدرالية والاشتراكية وشكل الدولة الكان موجود قبل الانقاذ جو يحرسو مصالح الدول دي بس
.......................
شغالين غفراء و عاملين علينا مدراء .. النفس لمن تكون رخيصة تعمل اى شئ .. ما دام. راسهم فى الخذنة. الباقى ما مهم .. الذى يبع وطنة يمكن يبيع كل شئ .. المشكلة انو هذه النوعية على راس قيادة البلاد ماذا نتوقع منهم غير الحروب و الدمار و الغلاء و المجاعة .. لابد من استعدال الصورة المقلوبة .. اما اللقاء التلفزيونى مع عمر الدقير يحتاج الى بوست منفصل للجلخ و النتف و المعط حتى يستقيم العود .
| |
|
|
|
|
|
|
|
|
|
Re: اخير ليكم يا قحوطة زحوا من دريبنا (Re: عمر التاج)
|
ايمونلا
و عدولي
و عمر فلة
دراويش لاقو مداحين :)
ما عاوز اقول اتلما المتعوس على خايب الرجاء تقوموا تلبدو لي في زقاق مضلم
لكن احتياطاَ تباَ لكم اوغاد :)
سيبو حكومتنا الرشيدة في حالا يا فلول و بقايا احزاب الفكة
شكراَ حمدوك
مدنيييييياو
| |
|
|
|
|
|
|
|
|
|
Re: اخير ليكم يا قحوطة زحوا من دريبنا (Re: عمر التاج)
|
حبيبنا عمر التاج
سجن سجن ثورة ثورة
القحاتة ماحا يجيبوها لبر
ماشين في درب الكيزان وقع الحافر بالحافر
ولو دخلوا جحر ضب لدخلوه
أخرجه الثوري
اخرج الضب من جحر القحاطة
.......................
فى رواية اخرى .. عن ابن الثورى .. رضى الشعب عن كفاحه .. قال اين ما حل الكيزان او حط رحلهم تجد القحاطة من خلفهم .. و قيل حتى لو دخلوا السجون .. حتى لو دخلوا جحر ضب خرب دخلوه. ..
متفق عليه عمر بن التاج
| |
|
|
|
|
|
|
|
|
|
Re: اخير ليكم يا قحوطة زحوا من دريبنا (Re: أيمن نواى على)
|
خدورى
ما عاوز اقول اتلما المتعوس على خايب الرجاء
تقوموا تلبدو لي في زقاق مضلم
................
انحنا هينين .. لكن كان قبل عليك .. عمر ابن التاج قلاع الثنايا .. يخلى ريحتك طير طير . و صيتى ليك خليك لابد لى فترة .. و اذا مشيت خليك على طرف الحيطة .. الحيطة و الحزر واجب .. الحياة مش بعزقة .
| |
|
|
|
|
|
|
|
|
|
Re: اخير ليكم يا قحوطة زحوا من دريبنا (Re: أيمن نواى على)
|
هن ثلاث اخطاء قاتلة يا قحت .. الاولى غطست حجركم .. و قللت شعبيتكم انا واحد منهم طرفى دا منكم .. الثانية نشفت ريقكم خلت خشمكم ملح ملح تشربوا ما تروا .. باقى ليكم الثالثة فى الطريق .. الثالثة الطامة الكبرى لواحة للبشر لا تبقى و لاتزر .. بالعربى الفصيح الثالثة دى نهايتكم شيلوا الفاتحة على روحكم .. ترونها بعيد و نراه قريب جدا .. ذى ما وقعتوا فى الاولى و الثانية براكم تقعوا فى الثالثة الشفقة و الكبكبة تكبكم فى الحفرة .. ساعة اذن لن يفيد البكاء على اللبن المسكوب .
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
أيمن نواى على
جلالدونا
adil amin
عمر التاج
خضر الطيب
فيس بوك
تويتر
انستقرام
يوتيوب
بنتيريست