مواصلة لإنسداد كل الخيارات أمام حمدوك ... كما حكومة البشير في سنتها الأخيرة ... لن أندهش إذا أعلنت زيارة حمدوك إلي روسيا والصين ومن بعدها سوريا وتركيا ... العقوبات والدولار تدمر في البلد بعنف ...
11-04-2019, 06:30 AM
عمر التاج عمر التاج
تاريخ التسجيل: 02-08-2008
مجموع المشاركات: 3428
مش في مفسرين احلام؟ طيب يفترض يكون في مفسرين صور برضو.. بالطبع لا نقصد (المبربرون) الرسميون، وعشان نكتل الدش في وجه المتفيسرون نجيب الروايات الرسمية حتى نفسح المجال المفسرين الحقيقين..
Quote: وكيل الخارجية يلتقي وزيرالدولة للشئون الخارجية القطري
الدوحة في 3-11-2019م (سونا) - إلتقي الدكتور الصديق عبدالعزيز عبدالله وكيل وزارة الخارجية اليوم بالدوحة بالسيد سلطان بن سعد المريخي وزير الدولة للشؤون الخارجية القطري .
وتم خلال الاجتماع استعراض علاقات التعاون الثنائي بين البلدين الشقيقين وسبل دعمها وتطويرها وتعزيز آفاق التعاون، بالإضافة إلى الموضوعات ذات الاهتمام المشترك.
وكان وكيل وزارة الخارجية قد رأس وفد السودان المشارك في اجتماعات مجموعة الاتصال لوزراء خارجية دول منظمة التعاون الاسلامي الخاصة بدعم الصومال اليوم بالعاصمة القطرية الدوحة.
#السودان #سونا
Quote: Marwan Seddeig وزارة الخارجية ادارة الاعلام والناطق الرسمي بيان صحفي
نشرت صحيفة مصادر في عددها ليوم الاحد الموافق ٣ نوفمبر ٢٠١٩م خبراً عن سفر السيد وكيل وزارة الخارجية الى الدوحة، على خلفية العقبات التي تواجه حكومة حمدوك بعد تعقيدات الملف الخارجي ورفض الإدارة الأمريكية رفع السودان من قائمة الدول الراعية للارهاب ( كما ورد في الخبر). وإذ تتمثل حقيقة غرض سفر السيد الوكيل في المشاركة وتقديم كلمة السودان نيابة عن الاستاذة أسماء محمد عبدالله وزيرة الخارجية في الاجتماع الراتب لمجلس الاتصال الخاص بالصومال والذي تشكّل منذ سنوات داخل منظمة التعاون الاسلامي، ويضم في عضويته سبعة عشر بلداً، فإن خبر الصحيفة يخرج عن أمانة نقل الاخبار، ويقحم أموراً لا صلة لها بالحقيقة وموضوعية نقلها فيما تكتبه الصحيفة، وإذ تأسف وزارة الخارجية لما قامت به (مصادر) فإنها تدعوها الى تصحيح خبرها المنشور بما يتفق مع الحقيقة.
صدر في ٣ نوفمبر ٢٠١٩م
/IMG]
11-04-2019, 08:43 AM
محمد جلال عبدالله محمد جلال عبدالله
تاريخ التسجيل: 06-24-2011
مجموع المشاركات: 4552
وزيرة التنمية الاجتماعية دي مفروض تاخد كورس في بروتوكول الصور لمن يجوا يصوروها تواجه الكاميرا وتقعد باستقامة مش تكون قاعدة بالطريقة دي ياخي حتى لغة الجسد تعبانة!
11-04-2019, 09:00 AM
عمر التاج عمر التاج
تاريخ التسجيل: 02-08-2008
مجموع المشاركات: 3428
قطر يا ود الزبير قطر؟ قطر وكر الاخوان وبؤرة الشر في العالم العربي كله الان أصبحت وجهة لحكومة السودان قطر ؟ قطر التي كانت سند البشير حتى اخر أيامه تصبح المانح والملجأ للحكومة الانتقالية بعد سقوط زعيم الاخوان قطر ... قطر الواحدة دي؟ عدوة الديمقراطية والحرية والثورة السودانية ؟ فعلا حاحة تحير، ومثلك لن نندهش من تصرف حكومتنا مرة أخرى .. حتى وان زار حمدوك روسيا وطلب حمايتهم من السعودية ..
Quote: لن أندهش إذا أعلنت زيارة حمدوك إلي روسيا والصين ومن بعدها سوريا وتركيا ...
11-04-2019, 09:01 AM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
ما فهمنا يا عمر ، شنو المحتاج تفسير ؟ اهي العلاقة مع قطر مثلا ؟ لو ده الموضوع ، ما شايف اي حاجة بتحتاج تفسير مفروض تكون عندنا علاقة ايجابية مع كل الدول بغض النظر عن توجهاتا الايديولوجية او انتماءها لاي محور لان هذا شأنها الخاص.
11-04-2019, 09:37 AM
عمر التاج عمر التاج
تاريخ التسجيل: 02-08-2008
مجموع المشاركات: 3428
Quote: وزيرة التنمية الاجتماعية دي مفروض تاخد كورس في بروتوكول الصور
البنية دي بالذات كفاءة ، بس مش خبره شوية تجارب وحا تتعلم البروتوكولات وتتثقف في أمور السياسة بس المشكلة في الخبره الكبيرة العاملة البيان الرسمي بتاع وزارة الخارجية العالمون ببواطن الأمور يقولون أن الصحيفة التي اشارت لها في بيانها موقوفة قبل فترة ولم تصدر لها أي عدد في يوم 3 نوفمبر.
11-04-2019, 09:46 AM
عمر التاج عمر التاج
تاريخ التسجيل: 02-08-2008
مجموع المشاركات: 3428
Quote: اهي العلاقة مع قطر مثلا ؟ لو ده الموضوع ، ما شايف اي حاجة بتحتاج تفسير
ليست هي العلاقة فقط بل طبيعة العلاقة التي تجعلك ترسل ثلة وزراء مع وكيل وزارة المالية سرا لدولة تصنفها جماعتك بانها وكر الإرهاب وهادم لذات الثورة والديمقراطية اذا كانت طبيعة العلافة عادية فيكفي مع دولة مثلها التمثيل الدبلوماسي والاتفاقات التجارية ولكن أن يذهب رئيس المجلس ورئيس الوزراء للسعودية من فوق ثم يذهب وكيل المالية لعدوة السعودية اللدود من تحت حتى تكشفه الدولة المضيفة نفسها ثم نبقى في تبرير الصومال وعدن .. فدي هي طبيعة العلاقة وليست العلاقة أين الكرامة يا عبد الله، وأين الندية، وأين التعامل بالمثل حتى ترسل وزراءك كل يوم لدول تعلم أجندتها وشروطها لدعمك ماليا ومنحك هباتها؟ فرقتنا شنو من البشير الكان كل يوم شايل قرعته وناطي في دولة ، ولما تزعله يقلب للدولة الضدها طوالي؟
11-04-2019, 10:03 AM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
عمر التاج ما تميع الامور ، ياتو جماعة الوصفتا كوكر للارهاب؟ انا عندي حكومة انتقالية غير منتخبة ، يعني ليست ائتلاف احزاب ما عندي جماعة الحكومة دي من اول يوم قالت بصريح العبارة انها ما عندها اي مشكلة مع قطر ولا اي دولة والكلام ده نقلتو كل القنوات بما فيها القنوات التابعة للمحور المعادي لقطر ، يبقى قصة رسلو وزراء سرا مع وزير المالية دي كلام مجاني ساي ، انا ما عارف استندت على شنو انت عشان تقول انو موضوع سري؟ اما موضوع الكرامة والعزة ، فدي عبارات ديماغوجية ساي ما عندها معنى ولا تمن في سوق العلاقات الدولية شنو يا حبيب العبارات دي ظهرت بعدما قبلنا دعم من فرنسا والسعودية والاتحاد الاوربي وامريكا والامارات ؟ اشمعنى يعني اسي بقا فيها كرامة والكلام الكبار ده؟ ده دواس بلا غبينة
11-04-2019, 10:45 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
المالية ولا الخارجية؟ ومنو هم "الثلة" الوزراء ديل ؟ و من وين جبت قصة سرا دي؟ انت يا ود التاج ما بتضوق - تقرأ - البتعوسه ولاّ آآآآآ العبارات دي - المالية, ثلة وزراء و سرا أكثر تأثيرا و تدعم الفكرة كسر رقبة
11-04-2019, 11:12 AM
عمر التاج عمر التاج
تاريخ التسجيل: 02-08-2008
مجموع المشاركات: 3428
انت يا عبد الله كلام المعارضة يمحوه النظام ولا شنو؟ من متين قطر دي بقت صديقة حتى نشارك في مؤتمراتها الاسلامية مش دي كانت نفس الصفة الكانت المعارضة بتعيب عليها نظام الكيزان وتصفهم بانهم داعمين للارهاب العالمي البترعاه قطر، ومشاركين في الحروب المقدسة للتحالف؟ اليوم الكلام ده كله بقى ليكم حلالا بلالا؟
Quote: اما موضوع الكرامة والعزة ، فدي عبارات ديماغوجية ساي ما عندها معنى ولا تمن في سوق العلاقات الدولية شنو يا حبيب العبارات دي ظهرت بعدما قبلنا دعم من فرنسا والسعودية والاتحاد الاوربي وامريكا والامارات ؟ اشمعنى يعني اسي بقا فيها كرامة والكلام الكبار ده؟ ده دواس بلا غبينة
عبارات ديماغوجية كونك تلزم نفسك بموقف ثابت يا عبد الله يعني لا شهامة ولا رجوله ولا كرم وبرضو داير تاكل من اي صحن مشحوط المساكين؟ يا اخ اذا انت مفلس الزم نفسك بالتوجه نحو قطب واحد، مش تاكل يمين وشمال زي المنشار.. .. ..
Quote: لمالية ولا الخارجية؟ ومنو هم "الثلة" الوزراء ديل ؟ و من وين جبت قصة سرا دي؟
الوكيل بتاع خارجية ياود البشرى، وعفوا للخطأ.. ولكن الزيارة للمالية.. والوفد بعضه ظاهر في الصور فوق.. أما كونها سرية فهي غير معلنة، راجع موقع وزارة الخارجية قبل الزيارة وحتى البيان جاء كرد فعل لنشر الصور بواسطة تويتر قطر ومن ثم تداولها في السودان.. لذا فالبيان تبريري والبوست تفسيري.
11-04-2019, 11:24 AM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
يا عمر دي حكومة ثورة شكلا حمدوك مش حكومة معارضة لازم تفصل بين الحاجتين ديل الوزراء الفي الحكومة ديل كلهم او جلهم لم ينشطوا سياسيا في احزاب المعارضة التي كانت تنشط ضد الاسلاميين وتصف حكومة قطر بالارهاب. ولا سمعنا بيهم قبل كده ولا قطر ذاتا سمعت بيهم حصل سمعت حمدوك او اسماء او نصرالدين الخ الخ بصف حكومة قطر او اي حكومة تانية بالارهاب؟ الحاجة التانية مين من احزاب المعارضة كان بيعادي قطر ؟ خليك دقيق وحدد لي .. 1، 2؛ 3 مين ؟ ما تتعامل مع المعارضة كحزمة او ربطة واحدة اذا افترضنا ان قطر ستملي علينا اجندتها ، فللاخرين ايضا اجندة ، على الاقل نظريا ديماغوجية يعني خم الناس واستثارة عواطفهم باشياء لها علاقة بمسلمات المجتمع ، زي الدين والكرامة الوطنية الخ الخ لمجرد الكسب السياسي او اثارة القلاقل.
11-04-2019, 12:24 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: الوكيل بتاع خارجية ياود البشرى، وعفوا للخطأ.. ولكن الزيارة للمالية.. والوفد بعضه ظاهر في الصور فوق.. أما كونها سرية فهي غير معلنة، راجع موقع وزارة الخارجية قبل الزيارة وحتى البيان جاء كرد فعل لنشر الصور بواسطة تويتر قطر ومن ثم تداولها في السودان.. لذا فالبيان تبريري والبوست تفسيري.
ما مشكلة الخطأ المهم التاثير حصل :) قلت الزيارة للمالية! وكيل وزارة الخارجية السودانية يقابل وزير الدولة للخارجية القطري! ممكن تشرح لي كيف الزيارة للمالية, ما وقعت لي دي - اللهم إلّا من باب استمرار التأثير المطلوب قصة سرية الزيارة كونه تستند على عدم الاشارة ليها في الموقع ليس سببا كافيا للقطع بسرية الزيارة, ما ممكن تقابل وزير دولة وتقول لي سري, كان انت ما حدّثت موقعك وزارتك البضمنك شنو وزراة الدولة المعنية و اعلامها ما يكتب عن الزيارة, الزيارات السرية - عشان تكون سرية - بتم باتفاق الطرفين ودا شي بديهي أخيرا, ما جاوبت عن سؤالي عن من هم "ثلّة" الوزراء, كلمة ثلّة تفيد أكثر من اثنين وطالما قلت الوكيل وثلة يبقى طلع الوكيل مفروض على الأقل تلاتة وزراء يكونوا ظاهرين في الصور, رجعت لإشارتك للصور لقيت واحد فقط مع الوكيل وهو ليس من الوزراء الحاليين, يمكن اشرت لصور أخرى غير الظارهة عندي, عموما سهّل علي و اديني اسماء الوزراء الاشرت لهم بـ "ثلّة" ديل
__________________________________
11-04-2019, 12:52 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: الوكيل بتاع خارجية ياود البشرى، وعفوا للخطأ.. ولكن الزيارة للمالية.. والوفد بعضه ظاهر في الصور فوق.. أما كونها سرية فهي غير معلنة، راجع موقع وزارة الخارجية قبل الزيارة وحتى البيان جاء كرد فعل لنشر الصور بواسطة تويتر قطر ومن ثم تداولها في السودان.. لذا فالبيان تبريري والبوست تفسيري.
والله ياود التاج البتسوي فيهو دا اخير منك الهادي :)
يآخ اول تلاتة مداهخلات انت مقتبسهن بيدك دي وجايبين لو قريتن ما كان جيت مقنطر نفسك كدة لودالبشرى .. عموماً بيقولوا يداك اوكتا والنفخ فيك براك هههههههههههه
تحياتي
11-04-2019, 02:33 PM
عمر التاج عمر التاج
تاريخ التسجيل: 02-08-2008
مجموع المشاركات: 3428
المشكلة يا حيدر ان عبد الله عايز يقنعني بانه الحكومة دي ما حكومة معارضة للكيزان ، والطريقة الوحيدة الممكن يقنعني بيها بكده انه يثبت لي انه حمدوك وعباس مدني واسيا أو أي واحد من الوزراء الشغالين ديل كوز أو ماعنده مشكلة مع الكيزان
Quote: دي حكومة ثورة شكلا حمدوك مش حكومة معارضة لازم تفصل بين الحاجتين ديل
أصغر طفل سوداني ممكن يعرف اتجاهات الحكومة دي تبع ياتو محور وانه دول زي قطر وايران وتركيا تاني الا يوجه البلد ليهم الشديد القوي .. وأهو الشديد القوي وجهم بأسرع كما يمكن .. أما ود البشرى فهو الاخر بيعزف على وتر العلاقات الخارجية وعايز يقنعنا أنه قطر لها تأثير قطري ودولي لدرجة يمشي ليها وكيل وزارة الخارجية عشان يحضر مؤتمر إسلامي والمؤتمر زاتو مؤتمر دعم وشحدة ووصلت درجة السرية فيه أن تم تغييب المالية حتى تستأثر الخارجية بالكعكة بس أوع واحد يجي يقول لي دليلك شنو؟ فأي دليل غير قلبي والملك سأحتفظ به ..
11-04-2019, 03:00 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
Quote: طيب يفترض يكون في مفسرين صور برضو.. بالطبع لا نقصد (المبربرون) الرسميون، وعشان نكتل الدش في وجه المتفيسرون
يا عمر التاج وقتين موضوع البوست إستحم ودشك مات في يدك حقو تستفيد من البوست وتشرح الفرق بين المفسرين والمبربرين والمتفيسرين مع إعطاء نماذج او اقول ليك بإختصار كدا ورينا التصنيف بتاع ود البشرى عبدالله إدريس وحيدر الزين ديل وينوبك ثواب
11-04-2019, 03:19 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
اهاااا مولانا كمان جاب بنبره و جبّادته عايز يسترزق!! جبرنا يا مولانا امش شوفليك قيفة تانية وود الزين يحسدك على الجاتك مقنطرة من رب العالمين!
Quote: أما ود البشرى فهو الاخر بيعزف على وتر العلاقات الخارجية
يا ود التاج ما عليك منهم, وركّز معاي, أنا زاتي خليني من وتري البعزف عليه ما عارف كيف دا بس اديني اسمين تلاتة من "ثلّة" الوزراء و اوعدك اتخارج بي وشي, زاتو مواعيد النادي قرّبت
11-04-2019, 03:24 PM
adil amin adil amin
تاريخ التسجيل: 08-01-2002
مجموع المشاركات: 37022
قرود السيرك الامريكي الخمسة الدمرو اليمن والعراق وسوريا وليبيا قطر وتركيا ومصر والسعودية والامارات والسؤال لماذا نحت عالقين في العالم العربي الضيق من 1957 وتهرول للدول دي بدون كرامة ولا وعي حتي السودان اغني منها كلها لو في مخ يدير موارد السودان ذى الحبشة وراندا الثورة دي اعادة تدوير ناس مايو 1969 وما في جديد المحاصصة والانقلاب حاجة واحدة لا حامل فكري لا مشروع سياسي واضح نحن نرتب السودان باسس جديدة اول حاجة ونرجع الديمقراطية والفدرالية والاشتراكية الكانت موجودة في زمن الانجليز والعصر الذهبي 1938-1956 والله لو مسكنا درب السيد عبدالرحمن المهدي والكومونولث ما كان وصلنا هذه الحضيض وتسول دول الخليج الغبية
11-04-2019, 04:01 PM
عمر التاج عمر التاج
تاريخ التسجيل: 02-08-2008
مجموع المشاركات: 3428
للأسف يا مولانا حافظ المنبر ده اي حاجة فيهو بتمشي بالعكس طلبنا المفسرين جونا المقصرين وانت وكتين جيتنا وايديك (خلا) كان تفسر لنا بخلفيتك (الما قانونية) ديك فكرة انتقال حمدوك من أقصى اليسار لأقصى اليمين الإخواني المتطرف مرورا بالاسلام (السلفي) المتشدد.. دي مش ياها (رسالتك) زااتا يا مولانا؟ ود البشرى قال عايز اسماء ثلاثة وزراء، وانا فوق جبت صور اثنين (الوكيل هنا بماكينة وزير دولة) ده طبعا غير صورة الوزير القطري.. اها الباقي حقو تتمه خيال أو تنتظر المفاجأة البتخليك لا تقدر تفسر لا تقدر تقصر
11-04-2019, 04:46 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: بس اديني اسمين تلاتة من "ثلّة" الوزراء و اوعدك اتخارج بي وشي, زاتو مواعيد النادي قرّبت
وكت الموضوع بقا فيهو حساب وبواقي ورجع لي الفكة لبان انا طلبت قبل ود البشرى يوروني منو من فصائل واحزاب قحت قالو انو قطر دولة ارهابية وقلت 1-2-3 .. يلا يا عمر اسرع ،وكوار و بيع بالجملة ما معانا.
11-04-2019, 05:24 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
افا يا ود التاج!! ياخي قول جلا اخير من الهرتلة دي رقيت الوكيل وسويتو وزير دولة قلنا خير لكن كمان عايز تحسب لينا وزير الدولة القطري تبع "الثلة" من الوزراء المشوا مع الوكيل!!! لا لا لا كدا كتير والله بعدين التاني المع الوكيل دا قلنا ليك ما وزير ما تكاورنا ساي
11-04-2019, 08:49 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
شكرا يادكتورة على الإضافة وخلونا يا جماعة في السياسة ، طالما ما في مفسرين صور المعروف عن نظام البشير أنه كان داعما لمحور السعودية الامارات في ظاهره ولكنه من الباطن كان مدعوما من قبل طرف الاخوان في قطر وتركيا وحتى سقوطه البشير الذي حاول اللعب على كل المحاور خزلته نفس هذه المحاور وتسببت في سقوطه المجلس العسكري ومنذ استلامه السلطة يمم وجهه صوب المحور السعودي وتلقى منه دعم كثيف وعندما بدأت قطر تتسلل للمشهد السوداني قام المجلس العسكري بإقالة (وكيل وزارة الخارجية) ردا على اسهامه في ذلك التدخل الحكومة المدنية بقيادة قحت في ظاهرها ترغب في مواصلة الاتصال بالبعد السعودي من أجل مواصلة الدعم المادي والتقرب من المحور الأمريكي الذي يصنفها في قوائمه السوداء وفي باطنها تلعن المملكة التي تستغل جنودها في حرب اليمن، وتلعن قطر التي وقفت ومازالت تقف مع اخوان السودان المحور السعودي تقدم مع البشير خطوات ورفع الحظر الاقتصادي عن السودان، ولكنه لايرغب في عمل ذلك مع القحتاويين والسبب معروف وحتى الشق العسكري سيجد نفسه مبعدا من رحمة الدولار والريال بعد بوادر الانسحاب من حرب اليمن .. يبقى الخيار الأخير للحكومة الانتقالية تعمل ايه؟ تعمل زي ما عمل البشير .. وبالفعل قام نفس وكيل وزارة الخارجية (في شخص قحتاوي اخر) قبل يومين بزيارة سرية لقطر ، عقب زيارة فاشلة لوفد الحكومة المعلن للمملكة قطر لا تريد علاقات في الخفاء، فقامت بتسريب صور الزيارة وفتحت بعض المصادر الخاصة بها في السودان للدرجة التي اربكت وزارة الخارجية فاعتقدت ان صحيفة مصادر الواقفة عن الصدور لاكثر من شهر هي من تدس انفها في شأنها القطري قامت الوزارة بإصدار البيان الفوق لكي تبرر عملتها ، وهي الان بين خيارين: أما مواصلة العلاقة مع قطر في العلن وبالتالي ستفقد حتما المحاور السعودي المعادي لأي تقارب مع قطر أو تقطع علاقتها مع قطر في السر والعلن و تنفصل من أي محور داعم للجماعات الإسلامية في العالم وتبطل شلاقة سياسية تعمل ليها فضيحة إعلامية زي دي.
Quote: نفت وزارة الخارجية السودانية ماجاء عن حقيقة زيارة وكيلها إلى الدوحة، وقالت الوزارة بحسب ما ورد بمواقع التواصل أن خبر صحيفة (مصادر) السودانية بشأن سفر وكيل الوزارة إلى الدوحة خارج عن أمانة نقل الأخبار، ويقحم أمور لاصلة لها بالحقيقة والموضوعية، وندعوها للتصحيح. فيما بث التلفزيون وصحيفة الرآية القطريين نبأ الزيارة وكشفا عن إجتماع سعادة السيد سلطان بن سعد المريخي وزير الدولة للخارجية القطرية مع سعادة الدكتور “الصديق عبدالعزيز” وكيل وزارة الخارجية السودانية، يوم الأحد بالدوحة وتم استعراض علاقات التعاون الثنائي بين البلدين والموضوعات ذات التعاون المشترك. وكانت مصادر إعلامية في الخرطوم قد كشفت عن زيارة (غير معلنة) لوكيل وزارة الخارجية السودانية إلى الدوحة، تأتي علي خلفية العقبات التي تواجه حكومة حمدوك بعد تعقيدات الملف الخارجي ورفض الإدارة الأمريكية رفع السودان من قائمة الإرهاب الأمر الذي نفته الخارجية. الخرطوم (كوش نيوز)
11-05-2019, 07:20 AM
عمر التاج عمر التاج
تاريخ التسجيل: 02-08-2008
مجموع المشاركات: 3428
أها الصحف الخليجة التقطت الخبر وبدأت الردحي، الله يغطي عليكم من الاعلام المصري مايخلي سد النهضة ويقبل على زيارة قطر
Quote: الخارجية السودانية تنفي زيارة “سرية” لوكيل الوزارة إلى قطر، بينما ” تحرجها” الدوحة بالكشف عنها نفت وزارة الخارجية السودانية خبر زيارة وكيلها إلى الدوحة، وقالت الوزارة بحسب ما ورد بمواقع التواصل أن خبر صحيفة (مصادر) السودانية بشأن سفر وكيل الوزارة إلى الدوحة خارج عن أمانة نقل الأخبار، ويقحم أمور لاصلة لها بالحقيقة والموضوعية، وندعوها للتصحيح. فيما بث التلفزيون وصحيفة الرآية القطريين نبأ الزيارة وكشفا عن إجتماع سعادة السيد سلطان بن سعد المريخي وزير الدولة للخارجية القطرية مع سعادة الدكتور “الصديق عبدالعزيز” وكيل وزارة الخارجية السودانية، يوم الأحد بالدوحة وتم استعراض علاقات التعاون الثنائي بين البلدين والموضوعات ذات التعاون المشترك. وكانت مصادر إعلامية في الخرطوم قد كشفت عن زيارة (غير معلنة) لوكيل وزارة الخارجية السودانية إلى الدوحة، الأمر الذي نفته الخارجية. الخرطوم (أخبار الخليج 365)
11-05-2019, 02:08 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
شكلك يا ود التاج مسكت الماسورة بتاعة مصادر طيب النحدثك عن مصادر دي و رئيس تحريرها الكوز عبد الماجد عبد الحميد! بتاع قميص حمدوك ولاّ اقول ليك كدي احضر اللقاء المعاه دا بعد سقوط نظامه و شوف مدى حرقته و احساسه بالهزيمة على المستوى الشخصي وعلى ذلك قس و اقرأ ما وراء سطوره على مصادر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر التاج
Salah Zubeir
محمد جلال عبدالله
Abdullah Idrees
محمد البشرى الخضر
HAIDER ALZAIN
Hafiz Bashir
adil amin
نعمات عماد
فيس بوك
تويتر
انستقرام
يوتيوب
بنتيريست