وإيلا دي حزبو شنو وحايطبق برنامج ياتو حزب؟ وإيلا دا جا بالإنتخاب واللا التعيين؟ والعينو منو؟ وموقفوا شنو من الثورة الساعية لإسقاط البشير ونظامه؟
والبرلمان اللي حايجيز أو يعترض علي برامج وخطط إيلا المهيمن عليهو منو؟ وبعدين إيلا دا جاء ولقي البشير مثبت بعض الوزراء يعني معينين قبل إيلا -إها إيلا حايسوي معاهم شنو؟ ..
02-23-2019, 08:40 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
سلام يا حافظ على حسب اعتقادي انو المامهمشين ديل ناس العاصمة و الله اعلم اما المهمشين هم الناس العايشين في اصقاع البلاد و ايلا دا و احد منهم مولود في جبيت و جبيت دي انا شفتها و الشئ التاني بودو ليها ضباط الجيش في دورات تدريبة و الله غير السمبر ما شفتا فيها شيء مع احترامي لسكانها المهمشين فعلياً ايلا المتأسلم منذ الثانوي العالي و المنتمي لهذا النظام لا يعتبر مهمشاً المهمشين فعلياً كل الشعب السوداني ما عدا افراد هذا النظام البائس
02-23-2019, 09:27 PM
Abureesh Abureesh
تاريخ التسجيل: 09-22-2003
مجموع المشاركات: 30182
هى المسألة رمزية فى النهاية.. و منذ أول حكومة وطنية سودانية حتى قبل رحيل الانجليز وحتى وقتا ليس بعيدِ. لم يتقلد ولا واحد بجاوى اى منصب حكومي مهما كان صغيرا.. رغم ان الكفاءات كانت جمة.. فقط فى عهد النميرى بدأ تغيير طفيف. اليوم نرى واحدا منهم على راس حكومة السودان .. ولو كانت شكلية او رمزية.
02-23-2019, 09:57 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
اول مره انتبه لتباين الخطاب فى سودانيزونلين كلام ابوالريش وقع لى من اول مره وشى محزن انه الإنقاذ الكعبه دى ترفع المهمشين لمناصب عليا المقصود ب المهمشين ليس أيلا فى شخصه فهو جزء من عصابه الانقاذ ولن يفيد اهله إلا بمقدار يخدم به النظام لكنه اتى من خلفيه غائبه عن الفعل السياسى على مستوى القيادات بل اكثر قوميه مهدده بالانقراض لتناقص اعداداهم بسبب عدم توفر الرعايه الطبيه فى ابسط صورها هناك تموت النساء أثناء الوضوع فى مناطق لاتوجد فيها ادنى اشكال الرعايه
02-23-2019, 11:01 PM
كمال عباس كمال عباس
تاريخ التسجيل: 03-06-2009
مجموع المشاركات: 17147
Quote: اول مره انتبه لتباين الخطاب فى سودانيزونلين كلام ابوالريش وقع لى من اول مره وشى محزن انه الإنقاذ الكعبه دى ترفع المهمشين لمناصب عليا المقصود ب المهمشين ليس أيلا فى شخصه فهو جزء من عصابه الانقاذ ولن يفيد اهله إلا بمقدار يخدم به النظام لكنه اتى من خلفيه غائبه عن الفعل السياسى على مستوى القيادات بل اكثر قوميه مهدده بالانقراض لتناقص اعداداهم بسبب عدم توفر الرعايه الطبيه فى ابسط صورها هناك تموت النساء أثناء الوضوع فى مناطق لاتوجد فيها ادنى اشكال الرعايه
إيلا مجرد أفندي وأداة في يد عمر البشير زيو وزي حميدتي وتابيتا بطرس وأحمد هارون كما أنه ليس في الحقيقة ليس مهمشا علي المستوي الإقتصادي والإجتماعي بل من الأثرياء المتخمين! فقد إرتفعت به السلطة والثروة درجات في السلم الإجتماعي والمادي ! - وبعدين رئيس وزراء دي شنو ؟ دا منصب يتم بالتعيين - لارئس وزراء منتخب في جمهورية برلمانية - كالأزهري والمحجوب والصادق وهو كما قلنا مجرد كوز ينفذ سياسات وخط المؤتمر الوطني! نجي للمسألة العرقية والجهوية الرئيس عبود يحسب من هذه الناحية مهمش - تجاوزا -وكذلك الأزهري - ! - إختيار تابيتا بطرس كوزيرة مثلا لايعني عدم تهميش أهلها وكذلك حميدتي وأحمد هارون فالعبرة بالسلطة والمركز - والإختيار بالإنتخاب والأرادة الشعبية وبمدي إنحيازه للمهمشيين والفقراء والمسحوقين وفي حقهم في الخبز والحرية والتنمية المتوازية - ومحاربة الجهل والأمية والتخلف والإرتفاع بمستوي معيشتهم ! فإن فعلت هذا تكون قد إنحزت للمهمشيين ولقضاياهم لاجلادهم ومن يستغلهم ! ,,
02-23-2019, 11:16 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
سلام يا خضر وشكراً جزيلاً التهميش هو إنتقاص ممنهج لحق افراد جماعة معينة من الفرص والموارد المتاحة لغيرهم. صحيح أن الدولة منذ الإستقلال قد مارست تهميش على أساس قبلي وجغرافي ولكن اكبر تهميش مارسته الدولة هو التمييز على الأساس الحزبي الذي مارسته حكومة الإنقاذ. وبحسب هذه الممارسة التي سادت السودان خلال الثلاثين سنة الماضية (أكثر من 40% من سنوات سودان ما بعد الإستقلال) فأيلا وحزبه هم الذين همشوا الآخرين.
لم تجاوب على سؤالي يا أبو الريش "مبروك لمنو؟"
Quote: لم يتقلد ولا واحد بجاوى اى منصب حكومي مهما كان صغيرا
أيلا وصل لرئاسة الوزراء عن طريق إنتمائه لحزب المؤتمر الوطني ولم يكن لإنتمائه للبجا ولا إنتمائه لأي مكون مجتمعي آخر غير المؤتمر الوطني أي دور في وصوله لرئاسة الوزراء. كل الإنتماء الذي نعرفه لإيلا هو إنتمائه لحزب المؤتمر الوطبي. عارف في كم زول يا ابوالريش حرموا من التوظيف حتى في وظيفة حكومية بسبب عدم إنتمائهم للمؤتمر الوطني؟
02-24-2019, 01:12 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10293
Quote: سلام يا خضر وشكراً جزيلاً التهميش هو إنتقاص ممنهج لحق افراد جماعة معينة من الفرص والموارد المتاحة لغيرهم. صحيح أن الدولة منذ الإستقلال قد مارست تهميش على أساس قبلي وجغرافي ولكن اكبر تهميش مارسته الدولة هو التمييز على الأساس الحزبي الذي مارسته حكومة الإنقاذ. وبحسب هذه الممارسة التي سادت السودان خلال الثلاثين سنة الماضية (أكثر من 40% من سنوات سودان ما بعد الإستقلال) فأيلا وحزبه هم الذين همشوا الآخرين.
لم تجاوب على سؤالي يا أبو الريش "مبروك لمنو؟"
Quote: لم يتقلد ولا واحد بجاوى اى منصب حكومي مهما كان صغيرا
أيلا وصل لرئاسة الوزراء عن طريق إنتمائه لحزب المؤتمر الوطني ولم يكن لإنتمائه للبجا ولا إنتمائه لأي مكون مجتمعي آخر غير المؤتمر الوطني أي دور في وصوله لرئاسة الوزراء. كل الإنتماء الذي نعرفه لإيلا هو إنتمائه لحزب المؤتمر الوطبي. عارف في كم زول يا ابوالريش حرموا من التوظيف حتى في وظيفة حكومية بسبب عدم إنتمائهم للمؤتمر الوطني؟
شكراً اخ حافظ بشير كفيت ووفيت و ما قصرو باقي المتداخلين الشرفاء
02-23-2019, 10:44 PM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
"فإن فعلت هذا تكون قد إنحزت للمهمشيين ولقضاياهم لاجلادهم ومن يستغلهم !"
الاخ كمال عباس..هل سمعت ببرنامج ايلا الغذاء مقابل التعليم؟ ناس الشرق فى الأقاليم كانوا يطلعوا أولادهم من الابتدائية ليساعدوهم فى الرعى والزراعة.. ايلا طبق البرنامج.. اى اسرة تودى ولدها للمدرسة يدوها دقيق وزيت وسكر.. وبهذا الخطة عاد المئات للمدرسة. ثم لو تتذكر بيوت البر وش التى اشبه بالخيام.. ايلا بنى غرف ثابتة بالطوب فى القرى المتناثرة فى ضهارى بورتسودان وجبيت وسنكات.. لا تخطئها العين لو سافرت بالباص.
02-23-2019, 11:20 PM
Abureesh Abureesh
تاريخ التسجيل: 09-22-2003
مجموع المشاركات: 30182
لما القطط السمان اتامروا عليه فى مدنى حل مجلس المؤتمر الوطنى الذى سموه المجلس الوطنى.. وخاطب مباشرة ناس الجزيرة.. قال ليهم القروش الطورت بيها مرافق الولاية ما جبتها من بورتسودان.. دى قروشكم الكنتم تدوها ناس المحليات والضرائب والجبايات كانت تمشى لجيوب المسؤولين. لما استلم الولاية عرف انه فعلا فى اليات ثقيلة للبناء وحفارات...الخ. لكن المسؤولين كانوا يؤجرها للقطاع الخاص لتعمل فى مشاريع خارج مدنى.. شفت كيف يا استاذ.
02-23-2019, 11:20 PM
كمال عباس كمال عباس
تاريخ التسجيل: 03-06-2009
مجموع المشاركات: 17147
إيلا مهمش بأي فهم؟ هل واقعه ووجوده المادي والإقتصادي واقع شخص مهمش ؟ قلنا ( وبعدين رئيس وزراء دي شنو ؟ دا منصب يتم بالتعيين - لارئس وزراء منتخب في جمهورية برلمانية - كالأزهري والمحجوب والصادق وهو كما قلنا مجرد كوز ينفذ سياسات وخط المؤتمر الوطني! ) وإيلا دي حزبو شنو وحايطبق برنامج ياتو حزب؟ وإيلا دا جا بالإنتخاب واللا التعيين؟ والعينو منو؟ وموقفوا شنو من الثورة الساعية لإسقاط البشير ونظامه؟
والبرلمان اللي حايجيز أو يعترض علي برامج وخطط إيلا المهيمن عليهو منو؟ وبعدين إيلا دا جاء ولقي البشير مثبت بعض الوزراء يعني معينين قبل إيلا -إها إيلا حايسوي معاهم شنو؟ إيلا مجرد أفندي وأداة في يد عمر البشير زيو وزي حميدتي وتابيتا بطرس وأحمد هارون كما أنه ليس في الحقيقة ليس مهمشا علي المستوي الإقتصادي والإجتماعي بل من الأثرياء المتخمين! فقد إرتفعت به السلطة والثروة درجات في السلم الإجتماعي والمادي ! إختيار تابيتا بطرس كوزيرة مثلا لايعني عدم تهميش أهلها وكذلك حميدتي وأحمد هارون فالعبرة بالسلطة والمركز - والإختيار بالإنتخاب والأرادة الشعبية
02-23-2019, 11:29 PM
كمال عباس كمال عباس
تاريخ التسجيل: 03-06-2009
مجموع المشاركات: 17147
في يوم ما في السودان كان ضرار صالح ضرار اهم من وزير التربية والتعليم ال ما معروف اسمو منو ( سلامي لابنته هدي ) وكان حامد علي شاش اهم من كل وزراء الحكم المحلي والوحيد المشهور بعد ( المهمش ) جعفر محمد علي بخيت حبه اما عدم التنمية ف قدر التنمية الحبه كانت والي حد قريب لا تفاوت فيها
المهم مبروك
02-24-2019, 02:13 AM
Abureesh Abureesh
تاريخ التسجيل: 09-22-2003
مجموع المشاركات: 30182
بالله عليك يا اخلاص تقولى اما عدم التنمية ف قدر التنمية الحبه كانت والي حد قريب لا تفاوت فيها؟ تقارنى الشرق بباقى اقاليم السودان.. ياخ فى قرى الشرق ما فى حكومة زاتو.. حتى فى بورتسودان لحد الستينات كنا نقول قطر السودان وصل.. اما القرى لما يجيهم بوليس بعد كم سنة يضبحوا ليه كانه رئيس الجمهورية. الفقر والجهل والامراض المستوطنة مثل السل.. ولا حكومة ولا هم يحزنون.. دارفور و كرسي أن والنيل الازرق فى سابع جنان بالنسبة للشرق
02-24-2019, 02:46 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
فعلآ الشرق مظلوم بس ناس الشرق اسهموا لحد كبير في ده ناس الغرب بلاوو ود المهدي يا ريت لو لاويتو واهو ايلا فهم الشغلة هو وموسي محمد احمد وأكاد اجزم أنهم الان اهم من اولاد سيدي ال في الحكم ماشين صاح بس سبب التخلف ما مركز وهامش
طالب ب حقك وقالع ويد في يد نقلع من الحاكم
02-24-2019, 04:16 AM
هاشم الحسن هاشم الحسن
تاريخ التسجيل: 04-07-2004
مجموع المشاركات: 1428
سلام عليك يا باشمهندس ابو الريش، {اول مهمش يتقلد رئاسة الحكومة الاتحادية. مبروك.} انتهى. إنتكم إيلا بس تشوف، براهيم محمود براهو ما تشوف!! الله هونيني! وبغدين هو أصلا متين كان فيها رئيس وزراء تاني يا أبو الريش عشان تقول أول وآخر. ما ياهو معتز وبكري ديل ول شيتن تاني؟ أزهري، عبدالله خليل، المحجوب والصادق ديلاك انتا عارف الظروف السياسية الكانت بتجيبهم والزمن كمان كان أمدرماني. وناس سنكات كمان بقولوا عبود ولدنا ما سمعت.. أور أورون. أما إيلا، فلم يأتوا به في مصالحه أو محاصصة ممثلا لمؤتمر البجا أو لقبائل البجا.. إيلا .. كوز،، جبهة اسلامية،، مؤتمر وطني،، مدير كبير ووالي من سنة دو. في الحالة زي دي؛ لو قلنا ايلا بجاوي.. فلازم نقول البشير بديري..الخ.. يعني يتفرتق ثار الشعب مع الإنقاذ على القبائل..
ومن نفس الناحية دي يا دكتورة اخلاص.. ايلا وموسى/آمنة لا يستويان. موسى/آمنة نتاج مصالحة/محاصصة بادعاء سياسي/جهوي وتمثيل لمؤتمر البجا/ افتراضا للبجا. أما إيلا، فمثله مثل الكيزان في البجا.. ما يدوك الدرب.. زيهم وزي غيرهم في عموم السودان..
أما ايلا، فباين عليهو اتقنطر.. بعني من زمان كانوا عميانين منو.. مش البشير مرة في الجزيرة قعد يتفوجج ورشحوا لخلافته وكدي بكون بجهّز فيهو للمرحلة القادمة، على عينه.. كان ليهم؟؟ غايتو كان بكرة رفض التكليف وقال تجمع المهنيين يمثلني، ممكن كفاءتو الإدارية المعروفة تساعدوا في المرحلة الجاية :) دا من ناحية وأما من ناحية تانية: ايلا اداري كفؤ، واقعي وعملي.. سمعت من شهدوا له بذلك.. من زمن الخطوط البحرية. وهو من أكفأ الإنقاذيين في التلاتين سنة ديل.. ناس البحر اللحمر وناس كتار في الجزيرة شاكرنو. ولو ما الزمن الإنقاذي كان كلو ليل وضلمة.. كان مفروض يستفيدوا منو أكتر.. لكن بي وين وران على قلوبهم؟ أما أن يعيّنه البشير رئيس وزراء ماركة علوق شدة يعني ، وفي الزمن الضايع دا، والوقت المستقطع، فدي قنطرة منو ساي للراجل وحركات كيزان فاسدة.. ------ أما من ناحية مهمة.. فمياه كثيرة جرت تحت جسور السياسة السودانية، وما بين الأقاليم ومقرن النيلين. وللمرحلة القادمة بعد النصر.. فان انجاز قانون للانتخابات بنظام التمثيل النسبي، وبعتبة نسبية (نسبة أصوات) متدنية كفاية، لضمان تمثيل مركزي واقليمي معقول، ولو لأصغر المكونات السياسية.. هذا الأمر سيكون ضرورة قصوى،، من أهم ضرورات الاستقرار، ولضمان التقدم في طريق الديمقراطية المستدامة..
02-24-2019, 04:41 AM
سيف النصر محي الدين سيف النصر محي الدين
تاريخ التسجيل: 04-12-2011
مجموع المشاركات: 8995
ايلا هذا تلاحقه تهم الفساد كغيره من كيزان الإنقاذ وفي بورتسودان وغيرها يتحدث الناس عن تلاعبه بالمال العام وترسية عطاءات المشروعات التي نفذها على شركات تخصه او تخص محاسيبه وتحديدا يتحدث الناس عن شركات مملوكة لابنائه. هل من المعقول يا أبو الريش ان يتم تسويق هذا الشخص كمنقذ للمهمشين ومدافع عن قضاياهم؟ من المعلومات المتداولة عن هذا الشخص لا استبعد ان تكون له مكاسب شخصية من المشروعات التي ذكرتها.
02-24-2019, 05:38 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
رسالة خاصة ﻷبناء البجا في الفيس بوك وخارجه إخوتى الكرام أرجو منكم رجاءا أخويا خاصا عدم تضييع جزء من ثانية واحدة من زمنكم الغالي في تبريك فلان ، وتهنئة علان من أبناء البجا الذين تم تعينهم في حكومة "الطوارئ" بعد سقوط حكومة "الصدمة" المعتزية بفعل الثورة والثوار. والسبب فى ذلك أن هؤلاء وإن كانوا "بجا" لا يمثلون البجا في مواقعهم بأي حال من الأحوال بل يمثلون أنفسهم فقط كأي زول آخر يجي أو يجيبوه ليشارك النظام من القوميات الأخرى بنفسه ، ومن ثم أنتم لم تنتخبوهم ليمثلوكم أو يمثلوا غيركم لتقوموا بالإعتراف بهم وبل أكثر من ذلك لتقدموا لهم التهاني والتبريكات . وفى رأيي الشخصي ما يسير وما ينطبق على أي "بشيرى" في هذه الحكومة هذا طبعا بعد ما تخلوا جميعا عن ما كان يسمى "بالمؤتمر الوطني" وأصبحوا "بشيريين" يجب أن يسير وينطبق عليهم دون أي إستثناءات وتعاطف قبلى أو جهوى معهم . #وتسقط_بس.
عمر طاهر أبو آمنة
02-24-2019, 06:05 AM
Hatim Alhwary Hatim Alhwary
تاريخ التسجيل: 01-23-2013
مجموع المشاركات: 2418
إيلا زيو و زي البشير و غازي و كرتي و علي عثمان وكبر و أحمد هارون و ... و...... كلهم خرجوا من رحم ( الإنقاذ ) و لا يمثلون قبائلهم و لا مناطقهم و ( الإنقاذ ) وليدة تنظيم فاسد و مجرم و يجب أن يُحاكموا كلهم بلا إستثناء بتهم القتل و تدميرموارد الدولة و الفساد و الثراء غير المشروع و قبلها المحاكمة بتهمة الإنقلاب على نظام حكم ديموقراطي.
02-24-2019, 06:12 AM
MAHJOOP ALI MAHJOOP ALI
تاريخ التسجيل: 05-19-2004
مجموع المشاركات: 4000
يا اخوان طبعا انتوا معذروين بي تشوفوا امونة بعيون المنبر والانحيازات السياسية والاجتماعية . واذا كانت عدساتكم منبرية فما شفتوها ياخلاني بدليل المداخلاه اعلاه
... هل وجود آيلا خصما علي مسالة الهامش والبجا ام رصيدا لها ...؟ بالتاكيد هو خصما عليها .. واستمرارا لنهج اعادة الانتاج ورفد مشروع بوتقة الانصهار المركزي المدور من بدايات تاسيس الدولة السودانية الحديثة وعاصمتها الخرطوم علي يد زعيم الجلابة محمد علي باشا ...! .. ولسوء حظ الهامش والبجا أن جاء آيلا في اسوا حقبة تشهدها البلاد من حكم الكيزان راس رمح الخداع والتمويه السياسي والتمثيل التضليلي للهامش ....1 وهو م ظلت تمارسه من زمن النخب الصفوية المركزية علي أبناء الهامش خاصة الجنوبيين والنوبة واهل كردفان ودارفور والشرق والشمال الاقصي ....! ... للاسف الان نجد من يدعم نظام الكيزان المترنح ظاهريا هم من الهامش أنظر لاغلب الاسماء الحولهم الان ...!
02-24-2019, 07:25 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
ايلا كادر من كوادر الحركة الإسلامية منذ أكثر من 40 عام كوز ملتزم ويتمردغ في الوزارات لم يغادر الجهاز التنفيذي طوال فترة الإنقاذ هو جزء من منظومة الفساد والفشل لاعلاقة للمهمشين بهذا الأمر التهميش حالة ظلم، والرجل ليس مظلوما وليس محروما هو منتمي أصيل للإخوان المسلمين لاعلاقة لأهله الفقراء والمحرومين بمكاسبه الشخصيه أو ترقيه
هذه هي القراءة للموضوع محاولة حشد تأيد للرجل على ظهر الفقراء والمهمشين لن تنطلي على احد
02-24-2019, 09:07 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9025
Quote: بغدين هو أصلا متين كان فيها رئيس وزراء تاني يا أبو الريش عشان تقول أول وآخر. ما ياهو معتز وبكري ديل ول شيتن تاني؟ أزهري، عبدالله خليل، المحجوب والصادق ديلاك انتا عارف الظروف السياسية الكانت بتجيبهم والزمن كمان كان أمدرماني.
كما تعلم هناك فرق شاسع مابين رئيس وزراء منتخب في نظام برلماني ورئيس وزراء معين إي موظف -يعنيه ويقصيه رئيس الدولة ! فأيلا ليس رئيس وزراء حقيقي لأن الرئيس وبحكم الدستور يهيمن علي عصب المهام التنفيذية ! ثانيا بالنسبة ل( أزهري، عبدالله خليل، المحجوب والصادق) أزهري كردفاني من الأبيض -من بديرية الغرب لا النيل ويقال أنه من مجموعة قبلية أخري بالغرب والمحجوب من الدويم - شايقي - جعافري - حساني لا أحد كان يهتم وقتها وعبد الخليل من أقاصي الشمال لم يولدوا بأمدرمان - جاءوا للتعليم والعمل - التدريس - المحاماة - الجيش أمدرمان الوليدة والمنفتحة وقتها أحتضنتهم ونزعهم الهوية العرقية وإلبستهم الثوب الأمدرماني ثالثا هناك عدة وزراء وحكومين من الشرق في الديموقراطية وعهد نميري - الوزير الإتحادي جيلاني نموذج - ومن غرب السودان تجد ماذبو وعديل وأحمد سعد الوزير الإتحادي السابق وعشرات الوزراء من جنوب السودان! بل أن المراغنة أنفسهم أكتسبوا البجاوية بالتجنس - ! السؤال هل يعني إستوزار بعض أبناء الهامش إنتهاء التهميش وهل يعبر هولاء حقا عن هموم ومطالب الهامش؟ هل هم قوي متنفذة إجاباتي لا
02-24-2019, 03:00 PM
Mohamed Adam Mohamed Adam
تاريخ التسجيل: 01-21-2004
مجموع المشاركات: 5195
Quote: هى المسألة رمزية فى النهاية.. و منذ أول حكومة وطنية سودانية حتى قبل رحيل الانجليز وحتى وقتا ليس بعيدِ. لم يتقلد ولا واحد بجاوى اى منصب حكومي مهما كان صغيرا.. رغم ان الكفاءات كانت جمة.. فقط فى عهد النميرى بدأ تغيير طفيف. اليوم نرى واحدا منهم على راس حكومة السودان .. ولو كانت شكلية او رمزية.
بموجب كدا حقو نعمل بكل مافي وسعنا لنقدم الدعم السخي لثورة 19/ ديسمبر، ذات الشعار السمح: حرية سلام وعدالة والثورة خيار الشعب، حتي نجسده علي ارض الواقع (قولا وفعلا)، ليجتث لينا الأنظمة الإسلاموعروبية بتاعت المركز، من جزورها... حتي تختفي الجهوية، المناطقية، القبلية لننعم كلنا بدولة المواطنة.
02-24-2019, 03:07 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
الان وفي هذه اللحظة حكومة ابن الهامش -المهمش " ايلا رئيس الوزراء تعتدي وتصيب المتظاهرين -بالرصاص الحي -والآن تقتحم حرم جامعة حميدة. وتعتدي علي الطلاب ! ابن الهامش حميدة يقوم بالاعتداء علي الأبرياء والعزل ومصادرة حق المواطنين في التظاهر ! دم الابرياء في رقبة ايلا ومن يؤيده !! هل هذا هو ايلا الذي تمجدون ؟هل هذا هو نهج مهمش ؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
كمال عباس
Hafiz Bashir
خضر الطيب
Abdullah Idrees
عبدالغني بريش فيوف
Abdelrahim Mohmed Salih
هاشم الحسن
سيف النصر محي الدين
AMNA MUKHTAR
Hatim Alhwary
kamal omer
MAHJOOP ALI
عبدالعظيم عثمان
عزالدين عباس الفحل
Mohamed Adam
HAIDER ALZAIN
اسامة محمد ابوبكر
فيس بوك
تويتر
انستقرام
يوتيوب
بنتيريست