|
Re: أنا ضد إختيار الدكتور عمر القراي مديرا لل� (Re: دينق عبد الله)
|
الحبيب عبدالله مع التحية : نعم بدأت الضجة .. فرصة للتحريض .. أول ما فتحت موقع النيلين وجدت هذا الكلام :
لو تم اختيار الدكتور عمر القراي لوزارة الخارجية او اي وزارة اخرى لكان الامر مقبول ومعقول. اما اختياره للمناهج في ذلك فتح لباب الاستقطاب الحاد والانقسام العميق وتوفير مادة خام لفتنة دينية لن يسلم منها الوطن العليل. القراي ينتمي لفكر ديني يقع في منطقة جدلية شديدة التعقيد وبالغة الحساسية . كان الاوفق لقوى الحرية والتغيير النأي عن اختيار الشخصيات ذات التوجهات الفكرية الحادة ووضعها في الاماكن ذات الحساسية العالية المرتبطة بالدين والتربية وثقافة المجتمع . الفترة الانتقالية تحتاج الى ارضية وفاقية ولا تحتمل الانقسام المجتمعي والتجاذب العقدي . لم تسقط الانقاذ الا لضعف احساسها بالآخر وهمتها البارعة في صناعة الاعداء . المعارضة الحاكمة الان تمضي على ذات الطريق بدركسون شمال، وتقرأ من ذات الكتاب لكن من اليسار الى اليمين!!!
ضياء الدين بلال
يبدو أنها سوف تكون معركة كبيرة .. يا رب احفظ الوطن تحياتي الحبيب عبدالله
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: دينق عبد الله)
|
الحبيب عبدالله مع التحية : نعم بدأت الضجة .. فرصة للتحريض .. أول ما فتحت موقع النيلين وجدت هذا الكلام :
لو تم اختيار الدكتور عمر القراي لوزارة الخارجية او اي وزارة اخرى لكان الامر مقبول ومعقول. اما اختياره للمناهج في ذلك فتح لباب الاستقطاب الحاد والانقسام العميق وتوفير مادة خام لفتنة دينية لن يسلم منها الوطن العليل. القراي ينتمي لفكر ديني يقع في منطقة جدلية شديدة التعقيد وبالغة الحساسية . كان الاوفق لقوى الحرية والتغيير النأي عن اختيار الشخصيات ذات التوجهات الفكرية الحادة ووضعها في الاماكن ذات الحساسية العالية المرتبطة بالدين والتربية وثقافة المجتمع . الفترة الانتقالية تحتاج الى ارضية وفاقية ولا تحتمل الانقسام المجتمعي والتجاذب العقدي . لم تسقط الانقاذ الا لضعف احساسها بالآخر وهمتها البارعة في صناعة الاعداء . المعارضة الحاكمة الان تمضي على ذات الطريق بدركسون شمال، وتقرأ من ذات الكتاب لكن من اليسار الى اليمين!!!
ضياء الدين بلال
يبدو أنها سوف تكون معركة كبيرة .. يا رب احفظ الوطن تحياتي الحبيب عبدالله
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: دينق عبد الله)
|
قرار خاطيء جدا بل وخطير .. لانه مش مضمون لي قدام القراي يقرر للطلاب افكار محمود محمد طه .. يبقى ما عملنا حاجة لازلنا قاعدين في نفس مربع الغلو والتطرف الديني .. نحن في حوجه لعكس دين وسطي بلا غلو أو تطرف أو تنطّع .. كل الاجتهاات التي تنحرف عن وسطية الدين يمين أو يسار .. ليست مطلوبة ولا أحد يرغب فيها في هذه المرحلة المفصلية .. الفكرة الجمهورية فكرة متطرفة جدا بل ومنحرفة وكذا فكر الكيزان .. يجيبوا لينا شخص لا ميول منحرفة له .. يكون مسلم عاااااادي فطرته سليمة ونقية .. لم تتدنس بأي اجتهادات لمنحرفي الفكر وخالطي الدين بالسياسة .. وجاعلي الدين أداة للتسلط على العباد واستغلالهم وتسنّم ظهورهم ..
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Yasir Elsharif)
|
سلام اخونا عبدالله و ضيوفه الكرام ..
Quote: قرار خاطيء جدا بل وخطير .. لانه مش مضمون لي قدام القراي يقرر للطلاب افكار محمود محمد طه .. يبقى ما عملنا حاجة لازلنا قاعدين في نفس مربع الغلو والتطرف الديني .. نحن في حوجه لعكس دين وسطي بلا غلو أو تطرف أو تنطّع .. كل الاجتهاات التي تنحرف عن وسطية الدين يمين أو يسار .. ليست مطلوبة ولا أحد يرغب فيها في هذه المرحلة المفصلية .. الفكرة الجمهورية فكرة متطرفة جدا بل ومنحرفة وكذا فكر الكيزان .. يجيبوا لينا شخص لا ميول منحرفة له .. يكون مسلم عاااااادي فطرته سليمة ونقية .. لم تتدنس بأي اجتهادات لمنحرفي الفكر وخالطي الدين بالسياسة .. وجاعلي الدين أداة للتسلط على العباد واستغلالهم وتسنّم ظهورهم .. |
كفيت و وفيت يا ود القوز ... يديك العافية ياخ ... حمدوك قام يخرمج ...
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Yasir Elsharif)
|
اخي الدكتور ياسر الشريف شكرا على المرور و المساندة
ان كان بوسعك ارجو ان تنقل رأي الحادبين على سلامة هذا الوطن و خاصة خلال هذه الفترة المفصلية للاخ الدكتور عمر القراي ليعتذر عن قبول المنصب
سلاسة الانتقال الديمقراطي بحماية الفترة الانتقالية و ذلك بسد اي منفذ لعودة فلول النظام المندحر و اعوانهم الارهابيين مسئولية تضامنية بين كل قوى الخير الوطنى
اغلقوا الثغرات
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: دينق عبد الله)
|
الكيزان في مطلع التسعينيات اخترعو وزارة التخطيط الإجتماعي عديييل لغسل أمخاخ السودانيين بالمشروع الحضاري وبعد ٣٠ سنة طلع مشروع إتحاد اشتراكي ساكت واتبعزق تزروه الرياح ... الشعب السوداني أذكي من هؤلاء العقائديين ولو تسللو عن طريق مناهج تربية أطفالنا في المدارس ... اتركوا الشعب السوداني ما ترككم فالدين لله والوطن للجميع ...
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: دينق عبد الله)
|
انا اختلف معكم جميعاُ
لماذا تتوقعون الاسوأ ! ان يقوم القراى بالاستقطاب الدينى ونشر العقيدة الجمهورية فى المدارس السودانية .. دكتور القراى اكبر من التوقعات دى .. ومستحيل يقع فيها .. يقينى انه سيعمل جاهداُ على الغاء كافة المواد الاستقطابية فى المناهج الدراسية
اعطوا الرجل فرصة لاثبات خلاف ما تظهرون .
الذى يقود هذه الحملة ضد د. القراى للاسف الشديد هو الكوز المأفون ضياء بلال
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: دينق عبد الله)
|
سلام عليكم اول رد فعل نتوقعو خطبه غبد الحى اليوم فى صلاه الجمعه. اخيانا بيجينى احساس انو الفتره الانتقاليه دى وتحركاتها والتحركات المضاده زى لعبه شطرنج فيها زول بيلعب مع نفسو(النظام القديم بيدير اللعبه) . خطوه زى ختى لو حصل اعتذار بتكون رد الفعل عليها وصل رساله سالبه من الثوره المضاده للمجتمع ما فى صالح الحكومه الانتقاليه وظهيرها السياسى ويظهلرها بمظهر عدم الخبره السياسيه .
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Asim Ali)
|
Quote: انا اختلف معكم جميعاُ
لماذا تتوقعون الاسوأ ! ان يقوم القراى بالاستقطاب الدينى ونشر العقيدة الجمهورية فى المدارس السودانية .. دكتور القراى اكبر من التوقعات دى .. ومستحيل يقع فيها .. يقينى انه سيعمل جاهداُ على الغاء كافة المواد الاستقطابية فى المناهج الدراسية |
سلام يا علاء طبعا القراي أكبر من التوقعات دي، لكن الثورة المضادة سوف تستخدم مجرد تسليمه مثل هذه الإدارة، حتى بدون تفاصيل.
لذلك من الحكمة أن ينأى القراي بنفسه عن هذا الفخ.
الشعب السوداني الذي أبدع هذه الثورة يعرف تماما كيف يفشل خطط الأخواسلفيين الذين يظهرون بمظهر الوسطيين.
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Yasir Elsharif)
|
اختلف معكم نماما القراي سوداني كامل الحقوق ولا توجد اي محاذير دستورية اوقانونية تقف بينه وبين توليه لاي منصب . مدير المناهج ليس منوطا به وضع المناهج ، دي ما شغلتو ، دي شغلة خبراء في التربية وعلم النفس في كل مجال القراي ما عندو شغلة بالتفاصيل الموجودة في الكتب وانما الخطط العامة لتطوير المناهج اتساقا مع العالم الخارجي مع اخذ البيئات الثقافية والاجتماعية والبيئية السودانية. بالمنطق ده ، اي انصاري لا يحث له تولي المنصب ، لانو ح يحشاهو كلو مهدية وراتب نفس الشي لو كان سلفي - اسلامي من اي اتجاه ، شيعي ، مسيحي ، شيوعي ، بعثي الخ الخ في النهاية حنتوكل على الله ونجيب خبير اجنبي يقوم يملاها لينا كلها امبريالية واستعمار ، او نجيبو عربي ؟ لا كفانا استعراب شبعنا منو ! ده كلام ما بمشي ، اي منهج بكون في لجنة تجيزو من كافة النواحي وبعد داك ياخد فترة اختبار ثم يجاز نهائيا في جهات تانية غير رسمية مثل الاسرة برضو بشاورهم عبر استبيانات او ابحاث لمعرفة ارائهم في المقرر في اعلام ، في صحافة ، في مجتمع مدني .... كل ديل عمر القراي يقوم يخدرهم ويعمل مناهج "جمهورية" ؟ لازم نتخلص من الخوف الجوانا من النقد ، سواءكان من الاسلاميين المدحورين او غيرهم ونكون شجعان وحقانيين وموضوعيين اكتر من كده ..
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Yasir Elsharif)
|
تحياتي للمرور الكرام اشكركم جميعاً
اظنكم تتذكرون موضوعين في كتاب المطالعۃ بالمرحلۃ الابتداٸيۃ - طه القرشي في المستشفي - محمود الكذاب ربما لم ينتبه واضعو المنهج حساسيۃ الأسمين عند السودانيين المسلمين بأعتبارهما يعودان الي افضل خلق عندنا (عليه افضل الصلاۃ و اتم التسليم). كان ذلك مدخا لتجار الدين ردحاً من الزمان ثم اتخذوه حصان طروادۃ للعبث بالمناهج الدراسيۃ التي قل ما تجد مثلها في البلدان التي من حولنا تحت اسم تأصيل المعرفۃ
بالنتيجۃ تدمير المناهج الدراسيۃ و تفريخ انصاف المتعلمين
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: دينق عبد الله)
|
في احسن التقديرات: - عدد اتباع الفكر الجمهوري لا يتعدي ال 500 الف. - عدد الذين يعادون الجمهوريين لا يتعدي ال 2,500,000 اذا فما ذنب 37 مليون سوداني من الذين ليسوا مع او ضد الجمهوريين في إقحامهم في هذه المعارك الانصرافيۃ و إلهاٸهم عن مسار ثورتهم لإعادۃ بناء الوطن؟؟
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: دينق عبد الله)
|
Quote: : إدارۃ المناهج و البحث التربوي في بلد متعدد الديانات و متعدد الطواٸف حتي داخل ديانۃ الغالبيۃ تحتاج الي شخص مستقل طاٸفياً و لا اقول دينياً إختيار المثقف السوداني المعروف الدكتور عمر القراي لذلك المنصب البالغ الحساسيۃ خطوۃ غير موفقۃ
اتمني ان يتراجع الدكتور حمدوك عن القرار الخاطيء
الفتنۃ ناٸمۃ
|
استاذ/ دينق عبدالله
تحية طيبة اولا شيء بوستيك ده هخو الفتنة نفسها. ثانيا: الفتنة لم تعد نائمة منذ ظهور الأخوان المسلمين، الحركة الإسلامية، الوهابية ومحاولات إقامة الدولة الدينية. ثالثا/ اذا كانت فكرة البوست قائمة على ابعاد القراي بسبب معتقده وافكاره، فأنت ومن لف في فلكك تسعون بهذا لتقويض الدستور الذي ينص على المساواة في المواطنة، وعدم التمييز بناءا على العرق واللون والمعتقد... ده إذا لم يكن لك المام بالدستور. رابعا: نحن في دولة مدنية وليست دينية.
انا ما بستغرب لكل الذين ايدوا فكرك في هذا الخيط، بس بستغرب لياسر المليح ومنتصر المؤيدون لأعتذار القراي تجنبا للفتنة، اي فتنة اكثر مما هو حاصل ، انا لا أويد أن يعتذر أو ينسحب القراي من هذا المنصب، مثل هذه المعارك ليست غريبة على القراي كان ولا يزال من أوائل الذين قاوموا النظام بشراسة ودافع عن حقوق الأقليات والمظلومين حين كان معظم الذين يؤيدون طرح دينق (ساكتين عن الحق) ان لم يكونوا مؤيدين للنظام، هل بعد كل هذه المقاومة يجي يقدم تنازل لقادة الفتنةز إذا قدمتم اليوم تنازلا لدينق عبدالله وشيعته سيقوم غدا بإفتراع خيط يدعو فيه لسحب كتب الأستاذ/ محمود محمد طه من معرض الخرطوم والسبب موجود في متن هذا البوست.. من حق القراي ان يساهم في ادارة وطنه في اي موقع بحكم المواطنة والدستور.
شكرا
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: دينق عبد الله)
|
شوف يا دينق حكاية وجهة نظرك دي ما بتقسم ليه؟ لو اعترضت على تعيين القراي لأسابا موضوعية مثل عدم التاهيل المناسب للمنصب، أو لعدم الكفاءة القانونية أو الدستورية عندها يكون رأي مفهوم واعتراضك مقبول شكلا وموضوعا، اما الإعتراض عليه لمعتقده الذي يتنافى مع معتقد الأعلبية فدا مخالف للدستور ، ودعوة للفتنة. عندك رد نسمعه
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Asim Ali)
|
Quote: دى مداخلتى فى بوست ابوحسين للرد على صلاح زبير وقبل شويه فى صلاه الجمعه الظاهر فى اتفاق قى تناول الموضوع بيت الانام واخر فالامام اتكلم عن الدين وضروره المعرفه به .بعد الصلاه قام واحد تناول الموضوع تددريجيا حتى وصل للهجوم على الدوله والديمقراطيه وضمنيا هاجم مطالب الثوره لعدم اتفاقها مع الدين ومطالبته بالحفاظ على الدين وقيمه وطبعا واضح انو رد فعل بشكل غير واضح الكيزان قاعدين وبقو يتحركو وغينهم بقت قويه وموضوع زلا دا جاهم على الطبطاب عشان يلغبو على مشاعر البسطاء وعاطفتهم الدينيه |
ده يا عاصم عشان الناس قاعد تقدم ليهم تنازل تلو التنازل ح يستمروا كده لغاية ما يجونا تاني
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Asim Ali)
|
تحياتي عاصم علي ... ياخي مداخلاتك حاول راجعها قبل ما ترسلا عن طريق (شاهده قبل نشره) ... يعني مداخلتك الجبتها من بي هناك ما رديت عليها لأنو فيها عشرة غلطات من بينها كلمات مفتاحية تقبل التأويل ... كدي صلحم لأنك فعلا محتاج يردو عليك ...
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Salah Zubeir)
|
Quote: الكيزان قاعدين وبقو يتحركو وغينهم بقت قويه وموضوع زلا دا جاهم على الطبطاب عشان يلغبو على مشاعر البسطاء وعاطفتهم الدينيه |
بما إنو (اعلنت) هنا إنك رديت علي صلاح زبير وجبت الرد بدون ما تجيب كلامي ... فبالتأكيد أنا مقصود بالكوت أعلاه برفقة كوز الجمعه بتاعك دا ... كدي النصلح سطر خاتمتك او زبدة مداخلتك من الأخطاء أولا :-
Quote: الكيزان قاعدين وبقو يتحركو وعينهم بقت قويه وموضوع القراي جاهم على الطبطاب عشان يلعبو على مشاعر البسطاء وعاطفتهم الدينيه |
طبعا في ردك علي وفي بالك انا (كوز) استحقيت كلمة (اعد) للموضوع الإنشائي الحايم بيهو دا لعدة أسباب ليس من بينها الاخطاء الإملائية والتي تستحق عليها ١/١٠ ... والأسباب دي حا نقولا بي هناك محل ابوحسين بنوم والطياره بتقوم ... يبقي الحا يجي يقرأ ردك علي هنا ما حا يعرف لييه سعادتك رميتني بالكوزنه ... بالتالي من الإنصاف (والعدل) إنك تقول الزول الكوز دا قال وقال ودا ردي عليهو ... غايتو الناس الجداد ديل (القدام قدرتا اقرعم) أي واحد يقول علي كوز حا احملك المسعولية ...
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Salah Zubeir)
|
صلاح زبير قصه كوز دى ماجا فى بالى اوصفهك بيها رغم احساسى بالقصه دى. لانو لو لاحظت انوما من طبعى انو ارمى زول باى وصف او انتماء .ولو عندك دليل انى رميت اى زميل هنا بصفه حق او باطل قدمو انا اتكلمت عن الكيزان وواقع ماجرى فى صلاه الجمعه من خطبه وتعقيب . وانو الكيزان شغالين ومتحركين امر لاتخطئه عين على الارض . تحياتى
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: علاء سيداحمد)
|
سلام يا شباب
أغلب الآراء المعارضة لإختيار القراي كمدير للمناهج و البحث التربوي تبرر إعتراضها بأنو القراي ينتمي لمجموعة فكرية معينة ينتمي إليها أقلية من الشعب السوداني وبالتالي هنالك تخوف من أن يتم توجيه المناهج لخدمة هذه الفكرة.
أنا أختلف مع هذه الآراء جذرياً، هذه الآراء جميعها تنظر للتعليم من خلال نفس النموذح الذي طبقته الإنقاذ. وهو نموذج التعليم البنكي كما أسماه باولو فريري في كتابه تعليم المقهورين.
والتعليم البنكي ينظر للطلاب على أنهم حاويات يجب على المعلمين وضع المعلومات المعرفية فيها. وعلى الطلاب حفظ هذه المعرفة وإسترجاعها متى طلب منهم ذلك. ولا يعطي هذا النموذج التعليمي للطالب أي دور إيجابي في التفاعل مع المعرفة بل فقط يكون دوره التلقي هذا النموذج يعزز عدم وجود التفكير النقدي وذاتية المعرفة لدى الطلاب ، مما يجعل الطالب هدف سهل للأنظمة القمعية ويعزز إستجابته للسلطة كمصدر للمعرفة ويعزز عجزه عن نقد السلطة الأحادية القمعية ونقد الأفكار التي بنيت عليها، الإنقاذ سعت بشتى السبل في تحويل مناهجنا التعليمية لمناهج على نفس النموذج البنكي التلقيني المبني على التركيز في المحتوى المعلوماتي للمقررات الدراسية ولا تهتم بتطوير المهارات الإدراكية..
الثورة جاءات من أجل إعادة الحرية والكرامة للإنسان السوداني ولن تتحقق هذه الحرية ولا الكرامة ما لم يتحرر التعليم من المناهج ذات الرؤى الأحادية أياً كانت وما لم يتم تعديل الرؤية والرسالة التعليمية بحيث تمنح الطالب ادوات التَعَلُم وتترك له حرية إختيار الأفكار. في ما بعد الثورة نتطلع لمناهج حديثة تهتم بتنمية مهارات الطالب الإدراكية و تهتم بمهاراته في تطبيق المعرفة وخلقها ونقدها وتقييمها وإستحداثها من تجربته التعليمية. نتطلع لمناهج تُمَلِك الطالب أدوات التعلُم والتفكير النقدي السليم وحينها لا خوف من أن يختار الطالب من الأفكار ما يلبي إحتياجاته العقلية. لو أن وزارة التربية والتعليم لها رؤية ورسالة وأهذاف واضحة للتعليم ومتماشية مع أهداف الثورة، فلن يكون لإنتماءات مدير المناهج و البحث التربوي أي أهمية.
أما لو أن وزارة التربية والتعليم لا تملك الزؤية الثورية للتعليم ولا تستوعب رسالتها المرجوة، فالمشكلة لن تكون في من يُكلَف بإدارة المناهج و البحث التربوي، بل المشكلة ستكون طول زمن إنتظارنا للثورة القادمة
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Abureesh)
|
سلام يا حلوين، استغربت من قولك يا حبيبنا د. ياسر على القراي ألا يقبل. بالعكس بشوفو الرجل المناسب في المكان المناسب حتى يلغي كل المناهج التي تحض عل الكراهية الدينية، القراي لو رفض هذا العرض يعني إعتراف ضمني بأن المناهج الدارسية الحالية لا تدعو للإرهاب ولا تشوبها شائبة؟! هل تعلم انه هنالك مادة في مقررات الثانوي اسمها الجهاد؟!
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Abureesh)
|
Quote: انا بس عاوز اعرف السودان دا مسجل بإسم أم منو..
لو مسجل باسم كل السودانيين فان القراى له كامل الحق للترشح لأى منصب. بعدين القراى لن يتحرك فى اى اتجاه للدعوة او للتوجه بتطبيق نهج الفكر فى منصبه الرسمى. و هو الان يحكم عليه بمبدأ البرئ منذنب و يجب ان لا يعطى الفرصة ابرئ نفسه
|
تعرف يا Aburiesh اول مداخلة ليك اتكيفت منها نعم السودان ما حق زوول ومن حق عمر القراى ان يعمل فى السودان وفى اى قطاع وخاصة هو قامة ودكتور ولازم يشطب خزعبلات الكيزيان بالاستيكة
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: مرتضي عبد الجليل)
|
عدم كفاءة علمية قصور في المؤهلات الاكاديمية او وجود شخص آخر أكثر كفاءة منه. فقط أي رفض آخر مبني علي اللون او الجنس او النوع مرفوض, و كذلك الرفض بناء علي الإتجاه او الميول السياسي إذا كنا رفضنا الفصل من العمل بناء علي الاتجاه السياسي. كيف نقبل ان يتم حرمان شخص مؤهل فقط لان له إتجاه. المبادئ لا تتجزاء. و ده يعتبر تمييز او discrimination و هو محاكمة شخص علي ذنب لم يقوم به علي اساس غير علمي و هو لانه عنده ميول او اتجاه سياسي. علي الاقل خلوهو يغلط بعدين حاكموه لا تنصبوا المحاكم في الهواء. د.عمر القراي سوداني زيي و زيك له نفس الحقوق و الواجبات أعجب لشخص يرفض تعيينه في منصب هو كفء له عندو دكتوراة في تطوير المناهج. نرفضه عشان ابيض او اسمر شايقي او دينكاوي. شيوعي او اتحادي كلها واحد. المهم انو مؤهل و لم يتم اتهامه في جريمة تمس الشرف و الأمانة أما إذا أخطأ في عمله يمكن محاسبته حسب القانون. علي الاقل الناس ال رافضين يقدموا شخص آخر مؤهل اكاديمياً أكتر منو. زمن العواطف و المخاصصات انتهي اتمني للدكتور عمر القراي التوفيق فهو أهل لذلك بما يحمل من شهادات و سيرة ذاتية مشرفة
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: دينق عبد الله)
|
يا عبد الله دينق سلام .. ات مش الزمان كت عضو فى الجبهة الإسلامية ولا دا اسم على مسمى ؟؟؟ ثم ثانيا ،القىاى طائفته شنو ؟؟ الذى اعرفه انو القراى، سودانى و يعتنق قمرا محددا كنا اغلب الذين يشاركونك البوست و لو حتى مافى انتماء تنظيمىى ،ستحد الكثيرين من السودانيين يعبرون عن قناعات فى اتجاهات محددة .اذا لماذا الدعوة لإقصاء سودانى ممكن يكون زول كفو و مالى مركزو.تحياتى.
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: عبداللطيف حسن علي)
|
Quote: صلاح زبير قصه كوز دى ماجا فى بالى اوصفهك بيها رغم احساسى بالقصه دى. لانو لو لاحظت انوما من طبعى انو ارمى زول باى وصف او انتماء .ولو عندك دليل انى رميت اى زميل هنا بصفه حق او باطل قدمو |
هههههه ... أخينا عاصم علي ... كدي أقرأ جملتك دي :-
Quote: صلاح زبير قصه كوز دى ماجا فى بالى اوصفهك بيها رغم احساسى بالقصه دى |
دا عربي يا مرسي ... وباقي كلامك عن طبعك وتوصيفك انتماء الناس دا تدليس بدون مسحة خجل ليس إلا... بعدين الدليل قدامك ... بتضحك علي مين يابا ... يا أخينا بوستاتك المليانه أخطاء إملائية توضح بأنك كادر منظم لجهة ما تجلب وجهة نظرها وفي كتير من الأحيان بتكون غير قناعاتك التي تسربها داخل البوست نفسه ... عاصم انتا رأس الرمح للناس الواقفين ضد الثورة في هذا المنبر والكلام دا معروف لديك ... ولو عايز أدلة من بوستاتك فقط نجيبا ليك ...
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: محمد البشرى الخضر)
|
Quote: يا ود القوز دا كلام مجّاني وساي جدا وترديد لخط و استراتيجية الكيزان في تجييش التيّار الاسلامي العريض لمحاربة الثورة |
وحاتك كلامي ما مجاني تأكد ليهو تمن لي قدام وتمن غالي كمان .. ياباشمهندس ود البشرى ترديدي لاستراتيجية الكيزان خليهو على جنب .. انت شن قولك في الهرولة المحمومة من جانب (بعض) تشكيلات الحكومة .. نحو محاربة الدين ؟ .. (شي مريسة - شي دوري كرة قدم نسائي ) .. الخطوات العجولة والمتهافتة دي لزومها وفي التوقيت ده شنو ؟ .. المفروض الفترة الأولى دي الناس تحاول تحرم الكيزان من سلاح مهم جدا .. زي ماقلت حرمانهم هم أو غيرهم من تجييش التيار الاسلامي العريض .. فبدل يحيّدوا السلاح الماحيقدروا عليهو يقوموا يسلموهو للاعداء !.. شغل المكاواة والعناد أوماعندنا شغلة بالكيزان أو التعجل لانزال أجندة حزبية ! .. بدواعي إننا نحن ماخايفين من الكيزان واعلى مافي خيلهم يركبوهو ! .. اصلا الكيزان في المنحى الخطير ده مش هم العدو الأخطر والأوحد .. العدو الأصعب حيكون تيارات اسلامية عريضة ماليه البلد ؟ .. التيارات دي بعضها ينتمي لاحزاب يمينة وأكثريتها غير منتميه لاحزاب .. وكان ليهم مجتمعين دور في الثورة وفي مناهضة نظام الكيزان .. وفي منهم الحيجي يستخدم السلاح ده وحيعبي قواعده ضد الحكومة المدنية .. وممكن تكون باب للمطالبة بالانتخابات المبكرة البيطالب بيها (سيدي) .. فالبيحصل ده اسمه عدم حصافة وتسرع وتهافت مجاني .. والنتيجة أكيد حتكون خصما على استقرار الحكومة المدنية .. بالمناسبة التعاطي مع الدين مش مفروض يكون بالسبهللية دي .. يأخ اليخلوا الدين ده بعيد لايزيدوا فيهو لاينقصوا منه .. اليتجاهلوه تماما ويخرجوه من خارطة برامجهم قصيرة المدى .. عشان الناس تمش لي قدام وتمرق من الحفرة النحن فيها دي .. والشعب ده يحس بأنه هناك تحسن حاصل في البلد ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كل البيحصل ده مرده لعدم التزام حكومة حمدوك بمسألة ابعاد الاحزاب .. واستجابتها لضغوطاتها لأنه الاحزاب أكيد حتجي ببرامجها .. وحتتعجل انزالها على الارض وفرضها عنقلة ساي وبلا أي دراسة .. فلو التزمت الاحزاب بالشرط الوضعته على نفسها بعدم الاستوزار .. وعدم المكابسة على المناصب لما حصل الدفاس والعفاس النحن فيهو ده ..
مشكور ياسيدي تعليقك على ما كتبت ..
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Salah Zubeir)
|
الحكومة كشفت عن ساقيها متعرية وتنادي كل علماني بعثي شيوعي جمهوري قائلة له هيت لك هذه حكومة ساقطة سقوط اوراق الخريف حكومة لا قيمة اخلاقية لها بشرونا بأن الجيش سيسحب من اليمن والآن باعوا الدم السوداني بدراهم بخس معدودات وكذا دماء الشهداء ودفنهوم مجهولي الهوية فنجد أن مجلس الوزراء غضب لواء ووجه وزير عدله ان يتنى الدعوى الجنائية ضد الشيخ المتطرف عبدالحي يوسف الذي باع دينه بدنياه ولكن نجد نفس المجلس عندما قامت ادارة ثلاجات حفظ الجثامين بالمبادرة لدفن الشهداء قبل ان يتعرف إليهم اهلهم ودفنوا مجهولي الهوية وكانهم ابناء شوارع لم ينبت مجلس والوزراء ورئيسه الماسورة ببنت شفاه ولم يغضبوا ويحزنوا لدفنهم بهذه الصورة المذرية ولم يصدر منهم بيانا حتى من المتحدث الرسمي باسم المجلس مما يكشف أن القيمة الادبية لولاء التي اتت تسير لمنصبها على دماء الشهداء اكرم واعظم من معرفة هوية الشهداء وسيظلوا مفقودين بالنسبة لاهلهم وذويهم إلى ان تقوم الساعة والله هذه حكومة لا تستحق ان تحكم السودان ليوم واحد شاهت الوجوه [
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Salah Zubeir)
|
ياصلاح انا اوردت اسمك انو دا نص مداخلتى ليك ف (فى بوست اخر) عشان الناس ماتفتكر انو دا رد على مداخله فى البوست دا. قصه الاخطاء الاملائيه دى مامشكله كبيره وبتحصل كتير عشان توردو دليل على اتهامك لى بالباطل بما ليس فى.وطريقه قديمه للهجوم واسكات الاخر .30 سنه من المعاناه خلت الواحد اخد حصانه من وسائل اسكات الاخر واحباطو اما مواقفى حقتى لا انتماء لجهه حتى التمس رضاء تيار او التزم بخط ما . انا بقول رائى والعجبو عجبو وناقش والماعجبو بطريقتو موقفى من الثوره واضح وان القصه اتهكرت واتسرقت والمساله مساله زمن عشان الناس تقيف على الحقيقه دى لاحقا.. ما بتعامل بالعاطفه السياسيه
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: نعمات عماد)
|
السلام عليكم، وشكراً للأخ دينق عبدالله، على هذا البوست، والذي أتاح تمريناً ديمقراطياً ساخنا .. الأخ د. عمر القرّاي، زول مثقف وخبير مِهَني في مجالِه وله صولاته الفكرية والجدلية، ومعروفة ومقروءة أفكاره من خلال كتاباته الجديرة بالإطّلاع .. كذلك د. عبدالله حمدوك، رئيس الوزراء، مالئ لوظيفته الدستورية، وعلى دراية وخبرة للســير بالحكومة الانتقالية إلى بَــرّ الأمان.. كذلك، د. محمد الأمين التوم، وزير التربية والتعليم.. كذلك، كثيرون في قوى الحُرية والتغيير.. كلهم سودانيون لهم حق العمل، وعليهم واجب التكليف .. وربما اعترض على تعيينهم بعض الناس، بدء تعيينهم، لكنه اعتراض لم تسنده حجج مانعة؛ وإنما "ذات الجعجعة الكيزانية" التي أضحى كبارها يحسبون كل "تعيينة" عليهم! تــُــرى مَنْ كان يشغل هذه الوظيفة - طيلة العهد البائد - التي سيتقلّدها هذا الجدير، د. القراي؟ بالأكيد سودانيون، ولهم باعٌ سياسي مع الحزب الغارِم! المؤتمر الوطني، بل وَ عليه "كَمْ رَقَبَة" ذاتو.. والآن، هاهو المعيّن حديثاً، له تأهيلٌ ولديه خبرة ومهارة مشهودتين، كما لا ينقصه الباع السياسي، وهذا "باعٌ" سياسي من مكوّنات الثورة الديسمبرية المجيدة.
طيّب المُشكلة مكانا وين؟ (يااااقولم!؟)..
المشكلة يا سادتي، أن هذا القرّاي، لن يصمُد أمامه هؤلاء الثرثارين آل-جعجاعين فضلاً عن أنهم - هذه الأيامات!- قد شَــمــّوا نفسّهم! وغَــرّتهم الأماني الخُلّب وبأنهم قادرين على أن يستلبوا ما كانوا يسلبون..!!
لا أعتقد أن رئيس الوزراء، سيتراجع عن هذا القرار التنفيذي الباهر.. ولن يقُل للمعترضين: أعلى ما في خيلكم أركبوه..! ذلك أنه ليس كمثلهم،وإنّما زول ديمقراطي، يؤمن بأهداف الثورة السودانية الديسمبرية في ال: حرية .. سلام .. وَعدالة ..
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: محمد أبوجودة)
|
كنت متوقع ضربه البدايه فى رفض اللتعيين من السلفيين لكن جات من جهه تانيه
Quote: حسين خوجلي يهاجم قرار تعيين الرشيد سعيد وعمر القراي أكتوبر 18, 2019 الخرطوم: الانتباهة أون لاين هاجم الاعلامي المعروف رئيس تحرير صحيفة ألوان والمدير العام لمجموعة المساء الاعلامية الأستاذ حسين خوجلي قرار تعيين وكيل وزارة الاعلام الرشيد سعيد ومدير المركز القومي للمناهج والبحث التربوي د. عمر القراي. وقال حسين في تغريدة تم تداولها على نطاق واسع في وسائط التواصل الاجتماعي: (وتستمر أقلية قحط في استفزاز الأغلبية واستعجالا لمواجهة مع هذا الشعب المسلم فقد اختارت إبن الماركسية الرشيد سعيد معبراً عن ثقافة هذا الشعب وهو المؤمن بالمادية الجدلية التي تستبعد(الخالق العظيم ) وتختار أيضا عمر القراي الجمهوري مسئولاً عن مناهج التعليم لأبنائنا وهو الذي يؤمن بنسخ رسالة الاسلام وأن الانسان الكامل يكون الله). وأضاف حسين: (إن كان الرفيق حمدوك يعلم ذلك فهذه مصيبة وإن كان لا يعلم فالمصيبة أعظم).
|
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: دينق عبد الله)
|
تعلمنا من المناهج التي وضعها المايويون الشييوعيون وتعلمنا من المناهج التي وضعها الكيزان المجرمون فهل صرنا مثلهم؟ او تاثرنا بفكرهم؟ الاجابة بالطبع لا .. الثورة المضادة شغالة هذه هي الحقيقة التي يجب ان ينتبه اليها الجميع شوف امثال ضياء بلال شايت وين وشوت عكسو ..عوجة ما بتجيك
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Kamal Alalla)
|
المفروض تكون قحت ذكية و تبعد عن المطبات المصطنعة..و ما في داعي للمواجهات التي لا داعي لها.. يجب الابتعاد في الوقت الحالي عن الألوان الصارخة سياسيا أو دينا أو غير ذلك..ليس خوفا و لكن تفرغا للأشياء الأساسية و عدم فتح جبهات عديدة تشغلها عن أولى أولياتها. فالسودان لا يحتمل أن يكون ساحات حرب عدة في وقتواحد و في هذا الوان بالذات... يا ناس قحت و من يؤيدهم لا تحسبون من معكم كلهم بنفس الوعي و الذكاء و لا حتى الثبات فكثير منهم قلوبهم شتى.. أولا حلوا لينا موضوع الدعم السريع ده...
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: محمد عبد الله الحسين)
|
أول دليل على هشاشة الوضع هو أنظروا إلى الانقسام الذي ظهر في المنبر.. ده اول اختبار لرد الفعل الديومقراطي... مع و ضد هي آفتنا من زمان.. المشكلة كلها تكمن في عدم وجود خط أساسي واضح و لا خارطة طريق متفق عليها و معلنة.. كلها قرارات و يبدو أنها غير مدروسة و تخرج بغير تهيئة و بغير بالونات اختبار أو قياس لرأي الناس..و هذه هي الديموقراطية.
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: محمد عبد الله الحسين)
|
استاذ/ محمد عبد الله الحسين تحية طيبة
Quote: يجب الابتعاد في الوقت الحالي عن الألوان الصارخة سياسيا أو دينا أو غير ذلك..ليس خوفا و لكن تفرغا للأشياء الأساسية و عدم فتح جبهات عديدة تشغلها عن أولى أولياتها. فالسودان لا يحتمل أن يكون ساحات حرب عدة في وقتواحد و في هذا الوان بالذات... |
دي نفس فزاعة النظام السابق يا خوي الشباب الفجر الثورة ده واجه رصاص نفس الجماعة العاوز قحت تعمل ليهم خاطر تفتكر اسوأ من مذبحة القيادة في؟ من الأحسن انو الناس تكون مواقفها واضحة، يعني ممكن تكون زي البعض هنا وتقول رايك ما موافق على التعيين ده اما محاولة التقليل من ذكاء قحت أو تقييم مستواه فده معناه انك بتضع نفسك فوق مستواهم تحياتي
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: جمال المنصوري)
|
ما معنى كلمة (ثورة) الحمدلله كلكم اكاديميون ولا تحتاجون لترجمة:
Quote: In political science, a revolution (Latin: revolutio, "a turn around") is a fundamental and relatively sudden change in political power and political organization which occurs when the population revolts against the government, typically due to perceived oppression (political, social, economic) or political incompetence.[1] In book V of the Politics, the Ancient Greek philosopher Aristotle (384–322 BC) described two types of political revolution:
Complete change from one constitution to another Modification of an existing constitution.[2] |
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: جمال المنصوري)
|
"تشكيلات الحكومة .. نحو محاربة الدين ؟ .. (شي مريسة - شي دوري كرة قدم نسائي )"
اخونا جمال ود القوز.. سلام
اولا شنو الفرق بين المريسة و الشربوت؟ و هل تعلم ان نسبة الكحول فى الشربوت كثيرا ما تكون اكثر منها فى المريسة؟ و شنو يعنى الزول (يرخم) بعد شراب الشربوت؟ اليس هذا السكر (قبيل الطشم)؟ بعدين هل فى رايك كرة القدم للنساء محاربة للدين؟ سؤال اخير.. هل صيانة حقوق الانسان الذى كرمه الله و حرم دمه.. و صيانة الاعراض و طهارة اليد من المال العام.. هل افضل فى ظل هذا النظام أم فى زمن الانقاذ.
و اخيرا يجب ان تعرف انه لو ترشحت لأى مجلس تشريعى فسيكون ضمن برنامجي الانتخابى منه الخمور. و لكنى لا اتاجر بهذا و سوف أقبل راى الاغلبية ان لم افز.. و احاول فى الانتخابات القادمة
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Abureesh)
|
كرام الاخوۃ المتداخلين تحياتي و معزتي لكم جميعا
البوست ملك للجميع ؛كما تفضل الاخ حمودۃ فهو تمرين ديمقراطي دعونا نقول رأينا الذي يخالف الآخر بكل محبۃ
--------------- يا جماعۃ - الدكتور/ عبدالله دينق نيال (كوز) مرشح سابق للرٸاسۃ السودانيۃ۔ الان جنوب سوداني الجنسيۃ
- العنقالي/ دينق عبدالله بيار (جلابي) سوداني الجنسيۃ و يحمل الجنسيۃ الجنوبيۃ بطبيعۃ الحال ۔ بجانب جوازين آخرين. احتمال مرشح قادم للرٸاسۃ السودانيۃ(قوۃ عين دينكا)😎
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Abureesh)
|
Quote: ولا شنو الفرق بين المريسة و الشربوت؟ و هل تعلم ان نسبة الكحول فى الشربوت كثيرا ما تكون اكثر منها فى المريسة؟ |
أخونا أبا الريش .. مرحبتين حبابك .. الفرق ده بتصنعه بي يدك صناعة .. ( الشربوت كمثال ) .. ممكن أخلي ليك الشربوت عرقي راسو عديل .. وممكن أخليه موية منقوع بلح طعمها زي الحلو مر .. يأخ ممكن الحلو مر ده ذااااتو أخليهو يبقى عرقي .. الشغله مافيها مقياس ثابت تقدر تقيس عليهو الفرق .. لكن المريسة دي عندها ميزانية متعارف عليها .. كم عبار بيوقفنك لمبة وكان شربت جردل وحاتك الا يرفعوك من ضنبك .. شفت سكرة البيرة بس دي زيها قزازة بيرة يعني .. لكن كان شربت 4 قزازات أكيد حتحتاج لي دعم خارجي .. الشربوت ( المتعارف عليهو ) مابيسكر ليهو زول خالص ..
Quote: بعدين هل فى رايك كرة القدم للنساء محاربة للدين؟
|
برضو فيها مقاييس وشروط زيها والشربوت واحد .. ممكن تخليها رياضة نسوية عادية ومافيها حاجة .. وتكون ممارستها خاصة بالحريم ممارسة ومشاهدة .. وفي أماكن بعيدة عن أعين الرجال .. لانه الحريم حيلبسن شورتات وفنايل تكشف عن محاسنهن للرجال .. وممكن تعملها في استادات واماكن مكشوفة دي بتجيب حرمة وفيها مافيها . عشا ن الناس تكون منصفة وكده الصاح واضح ماشغلة غلاط وجدل ..
بعدين انت ما وصلت لي النقطة الانا عايز أصل ليها .. الهدف ببساطة انه شغل ركوب الراس والبحث عن الأمور الفيها اختلاف .. أفضل الناس تتجنبها لانه الحكومة المدنية لسه عضمها طري .. ومابتقدر تواجه تيارات دينية رغم جعجعتها ومكابرتها .. ثم من يعتقد إنه الثورة دي العملوها الحزب الشيوعي والجمهوري .. اليراجعوا أنفسهم لانه هسه كان بقت انتخابات مبكرة (وده النحن برضو مادايرنه ) .. حيجيب لينا نفس الوجوه وحتتكرر على رؤوسنا اسطوانة كرهنا وملينا منها .. فاهداف ومرامي كلامي تتوافق ورفض الاحزاب اليسارية للانتخابات المبكرة .. لانها تعرف تمام المعرفة إنه الوقت داك حيروحوا شمار في مرقة .. وحتظهر قواعدهم المبنية على التوهم وتكبير الكوم بي ناس ماتبعهم ... يا ابو الريش لا الحزب الشيوعي ولا الجمهوري العاملين الجوطة دي ... عملوا الثورة دي براهم ولا هم الازاحو عمر البشير بي جماهيرهم الحزبية .. دي جماهير تم حشدها ووضعها في بوتقة واحدة لانها كلها كرهت نظام الكيزان .. وتوافقت على إزاحة الكيزان فيها الانصاري والاتحادي فيهم السلفي .. فيهم كافة اطياف الاحزاب اليمينة الدينية الماحتقبل المساس بالدين .. لاحظ ديل كرهو الكيزان لكن لم يكرهوا الدين ولن يقبلوا التلاعب الحاصل ده .. يبقى بنفس المقياس والقدر حتجي أحزاب اليمين تتوحد وتحشد نفس القواعد دي .. لازاحة الحكومة المدنية وده كلام مااادايرنو خالص لانه البديل الحيجي مابنفع معانا .. ولا دايرين كلام زي ده يحصل عشان كده قلنا العجلة والتسرع والبحث عن المآزق .. ومحاولة انزال الاجندة الحزبية والبحث عن الشخصيات العليها ملاحظات افضل يخلوهو .. أما حكاية نحن ماهمانا دي لي قدام ما حتأكلهم عيش والحيدفع الثمن هي نفس القواعد .. الكان ليها دور مافي زول بيقدر ينكروا والازاحت نظام الكيزان عن الحكم .. هسه شوف التحشيد البدأ يحصل ده وكله بسبب أمور ماليها لازمة ولا فايدة سوى المفسدة .. شغل العنقلة والسبهللية وعدم دراسة الخطوات وقراءة الساحة السودانية بشكل صحيح .. فالداير يعمل مريسة ويشربها اليعملها والعرقي راقد اليمش يشربو .. ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ بعدين مداخلتك بتاعة السودان مابتاع أم زول شينة في حقك لانك من الناس المهذبين بالمنبر .. وماتعودنا منك مثل هذه الأمور وأنت أكبر من كده وذاكرة المنبر تشهد لك بالاتزان والحصافة ..
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: جمال ود القوز)
|
يا ود القوز خليني اتناول نقطة واحدة من حديثك و هي مسالة كرة القدم النسائية التي اوردتها للتدليل على الحديث - الذي لا زلت اصر على مجانيته - ان الحكومة الانتقالية تحارب الدين! هل تعلم أن اطلاق نشاط - دوري - كرة قدم نسائية صدر كأمر الزامي لكل الاتحادات التابعة للفيفا في العام 2008 و ان الاتحاد السوداني بطبيعة الحال ملزم بإقامة هذا النشاط ومضمن في نظامه الاساسي وإلاّ سيفقد عضويته في الفيفا! و أن هناك منتخب كرة قدم نسائي شارك باسم السودان في دورة دولية عام 2010 وأن فريق الفلاح (أو الدفاع) ما متذكر الذي صاحبت اولى مبارياته الضجة المثارة عمره 15 عام! وأنه هناك فريق كرة قدم نسائي تابع للهلال السوداني من الخمسينات - أو الستينات - لا اذكر بالتحديد!! وأهم من ذلك هل سمعت بإنطلاق دوري كرة القدم النسائي بالممكلة العربية السعودية! أها ديل اسياد الشي زاتها برضو بحاربوا الدين!! المهم مل التفاصيل دي ليه عشان تعرف المعلومة الاستندت عليها لا علاقة لها بالحكومة الحالية و لا الثورة وليس من اولويات حكومة الحرية و التغيير المعلنة محاربة الدين, اولويات ميثاق الحرية و التغيير تفكيك دولة التمكين و هذا ليس محاربة للدين و اعادة السودان للمجتمع الدولي و اخراجه من عزلته التي وضعته فيها الانقاذ و هذا ليس حربا على الدين ايضا و تحقيق الحرية و السلام و العدالة!! أين الحرب على الدين هنا! هذه دعاية سوداء يتولى كبرها فلول النظام السابق ويلعبون على التعاطف الفطري و النفور من فكرة محاربة الدين لدى المسلمين السودانيين و يعيدون تسويق نفس الخمر الفاسدة القديمة في قناني جديدة, وهذا لا يحارب الا بالوعي و المزيد منه
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: جمال ود القوز)
|
Quote: دي جماهير تم حشدها ووضعها في بوتقة واحدة لانها كلها كرهت نظام الكيزان .. وتوافقت على إزاحة الكيزان فيها الانصاري والاتحادي فيهم السلفي .. فيهم كافة اطياف الاحزاب اليمينة الدينية الماحتقبل المساس بالدين .. |
اهم قطاع شارك هو (حزب الكنبه) الكانت واقفه على رصيف الاحداث واصبحت جزء من الحدث ولازم يكون فى حساب ليها وتجنب الصراعات الخوبيه والفكريه فى اداره الفتره الانتقاليه.
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Asim Ali)
|
Quote: يا ود القوز خليني اتناول نقطة واحدة من حديثك و هي مسالة كرة القدم النسائية التي اوردتها للتدليل على الحديث - الذي لا زلت اصر على مجانيته - ان الحكومة الانتقالية تحارب الدين!
|
السؤال البطرح نفسو يا ود البشرى : البنات ديل اتعلمو الكورة متين ؟ ما يجي عمر التاج كمان يقول اتعلموها بعد الثورة البنات ديل بلعبو كورة من هم صغار بالتأكيد ، الكورة لعبناها وبنعرفا ، مافي زول بتعلمها في شهر المرأة لم تغب ابدا عن خارطة الرياضة ، كل الحصل انها واجهت مشاكل و صعوبات في فترة الزفت البشير
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: نادر الفضلى)
|
Quote: هذه دعاية سوداء يتولى كبرها فلول النظام السابق ويلعبون على التعاطف الفطري و النفور من فكرة محاربة الدين لدى المسلمين السودانيين و يعيدون تسويق نفس الخمر الفاسدة القديمة في قناني جديدة, وهذا لا يحارب الا بالوعي و المزيد منه
|
تسلم يا باش ... عارف وحاة الله إنه الراكب الموجة دي هسه عبد الحي وفلول الكيزان .. ومن لف لفهم من تيارت الاسلام السياسي والهدف معروف وظاهر .. لكن انت ما حتحارب الخطر بأن تدفن راسك في الرملة وتعمل ماشايفه .. الخطر ده موجود وقادم هل بتقدر تنكره ؟ .. هل لو انت اتعاميت عنه وطنشتو معناتها خلاص غير موجود أو حيتلاشى ؟ .. هل نحن إن استشعرنا للخطر ده بيعني إننا حنركب في مركب واحد مع متبنوه ؟ .. ياسيد الناس مفروض تكون حساسيتها عالية وتستشعر الخطر القادم .. وماتتكيء على حكاية توعية ونشر خطاب مضاد لن يفيد ولن يجدي .. هسه هل لاحظت التوافق الحصل بين الحزب الشيوعي وفلول نظام الكيزان ؟ .. في تأليب وحشد الجماهير في الشارع السوداني ؟ هم بالمناسبة مشتركين ومتوافقين على الحشد الجماهيري المضاد للحكومة المدنية .. اليومين ديل هل ده بيعني أنهم فصيل واحد ؟ .. وإن برامجهم مشتركة ؟ .. هل ده بعني إنهم حيتفقوا كان اسقطوا الحكومة المدنية دي ؟ .. البيجمعهم هو نفس البيجمع كلامنا مع تيارات الاسلام السياسي .. بالمناسبة أنا شخصيا قنعت خالص من حكاية حشر الدين في السياسة .. دي قناعة شخصية عايزين حكومة لا تعادي الدين ولا تدعمه خالص .. تخليهو زي ما هو يأخ التطنشو خالص وتعتبره غير موجود .. ليه ؟ . عشان ماتشتري عداوات بلاش .. ده الهدف من كل كلامي الفات .. الحكومة المدنية التعمل على نشر الوعي والثقافة والفنون وتفتح الاندية الثقافية .. تفتح دور السينما والمسارح تحرك ساكن الحركة الثقافية وتزيد وعي الناس .. تعيد فتح بخت الرضا وكل معاهد تأهيل المعلمين تقفل كل الجامعات الهلامية .. العبثوا فيها الكيزان وتعمل على تأسيس برامج دراسات جامعية محترمة لها .. تستقطب كادر تدريسي على أعلى مستوى جرى تطفيشه من البلد بسبب القهر .. وكمان يزيلوا كل خمج الكيزان بتاع المدارس الخاصة والمستشفيات الخاصة .. وتنمَي من جديد المدارس الحكومية والمستشفيات الحكومية واقسام الحوادث .. تزيل كل حركات الطبقية الطفيلية النشروها الكيزان وكل الناس ترجع زي زمان .. العنده قروش يتعلم ويتعالج زي الما عنده مش العنده يعيش والماعنده يسف التراب .. شغل انزال الاجندات الحزبية مامنو فايدة أياهو شغل الكيزان بالمقلوب ما دايرنه خالص ..
بعدين أنا اصلا زول كورة واعلم إنه الكرة النسائية ماجابوها الكيزان موجودة من بدري .. وحكاية انها تبقى الزامية للاتحادات الكروية مافي مشكلة وقتها الناس تشوف حتعمل شنو .. والحاجات دي كلها تخليها زي ماهي وقت يجي وقتها مافي زول حيقدر يقول ليك قاطع .. الأمور حتمش لكن ماتستبق الاحداث وتعمل منها خميرة عكننة وحاجة اساسية ومهمة .. كان هي كان عبادات الناس وتدينهم سيبهم خالص بالذات في الفترة العلينا دي .. ما تمارس نفس شغل الكيزان بتاع اعادة برمجة مخ السودانيين والعبث بثوابتهم وتأليبهم .. أعمل على الارض وخفف العبء عن كاهل المواطن ومعيشته ارمي بكل ثقلك كحكومة .. تريد أن تجعل لنفسها ارصدة عند الجماهير وما تعمل على تنفيرهم وتحدي كل معتقداتهم .. وثوابتهم الدينية والمجتمعية وتشتري العداوات مكابرة وشغل عنجهية ..
تأكد والله كلامي ما مجاني ... وحأذكرك حتشوف الحشد الشغال اليومين ديل حيودي الناس لي وين .. حتعمل شنو الحكومة وقتها حتقمعهم بالقوة الجبرية ؟ .. وحتفك الاعتصامات والتظاهرات بالرجالة زي الكيزان ؟ الافضل ياتو ده وام تشتغل برزانة وروية وتعقل .. وتخليك مسيطر على الساحة السودانية ؟ ..
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: جمال ود القوز)
|
كتب الاستاذ عبد اللطيف حسن
((خلاصة المداخلات التافهة هنا ، ان المنهج سيصبح جمهوري لان مدير المناهج جمهوري !!
منذ فترة ليست قصيرة اتصفح المنبر للنعاس الشديد
اسالوا عن كيفية تصميم المناهج اولا ...
معقولة تكونوا سذج للدرجة دي))
اخي الأستاذ عبداللطيف نعت مداخلات الزملاء و الزميلات بالتافهۃ ينم عن افتقار حس قبول الآخر ضمن من كتب قبلك من يحمل درجۃ الدكتوراۃ في تخصص له علاقۃ بالموضوع
أظنك في حاجۃ الي مراجعۃ مخزونك اللغوي عندما تقرر الكتابۃ في منبر عام
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: نادر الفضلى)
|
القضيه قضيه خطا فى تقديم الاولويات على اساس المشاريع والبرامج -توظيف الجهود الرسمسه والشعبيه -تركيز الاهتمام وافراد مساحات اعلاميه اكبر . موضوع الرياضه النسويه موضوع نعم ماجديد ولو بنتذكر ظهور صور قبل سنتين لفتيات بيتمرنو فى ميدان عام(حاولت القى الصور فى ارشيف الصور ممكن انزلها لاحقا) يعنى ممكن نحتفى بالموضوع لكن الموضوع اخد مساحه اكبر من حجمو بعد داك وكانو اختلاق مرتب بين طرفين واحد منهم فى الحكومه والتانى الثوره المضاده (السلفيين فى الحاله دى) وافتعال معارك هامشيه مثلا فى شان المراه .مقارنه بالقضايا الهامه اولويه معاناه المراه فى دارفور من الاغتصاب والقتل وصحه الامومه والطفوله وخفض الوفيات عند الولاده ...الخ. على نفس النسق وين القضايا العاجله فى المرحله الانتقاليه واللى بتكون بتخاطب قضايا القطاع الاكبر من الشعب السودانى ؟؟ زى تاهيل البنيات الاساسيه للمرافق الخدميه والرقابه على الفساد والتسيب والعمل على استقرار الفتره الانتقاليه ووضع اسس لمعالجه كثير من اثار فتره حكم الكيزان البائد وماننسى الجانب القانونى وقضايا الاصلاح القانونى وقضايا انتهاك الحقوق الانسانيه.مايحث هو تهيئه الاجواء للثوره المضاده لتخاطب وتكسب جانب البسطاء باستخدام العاطفه الدينيه او استغلال الضغوط بسبب الازمات المفتعله
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: Asim Ali)
|
يا ود القوز مش قصة تدفن راسك في الرمال و نعم قد تكون من الحكمة تجنب اثارة المشاعر و اتاحة الفرصة للمتاجرة بالدين لكن انت تردد كلامهم زاته حين تقول بتوجه الحكومة الانتقالية ضد الدين!! ودي المجانية هنا قصة الدوري النسائي ما عارف اشرح ليك قصدي كيف! يا سيدي الحكومة و الوزارة لا علاقة لها بالموضوع نهائيا الفيفا تمنع تدخل الجكومات تماما في ادارة النشاط, كل ما في الامر دعوة الوزيرة لمباراة الافتتاح وهذا امر تشريفي وتقليدي فقط يعني لو الليلة حمدوك نفسه بل وبرهان زاته قالوا يلغوا الدوري النسائي كدا بقرار فوقي دون الاخذ برأي الاتحاد السوداني تاني يوم الفيفا بتجمد نشاط السودان فيا سيدي نقطة الدوري النسائي نهائي لا علاقة للحكومة بها من يقول بذلك هو عبد الحي و أزواجه و أتباعه و آخرين موتورين واصحاب غرض يريدون منها مدخلا للنيل من الحكومة و الثورة فال تجاريهم بكل المجانية دي دا قصدي فيما يخص مسألة الدوري النسائي, امّا بقية الحديث فا شنو .. أخير النسكت
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: محمد البشرى الخضر)
|
كان عميد معهد بخت الرضا ورئيس قسم المناهج فيه مستر قريفيث ولم نسمع انه عدل المناهج لتتماشي مع ديانته المسيحيه او ثقافته البريطانيه وإنما كان رجل مهنيا فنيا ..الذين يتباكون الان لان دكتور القراي عين مدير للمناهج لوزاره التربيه والتعليم نسوا ان الوظيفه فنيه بحته وليست سياسيه علي الاطلاق ..ولا يوجد شخص بعينه يضع المناهج وإنما تضعه لجان فنيه من اساتذة التربيه والتعليم يجمع آراءهم ومقترحاتهم القراي ويرفعها هو بدوره الي وزير التربيه والتعليم .. تبا لكم ايها الكيزان عبيد المال وعبيد السلطان يظنون ان المناهج هي فقط مادة الدين ..عندما كان الدكتور منصور خالد وزير التربيه والتعليم في مطلع السبعينات من القرن الماضي لغي الدين من امتحان الشهاده الثانويه والغي الامتحان في الدين بين الفصول وتركه ماده دراسيه للاستماع فقط ولا يمتحن فيها حفاطا علي قدسية الدين نفسه ..فيا كيزان وَيَا سلفيين المناهج هي الكيمياء والفيزياء والرياضيات وعلوم الكمبيوتر والآداب والفنون والتاريخ والجغرافيا والفلسفه والعلوم الاجتماعيه وعلم النفس وعلوم التربيه والدين جزء ضئيل من هذا الطيف المنهجي ..تبا لكم ايها الكيزان من رعاع أجلاف تعيشون خارج التاريخ ..
| |
|
|
|
|
|
|
Re: أنا ضد إختيار الدكتور عمر القراي مديرا لل� (Re: كمال عباس)
|
Quote:
كان عميد معهد بخت الرضا ورئيس قسم المناهج فيه مستر قريفيث ولم نسمع انه عدل المناهج لتتماشي مع ديانته المسيحيه او ثقافته البريطانيه وإنما كان رجل مهنيا فنيا ..الذين يتباكون الان لان دكتور القراي عين مدير للمناهج لوزاره التربيه والتعليم نسوا ان الوظيفه فنيه بحته وليست سياسيه علي الاطلاق ..ولا يوجد شخص بعينه يضع المناهج وإنما تضعه لجان فنيه من اساتذة التربيه والتعليم يجمع آراءهم ومقترحاتهم القراي ويرفعها هو بدوره الي وزير التربيه والتعليم ..
|
المقررات الدراسية المتوارثة من ما قبل الإستقلال والموضوعة فى معهد بخت الرضا منها فى المدرسة الإبتدائية
التلميذ فى حصة الدين بدرس أن الرسول (ص) من أسمائه محمد وأحمد ومحمود تأتى حصة العربى مطالعة يدرس قصة النمر النمر .. الود الراعى (محمود الكذاب) يرتبط إسم النبى (محمود) بأنه محمود الكذاب
حصة الدين الدرس سورة طه .. وأن طه إسم للنبى (ص) .. وأن النبى قرشى وفى حصة المطالعة (طه القرشى مريض) !!!
فى ذاك الوقت مسلمى السودان أهل سنة مالكية .. شيوعينهم إلى متدينهم معتقدهم الدينى واحد لم يعرفوا وهابية ولا أنصار سنة ولا جموريين ولا أخوان مسلمين ولا كيزان ولا خلافه ورغم ذلك إحوى المنهج على مفارقات هى ليست فى صلب العقيدة الإسلامية ولكن تم تفويت ما هو إستهزاء وإساءة بطريق غير مباشرة للنبى محمد (ص)
فما بالكم أن يكلف على الإشراف على وضع المناهج من له معتقد دينى إسلامى يخالف معتقد الغالبية العظمى من المسلمين ... أيتناقض مع فكره ومعتقده الدينى ليضع مناهج دينية إسلامية لا يؤمن بفحواها ومؤمن بأن معتقده المخالف هو الصحيح؟!
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|