في قناة الخرطوم الآن. المعفنة دي يجب ان تزال. في لقاء مع المعتوه مالك حسين ..الثورة المضادة بدأت حركتها. لا تملك موهبة و لا ثقافة بل خبث و عهر في المقاصد.
*لعنة الله عليك يا فيصل محمد صالح اديت الرجرجة و الدهماء فرصة ياخ انت ما بتشبه الثورة دي
الناس ديل في قناة الخرطوم وفي زكري ثورة اكتوبر طلعوا دين حمدوك و حكومة الثورة.
فيصل محمد صالح ياخ فرتك انعل .......
10-21-2019, 09:49 PM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
فيصل م صالح انت راجل ني و انت سبب اساسي فيما يحدث... احضر اللقاء و شوف الناس دي بتقول في شنو؟ ودا في زكرى اكتوبر .
انت راجل ني و لا تشبه الثورة انا بجيب اللقاء و الناس دي لاقية فرصة لإنو فيصل م صالح عامل راقي و يقدر حق الزمالة و الكلام الفارغ.. الخ... الثغرة في الثورة ح تكون من اعلام فيصل و لو حصل يا فيصل نلحقك القذافي.. تلفزيون السودن مقرف و الخرطوم معفن طيب ثرنا عشان شنو؟ عشان تجي فرحان تقرأ بيان؟ طلعت ماسورة
10-21-2019, 10:23 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
سلام ناصر تعرف فى الوزراء ديل كلهم مافى زى وزير الصحه .زول فى ميدانيا لافى ومشاكل دوله عميقه يواجهها ويحسمها من خلف لمكتب بقرارات صارمه . دا النموذج/ استاندرد الفروض يكون عليهو وزراء المرحله دى
10-21-2019, 10:52 PM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
Quote: تعرف فى الوزراء ديل كلهم مافى زى وزير الصحه .زول فى ميدانيا لافى ومشاكل دوله عميقه يواجهها ويحسمها من خلف لمكتب بقرارات صارمه . دا النموذج/ استاندرد الفروض يكون عليهو وزراء المرحله دى
صاح يا عاصم وزير الصحة نال رضا و اعجاب الثوار بينما فيصل عامل فيها مهذب و زملاء و كلام فارغ... واي فراغ في الاعلام أو تراخي ح يكون في صالح الجماعة ديل. الزول دا لا يصلح لهذا المنصب و لن نسمح بهذه الثغرة تعرف يا عاصم اعفن تلفزيون و مضاد للثورة هو الحكومي قناة السودان و الخرطوم... من من أمن العقوبة آساء الادب عشان كدا يا فيصل العود بجيك قبلهم. ديل تلفزيونات الثورة و ملك للثورة و الثوار ما اتكلمنا عن القنوات الخاصة و يمكننا مقاومتها و محاربتها إن ارادت سوء من خلال السوشيال ميديا أو محاربة الاعلان و المعلنين. اكتر من كدا نعتبرك ثورة مضادة لإنك ضعيييييف وهزيل. عايزين قنواتنا تبقى حقتنا ( بتاعة الثورة مش تهاجم الثورة). ما قادر على المهمة، غيرك ح يقدر
10-22-2019, 09:17 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
حبيبنا ناصر تحيا تي .. امس انا متابع الحوار بين المذيعة ( لا أعرف أسمها ) وكان الضيف د . مالك حسين .. هذا الرجل غريب يبدو أنه سطحي جداً كلام شوارعي ( دكتواره في شنو ) يثير الغضب لدرجة أنك في النهاية تضحك عليه .. كلام خارم بارم .. لديه مشكلة كبيرة مع حمدوك وباقي الجماعة انفعل وخرج من السياق عندما قالت له المذيعة ( ترشيحك مع البشير في الانتخابات كان بمثابة اعتراف له ) قاطع المذيعة مرات عديدة والمذيعة نفسها ليس لها حضور
اعتبرها فيلم كوميدا ونموذج لمدعي الثقافة في السودان تحياتي الحبيب ناصر أنا في البداية زعلت جداً ولكن تخليت أني أشاهد فيلم لعادل إمام وجلست اضحك .. ( شر بلية ما يضحك ) ده زول مسكين .. احصائيات وأرقام يطلقها هكذا في الهواء دون وجل أو خجل
سلامات ناصر, اولا وين التسجيل ثانيا انت ليه تحمل على فيصل كدا انت عايز وزير اعلام زي جوبلز مثلا يكمم الأفواه و يمنع انتقاد الحكومة! على ماذا قام الثورة إذن امس اكيد شفت صورة الشباب الشايلين صورة حمدوك تاييدا له, دا الرد الفعال على النقد الهدّام مش منعه وتكميم الافواه, بعدين فكرة القبول بتكميم افواه الكيزان الآن ستتطور لاحقا للقبول بتكميم أفواه الثوار! حرية الرأي الآخر و النقد مسألة مبدأ لا تنازل عنها. ثم النقد (وبشقيه البنّاء و الهدّام) هو الذي قوّم و يقوّم مسيرة الحكومة حتى الآن و ظهر ذلك جليا في أكثر من قرار تم اتخاذه أو العودة عنه بعد تصاعد الاصوات الناقدة
10-23-2019, 03:17 PM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
حبيبنا علي مساّك الله بالخير فعلا شر البلية ما يضحك , ديل ياهم عينة الضيوف البجيبوهم و متجاهلين ابراهيم البدوي في ندواته في امريكا , ديل اتجاهلوا رئيس الحكومة يوم اذاعة الوزارة. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ الاخ خالد عباس سلام انا شخصيا زعلان لانو كنت عشمان كتير ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ود البشرى سلامات انا ما عندي حاجة شخصية مع استاذ فيصل و اعرف انه مناضل بالقلم و الكلمة و اعتقل و حورب بسبب مواقفه من النظام السابق , الزعل دا بسبب العشم و حجم الاماني , فيصل من الوزراء القلائل المعروفين لكل الناس لتواجده في السوشيال ميديا و تفاعله.
لاحظ في وزراء شغالين بل تقيل وزير الصحة , وزيرة التعليم العالي , وزير العدل , وزير الصناعة بدا المانع فيصل شنو؟ الا لو عشان الزمالة أو عسكر السيادي موقفين الموضوع.
التلفزيون دا تلفزيون "السودان" بؤس في البرامج وفي المعدين و المقدمين زي ام وضاحة و الشنيدي و عارف و ايناس بجانب ادائهم المتواضع جدا كانوا بطبلوا للبشير و هم انفسهم تجاهلوا الثورة و شككوا فيها و هم الذين عرضوا "خفافيش الظلام" وضيوفهم الدائمين زي عصام دكين و غيره من الفلول كانوا بنبذوا و يشككوا في الثورة و الثوار حتى قبل اشهر قليلة.
ياخ معقول لحدي هسي نفتش عن اخبار الثورة و حكومتها من القنوات الاجنبية ولمن تجي تفتح قناة السودان تلقى الكيزان قاعدين و ينظروا و يقول ليك ماعايزين اقصاء زي ام وضاح في اللقاء.
بعدين عبد الحي عندو قناة و حسين خوجلي عندو قناة , كافي البلاء ما تكون في قناة تعبّر عن الثورة و الشعب السوداني دافع مرتبات الناس ديل.
سودانية 24 و النيل الازرق بعبروا عن الثورة افضل بألف مرة من تلفزيون السودان احتمال للقرصة الاخدتها سودانية24 ايام الطاهر و محاربة الناس للمعلنين.
الجمعة الفاتت تلفزيون السودان ناقل ندوة بخصوص نقابتهم و المستضاف هو محمد عصمت تحدث احد منسوبي التلفزيون و اظن اسمه نادر الطيب بحرقة و زعل تجاهل التلفزيون للثورة و الاعتصام و الشهداء " لسه ما نزلت لمن تنزل بجيبها فيها كلام كتير".
شوف في لبنان امبارح القريبة دي تمت اقالة وكيلة الوكالة الوطنية للاعلام "لورا سليمان" لدورها ونشاطها في تغطية وبث الحراك الشعبي وعملوا تاريخ القرار 17 اكتوبر و ذلك لعدم ربطه بالاحداث الجارية. ودا بدل على دور الاعلام الهام في مرحلة الثورة و ما بعد الثورة. واخيرا التسجيل
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Nasser Amin
Asim Ali
علي عبدالوهاب عثمان
محمد البشرى الخضر
فيس بوك
تويتر
انستقرام
يوتيوب
بنتيريست