|
ألوزير عباس,,
|
07:56 AM October, 24 2019 سودانيز اون لاين اسماعيل عبد الله محمد- مكتبتى رابط مختصر
ألوزير عباس,,
كيف تم تسريب الخطاب للسوشيال ميديا؟ الخطاب الذي بموجبه خاطب الوزير مدني عباس وزارة المالية بخصوص استرجاع المبلغ.
هل تم برغبته؟ أم وزراة المالية هي من قامات بذلك؟
أيضاً: هل كانت صورة الوزير الثائر صباح يوم فض الاعتصام وهو مسنود بشخصين باعتباره قد ناشته بعض شظايا العسكر, هل كانت تلك الصورة تعبر عن إصابة حقيقية؟
في عهد النظام البائد اعتدنا على ثقافة تسريب المستندات و إشهار الوثائق السرية التي من الواجب أن يكون تداولها في غاية من السرية بين جهات الاختصاص فقط فكانت ظاهرة ظاهرها الشفافية و باطنها معارك كسر العظم بين قوى النفاق و الشقاق التي كانت حاكمة آنذاك.
ليس من الكفاءة أو المهنية أن يتم تداول الأوراق الحكومية في الهواء الطلق ,, من الواجب على موظفي حكومة الانتقال الذين يطلق عليهم لقب دستوريين أن يكونوا أكفاء و مؤسسيين في إدارة دولاب العمل الحكومي,,
كان على الوزير عباس أن يعمل في صمت و دون رياء,, بأن يبدأ رحلة البحث و التقصي وإسناد الأمر إلى ديوان المراجع العام,, دون (بروباقاندا) إنقاذية,, (شوفوني أنا وزير نزيه),,,
الشعب يريد الكفاءة الحقيقية و يريد المهنية الفاعلة,, Professionalism بمعناها الأصلي,,,,
عاجل إلى حمدوك: إقطع دابر فقه الانقاذ الاداري لا تسمح لوزير بأن يجمع بين وظيفتين في آن واحد ما بين رئاسة مجلس إدارة مصنع أو مؤسسة حكومية وبين إدارته لوزراته التي تحتاج إلى تفرغه الكامل,,
لا نريد وزير هتيف,, كفانا حسن طرحة في ذلك الزمان الغابر,,
|
|
|
|
|
|
|
|
Re: ألوزير عباس,, (Re: Asim Ali)
|
Quote: عشان ناس تانيين يورونا مصادر ثروتهم من مناجم ذهب وشركات ومليشبات ونفوذ |
بطريقته هذه لن يستطيع حسم ملفات شركان الكيزان الكبار أبان كروش ناهيك عن مناجم الذهب,,,
مسعول من الخير: ماذا حل بموضوع منظمة الوزير عباس التي كانت تعمل تحت مظلة النظام البائد؟
| |
|
|
|
|
|
|
Re: ألوزير عباس,, (Re: Asim Ali)
|
بالتاكيد تسريب المستندات وهي "ساخنة" يعبر عن خلل ما لاكين في الحتة بتاعة مدني دي الموضوع فتح عيون الشعب لحاجات خطيرة جدا مخفية ، بصراحة ما كنت متوقع حوافز مجالس الادارات بالضخامة دي ، اتاريهم الواحد تلقاهو عضو في 6 و7 مجالس كانسين البلد كنس الان يجب الضغط على الحكومة بفتح هذا الملف بكل شفافية وتغيير السياسة بتاعة القطاع العام والمختلط دي برمتها .. عادي تلقا عضو مجلس ما بفهم اي حاجة في نشاط الشركة ولا البيزنس بشكل عام ولا الامور المالية وحكاية مجالس الادارات دي ذاتا تتقنن للجنة مصغرة من كبار الموظفين في الشركة + شخص 1 منتدب من وزارة المالية يعني موظف عام وبس ..
| |
|
|
|
|
|
|
Re: ألوزير عباس,, (Re: Asim Ali)
|
الحبيب اسماعيل .. تحياتي .. بدلاً من المبادرات الفردية لا بد من سن قوانين صارمة تحد من هذه السلوكيات وزراء اعضاء في مجالس إدارات الشركات ( ؟؟؟؟؟؟؟؟؟؟؟ ) لا بد من سن قوانين تنظم أعمال ونشاطات الوزراء والامور المالية شكراً لهذا الوزير الشاب على ارجاع المبلغ . في بداية عهد الانقاذ أحد أقربائي كان ساكن الدروشاب في بيت عادي جداً ومتمسك بوضعه وأنه نموذج للشخص النزيه ولكن بريق السلطة والمال غير سلوكهم .. فركبوا الفارهات وسكنوا الشاهقات المبادرة الفردية لا تصلح .. لا بد من وجود قوانين ونظم .. حتى وزير الاوقاف الحالي صرح بأن المكتب ومبنى الوزارة فاخر جداً والايجار ( 23 الف دولار ) شهري وأنه لا يريد هذا المبنى .. التحية لهم شباب نواضر ومتحمسين ولكن المشكلة في القادم والأهل والاقربين والاصدقاء .. مغريات السلطة فكانت المشكلة للخلافة الاسلامية بعد الخلفاء الراشدين ( بعض الصحابة وأبناء الصحابة والتابعين ) المال مغري أما بخصوص الخطابات وتسربيها إلى الاعلام .. لابد من رئيس الوزراء إتخاذ قرار للحد من ذلك الموضوع خطير ..
شكراً اسماعيل الحبيب .. أرجو ألا نعتمد على السلوك الفردي .. بل على النظام والقانون ..
| |
|
|
|
|
|
|
Re: ألوزير عباس,, (Re: علي عبدالوهاب عثمان)
|
شكراً على المداخلة أستاذنا علي عبد الوهاب
Quote: أرجو ألا نعتمد على السلوك الفردي .. بل على النظام والقانون .. |
دائماً تحضرني مقولة مونتسيكو:(القانون يجب أن يكون مثل الموت لا يستثني أحداً),,
| |
|
|
|
|
|
|
Re: ألوزير عباس,, (Re: Abdullah Idrees)
|
الاخ اسماعيل وعيك متقدم والمسألة (شو) ليس إلا يا اخي ديل لو حريصين على اموال الشعب المهدورة وكذا الارواح كان تلقى القضائية دي ضاجة ضح بس وبكل اسف سكون تام
| |
|
|
|
|
|
|
Re: ألوزير عباس,, (Re: Ali Alkanzi)
|
أخي علي الكنزي تحية سلام وعدالة,,
Quote: بس وبكل اسف سكون تام |
اذا هم سكنوا, فالثوار لا يسكنون,,
زي ما قالت الأغنية السودانية الوطنية: ﻃﺒﻞ ﺍﻟﻌﺰ ﺿﺮﺏ ﻳﺎﻟﺴﺮﺓ ﻗﻮﻣﻲ ﺧﻼﺹ ﻭ ﺍﻟﺠﻨﻴﺎﺕ ﻫﺪﻳﻚ ﻓﻲ ﺍﻟﺴﺎﺣﺔ ﺧﺘﻮﺍ ﺍﻟﺴﺎﺱ ﻭ ﺍﻟﺒﻨﻮﺕ ﺯﻏﺎﺭﻳﺪﻥ ﻃﺎﺭﺕ ﺗﺠﻴﺐ ﺍﻟﻄﺎﺵ ﻭ ﺍﻟﺨﻴﻞ ﻋﺮﻛﺴﻦ ﻭ ﺍﻟﺪﻧﻴﺎ ﺑﻮﻕ ﻭ ﻧﺤﺎﺱ ﺍﻟﺴﻮﺩﺍﻥ ﺧﻼﺹ ﻳﺎﻟﺴﺮﺓ ﻗﺎﻡ ﺩﻭﺍﺱ ﺷﺪ ﺳﻮﺍﻋﺪﻩ ﺗﺎﻧﻲ ﻭ ﺷﻴﺪ ﺍﻟﻤﺘﺮﺍﺱ
| |
|
|
|
|
|
|
Re: ألوزير عباس,, (Re: Abdullah Idrees)
|
Quote: لاكين في الحتة بتاعة مدني دي الموضوع فتح عيون الشعب لحاجات خطيرة جدا مخفية |
ياخي بالله عليك في حاجة فتحت عيون الشعب السوداني أكتر من المذبحة المرتكبة بحق الثوار أمام بوابة القيادة العامة؟؟
ما هكذا تدار الوزارة يا عباس,,
| |
|
|
|
|
|
|
Re: ألوزير عباس,, (Re: اسماعيل عبد الله محمد)
|
مدني اصلاً غلطان كان يشيله ويعمل نايم . . ناس عجيبين . . لمن تلقى واحد عمل حاجة زي دي تشكرو عليها عشان تشجع غيرو . . نحن الآن محتاجين للشو والاحتفال بالامانة والنزاهه عشان تسود وتبقى هي الاصل . . مستعدين ندفع فاتورة (الشو) مقابل اي مسئول يرجع للخزينة دولارات للبلد . .
| |
|
|
|
|
|
|
Re: ألوزير عباس,, (Re: عمر سعيد علي)
|
Quote: لمن تلقى واحد عمل حاجة زي دي تشكرو عليها عشان تشجع غيرو . . |
ههههههه نشكرو على شنو ياخي؟ هو تلميذ في الروضة؟
دا وزير كبير يهز ويرز دا واجبو ,, منتظرين استرجاع ملايين الدولارات بتاعة الكيزان النايمين بيها الآن داخل عاصمة البلاد,,, الـــ 18 الف دولار لا تفي بسداد مرتبات موظفي قسم واحد من اقسام وزارة التجارة,,,
Quote: نحن الآن محتاجين للشو |
انا غايتو ما محتاج للشو انا عايز تطهير حقيقي لشركات ومصانع الكيزان التي ما زالت تزاول نشاطها,,
| |
|
|
|
|
|
|
Re: ألوزير عباس,, (Re: Asim Ali)
|
صديقنا اسماعيل ود عبدالله تحياتي بعيدا عن نظرية المؤامرة ومن سرب الخطاب او الوثيقة يبقي ما حدث من صديقنا مدني يستحق الاشادة ونحن كنّا وين والان وين واذا صاحب هذا الامر بعض الاخطاء الا انها محمدة تستوجب التحفيز ولتكون الخطوة القادمة الغاء تلك الحوافز ومجالس الادارة التي بات قطط سمان اعتقد مدني عباس ارسي ادبا تحتاجه الثورة ويجب ان يعمم اما حكاية المنظمة والنظام البائد فانت اكبر يا صديقي من انسياق تحت مزاعم النظام
| |
|
|
|
|
|
|
Re: ألوزير عباس,, (Re: حسن ادم محمد العالم)
|
حبيبنا ولد العالم أولاً جبر الله كسركم في رحيل والد المدام نسأل الله أن يبدله داراً أحسن من داره ,,
صديقك عباس أمامه تحدي كبير نسأل الله ان يوفقه
لكن نصيحتي له عبرك أن يكون مسؤولاً في تعامله الاداري فهو وزير وليس موظف صغير ولا رئيس قسم,, تسريب الخطابات الرسمية للوزراء الاتحاديين ليس من الشيء الذي يجب ان يشيد به الناس ,,
هل نعلم كمية الفساد الذي اكتشفه وزراء العدل و التعليم و المالية في هذه الايام القلائل التي اعتلوا فيها عرش الكرسي؟؟ من المؤكد ان هنالك ما يشيب له الولدان,,
ايش معنى هو الوحيد الذي بدأ هذه الخستكة؟
لن نشيد بأي وزير مالم يتحقق الحد الادنى من رضا الشعب السوداني,,
| |
|
|
|
|
|
|
Re: ألوزير عباس,, (Re: حسن ادم محمد العالم)
|
خلاص يا اسماعيل اتنازلت ليك عن الموضوع
لانه اول ما صحيت الصبح كان ده السؤال المدور في راسي
الموضوع كلو علي بعضه (شو اوف) ما عنده اي معني ولا علاقة بكيفية ادارة دولة
ده ياخي ما مطلوب ... ده بيقدم للجان قانونية بتاعة مراجعة ولا ابراء ذمة ولا اي نوعية لجان
ودي مستندات حكومية تسريبها في حد ذاته مشكة
وياخي ما مطلوبة
اذا انا وزير ومطلوب مني اكون رئيس مجلس ادارة اي شركة من حقي يكون في مقابل مالي ... ده طبيعي انو يتنازل عن المبلغ ده موضوع خاص بيهو وما بيفيدنا في حاجة
في مشاكل اكبر من كدة كثير الموضوع قوانين بتشمل قطاع عريض لانو مشكلتنا ما شخص واحد
| |
|
|
|
|
|
|
Re: ألوزير عباس,, (Re: Gafar Bashir)
|
Quote: اذا انا وزير ومطلوب مني اكون رئيس مجلس ادارة اي شركة من حقي يكون في مقابل مالي ... ده طبيعي انو يتنازل عن المبلغ ده موضوع خاص بيهو وما بيفيدنا في حاجة
في مشاكل اكبر من كدة كثير الموضوع قوانين بتشمل قطاع عريض لانو مشكلتنا ما شخص واحد |
عليك نوووووور يا جعفر بشير ياهو دا كلام العقل و المنطق السليم,,,
| |
|
|
|
|
|
|
Re: ألوزير عباس,, (Re: اسماعيل عبد الله محمد)
|
Quote: نشكرو على شنو ياخي؟ هو تلميذ في الروضة؟ |
الشكر لاطفال الروضة فقط . . معلومة جديدة اشكرك عليها . .
ما يجي يوم القاك بتشكر في حميدتي لانو قواتو عملت على تأمين البلد . .
| |
|
|
|
|
|
|
Re: ألوزير عباس,, (Re: اسماعيل عبد الله محمد)
|
غايتو انا شنكل بتاع عبدالله ادريس ما نخلي يمشي سايت. شكرا عبدالله ادريس ملاحظتك مهمة جدا. ........................... الزول ما وزير بس يا سمعة. الزول وزير الصناعة والتجااااااااااااارة .. ورئيس مجلس ادارة شركة سكر كنانة. مش قالو عندو منظمة برضو ولا انا غلطان؟
| |
|
|
|
|
|
|
Re: ألوزير عباس,, (Re: محمد نور عودو)
|
العزيز محمد نور لك تحية الحرية والسلام والعدالة..
Quote: مش قالو عندو منظمة برضو ولا انا غلطان؟ |
فيما يخص موضوع المنظمة أصدقاء الوزير قالوا لينا عليكم بالمحاكم والقضاء، ،
| |
|
|
|
|
|
|
Re: ألوزير عباس,, (Re: اسماعيل عبد الله محمد)
|
والله عجبني جدا تصرفه ده .. وبالعكس في ظل السرقة والنهب من المال العام .. العملوا منها الكيزان ثقافة ونوع من الفهلوة .. كان لازم تتنشر المعلومات المهمة دي .. عشان برضو تسود ثقافة النزاهة وعدم نهب مال الشعب .. والشغلة ماتكون سايبة ساي .. بقدر الهجوم الكان على مدني .. الرجل بيحاول يثبت إنه الناس كانت غلطانه في تقييمه .. وإنه مسألة الخبرة دي بتجي وبتتصلح مع الايام لكن حرامي المال العام سيده ماحيتصلح خالص وضرره كبير جدا على الدولة ومواطنها التحية للرجل النزيه اب عين ملانه مدني عباس وبشارة خير لاداء ممتاز ومتوازن في الصناعة
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|