|
|
|
 Re: أسئلة ليست للاجابة ... الفريق أول حميدتي وق (Re: Gafar Bashir)
|
تحياتي دفعة
أبدا من هناQuote: لماذا ؟
قال القائم بالاعمال الامريكي في تنوير عن مقابلته مع حميدتي وعلق علي حال حميدتي بأنه مهزوز وفي حال من التوهان و يشعر بأنه غرر به .. كما أن حجم الكارثة فاق توقعاته حسب قوله .. و يصر علي موقفه بأن قواته لم تهاجم الثوار ؟ |
المصدر؟ وما تقول لي الواتس اب
شوف, حميدتي من جا من السعودية اتهوس بانه هو الرئيس القادم وركب المكنة وبدا يزيد في المرتبات و المنح ويطلق السجناء و بدا يعمل حملة دعاية انتخابية ما خلا فطور ما حضره وجاب ناس الادارة الاهلية و فبرك مسيرة تفويض وماشي في طريقه معترس ليه الحرية و التغيير و اقوى كرت في يدهم وهو الاعتصتم وكان لابد يزيله و بطريقة تلقي الرعب في القلوب وتخلصه من عدد كبير من الناشطين!
فا قصة انه اتلعب ودي مؤامرة دي محاولة لاعادة خدعة انه انحاز للمتظاهرين ورفض قتلهم و انه طيب وود بلد وصادق وشهم ومش عارف ايه
ما بنتدلغ من نفس الجحر مرتين, وما بنصدق براءة حميدتي التي يحاول جنجويده الالكتروني تسويقها
الرجل مجرم ووالغ في الدم حتى راسه
| |
  
|
|
|
|
|
|
|
|
Re: أسئلة ليست للاجابة ... الفريق أول حميدتي وق (Re: Mustafa Eisa)
|
سلام أخونا جعفر بشير
عن إذنك خليني ارد على اخونا ود البشرى
| Quote: المصدر؟ وما تقول لي الواتس اب |
الكلام دا أنا اللي جبتو المنبر واتحمل مسؤوليته وليس الأخر جعفر بشير
بالنسبة للمصدر : هو قروب Alsudani2006 واللي جاب الكلام دا أخونا عباس حسن احمد
صحفي مقيم في لندن وهو ناشط سياسي من الجبهة الوطنية العريضة بزعامة الراحل علي محمود حسنين
ما أجزم بصحة كل ما ورد لكن اتحرى الدقة في ما أنقله للمنبر بدون استعجال وشفقة
ولك ودي وتحياتي
| |
|
|
|
|
|
|
|
|
|
Re: أسئلة ليست للاجابة ... الفريق أول حميدتي وق (Re: يوسف الطيب احمد إدريس)
|
عشان كدا يا يوسف استفتي عقلك و ابحث عن الحقيقة في مظانها
اسي قبل شوية لاقاني بوستر للمرة الألف يقول ان المحكمة الجنائية الدولية اعلنت حميدتي مطلوب!
طيب يا اولاد الحلال المحكمة دي مش عندها موقع تنزل فيه الاخبار و النشرات الاعلامية!
المشكلة الناس بقى عندها استعداد للتصديق وكمان للغلاط
ما يجري الآن حملة الكترونية لغسل يد حميدتي من دم اولادنا و بناتنا وتلييسها في اشباح ومجهولين اسمهم كتائب الظل ومليشيات الاخوان وهذا ما لن نسمح به ابدا
بنعرف حميدتي و بنعرف برهان ولن يفلتوا من العقاب المسؤولية باي شكل
كتائب الظل حسابنا راقد معاهم وبتجي المدنية و بتجيب حقنا كامل بإذن الله
| |
|
|
|
|
|
|
|
|
|
Re: أسئلة ليست للاجابة ... الفريق أول حميدتي وق (Re: محمد البشرى الخضر)
|
| Quote: ما يجري الآن حملة الكترونية لغسل يد حميدتي من دم اولادنا و بناتنا وتلييسها في اشباح ومجهولين اسمهم كتائب الظل ومليشيات الاخوان وهذا ما لن نسمح به ابدا |
في رأيي الشخصي والكلام دا قلتو لواحد صديق من تاني يوم للمجزرة - ليس تبرئة لحميدتي ولا المجلس العسكري من المسؤولية - لكن حميدتي ليس هو الفاعل الأساسي في هذه المجرزة
لو تلاحظ يا ود البشرى الناس نست البشير والكيزان والمحاسبة والمحاسبة وغيرها من فعايل الكيزان والكلام دا قبل المجرزة البشعة حقت القيادة ، الناس بقت لافة في اسطوانة المجلس العسكري وقحت والمفاوضات والتعنت حق المجلس
بعملية حسابية بسيطة جداً بنلقى المستفيد الأكبر من المجزرة دي هم كيزان الدولة العميقة وكتائب الظل ومليشيات الأمن الشعبي قدروا يصطادوا كمية عصافير بحجر واحد بس مثال لذلك
أولاً : خلقوا فتنة بين الجيش والدعم السريع ممثلة في البرهان وحميدتي
ثانياً : مشكلة بين الشعب والدعم السريع
ثالثاً : مشكلة بين الشرطة والدعم السريع
رابعاً : حرقوا كرت حميدتي والمجلس العسكري دولياً (شغل المحاور الإقليمية والدولية) .
خامساً : الجو خلا ليهم والناس أسي ما منتبهة هم بسوو في شنو هربوا قروشهم بره حولوا ملكياتهم بأسماء ناس تانية يعني باختصار في الفترة دي يكونوا غطوا على جرائمهم تماماً
سادساً : لا اعتقد ان حميدتي والبرهان بهذا الغباء المفرط انهم يسووا مجرزة بشعة زي دي وجوة الخرطوم وقدام القيادة العامة وهم طارحين نفسهم بديل للبشير مهما كانوا كذابين مراوغين يسووا أشياء تانية بس مجرزة بالبشاعة لا اتوقع انهم يسووها
سابعاً : الكيزان عايزين يرتاحوا من بعبع اسمه الاعتصام قدام القيادة العامة واكيد الناس حتفكر ألف مرة قبل ما تمشي هناك
وحاجات كتيرة
كلامي دا ما يعني انو حميدتي مجرم وتسبب في قتل وتشريد آلاف من أهلنا في دارفور والنيل الأرزق وجنوب كردفان وغيرها من أنحاء السودان
خلاصة كلامي (يجب أنو أن مذنب يشيل ذنبه اللي ارتكبه حكاية واحد يذنب ويشيلها غيرها ما بتفيد البلد في شيء)
عندي كلام بس ما مسموح لي أقوله لأنه خاص ويدعم كلامي الفوق دا
| |
|
|
|
|
|
|
|
|
|
Re: أسئلة ليست للاجابة ... الفريق أول حميدتي وق (Re: يوسف الطيب احمد إدريس)
|
| Quote: لا اعتقد ان حميدتي والبرهان بهذا الغباء المفرط انهم يسووا مجرزة بشعة زي دي وجوة الخرطوم وقدام القيادة العامة وهم طارحين نفسهم بديل للبشير مهما كانوا كذابين مراوغين يسووا أشياء تانية بس مجرزة بالبشاعة لا اتوقع انهم يسووها |
بس ح اعلق على النقطة دي
برهان من مدرسة ابن عوف المنسوب له القول اقتل مية الباقين بجروا!
في العسكرية عندهم حاجة اسمها العشرة في المية خسائر نسبة مقبولة ودا في التدريب ناهيك عن اعدائهم
دا عن برهان اما الجنجويدي فنسبة مية في المية خسائر ما فارقة معاه لأنو دا كان ديدنه المارسه في قرى دارفور
وكلهم ابناء مدرسة نظام احمد هارون البقول سلمني نضيف ما عايز اعباء ادارية و يرد عليه الضباط ديل زاتهم بالتكبير و التهليل!!
افتراض انسانية العسكر و خوفهم من بشاعة الدم او نظرهم لما بعد ذلك و عواقبه امر لا محل له.
اصبر قليلا وستسمع عن تفاصيل اجتماعات تمت مناقشة الامر فيها و بالتفاصيل التم بيها و موافقة هؤلاء القتلة عليها
| |
|
|
|
|
|
|
|
|
|
Re: أسئلة ليست للاجابة ... الفريق أول حميدتي وق (Re: محمد البشرى الخضر)
|
يا ود البشرى
نسيت أقوليك في قناعاتي الشخصية أنه فض الاعتصام تم بموافقة وبعلم المجلس العسكري برئاسة البرهان وحميدتي لكن ما هي الطريقة اللي تم اعتمادها لفض الاعتصام ؟
هل الطريقة اللي تم الاتفاق عليها لفض الاعتصام نفس الطريقة اللي تم بيها فض الاعتصام ؟
اعتقد ان كتائب الظل ومليشيات الأمن الطلابي تسللوا ولبسوا لبس الدعم السريع وركبوا عرباتهم وسووا سواتهم وزاغوا لأنهم ضامنين مافي محاسبة ليهم
أساليب الكيزان أسوأ مما نتخيل ؟
طريقة فض الاعتصام من قتل وحرق ورمي في النيل دي أساليب عتاة الكيزان وجهابذتهم في الإجرام والأعمال اللا إنسانية
صدقني حميدتي دا درويش ساي وجا جاري للكرسي وقرب منه الجماعة طيروهو منو بالمجزرة دي .
صمت الكيزان المريب بعد سقوط البشير (المريب) وعدم عمل رد فعل للحصل ليهم يولد شكوك كبيرة واعتقد فض الاعتصام كان بالنسبة ليهم فرصة للانتقام من غير ما يتحملوا مسؤوليتهم
وخاصة أن شعار أي كوز ندوس دوس اتبعهم للغاية وشوف ردود فعل الطيب مصطفى والهندي عز الدين وتعليقاتهم على الشعار دا
| |
|
|
|
|
|
|
|
|
|
Re: أسئلة ليست للاجابة ... الفريق أول حميدتي وق (Re: محمد البشرى الخضر)
|
الناس نست البشير والكيزان والمحاسبة والمحاسبة وغيرها من فعايل الكيزان والكلام دا قبل المجرزة البشعة حقت القيادة ، الناس بقت لافة في اسطوانة المجلس العسكري وقحت والمفاوضات والتعنت حق المجلس
بعملية حسابية بسيطة جداً بنلقى المستفيد الأكبر من المجزرة دي هم كيزان الدولة العميقة وكتائب الظل ومليشيات الأمن الشعبي قدروا يصطادوا كمية عصافير بحجر واحد بس مثال لذلك
===============
حبيبنا أبوطيب .. تحياتي
سبحان الله قبل قليل كنا مجموعة نتحدث بأن الناس أنصرفوا عن البشير وعلي عثمان وأبوجاز ونافع .. وغيرهم
واصبح تركيزهم على الجنجويد .. هل الموضوع مخطط أو مصادفة ..
شكراً الحبيب توارد خواطر نفس الموضوع كان متناول بيننا خاصة بعد كاراكتير حبيبنا عمر دفع الله
| |
|
|
|
|
|
|
|
|
|
Re: أسئلة ليست للاجابة ... الفريق أول حميدتي وق (Re: علي عبدالوهاب عثمان)
|
أستاذنا علي عبد الوهاب
كيف حالك
الناس لو ما فكرت بنفس عقلية الكيزان ما بتقدر تتخلص منهم أبداً ،، الكيزان شاطرين جداً في انهم يلهوا الناس بأشياء تعود بالنفع عليهم هم وضرر الشعب والبلد
جهاز الأمن الكيزاني قدر على مدى 30 سنة انه يكتسب خبرة كبيرة في إلهاء الناس والسودانيين ما شاء الله وزن الريشة أي اشاعة خبر وتلقاهم وراهو جري وخلو اللي قدام
بالنسبة للكيزان الأحداث الجارية دي خريف أبو السعن .. مبسوطين للآخر يسوو سواتهم والذنب على غيرهم
لعنة الله عليهم أجمعين وربنا يجعل قبر الترابي حفرة من حفر النيران ..
| |
|
|
|
|
|
|
|
|
|
Re: أسئلة ليست للاجابة ... الفريق أول حميدتي وق (Re: يوسف الطيب احمد إدريس)
|
| Quote: دي الصورة العايز يروجها ليهرب من المسؤولية |
حميدتي ما عندو طريقة يهرب من جرائمه السابقة واللاحقة أبداً كله موثق وبعضمة لسانو
واكرر حميدتي بسيط وساذج وشبه أمي وأضف لذلك ما عنده علاقة بالسياسة بتاتاً قبل سقوط البشير كان عسكري برتبة عالية موفر ليه كل الدعم وبنفذ اللي بطلبوه منه
حاول يتعلم السياسة بعد سقوط البشير ولكنه فشل تماماً وللأسف استخدموه كيزان من وراء حجاب أسوأ وهو ما عارف
| |
|
|
|
|
|
|
|
|
|
Re: أسئلة ليست للاجابة ... الفريق أول حميدتي وق (Re: يوسف الطيب احمد إدريس)
|
خلاصة ما توصلت إليه
على الناس تركز على عدوها الحقيقي والأكبر وهو الكيزان الجوة السجون والهاربين جوة وبره السودان
ديل هم البلاء الكبير ؟؟ عايزين نعرف وين مشت أموال الشعب السوداني ؟ من قتل أبناء الشعب السوداني ؟ من دمر ونهب ثروات الشعب السوداني ؟
البرهان وحميدتي في متناول اليد ويمكن السيطرة عليهم بوجود قوى الشعب الثائرة وقوى التغيير بإذن الله يتحاسبوا قديم وجديد وحق الناس الماتت في المجرزة البشعة ما يضيع سدى
لهم الرحمة والمغفرة ولقاتليهم الخزي والعار
| |
|
|
|
|
|
|
|
|
|
Re: أسئلة ليست للاجابة ... الفريق أول حميدتي وق (Re: يوسف الطيب احمد إدريس)
|
تحياتي ود البشري
خلينا نتفق علي حاجة واحدة ....
حميدتي ده ما عندو اي مكان يهرب ليهو.. اذا فلت من المجزرة باعجوبة ملفات دارفور بتجيب اجلو هو وصاحبو البرهان ...
حميدتي جزء من المجلس العسكري والسلطة الغادرة الارتكبت المجزرة ومافي زول بقدر يطلعهم منها وافراد الجنجويد متورطين في اطلاق النار والاغتصابات والانتهاكات الحصلت ....ده كلو كلام متفق عليهو ... اشطر محامي في العالم ما بطلعهم منها ... لانو ادلة الفيديو والصور لا تكذب ...
لكن برضو الصورة القدامنا بشكلها ده ما منطقية
خليني ابدا معاك من بعد عودة حميدتي من السعودية وتعال نرتبها منطقياً ...
وتحليلك وكلامك صحيح مية المية .... انو جا من السعودية يحمل فكرة وهي اترويج لنفسه كالرجل الاول او كصاحب السمو الملكي الامير حميدتي ... يمشي ويلف ويصرف راتب تلاتة شهور او ما يشبه المكرمة الملكية السعودية المتعارف عليها ....
هل تعتقد ان الخطة التالية في هذا الطرح قتل وابادة وسحل اكثر من 130 انسان امام القيادة وعلي رؤووس الاشهاد؟ خصوصا وانو جاي من السعودية اللي حتي الان ما قادرة تطلع من زلزال خاشقجي وهو اعتيال شخص واحدداخل السفارة بكل وسائل التغطية الممكنة؟
المشاركة الفعلية ومسوليته عن قتل وسحل واغتصاب السودانيين في دارفور والقيادة ما بفلت منها لانو مشارك اصيل فيها شاء او رفض ....
لكن القرار السياسي وطريقة التنفيذ لا تتماشي ابدا مع الطرح اللي كان قبلها .... والا شنو؟
الا يكون غير رايو من سمو مشروع سمو الامير حميدتي الي عمر البشير النسخة الثانية ...
لكن كل الكلام ده انا بالنسبة لي ما باهمية كلام عثمان ميرغني لسببين
اولا كلام عثمان ميرغني يلمح ويشير الي تورط اشخاص او افراد خارج المجلس العسكري والكيزاني واشخاص من القوي الوطنية
اذا كان المقصود صلاح قوش او اي من اجهزة الامن ....ده ما موضوع بيقول عليهو عثمان ميرغني حساس والوقت لا يسمح .... لانو ديل مجرمين معروفين
لكن كلام عثمان ميرغني اشارة واضحة لوجود مشاركين من القوي الوطنية
او النتيجة الثانية فضح كذب وتلفيق وادعاء عثمان ميرغني
اللي هو ايضا محسوب علي القوي الوطنية
وكان جزء من منبر الثورة طوال الاعتصام
واحدة من الحقيقتين لازم تظهر
الاولي جريمة واشتراك مباشر في قتل المدنيين
اوالثانية الغطية علي الجريمة من قبل عثمان ميرغني ومحاولة تحميلها للقوي الوطنية
لكن دمهم ما بروح هدر
| |
|
|
|
|
|
|
|
|
|
Re: أسئلة ليست للاجابة ... الفريق أول حميدتي وق (Re: Gafar Bashir)
|
Quote: جعفر تحياتي.
حسب تحليلي ان حميدتي شارك في غض الاعتصام ولكن من اطلق الرصاص جهاز الأمن والله اعلم |
تحياتي مصطفي عيسي
حميدتي صعب تبرئته او تبرئة قواته من المجزرة ... لانو كما تفضلت شارك في فض الاعتصام ويتحمل هو وقواته النتائج ايا كانت ... اضافة لوجود ادلة فيديوهات وصور لا مجال لدحضها....
لكن في اطراف تانية و اي زول شارك في المجزرة دي سياسيا او اتخاذ قرار او اطلاق نار فعلي وارتكاب انتهاكات فعلية او محاولة التغطية عليها اعلاميا لازم يتحاسب ...
| |
|
|
|
|
|
|
|
|
|
Re: أسئلة ليست للاجابة ... الفريق أول حميدتي وق (Re: يوسف الطيب احمد إدريس)
|
بالموناسبة يا جعفر في فيديو حايم لواحدة بت نوسيبة
بتحرش في البرهان ليتغدى بحميرتي قبال يتعشى بيهو
و بتهدد بحمل السلاح ؛ و إن دعا داعي الفداء فلن تهون .
[} إذن، تسمح لي بلماذاية إضافية: فلماذا قادة دول محور ثالوث
الشر آثروا النأي بأنفسهم ، فنفضوا أيديهم من لطعة دم طاهر رشحت
من مجزرة فض الاعتصام ، و وجدوها عالقة بثياب عميلهم المرتزق/
دقلو حمدان و قد تبين لهم گيف انقلب السحر على ساحرهم ؛ و أن ألد
أعدائهم (الگيزان) أوردوه بحرا المالح ثم ردوه عطشانا ؛فقط لماذا؟!
[} كانت الفرصة ذهبية سانحة لهذا الفاقد التربوي في الانحياز
بصدق و تجرد تام لقوى الحرية والسلم والعدالة. و لكنه ذيل الگلب
أعوج بطبعه؛ فإذا قمت تعدله يظل أعوج. و قالو: «الطمع ودر ما جمع».
[} يذگرنا هذا بقصة صياد كان يطارد غزالا شاردا ، إلى غرز فيه سهمه فقتله.
بيد أن الفريسة {بحراق الروح} رفست الصياد لترديه قتيلا بجوارها. ثم جاء ذئب
ليجد أمامه فريستين جاهزتين (تميرات فوق راس فگي). لكنه بدل أن يبدأ ينهش من
لحمهما بدون أدني عناء، راح يقلب گفيه حيران : بأيهما يبدأ ؛ إلى أن استقر رأيه أخيرا
على لطعة دم تصورها عالقة برأس السهم الغارز في رقبة الفريسة ، يريد تذوقها؛ فراح
ينزعه منها نزعا حتى أفلت السهم ليستقر في لهاته ، ليلقى الذيب حتفه طمعا و گمدا .
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
محمد البشرى الخضر
Mustafa Eisa
يوسف الطيب احمد إدريس
علي عبدالوهاب عثمان
دفع الله ود الأصيل
فيس بوك
تويتر
انستقرام
يوتيوب
بنتيريست