أتمني الا يحدث خلاف اليوم حول إمامة صلاة الجمعة في القيادة

مرحبا Guest
اخر زيارك لك: 03-28-2024, 11:42 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2019م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-12-2019, 08:38 AM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 8399

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
أتمني الا يحدث خلاف اليوم حول إمامة صلاة الجمعة في القيادة

    08:38 AM April, 12 2019

    سودانيز اون لاين
    عبدالعظيم عثمان-
    مكتبتى
    رابط مختصر



    إذا أصر الثوار علي عدم الترحيب بالسيد الصادق المهدي
    لإمامة الصلاة، يجب أن يتراجع الصادق
    وان نحافظ علي الثورة
    مافي مجال الخلاف حول الأمر
    الصادق او مهران او اي إمام اخر
    هي صلاة وتنتهي ولكن تبقي المهمة الأكبر
    إسقاط بن عوف ومخطط الكيزان
    الناس تركز مع الهدف الأكبر
    ولا ينحصر الخلاف حول إمامة الصلاة
    وتصنعوا خلاف من مافي
    إعلان الصادق أمانته للصلاة حق مشروع
    الرجل يؤم انصاره في مسجده، طبيعي ان يتقدم
    الإمامة في القيادة (للصلاة فقط)
    ولكن إذا كان للثوار رأي آخر يجب أن بسمع
    لأنهم أصحاب الشأن وكل الناس ينصاعوا لمطالبهم

    إنتهي

    ما ناقصين خلافات








                  

04-12-2019, 08:59 AM

Asim Ali
<aAsim Ali
تاريخ التسجيل: 01-25-2017
مجموع المشاركات: 13492

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: عبدالعظيم عثمان)

    عبد العظيم صباح الصمود والحريه
    موضوع امامه الصلاه حتى لايصبغ بلون سياسى ممكن يؤم المصلين واحد من شيوخنا ناس الطرق الصوفيه الداعمين للثوره وبعد الصلاه يخاطب المصلين الصادق او غيرو.
    تحياتى
                  

04-12-2019, 09:02 AM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 7185

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: عبدالعظيم عثمان)



    هذا خلاف لا معنى له إن وجد
    أتمنى أن لا يكون هنالك خلافاً حول إمامة صلاة الجمعة
    وياريت الخطبة تكون عن فضل ليلة النصف من شعبان
    ولنخلص في صلواتنا ولنخلص في ثورتنا
    وإذا حدث خلاف فشروط إمامة صلاة الجمعة معروفة وليحتكموا إليها

    غايتو اللخبطة اللخبطوها الكيزان للدين ما بتمرق بهينة

                  

04-12-2019, 12:22 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: Hafiz Bashir)

    انت يا عظمة جبت الكلام دا من وين؟ انو الامام اعلن عن نيته او رغبته في امامة صلاة الجمعة في ميدان الاعتصام؟
    من الامام نفسه او من صفحة حزب الامة او صفحة شؤون الانصار!!
    الناس دي بقت تقطع وتنجر براها وتخلق مواضيع من مافي
                  

04-12-2019, 12:41 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 48584

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: محمد البشرى الخضر)

    سلام عبد العظيم ومحمد البشرى

    هذا ما جاء في موقع حزب الأمة في الفيسبوك بتاريخ أمس:
    ــــــــــــــــــ
    حزب الأمة القومي السوداني
    17 Std. ·

    حي علي الصلاة حي علي الفلاح

    يؤم المصلين غدا الجمعة بساحة الإعتصام أمام القيادة العامة للقوات المسلحة الإمام الصادق المهدي..


    ــــــــــــــــــ
    ولكن الذي حدث هو أن الإمام كان رجل آخر وقد شاهدت الخطبة مباشرة على صفحة حزب الأمة أيضا، وأظن أن الإمام هو ماهر مهران.

    حزب الأمة القومي السوداني‎ war live.
    51 Min ·

    صلاة الجمعه من ميدان الاعتصام

                  

04-12-2019, 03:06 PM

AMNA MUKHTAR
<aAMNA MUKHTAR
تاريخ التسجيل: 07-31-2005
مجموع المشاركات: 13679

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: عبدالعظيم عثمان)

    خطبة الجمعة كانت سلفية بحتة .
    وتحث الناس على عدم ترك حكم الشريعة الإسلامية !!
                  

04-12-2019, 03:10 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 8399

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: AMNA MUKHTAR)

    الدين للناس والوطن للجميع
    الثورة ما عندي اي مشروع ديني
    ولا تطرح اي رؤية فقهية
                  

04-12-2019, 03:20 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 8399

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: عبدالعظيم عثمان)

    المهم عند الثوار هسي عدم سرقة الثورة
    من قبل النظام القديم
    وقطع الطريق علي الابالسة ديل
    الإمام سلفي
    او صوفي
    ما موضوع هسي
    كل التركيز علي هزيمة الكيزان ٢
                  

04-12-2019, 06:35 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 13492

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: عبدالعظيم عثمان)

    Quote:
    الإمام سلفي
    او صوفي
    ما موضوع هسي
    كل التركيز علي هزيمة الكيزان ٢

    عبدالعظيم فى فرق بين سلفى وصفى فى ظروف زى.
    خليكمن موضوع امامه الصلاه . شوف الجو بتاع الصوفيه وهم داخلين الاعتصام الايام الفاتت.تصور السلفيين يجوا داخلين الاعتصام بموكب زى الصوفيه كدا.
    الصوفيه ناس كدا كان قاعد معاك بعيد عن الدين ناس روحهم حامله للمحبه ويشيعوا الايجابيه والتسامح المحتاجين ليها فى الظروف الحاليه خاصه فى ساحه الاعتصام.
    .
    معليش تعليق كدا على هامش الموضوع
    تحياتى
                  

04-12-2019, 03:34 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 48584

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: عبدالعظيم عثمان)

    Quote: خطبة الجمعة كانت سلفية بحتة .
    وتحث الناس على عدم ترك حكم الشريعة الإسلامية !!

    سلام يا آمنة مختار

    ملاحظتك صحيحة تماما. ولكن مَنْ مِن المسلمين في السودان يستطيع أن يقول أن الشريعة الإسلامية على تمامها وكمالها كما طبقها النبي محمد عليه الصلاة والسلام، لا تصلح للتطبيق في جوانب الحقوق الأساسية وأمور السياسة وعلاقات المواطنة وحقوق المرأة؟؟ وأن الشريعة في هذه المسائل تحتاج إلى تطوير. وهذا ما قاله الأستاذ محمود وفصَّل فيه كثيرا إلى أن دفع ثمنه بروحه ومضى مبتسما.

    ياسر
                  

04-12-2019, 03:36 PM

محمد عبدالله مختار
<aمحمد عبدالله مختار
تاريخ التسجيل: 08-20-2009
مجموع المشاركات: 2896

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: AMNA MUKHTAR)

    Quote: وتحث الناس على عدم ترك حكم الشريعة الإسلامية !!
    الشئ البديهي والمنطقي انو اي زول بيؤمن بأن الله عز وجل هو (العدل) ما بيخاف (ظلم) من الشريعة اللي هي حكم الله ..
    لو الواحد ملحد أو قناعاتو في ربنا نص نص كده ده موضوع تاني وتبقى القصة (لكم دينكم ولي دين) ..

    الشئ التاني أي ممارسات ما عندها علاقة بالإسلام بيقوم بيها زول بيدعي الإسلام زي الكيزان ما مبرر أبداً في رفض شريعة الله ..
    على سبيل المثال : الجمارك القاصة ضهر الناس دي محرمة تماماً في الإسلام وجريمة كبيرة
    كونو الكيزان كانوا فارضنها على الناس وبيكوركوا (الله أكبر) فدا ما سبب انو الواحد يكره الإسلام
    وما أكثر الممارسات التي قام بها الكيزان بي إسم الدين ..
                  

04-12-2019, 03:41 PM

محمد عبدالله مختار
<aمحمد عبدالله مختار
تاريخ التسجيل: 08-20-2009
مجموع المشاركات: 2896

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: محمد عبدالله مختار)

    Quote: وأن الشريعة في هذه المسائل تحتاج إلى تطوير
    يعني يا ياسر كلو فترة يظهر Version جديد للشريعة والناس تعمل Upgrade ؟؟؟
    يا ناس شريعة ربنا دي ياها شريعتو دايرنها اعملوا بيها ما دايرنها اعملوا حاجاتكم براكم وبعد الموت اي زول ياكل نارو
    لكن زول يجيب الشريعة وينظر فيها ويجي يقول ليك دي حقت ربنا أبدا أبداً ده كلام ما عندو أي ذرة من المنطق وربنا سبحانه وتعالى ردا عليهو في القرءان :
    (فَوَيْلٌ لِّلَّذِينَ يَكْتُبُونَ الْكِتَابَ بِأَيْدِيهِمْ ثُمَّ يَقُولُونَ هَٰذَا مِنْ عِندِ اللَّهِ لِيَشْتَرُوا بِهِ ثَمَنًا قَلِيلًا ۖ فَوَيْلٌ لَّهُم مِّمَّا كَتَبَتْ أَيْدِيهِمْ وَوَيْلٌ لَّهُم مِّمَّا يَكْسِبُونَ) .
                  

04-12-2019, 04:40 PM

Bashasha
<aBashasha
تاريخ التسجيل: 10-08-2003
مجموع المشاركات: 25803

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: محمد عبدالله مختار)



    Quote: ولكن مَنْ مِن المسلمين في السودان يستطيع أن يقول أن الشريعة الإسلامية على تمامها وكمالها كما طبقها النبي محمد عليه الصلاة والسلام، لا تصلح للتطبيق في جوانب الحقوق الأساسية وأمور السياسة وعلاقات المواطنة وحقوق المرأة؟؟


    اهو ده نموذج للبعد الكيزاني، الاسلاموي، العروبي، في الفكر الجمهوري للاسف!

    يادكتور ياسر،

    برضك مصر تسوي شريعة من اول او جديد؟

    الشريعة دي، هي مجموعة قوانيين، والقانون انعكاس وبلورة لي قيم مجتمع بعينه، في زمن بعينه، وقبلها ثقافة بعينها، تتبع لمجموعة بشرية بعينها!

    وبالتالي حتي داخل نطاق المجتمع العربي والثقافة العربية الصاغ القوانين دي، فهذه القوانين ماعادت صالحة بحكم عامل الزمن دعك من امثالنا من السود والنساء، اللي استعبدتم هذه القوانين حتي في صدر اسلام ثقافة الاعراب، دعك من الان!

    معليش، للاسف يادكتور بتقول كلام مخجل في زمن او وكت زي ده، تقود فيه المراة الثورة علي دولة الشريعة الولعت بلدنا وانتجت افسد واجرم من مشي علي قدمين في المليون ميل مربع!

    اذن لكل ثقافة قيما، وهذه القيم محكومة بالعصر اللي تبلورت فيهو، والقانون اي قانون عشان يكون عادل لازم يكون بلورة لقيم مجتمع المجموعة المحددة اي ثقافتا هي، مش ثقافة وقيم مستعبديهم، مستعمريهم، من بدو الاعراب، ليمرر كل هذا كدين واسلام!

    ابلغ دليل علي صحة كلامنا ده، كيف الثقافة العربية كما غيرها، طوعت، وصاغت قيمنا نحن، اسلامنا نحن، بما يتماشي ومرجعية ثقافتا هي!

    اذن اسلام الثقافة العربية هي مجرد نسخة ثالثة لي اصل سوداني والسلام!

    لهذا النسخة الوافدة الاجنبية دي لما فرضت بالقوة، دمرت بلدنا، وانسان بلدنا!

    كلام غريب زي ده مفروض يجي منكم ولكن ياللحسرة!
                  

04-12-2019, 04:49 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 48584

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: محمد عبدالله مختار)

    محمد عبد الله مختار
    تحية طيبة
    قلت
    Quote: الشئ البديهي والمنطقي انو اي زول بيؤمن بأن الله عز وجل هو (العدل) ما بيخاف (ظلم) من الشريعة اللي هي حكم الله ..

    المشكلة في العقول التي لا تريد أن تفهم أن ما يشرعه ربنا في وقت من الأوقات لا يرضاه في أوقات أخرى متقدمة. خذ مثلا الشريعة أباحت ملك اليمين بنصوص قرآنية قطعية ما فيها كلام: هل تستطيع اليوم أن تتلو هذه الآية وتحاول أن تطبقها "الذين هم لفروجهم حافظون * إلا على أزواجهم أو ما ملكت أيمانهم فإنهم غير ملومين". وعندما قامت داعش بتطبيق هذا المستوى من الممارسة كانت تستند على آيات قطعية كما قلت لك. فما هو السبب الذي يجعل مثل هذا السلوك جرما وانتهاكا لحقوق الإنسان اليوم؟

    سأكتفي بهذا المثال فقط. وأقول لو لم يكن في الدين فرصة لتطوير هذا الفهم فسيكون من حق العالم تجريم من يدعو له .

    ياسر
                  

04-12-2019, 05:24 PM

Bashasha
<aBashasha
تاريخ التسجيل: 10-08-2003
مجموع المشاركات: 25803

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: Yasir Elsharif)




    Quote: المشكلة في العقول التي لا تريد أن تفهم أن ما يشرعه ربنا في وقت من الأوقات لا يرضاه في أوقات أخرى متقدمة. خذ مثلا الشريعة أباحت ملك اليمين بنصوص قرآنية قطعية ما فيها كلام: هل تستطيع اليوم أن تتلو هذه الآية وتحاول أن تطبقها "الذين هم لفروجهم حافظون * إلا على أزواجهم أو ما ملكت أيمانهم فإنهم غير ملومين".


    عجبي!!!

    يا دكتور،

    احنا كسودانيين من فتحنا ماكان عندنا مفهوم ملك اليمين اطلاقا! نعم نحن وليس غيرنا، والمراة السودانية تحديدا هي اللي ابتدعت مفهوم وصيغة "زواج" لتنظيم العلاقة بين النوعين!

    العربي من قام او جا، كان ماشي ام فكو!!

    نعم ماكان عندو مفهوم وصيغة زواج!!

    لهذا، النص اعلاه بخاطب قوم بعينهم وفق معطيات مرجعية ثقافة بعينها، في زمن بعينه!!

    انتا والمتاسلمة ماممكن تفرض قيم مجتمع اخر علينا بالقوة باعتبارو دين واسلام!

    ياخي لهم دينهم ولنا ديننا اذا لابد!!

    لا اقبل اطلاقا ان يفرض ايا كان قيم ثقافة اخري اتت الي دياري علي ظهور خيول الغزاة بقيادة مرتد، لتستعبد وتسترق امثالي باعتبارو دين واسلام!

    ارفض هذا!

    اذا هم قماش اشياءنا نحن فصلوهو علي مقاسم هم، فانا ماملزم البس عقال مفصل علي مقاس انسان اخر، وارمي طاقيتي في التراش!!

    باي حق؟

    هذا مانعني بوعي الاسترقاق!

    لا للشــــــــــريعة!!

    لي شريعتي اصل الشرائع، ولهم شريعتم هم!
                  

04-12-2019, 05:27 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 48584

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: Yasir Elsharif)

    سلام يا كمال بشاشا

    أفتكر أنك ما فاهمني . كدي اقرأ مداخلتي الثانية في التعليق على الأخ محمد عبد الله مختار.

    ياسر

                  

04-12-2019, 06:16 PM

محمد عبدالله مختار
<aمحمد عبدالله مختار
تاريخ التسجيل: 08-20-2009
مجموع المشاركات: 2896

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: Yasir Elsharif)

    تحياتي يا ياسر ..

    ربنا في القرءان قال : (الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا).
    الدين ده مكتمل يا ياسر ما محتاج كلو مرة يعملو ليهو تحديثات وينزلو ليهو باتشات

    المسألة ببساطة عشان نكون واضحين مسألة إيمان أو كفر وأي زول حر في نفسو ..
    ربنا عز وجل قال : (وَقُلِ الْحَقُّ مِنْ رَبِّكُمْ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ) ..

    فإنت ما ممكن تؤمن بأن الله تبارك وتعالى (علام الغيوب) وتعتقد انو ما كان عالم بي سنة 2019 اللي نحنا فيها دي (تعالى الله عن ذلك علواً كبيراً)
    لأنو ببساطة ربنا قال إنو الدين إكتمل وده نص محكم وواضح وصريح واذا الدين المكتمل ده ما نفع في زمنا ده معناتو في عيب وقصور ..
    مافي داعي نلف وندور ساي واحسن نختها على بلاطة.

    وما ممكن ربنا وهو (مالك الملك) كما جاء في القرءان الكريم يقول : (إِنِ الْحُكْمُ إِلا لِلَّهِ) نحنا نجي نقول لأ الحكم للشعب أو نقول جزء لله وجزء من الشعب!
    لأنو ببساطة أي زول من الشعب ده حيكون عايز ليهو أحكام مناسبة معاهو وبالتالي النتائج واضحة قدامك
    زي مثلاً قوانين تحليل المثلية الجنسية وتشريعات الزواج الخاصة بها
    الراجل يعرس راجل والمرأة تعرس مرأة! نسأل الله السلامة

    والإختلافات في الزواج الشرعي ده حتى في الدولة الواحدة وناخد أمريكا كمثال ..

    سن الزواج في الاسكا 14 سنة
    وفي إنديانا 15
    وفي مينيسوتا 16
    وفي كنتاكي 17
    وفي نيوجيرسي 18
    وفي ولايات زي كلورادو ما حد أدنى لسن الزواج ، يعني لو البت عمرها 12 والوالدين والقاضي موافقين تتزوج زي الترتيب

    على ضوء القوانين المختلف فيها في دولة واحدة زي أمريكا أي ولاية شايتة براها ، في حتة حلال وفي حتة حرام
    في حتة ممكن تتزوج بت عمرها 14 يعتبر مافي مشكلة وفي حتة تانية ممكن تتزوج نفس البت العمرها 14 دي وتمشي السجن
    أها الحل شنو ياخوي ؟؟ والصاح منو والغلط منو ؟؟؟؟؟؟؟؟؟
                  

04-12-2019, 07:41 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 48584

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: محمد عبدالله مختار)

    تقول يا عزيزي محمد عبدالله

    Quote: ربنا في القرءان قال : (الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا).
    الدين ده مكتمل يا ياسر ما محتاج كلو مرة يعملو ليهو تحديثات وينزلو ليهو باتشات

    طيب بمنطقك هذا الذي يقول أن النصوص نهائية والعمل بها نهائي، ماذا تفعل مع آيات ملك اليمين؟ سأظل في نفس المثال الواحد حتى نصل إلى إجابة منك. أمامك ثلاثة خيارات: إما أن تكون مثل الدواعش وتقول بأن ملك اليمين أمر تسمح به آيات قرآنية محكمة وحكمها نهائي، وإما أن تمتثل لما وصل له العرف البشري وهو تحريم الرق كله ومعه ملك اليمين في معارضة لآيات القرآن، وإما أن تقول بما يقول به الأستاذ محمود محمد طه وهو أن هناك آيات فرعية مرحلية لا بد من ترك العمل بها والانتقال منها إلى نصوص أصلية في القرآن هي التي يكون العمل بها مثل قوله تعالى " إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَىٰ وَيَنْهَىٰ عَنِ الْفَحْشَاءِ وَالْمُنكَرِ وَالْبَغْيِ ۚ يَعِظُكُمْ لَعَلَّكُمْ تَذَكَّرُونَ" (النحل 90)، والعدل المأمور به ليس فقط في ترك ملك اليمين وإنما أيضا في ترك تعدد الزوجات نفسه الوارد في هذه الآية: "وَإِنْ خِفْتُمْ أَلَّا تُقْسِطُوا فِي الْيَتَامَىٰ فَانكِحُوا مَا طَابَ لَكُم مِّنَ النِّسَاءِ مَثْنَىٰ وَثُلَاثَ وَرُبَاعَ ۖ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ۚ ذَٰلِكَ أَدْنَىٰ أَلَّا تَعُولُوا" (النساء 3).
    آسف إذا كان الإيجاز مخلا ولكن ليس لدي وقتا يسمح بالاستقصاء والتوسع.

    ياسر
                  

04-12-2019, 08:05 PM

محمد عبدالله مختار
<aمحمد عبدالله مختار
تاريخ التسجيل: 08-20-2009
مجموع المشاركات: 2896

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: Yasir Elsharif)

    Quote: ماذا تفعل مع آيات ملك اليمين؟ سأظل في نفس المثال الواحد حتى نصل إلى إجابة منك

    يا دكتور ياسر انت مفتكرني ممكن أخجل من شئ موجود في القرءان؟
    ياخوي آيات ملك اليمين صحيحة ومحكمة وباقية الى قيام الساعة

    كلام ربنا ما فيهو غلط يا ياسر وما فيهو شئ بيخجلو منو .. ده لو الزول مؤمن بإنو ربنا عز وجل منزه عن العيوب والنقائص
    اي زول شايف انو الايات دي عيب وما بتنفع والحاجات المن النوع ده يشوف ليهو دين غير الاسلام لأنو ما بقدر يحذفها من القرءان
    باقية في القرءان وتتلى الى قيام الساعة

    في وضعنا الحالي انا ما شايف انو في جهاد زاتو عشان يبقى في موضوع ملك اليمين ده
    زي تماماً موضوع عتق الرقبة (وهو من الكفارات المذكورة في القرءان) لكن ما بتحقق في زمنا ده
    لكن ممكن يجي زمن تاني والمعايير تتغير وتعود الخلافة على منهاج النبوة ودي نبوءة الرسول صلى الله عليه وسلم في اخر الزمان


    طيب انا جاوبتك دغري جاوبني انت ، رايك شنو في تزويج بت عمرها 14 سنة؟ صاح ولا غلط ؟؟
    هل هي قاصر في نظرك وممنوع تزويجها ولا مافي كلام زي ده
                  

04-12-2019, 08:12 PM

محمد عبدالله مختار
<aمحمد عبدالله مختار
تاريخ التسجيل: 08-20-2009
مجموع المشاركات: 2896

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: محمد عبدالله مختار)

    Quote: وإنما أيضا في ترك تعدد الزوجات
    العدل هو شرط تعدد الزوجات مافي شك في ذلك
    وموضوع العدل ده في رقبة الزول الحا يتزوج يشيل شيلتو معا ربنا لأنو دي أمانة قبل كل شئ
    لكن ما من حق أي مخلوق يمنع التعدد أو ينظر في عدد الزوجات ..
    ما ممكن زول يقول نرفع الكوتة بتاعة التعدد دي نعملها 5
    أو مثلاً زي في تونس زمن زين العابدين (الان ما عارف) كان ممنوع بالقانون تتزوج امرأة ثانية ويا ويلك لو لقوك متزوج امرأة تانية بتمشي السجن طوالي
    لكن عايز تجكس وتزني عياذا بالله ان شاء الله معا 10 طالما بالتراضي مافي مشكلة! القانون بقول كده !!

    الحلال ما أحل الله والحرام ما حرم الله .. دي مفترض تكون قناعة أي زول يؤمن بالله واليوم الآخر
                  

04-12-2019, 08:15 PM

محمد عبدالله مختار
<aمحمد عبدالله مختار
تاريخ التسجيل: 08-20-2009
مجموع المشاركات: 2896

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: محمد عبدالله مختار)

    أي زول بيعتقد انو ممكن يكون في تعديلات في القرءان وتعقيب على حكم الله عز وجل يقرأ الآية الكريمة :
    (وَاللَّهُ يَحْكُمُ لَا مُعَقِّبَ لِحُكْمِهِ) ..
                  

04-12-2019, 09:58 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 48584

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أتمني الا يحدث خلاف اليوم حول إمامة صلاة ا (Re: محمد عبدالله مختار)

    تقول يا عزيزي محمد عبدالله مختار

    Quote: كلام ربنا ما فيهو غلط يا ياسر وما فيهو شئ بيخجلو منو ..


    مين القال كلام ربنا فيهو غلط أو فيهو شيء بيخجلو منو؟ أنا لم أقل ذلك.
    هناك حاجة واحدة يمكن أن تعينك على فهم هذه الدقيقة العرفانية، وهي أن الله سبحانه وتعالى لا يشرِّع في مستوى كماله هو وإنما في مستوى قدرة البشر ويراعي ضعفهم. لذلك يمكن جدا أن تقول أن التشريع الفلاني حكيم في وقته ولكنه دون المستوى في وقت آخر. وهنا العيب ليس عيب النصوص ولا عيب الآيات وإنما العيب عيب العقول التي ترفض سنة الحياة وهي التطور والخروج دوما من النقص إلى الكمال ومن الظلمات إلى النور "هو الذي يصلي عليكم وملائكته ليخرجكم من الظلمات إلى النور"..

    ياسر
                  


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de