|
|
|
 Re: π حملان في الصيوان £ (Re: دفع الله ود الأصيل)
|
{2}
∆ عشان كدا قمنا أمس دغش ختفنا كراعنا نزلنا نرجى الله في زريبة الكريبة جنبنا هنا
قلنا ناخد شقة نشوف لينا عضة ضحية ؛ أي حاجة إن شاء راس نچيفة زول و لا أصابعبن جداد من سوق صابرين نظام «غدار ظروفگ ما بتفيد في ظلمة ما بتعرف شعاع». لقينا ظيطة و ظمبريطة سادَّة عين الشمش. شنو آناس!؟ قالو :الغنم السنة مع الخريف الشگلو خافس فشنك و المسور (ماسورة) صافق, ح يكونن معلنات حداد عام زي عصيان مدني. كدي.
∆ فقامن اتفقن مع جماعة والينا المخلوع (إيلا) يضربن سرادق عام لتلقي واجب
العزاء في أرواح المرحومات بعضهن البعض. قالو كمان متعهدات ليهن مع مقاول
تنظيم مآتم بكيات يزودهم بصيوانات، كمية أباريق و شحنة دفار مناديل فاين لزوم المخاخيت و حاجات تانية متل سكاكين لشق الجيوب و براطيش للطم الخدود؛
و كمان ما تنسى مكبرات صوت و ساونات لزوم الدعوات بدعوى الجاهلية الأولى
| |
 
|
|
|
|
|
|
|
|
Re: π حملان في الصيوان £ (Re: دفع الله ود الأصيل)
|
{3}
@ ففعلاَ شفنا من عجايب الدنيا عجباً عجاباً.
أول شيء أهل البكا ظاتم خشم بيوتات: أجناس
و أحجام و أشكال و ألوان. بدءاً بال(vip), البيجي
الأنيق ستايل من النوع المفكر ، لو نفد بجلده المرة
دي، طوالي يدخل (سجل غينص) للأرقام القياسية.
( ياخ ، ضحية أولاد المصارين البيض ، زي ناس الديك
/تور / جمال الوالي{ بتاع العارف عزو مستربح }
و أنت طالع لا فوق؛ و لا عن ( دقن أكبر ديك/ تا/
تور في تيوسك تركبو).بس دا كان را ما كان زمان.
@ ثم هبوطاً إلى البروليتاريا الأبرق الهفتان من النوع
بعيد عنك، البيحرجك مع نسابتك. زي واحد بجغور صومالي
كدا منزوع الضنب ، ما يساوى خمسة قروش سمع سيدو يفاصل
و يتمنى مناياً موبالغة في تمنو ،قام اتنحنح نحنيحة خبيثة كدا،
كناية عن قوله:"بيع يا منافق ليك الحق في كل ما تنافق" و أنت
العارف عندي أنيميا. و كمان عامل فيها مثقف ؛ حافظ شعار
برنامج (عزيزي المشاهد على قناتنا القالو : محتشمة).
| |
|
|
|
|
|
|
|
|
|
Re: π حملان في الصيوان £ (Re: دفع الله ود الأصيل)
|
{4}
∆ كمان برضو شفنا ليك فيهن المصاب بحمى ما قبل الضبح ،
و نوع يقرأ بهستيريا في كتاب (كيف تصبح حيواناً{ آخر }، لأسامة السيد).
لاحظنا بعضها عدواني جداً و شكلو مهووس بالسياسة شبه الخنزير شارون
(كان مرمي معفن ليه 6 سنين كل يوم يقطعوا حتة من مرارتو لحد ما هلك
اتلحس (يستاهل، دا حق ضحايا كوتارات لا تحصى من أيام صبرا و شاتيلا).
∆ لاكين في المقابل بعضها مسالم و مهادن تلقاه حايم بالكوش (يقرض) في
الدلاقين، بينما آخر رومانسي ( يقرض) في قصائد الشعر و شُّو ينعل في قفاه
يندب حظه:«عيد و بأي حالٍ عدت ياعيد لنتشوي ثم نتلهط أم لأمر فيك تجديد»
أو يقلد العندليب(عدت ياعيدي بدون طقوس. وين بقرنا وين التيوس..غابو عني)
| |
|
|
|
|
|
|
|
|
|
Re: π حملان في الصيوان £ (Re: دفع الله ود الأصيل)
|
{6}
∆ أخوياً لينا سعودي شاف ليه خريفات كدي زي المهجنة و لا محورة وراثياً
موش عارف ؛ فأتحفنا بتعليق ظريف قال: اسمعني و أنا أخوك: حاجة من الاتنين:
هدولا يا إما جمال الله سخطهم و لا سخلات الله راضي عنهم و ديل بشتروهم
مشاركة و لا كيف.. عجايب ، موباااالغة فعلقت على تعليقه بهذا التعليق من عندي:
لا و أنت الصادق ياأم العرب، حاجة من اتنين: فديل يا إما يكونو خرفان منملين
و لا نملات مخرفين,,, و ممكن تشتريهم يا إما ( مسيار ) أو (عرفي ) ساي .و دي
بصراحة موش عجايب دنيا: عضة الضحية بقت من رابعة المستحيلات إلى جوار
ناس العنقـــــــاء و الغول و الخل الوفي. واحد بتاع بهجة كدا كرستلاوي قال : أنا
نصيحتي للي ما قادر يضحي يفتح للموضوع من أساسه و يكسب صيام العشر من ذي الحجة) أحسن و بعدين تتموها شربوت بضلافين. ئديلا مع خالس مودتي لشديدة
***********$$$***********
تثبيــــتـــــة لا بـــد منـــها:
للأمانة الشكر واجب و خاس للرائع/معروف أوشي على ألبوم الصور التي أوحت
لينا بكل هادي الخرابيط المرتجلة, اللي كان زودنا بيها من أيام الحاهلؤةالأولى في
الراگوبة و قلنالو: ماتخاف اللخو حق سلبطة الملكية الفكرية ففتي/ ففتي نصو
يكب في جزلانو, فبقول احسن ليه من شغلة الرشايدة دي.... و لا شنو ؟؟؟.
| |
|
|
|
|
|
|
|
|
|
Re: π حملان في الصيوان £ (Re: دفع الله ود الأصيل)
|
يا ود الأصيل قوم لف بالله. علا بالموناسبة ،
إنت السنة دي گنتا ناوي تضحي يعني،
و الا الوضع شنو؟!!
أخوك المشاكس /Abdelazim
٪٪٪٪٪٪٪٪٪٪(((7)))٪٪٪٪٪٪٪٪٪
∆ ألف وين يا عظمة اللخو .. سيك سيك معلق فيك؛
إتا يا المشتح إضنيك متل الخروف الحمري ؛و عامل
راسك المطاول دا متل سرج عجلة عادل ود القاسم.
∆ و بمناسب شتيح الإضنين ، بالله براك ترا شايف
دا حال زولن بضحي. و الكلام طبعن ليكن يا بتاعين
السعودية ، إن شاء تدفرو لينا سواكني يجينا عايم
كاطع البحر قاصد اللهل .. قايم بي سدرو سااااه .
| |
|
|
|
|
|
|
|
|
|
Re: π حملان في الصيوان £ (Re: دفع الله ود الأصيل)
|
يا سوك سوك، ود الأصيل ده صاحبي جدن
جدن.فلازمن تراعيهو لينا ترسللو حق العضة
إنتعيدى البيان
عادل القاسم
٪٪٪٪٪٪٪٪(((9)))٪٪٪٪٪٪٪٪
∆ حبيبنا فيصل القاسم حديسنا لأونكل عظمة
أفتگر كان واضح جدن جدن. لا يحتمل دغمسة.
فمن غير غلات كدا و لاسلبطة ، فإنتا ظاطگ ، لو
بيناتنا صحوبية روح ما تروح ، و موش زي محنة
گوت كوت البرا لبن ، فبالله ياخ تترجما لينا لأرقام
صحيحة و من غير أية كسور لا بواقي و كدي؛
خاستن أنتو في قطر قالو «قروش مطر»
| |
|
|
|
|
|
|
|
|
|
Re: π حملان في الصيوان £ (Re: دفع الله ود الأصيل)
|
كتب أبو صديق مشاركاً :
تسجيل حضور و حجز بكان ...
لتسجيل إعجاب و متابعة.
٪٪٪٪٪٪٪٪((( 10)))٪٪٪٪٪٪٪٪
و الله ي بو صديق إنكم لتخجلون تواضعنا مدحاً و إطراءاً؛
فتوشكون أن تثقلوا كاهلنا بكلفة تراحيب و جمائل باهظة ، لا
قبل لنا بها و دونها العرق و شق الأنفس و الثمرات..حتى لو سال
لنا سليل الفراديس عند سد مروي ، مداداً مدراراً من فوهة يراعنا؛
ثم اتخذنا من نخيل الباوقة أقلاماً، لعجزنا تمامن عن إضافة فاصلة
بعد نقاط ثنائكم و حفاوتكم بنا في{ربوع شندي..بلد الجمال عندي}.
[} و لكن عان جاي، للأسف الشديد ، دا كلو يفضل في ضمن دائرة
خوة قرقر طالما إنو ما بيملالنا بطن جايع و لا بضحيلو لزولن فلسان
عدمان فرطاقة بصلة الگلاب في بيتو. فيا ريت تشوفونا بحاجة.
| |
|
|
|
|
|
|
|
|
|
Re: π حملان في الصيوان £ (Re: دفع الله ود الأصيل)
|
اكتب Abdelazim :
يا دفع الله ياخوي انا من عامناول قاعد
الملم في حق الضحيي الجاي فعليك الله
جازف لي معاك شي من الكريبة بتاعتكم دي.
٪٪٪٪٪٪٪(((+++)))٪٪٪٪٪٪٪٪٪
∆ تاني يا عظمة تتاوق، وجعع وش بدون فايدة.
خلاس ياخ ، وكت عرفت دربنا بجاي في الكريبة أرحكا
نرجى ربگ هناك. و بنجازف لك إن شاء الله عتود( بجغور)
و الله ياها زاتا مشينا لمكة تغنينا لاكين قلتو طواقينا!!!
| |
|
|
|
|
|
|
|
|
|
Re: π حملان في الصيوان £ (Re: دفع الله ود الأصيل)
|
دي مداخلة من واحد دم. تقيل بجد
مسمي . روحو عصام فرص يقول :
يا عمك ما ملاحظ السنة دي الخريف ما فيهو
هظار (جد جد) المهم الجزولي دا معانا هيني؟!بس
ياخ الزول الفارع لنا ببهو زريبة الخورفا دا اسمو عبد
العظيم و اسم القفر / سوك سوك ياخ ما الجزولي .
٪٪٪٪٪٪٪(((12)))٪٪٪٪٪٪٪٪٪
∆ لا وأنت الصادق ؛ دا سمسار في ( تورا بورا) ،
و جزار في (قندهار). ثم تعال هنا يا بتاع الفورص
إتا شغلك نظام «حبيبي أمسگ لي و أنا بگطع ليك)
شن حشرگ إتا بين البصلة و قشرتا؟!! . و يكون
في معلوميتك يا سغيل، أنا لا بوستي لواحد زيك.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
دفع الله ود الأصيل
فيس بوك
تويتر
انستقرام
يوتيوب
بنتيريست