مِنْ حَرِّ الْبَلِيْلَةِ مَا يُضْحِكُ حَتَى يُجْهِشَكَ البُكَاءُ

د.أحمد عثمان عمر يهدي كتابه توقيعات في دفتر الثورة السودانية لقراء سودانيزاونلاين
محمد سليمان الفكي الشاذلي يهدي رواية السواد المر التي تدور حول داعش لقراء سودانيزاونلاين
مرحبا Guest
اخر زيارك لك: 11-13-2019, 02:47 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-06-2019, 05:36 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


مِنْ حَرِّ الْبَلِيْلَةِ مَا يُضْحِكُ حَتَى يُجْهِشَكَ البُكَاءُ

    05:36 AM February, 05 2019 سودانيز اون لاين
    دفع الله ود الأصيل-
    مكتبتى
    رابط مختصر

    (
    (((1)))
    ( حكاية الرسالة التي أرعبتْ حشرة الناظر )
    كانت الساعة تُشير إلى ما يُقارب منتصف الليل حينما
    تلقَّى مدير المدرسة رسالةً على هاتفه ، من مجهول يكتنفها
    الغموض الشديد، حتى ارتعدت لها فرائصه و انختف لونه
    و أيقن أن نهايته قد حانت ليلقى حتف أنفه على إثر تهديد كهذا
    ذي طابع داعشيٍّ خطيرٍ، فاضطربتْ أحوال أسرته و بدأ عياله
    الصِّغار و ناحت عشيرته الأقربون بالبكاء على روح المرحوم .
    إذ يقول نص الرسالة بنبرةٍ حادَّةٍ حاسمةٍ قاطعةٍ بحيثُ لا تقبل
    التسويف و التأني: ( مت شهيد يا مُدير) .
    @ ولكن بعد التحرِّي و التقصِّي من الأمر من
    صاحب الرقم حتى تنفس الجميع الصُّعَداءَ حيث تبين
    لهم أنها من أحد تلامذة المدرسة الخيبانين و مسالمين للنخاع ؛
    و قد أراد فقط أنيستفسر من حضرة الناظر، عن موعد تسليم
    الشهايد حتى يُعِدَّ عُدَّتَه و يشد رحاله للملحق الصيفي، و ذلك
    بسؤالهقائــلاً : (متى الشهايد يا مدير). فبالله موش يستاهلون ،
    أيوة ، لأنــو دي نهاية طبيعية جدن و منطقية جدن جدن
    لإهمال السادةالمدرين لمادة الإملاء , في ظل جريهم
    جري الوُحوش وراء الدروس الخصوصية.
    ألـــــــــيس كــــــــــــــــــــــــــــــذلك"!!!

    * ود الحيشان التلاتة
    مؤذنٌ في جزيرة مالطة،،،

    (عدل بواسطة دفع الله ود الأصيل on 02-06-2019, 05:48 AM)









                  
|Articles |News |مقالات |بيانات

02-06-2019, 10:13 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    (((2)))
    بالموناسبة واحد شكلو كدا مشكنب ولامستهبل، ال لينا
    عندو حلول ناجعة مبتكرة و جاهزة للتخلص نهائياً من أزمة
    السيوووولة الحاصلة في البلد دي. لحدت ما السيولةدي ح تعمل
    ( سيلان) في الشوارع ، للِّي ما يشتري و يشيل (على قفاه ) ممكن
    يتفرج . فا شنو؛ قال إيه، قال ح ينصح "هؤلاء" يطبعو لينا جنيهات
    جديدة تضبح الجدادة من اللضان للَّضان، و يقومو يعلموها بي مُدَد
    صلاحية محدودة ، بحيثُ تنتهي خلال شهرواحد بس بالكتير،
    عشان لزوم الما بجيبا يوردا للبنك تقوم تموت تجمع ليو في يدو .

    # فبالله شوف جنس نوعية البني آدم دا شغال حماية و لا
    مكافحة مستهلك؟! و لَّا خليك من كدا، هو تبع جهاز شنو؟!
                  
|Articles |News |مقالات |بيانات

02-06-2019, 10:13 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    (((3)))
    هذا ليس ابني !

    @ أما هذه فليست للضحك، بقدرما أنها مما يُجهِشك فعلن بالبكاءِ.
    حيثُ إنه مطلوب استشارة قانونية و رأي قانوني فصل ، حــولَ
    مسألةٍ شائكةٍ بمعنى ما تحتمل العبارة . و قد ارأتأينا نقلها إليــكم
    بحذافيرها من مصادرها على خشبة مسرح الحياة و يمتنع أصحاب
    فقه الحداثة و تأويل النصوص من أ مثال العم علي جُمعة.

    # فهذا زوجٌ سَرح زوجته بإحسان و افترقا بصورة ودية و بتراضٍ
    تامٍّ و مضى كلٌّ إلى حال سبيله ؛ و يبدو أن العلة تعود إلى عجز
    كليهما أو أحدما عن نعمة الإنجاب، لكن الزوج تفاجأ بزوجته ترفع
    عليه دعوى نفقة، فهرول إلى المحكمة يعربد به الذهول و الحيرة.

    يتبـــــــــع...

    (عدل بواسطة دفع الله ود الأصيل on 02-06-2019, 11:25 AM)

                  
|Articles |News |مقالات |بيانات

02-06-2019, 11:27 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    (((4)))
    في قاعة المحكمة:
    # كانت المفاجأة المُجلجلة.. الزوجة تدعي بأنها أنجبت طفلاً من نفس طليقها
    شخصياً. كيف!! من هنا بدأت خيوط قضية غاية في الغرابة والإثارة.

    # أصل الحكاية تعود تفاصيل القصة إلى أن الزوجين تعثرا في الإنجاب.
    ذهبا للأطباء فأشارت تقارير الكشف المخبري إلى عدم وجود أي عيوب
    خُلقية أو أمراض تُحيل دون إنجاب الاثنين. ومن هنا بدأت رحلة البحث
    عن "طفل" وطرقا جميع أبواب الطب بكل أنواعه.

    # أخيراً قررا الدخول في تجربة "أطفال الأنابيب" عن طريق
    تلقيح البويضة خارج الرحم (مركز إخصاب).. لكن الزوج لم
    ينتظر نتيجة "طفل الأنابيب" فقرر الزواج للمرة الثانية.

    # القرار كان صاعقاً للزوجة الأولى فرفضت الأمر وطالبت بالطلاق.
    ولم تكن تتوقع أن يتخلى عنها زوجها فيضطر للتخلي عن فكرة الزواج
    الثاني. وصعقت بقراره أنه سيكمل إجراءات الطلاق، بل وإلغاء إقامتها
    في البلد العربي الذي تقيم فيه مع زوجها.. فرضخت للأمر الواقع
    ولكنها أضمرت في نفسها.
    :
                  
|Articles |News |مقالات |بيانات

02-06-2019, 11:31 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    (((5)))
    # فكرة شيطانية:
    كيد النساء عظيم كما تقول الآية (إِنَّ كَيْدَكُنَّ عَظِيمٌ..). فبعد تطليق الزوج
    لزوجته بعدة شهور نشأت فكرة شيطانية للزوجة المطلقة. ذهبت إلى مركز
    الإخصاب الذي كانا يتابعان العلاج فيه ، وطلبت منهم الاستمرار في محاولة
    التخصيب لبويضاتهما المحفوظة بالمركز، وكان لها ما أرادت. وبعد محاولتين
    هاتفها المركز يُفيد بنجاح العملية وأن الجنين الآن في شهره الثاني وطلبوا
    منها الحضور لاستكمال الإجراءات الطبية اللازمة لنقل
    البويضة إلى رحمها لتكمل مسيرتها الفطرية.

    # وتحقق لها حلم حياتها وحملت ووضعته ذكراً وألحقته باسم أبيه (طليقها)
    بُغية إثبات نسبه له وتحقيق حُلم حياتها.

    # و كل هذا دون أن يكون لطليقها أي علمٌ بالدراما التي ظلت تُحاكُ و تجري
    من وراء ظهره بِليلٍ ، و هو طبعن بسلامته كعادته دوماً كان آخر من يعلم .


                  
|Articles |News |مقالات |بيانات

02-06-2019, 11:36 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    (((6)))
    إعلان محكمة :
    # كان طليقها يتمتع بحياة مستقرة في حُضْنِ الزوجة الجديدة و حبه الأخير،
    حينما تسلم إعلاناً من المحكمة للمثول أمامها لنظر الدعوى المقدمة من زوجته
    السابقة (طليقته).. تطالب فيها بـ (النفقة). واعتقد الزوج أنها أمور عادية وتبعات
    نفقة وم ؤخر صداق و حاجات تانية كمان ،في السياق الذي يمكن أن يحدث بين
    أي طليقين، فأخبر محاميه للذهاب للمحكمة و دفع ما تطلبه زوجته السابقة يتم
    إغلاق هذه الصفحة إلى الأبد بعد أن أنعم الله عليه بالولد من زوجته الجديدة .

    المفاجأة بقى : إنو قالولو:(جالك ولد) ؛ يا دي المصيبة!!:
    # وفي الجلسة الأولى كانت المفاجأة الداوية .. محامي الزوج "طليقها" فوجئ
    بغرابة طلب طليقة موكله.. مطالبتها (إثبات نسب) ابنها لأبيه (زوجها سابقاً).

                  
|Articles |News |مقالات |بيانات

02-06-2019, 11:38 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    (((7)))
    # في الجلسة التالية بعد أن مثل الزوج السابق أمام المحكمة أخبر القاضي أنه طلقها
    قبل عام ونصف.. فكيف ينجب منها!!.حيثُ أمر القاضي بتحليل (الجينات الوراثية)
    المعروفة علمياً بـ(DNA) وهو فحص أصبح متوفراً في المعامل الجنائية بالسودان.

    # أجرى الفحص اللزم وكانت الصَّمدةُ الصاعقةُ للزوج.. نتيجة التحليل (الطفل.. ابنك)..ولكن
    الزوج السابق كان مُلِحَّاً و مُصِرَّاً على إنكاره.. كيف ينجب وهو بعيد عنها لأكثر من عام ونصف.

                  
|Articles |News |مقالات |بيانات

02-06-2019, 11:40 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    (((8)))
    كشف المستور:
    # بعدها جلس الزوج مع محاميه وناقشا الأمر سويا، وتذكر أنه مع زوجته الأولى
    زوجته القديم (طليقته) كانا يُتابعان في مركز للإخصاب.. ونصحه بزيارة مركز
    الإخصاب ومحاولة أخذ الملف الخاص بحالتهما أو الإطلاع عليه و محاولة معرفة
    الحقيقة.ولأن المفاجآت في القصة لا تتوقف، تفاجأ الزوج بأن عملية التخصيب
    تمت بعد الطلاق.. ولا يوجد توقيع الزوج بالموافقة على أوراق العملية.

    # هنا رجع المحامي إلى المحكمة وأخبر القاضي أن الزوجة
    قد حملت من طليقها دون إذنه أو موافقته وأنها (زوَّرت) أوراق
    العملية في مركز الإخصاب . المحامي قال للمحكمة: (هذا الحمل
    من غير ارتباط شرعي بينهما مما يجعل هذا الحمل سفاحاً).

                  
|Articles |News |مقالات |بيانات

02-06-2019, 11:52 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    جريمة.. "حمل سفاح":
    النيابة العامة جرَّمت الزوجة السابقة على إقدامها على هذه الفعلة غير المسبوقة.
    وبما أنه لا يوجد قانون ينص على هذه الجريمة المستحدثة فأكتفت باتهامها
    بـ(التزوير في أوراق رسمية) لكي تكمل عملية الحمل، وأنها نسبت الطفل
    لزوجها السابق بشهادة الميلاد رغم علمها بأنه شرعاً ليس بأبيه.
    (((9)))
    المحكمة في حيرةٍ من أمرها:

    المحكمة احتارت في أمرها ورأت أن النسب صحيح لتطابق الحمض النووي
    وحكمت بصحة نسب الطفل لأبيه. واحتفظت للأب بحق نقض الحكم والطعن فيه
    والمطالبات الأخرى، وحوَّلت القضية برمتها لمجلس الفتوى والإرشاد للفصل فيها.


    قرارٌ صادمٌ جقاَّ:
    # ثم جاء رد هئية الإفتاء بأن التراضي كان قائماً بين الطرفين آنذاك،
    وحينما حدث الطلاق لم يطلب أيٌّ من الزوجين التخلص من مُتَعَلِّقاتهما
    المَنَوِيَة المودعة بالحفظوالصون لدى "بنك الإخصاب"، و هذا أعطى الحق
    للأم بأنتواصل المسير ة في إجراءات التخصيب الصناعي لتحقيق أمنيتها ،
    علَّا برضو الواحد كمان يرجع يقول الراجل:( ياخي موش تحمد ربك بس
    ظاطو لما جابت ليك كيس مليان تيمان شُفَّغ أنابيب؟!!)

    # و لكن طبعن دا علماً بأنها لم تأخذ من حيوانات زوجها المنوية شيئاً
    بعد الطلاق و لم تقابله.. فربما تكون بذلك استخدمت جزءاً لا يتجزأُ من
    حقوقها شرعاً وأن الحمل صحيح وأنّ يُنسب الابن إلى فراش أبيه .

    السؤال: هل بما جاء به مجلس الإفتاء صحيح ٌام معيبٌ، أم ماذا تقولون؟!
                  
|Articles |News |مقالات |بيانات

02-07-2019, 05:50 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    (((10)))
    ( ورطة في عز صلاة الجماعة)
    (منقوووووووول ) حيث يحكي أحدهم :
    أمبارح في صلاة العشاء حصل لي موقف غريب جدا ولو الموقف دا
    ما حصل لي انا شخصياُماكنت صدقتو ابدا انا كنت واقف في الصف الأول
    وفي نص الصف وبصلي بكل خشوع والركعه الأولي عدت بكل سكينه و خشوعٍ
    تامٍّ . وقمنا صلينا الركعه التانيه وجلسنا جلوس الوسط القبل السلام يلا اتاريهو في
    اللحظه دي واثناء ماانا جالس يقوم يجي ضب من وراء وينحشر لي ب تحت
    السروالوانا لحدي اللحظه دي مارعارفو دا ضب الأ بعدين الجماعه الوراي
    وروني انو دا ضب وهم شافوهو لحدي دخل لي بسروالي

    # اها فجأه كدا حسيت لي ب حاجه خشنه حايمه جمب ركبتي وانا جالس .في البدايه ماركزت
    قلت تلقاهو دا السروال اتكرفس مع القعده واتكرضم بعد شويه كدا أحس ليك بالنصيبه دي ماشه
    طالعه فيني ب وراء حاولت اتململ شويه كدا عشان لو في طريقه ينزل وفعلاًهدأ اللعب شويه قلت
    خلاص الحمدلله مرق وانا ماعارفو دا ضب برضو اها تمينا التشهد بتاعالنص وقمنا ع حيلينا اها
    مع الوقفه دي احس ليك ب حاجه وقعت لي تحت في مناطق العمليات وشكلو كدا الوقعه دي خوفتو
    لأنو هاج فيني هيجه ماعاديه بقي يجري جوه يمين شمال وغالبو يسوي شنو وانا بهنا طبعا دخلت
    في عالم تاني لأنو الضب دا بلعب في اعز مااملك في حتات كدا حساسة شديد و ما بتسحمل أي
    هبشه لأنو كلها مرتبطه ب اعصاب متعصبه شديد ومتشدده اها بقي هو بجوه يفرفر و انا ب
    بره أفرفر وراسي ينقز براهو زي راس الجريوكس البختو في العربات ب قدام داك
    المهم حركات كدا لاشعوريه وكتفييرقص براهو واشتح في كرعي واضم فيهن
    وهو لسه يفرفر وانا مستغرب دا شنو دا ياربي الأنحشر لي دا خلاني
    زيالمنشحط لي فوق في صاج حار لامن بوخو يلوي .

    اها بعد شويه كدا الفرفره وقفت قلت الحمدلله وفجأه كدا وبدون اي مقدمات يقوم الضب يعضيني
    واول مره في حياتي اعرف انو الضب بعضي اها عليك امان الله الساعه الكجمني ليك في حته كدا
    مابقدر اقول اسمها لمن صرخت جاااااااااااااااااااك لمن صداء الجامع كلو بقي يقول جاك جاك جاك .
    اها كان قاعد جمبي عم الطيب بصلي في كرسي وهو قاعد وجمبو لصقو طوالي حاج الطاهربرضو
    بصلي في كرسي قاعد اها مع العضه وصرختي ديك اقوم لا شعوريا اكفت عم الطيب في قدومو
    لمن قنت قال اوووووم بصوت مكتوم كدا ومسك قدومو بيدو وقبل يتمهل سمح ألحقو ليك ب
    رفسه في كلوتو لمن قلبتو في حاج الطاهر وحاج الطاهر التقول قاعد ع الهبشه ف برضو
    جا متهايرفي الجمبو بهناك وقطعوا صلاتهم الاتنين وبقوا يقولوالاحولا ولا قوة الأ بالله
    في شنو ياناس السقف وقع ولا شنو؟!!

    # أها انا مع العضه وبعد الصرخه ديك لا شعوريا كدا ختيت يدي في محل العضه وقبضت الضب
    تحت الهدوم لقيتو ليك نصيبه كبيره خلاص ولحدي هسي انا ماعرفتوضب ف لمن لقيت النصيبه كبيره
    افتكرتو دابي كبير ف نطيت من الصف من الأول لقدام وانا ماسك الضب تحت الهدوم وبقيت اكورك الدابي
    الدابي واجري بقدام الأمام لحدي نهاية الصف هناك واجي راجع وانا قابضو تحتهدومي وأكورك الدابي الدابي
    ياناس انتوا بتصلوا في شنو الحقوني ياخ و تاني اجي افنجط قدام الأمام وشوف عيني دي الأمام يعاين لي بقعر
    عينو وهو عامل فيها بصلي اها لمن شفتو بعاين لي بقيت أكورك كلكم كضابين ماعندكم صلاه ياهو دا امامكم
    يتلفت براهو اخير تلحقوني ساي وبرضو مافي زول اشتغل بي عاملين فيها خاشعين ومابتلفتوا ولا بقطعوا
    الصلاه وطبعا عم الطيب وحاج الطاهر لسه متكايتين يكربشوا عايزين يقوموا وماقادرين وحاج الطاهر
    يصرخ مخروقتي انكسرت أحي احي احي وانا افنجط اصل نهاية الصف واجي راجع ولسه قابض
    الضب تحت هدومي في النهايه بديت املص في هدومي واجدع وانا جاري جدعت الجلابيه والفنيله
    الداخليه وبقيت بالسروال بس طابيهو وبحاول افك فيهو عايز اتمولص ليهم ميطي رسمي

    # اها في اللحظه دي هم تموا الصلاه وجوني جارين مسكوا السروال قبل املصوا ليهم لقوني قابض الضب
    تحت السروال بقوا يقولولي كدي اقيف يازول كدي فك السروال دا قلت ليهم مابفكوا بطلع لي فوق كان فكيتو
    قالوا لي هو شنو هو؟ قلت ليهم الدابي دا وانا ماسكو هسي قالوا لي دابي شنو دا ضب يازول وياهو دا ضنبو
    مقطوع كدي صلي ع النبي فكو خلينا نمرقوا منك المهم بعد تحانيس فكيتو ليهم قاموا برررااااحه نفضوا
    السروال والضب جا واقع تخ قدر الهجمه وقع نجيض مااتحرك شبر واحد شكلو كدا مات ولا دايخ من
    القبضه الكنت قابضا ليهو ماعارفو المهم جابوا لي هدومي المجدعات بالجامع كلو وشالوا الضب
    جدعوهو بره قمت براحه وانا خجلان لبست هدومي وطلعت من الجامع مدنقر في الواطه خليتم
    يرفعوا في عم الطيب وحاج الطاهر ومشيت بيتنا وحلفت بيني وبين نفسي كدا انو تاني ما
    اصلي في الجامع دا ابدا ماعشان الضب ولا حاجه عشان خجلان وعيني اتكسرت مابقدر
    اقابل الناس ديل اقابلهم بياتو وش وانا انفضحت قدامهم بالصوره دي شي مليص هدوم
    وشي كواريك وشي جري وفنجطه المهم وصلت بيتنا وجسمي كلو يرجف ومكوش
    براهو ولسه حاسي بفرفرة الضب جواي لمن شعر جلدي كلو واقف شوك شوك
    والحمدلله انو ابوي ماجا الصلاه اليوم داك كان فضيحتي بقت ب جلاجل و
    كان قطع رقبتي وحشاها حش من قعرها ياخ انعل ابو دا ضب دا زاتو.!!
                  
|Articles |News |مقالات |بيانات

02-13-2019, 06:40 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    (((11)))
    [} عوض الجيد ود الإزيرق يبلغ من العمر 37 خريفاً ؛ من قرية
    (القراعه ) ريفي تمبول خرج من أهله في العام 2015 إلي ليبيا و لم
    يَعُدْ؛ و كمان ما أظن يعود تاني أصلن . حيث تدحرجت به المقادير،
    على طريفة أبي نواس ، من أسفل أسفلين إلي أعلى عليِّين ، ليضع
    عصا ترحاله بقدرت قادر فِرِد شبحتن واحدة في إيطاليا ، و التي
    وصل إليها بحراً على متن سنبك لتهريب البشر و الاتجار بالرقيق.

    [} كان يعمل بمهنة الرعي بقرية ود شمعون في بِطاح البطانة ،
    شرق الجزيرة (راعي لقوط) على قرلريط لأهل أم صفقن عُراض.

    [} و مِنذُ ثلاثه اسابيع التقطت للمذكور صورةٌ (سيلفي) نادرةٌ ،
    و هو يتناول شطائر البيتزا بمزاج وسطَ لفيفٍ من المشاهير أثناء
    حضورهم (ديفيليه) لتقديم عروض الأزياء و مزاد لبيع أروع اللوحات
    الفينة انادرة لبيكاسو و لصاحب جبوكندا (الموناليزا) ليوناردو دافنشي،
    و المُقام حالياً في دار للأوبيرا بقلب مدينة روما الإيطالية العريقة
    .
    .
    [} إذن ، السؤال الذي يطرح نفسه بإلحاحٍ شديدٍ هو : هل سوف يعود
    أخونا عوض الجيد سيرته الأولى إلي مراح غنيماته و بهيماته؟! أم أنه
    بالعكس ، هيهات، فلا جنٌّ و لا سحرة بقادرين على أن يلحوا أثره ، يحث
    سوف ينحرف مسار حياة أخونا عوض الجيد بزاوية مُنفرجة مية و تمانين
    درجة ؛ ليقضي بقية عمره طافشاً و سارحا بغنم إبليس {بين جناين الشاطئ
    و بين قصور الروم .. و حي زهرة روما و أبگي يا محروم؟! }
    .
    .
    اللهم سنبكنا و سنبك شبابنا و شيابنا و شفعنا و حتى أجنتنا لي أرحام
    أمهاتم كم شاب يتمني ان يكون مگان السنيور/عوض الجيد في هذه
    الظروف بالغة القسوة صباحكم و مساگم زين 😂 # إذن، تسقط بس*

    (عدل بواسطة دفع الله ود الأصيل on 02-14-2019, 08:02 AM)

                  
|Articles |News |مقالات |بيانات

02-25-2019, 07:02 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    {12}
    // عيشة الدجالين في المسحلبين //
    عاجل بمانشيت صحيفة الدار العصير:
    ∆ دجالة تنهب 150 مليون كاش، من عشمانة في العرس.

    [} دي واحدة بابريكس ملهلبة لجأت لدجاله تدرعا في الجنا
    الباكية فوقو بكآ السنيين لامن مريلة و قافله عليهو ب( دو هارت).
    الشاهد الدجالة قبضت منها البياض و قالت لها اعتبريه من هسي في
    حضنك! و احجزي صالتك ساي لانو الأمر مقضي خلاس.البنية. ما
    صدقت دفعت لها عرق جبين أبوها و عاشت سنين ضوئية في أحلام
    ليلكية و أماني سندسية. مشت و جات بكرة تقابلا المسا. يلا فضلت
    تدق في الباب لامن الجيران مرقو قالوا ليها دي قامت دغش بطيارة
    دبي؛ و لو قريبه بتكون متجدعه جديع الضان في شاطئ الراحة.
    أول تعليق😂
    - فعلا، حلم البايركس عقد. هسي كان شلتي قروشك وجيتي جبرة
    جنب جامع بلال تلقي الغنامة كيمان متل كلاب الحر في الضللة.تعزلي
    طلبك. تشتري ليهو. ركشة جانسي بي 70 مليون..و حفلة و حنة و الذي
    منو في الشمندورة؛ معاهو عشاء ب40 مليون، شيلة ب 10مليون ؛ زايد
    ريحة ب10 مليون.و تاخدو شهر شهرين عسل ب 10مليون و التالت يمر
    إن شاء الله بصل ب5 حيكون باقي ليكي فكة 5 مليون تديهو ياها نثريات
    لزوم العلف.صدقيني عريسك بكون مبسوط لآخر ضرس؛ و ح يكتب
    في ضهر ركشتو بي ورا {السمحة قالو مرحلة}. (بالله عليك الله،
    موش عرب و الحظ ضرب؟!)!
                  
|Articles |News |مقالات |بيانات

03-23-2019, 07:10 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    ((13))
    [} بمناسبة العيد الكم و كم لست الحبايب
    أمه واحد كتب لأبوه على الفيس : شكرن يا
    أبتي , على اختيارك بالجد كان رائعا. رد ليه:
    يا زول ها و مال لو شفت الجديدة تقول شنو ،
    و الله فظيعة، لامن ترمي في الشوك عديل!!
                  
|Articles |News |مقالات |بيانات

03-23-2019, 09:02 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    ((14)
    π لقد-توفيت-منذ-دقيقتين..£
    { كتبها أنطوان تشيخوف. حيث صنفت من أصدق و أعنف
    و أبدع ما جادت قرائح أدب القصة القصيرة و متناهية القصر}

    [} وجدتُ نفسي هنا وحدي مع مجموعة من الملائكة لا أعرف من هم ، توسلتهم لأن يعيدوني إلى الحياة من أجل حرمي المصون، إذ لا تزال بريعان الصبابة و ولدي في أحشائها لم يرَ النور بعد. لقد تركت زوجتي حاملا في شهرها الثالث ، مرت عدة دقائق، جاءَني بعدها أحدُ الملائكة يحمل شيئا يُشبه شاشة التلفاز ، و أخبرني بأن التوقيت بين الحياة الدنيا و الآخرة يفرق كثيرًا ، الدقائق هنا تمضي بسرعة سنين ضوئية عنها هناك ثم قال لي : "و لكنك تستطيع أن تطمئن على ذويك من ها هنا"..

    [} قام بتشغيل الشاشة، فظهرت لي رفيقة دربي مباشرةً و هي تحمل طفلاً بريئا، الصورة كانت مسرعة جدا ، و الزمان يتسارع على مدار الثانية، كان ابني ينمو و يكبر ، و كل شيء يذهب ، بدلت شريگتي أثاث دارنا؛ و بعد أن حصلت على مرتبي التقاعدي، أرسلت ابننا إلى المدرسة.

    [} ثم تزوجت بكم رجل بعدي واحدا تلو الآخر ، و صارت لها مع كل منهم حياتها الخاصة. مرت الكثير من الحوادث ، و مع تزاحم الأشياء بالصورة المشوشة، لاحظت شيئًا ثابتًا في الخلف، يبدو كالظل الأسود ، مرت دقائق عديدة ، و لا يزالُ الظلّ ذاته في جميع الصور. و على مر السنين تباعا ، كان الظل يصغر و يخفت. ثم ناديتُ على أحد الملائكة، توسلته أن يقرّب لي هذا الظل حتى اراه جيدًا ، لقد كان ملاكا عطوفًا، لم يقم فقط بتقريب الصورة ، بل عرض لي المشهد كاملا و بذات التوقيت الأرضي، و لا يزال أنا هنا قابعًا بمكاني. فمنذ خمسة عشر عاما، و أنا أشاهد الظل يبكي و أبكي معه .. لم يكن ذاگ الظل سوى غيمة مطيرة كونتها أنفاس أمي.

    »اللهم ارحم كل من فارقونا و عافنا و عافهم و اعف عنا و عنهم 😢
    *منقول بشيء من التصرف في ترجمة النص.

    🔸ود الحيشا ن ال ت لا ت ة،،،
    رافع الأذان عاليا في جزيرة مالطة.

    (عدل بواسطة دفع الله ود الأصيل on 03-23-2019, 11:00 AM)

                  
|Articles |News |مقالات |بيانات

03-23-2019, 09:33 AM

Amira Hussien
<aAmira Hussien
تاريخ التسجيل: 11-26-2016
مجموع المشاركات: 687

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    ضحكت كتير ......وبكيت أكتر رحم الله أمهاتنا ، ومهما طال الفراق ، ما زالت الأنفاس الزكية والأرواح الطاهرة ترمى بظلال وريفة على دنيانا
                  
|Articles |News |مقالات |بيانات

03-23-2019, 10:17 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: Amira Hussien)

    Quote:
    ضحكت كتير ......وبكيت أكتر رحم الله أمهاتنا ، ومهما طال الفراق ، ما زالت الأنفاس الزكية والأرواح الطاهرة ترمى بظلال وريفة على دنيانا...

    ((15))
    [} لادألا، لا أضحك الله لكم سنا، و لا أنزل
    منكم دمعا و لا أشبع لكم بطنا إلا بحلال
    طيب گطيبة قلبكم و نقاء سريرتكم ؛ آمين.

    [} كانت تلك مجرد وقفات متلفتة إلى دواخلنا بحثا
    عن أثر بعد عين لملامح جنود مجاهيل ياما سقونا من
    نبع الحنان و ياما غرسناهم هناگ؛ و لكن ما دفناهم.
                  
|Articles |News |مقالات |بيانات

04-14-2019, 10:54 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    (15)
    في جوار الجامع الكبير ، حيث يزدحم المكان و يعج بالشحادين ، ناس طالب من الله ،
    من ذوي الاحتياجات الخاسة . و مع قولة فتاح يا عليم رزاق يا كريم جاهم زول مرسلاه
    جعمية خيرية و معاه كيس مليان ضحاكات. فأول ما الراجل قال بسم الله ، فتح الخرتاية
    و بدأ يوزع على الجماعة ، يجي ليك واحد نشال طاير من هنووك و منِّيش عليه متل
    الحدية على السِّوسيو و راح خاتف منو الجمل بما حمل و لحس راحاتو و أطلق بيها
    كرعينو مع الريح لا يلوي على شيء و خلَّا أخينا دا محتار و فاتح خشمو ملح ملح .

    # لكن جماعتك المتضررين من عملية السطو، قالو : على مين يابا و ما يتحير علا مغَيِّر،
    يلا في رمشة عين نسو عاهاتم و قامو ليك الأعمى شايل المكسر فاكين البيرق ورا النشال؛
    بالله خلال دقايق بس جابوه متل الكلب الأكل الدريش ولقوه جنازة شبعو فوقو لطم و شلاليت.

                  
|Articles |News |مقالات |بيانات

04-23-2019, 05:29 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    (16)
    عمك كرستلاوي مغترب في السعودية . عايش خرمان ريقو ناشف
    لامن يوم داك جاي نازل إجازة اتصل بصاحبو من أيام الزمن الجميل
    يلاقيه يستقبلو. فداك جاه ليك بجركانتو مليانة بالزي منو . لكن الموشكلة
    إنو نسيبو أنصاري سنة برضو حلف إلا يجي معاه . فهم راجعين في الطريق
    و بعد تبادل فروض السلام و عبارات الشوق و الحنين صاحبو قاللو: و الله جايب
    ليك معاي هدية بتحبها علا لكن الظاهر ما ليك في الطيب نصيب ، لأنو زي ماك
    شايف قطرنا فيه عسكري ؛ فماني عارف كيف نضرب السنة دي قدام نسيبك الحقنة
    دا، غايتو علا بعد نوصل ، داك طبعن شفقان قاللو: نوصل وين ياخي ما برضو حا يجونا
    مية حقنة يساهرو بينا صباحي . قاللو: يا زول ابشر، و ما يتحيَّر علا مغَيَّر؛ فوضعو ليها
    الخطة (ب) قاللو: في الطريق إتا تشيل الجركانة تنزل تضارىبيها وراء بُتُّق الشدر و تكجر
    فوقا هدومك تعمل فيها زي البتتسير و يلا تاخد لك فيها كرعتين تلاتة تملأ قرنك تب
    و تجي راجع تناولني ياها أنا حتي أشيلا أطلع بيها زي الناس و أجي و هلم جرا. فصاحبنا
    أنصاري السنة شايفم ليك بعملو في العملية المهببة دي قال ياربي الجماعة ديل عندهم سلس
    بول و لا انفلاتريح ولا شني الحكاية ؛ الكلو شوية شايلين الجركانة مسوين بيها الدرب
    ساساقة و يجو فقام لاقى عمك و هو راجع مسك منو الجركانة قال حتو داير
    يكطع الجمارو بالمرة يتوضأ للعصر.بس عشان ربنا يكشف أمرهم . فلامن
    في النهاية اضطرو يوروه إنو دي فعلن موية صافية لامن شفافة؛
    لاكين ما طاهرة و غير صالحة للاستنجاء ناهيك عن الوضوء
                  
|Articles |News |مقالات |بيانات

05-01-2019, 05:52 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: مِنْ حَرِّ الْبَلِيْلَةِ مَا يُضْحِكُ حَ� (Re: دفع الله ود الأصيل)

    {17}
    [} دا شفاتي فى الحافلة قعد جمب واحدة گدا،
    يا زول شدت مي طاعمة لامن ترمي في الشوك!!
    ~قام وسوس ليها: «أكيد صاباها معانا بجاي يا كنداكة»😊
    ~ قالت ليهو: «يصبوك يا ياب عمود بركة الله ياشيوعي يا معفن»🤛🏽😡
    [} زولتك طلعت كوزة ليها ضل، مؤتمر {شعوطني} في تياب تنكرية!!🤣😢🤫🤣

    (عدل بواسطة دفع الله ود الأصيل on 05-01-2019, 07:20 PM)

                  
|Articles |News |مقالات |بيانات

05-30-2019, 01:38 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: عنصرية تقيلة معتتة شنو راح لامز مزننمة عدييل (Re: دفع الله ود الأصيل)

    (18)
    [} واحد قال جاني إتصال📞 بس مع رفعة الطبق للإفطار
    و أنا بتكلم في التلفون ، مرتي عينا ضيقة، قعدت تسنتت
    و قالت لي: صحبانك ديل يهود ياخي و لا شنو ؟! يا كافي
    البلا و يا حايد المحن ؛ الشي لا بصلوا لا بعرفوا الله! دحين
    هسي دي عليگ الله بس مواعيد يتصل فيه بني آدم فيها
    و لا يعني بس نظام تحنك؟ قلت ليها يا زولة قولي بسم الله :
    دا فلان أخوك فلان جاي، قالت . أنا طوالي زولتك فصلت
    و قالت : هي يا حليلو ود أمي ، تلقاه لسة ما أذن عندهم .

    😂😂😂😂😂
                  
|Articles |News |مقالات |بيانات

06-02-2019, 02:11 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: عنصرية تقيلة معتتة شنو راح لامز مزننمة عد (Re: دفع الله ود الأصيل)

    {19}
    [} ﻣﺮﺿﺖ إﺣﺪﻯ ﺑﻨﺎﺕ ﺍلأﻣﺮﺍﺀ ﺑﺼﺪﺍﻉ ﻧﺼﻔﻲ ﻣﺰﻣﻦ ﻓﻲ ﻋﻬﺪ ﺍﻟﻄﺒﻴﺐ ﺍﻟﻤﺴﻠﻢ ﺍﺑﻦ ﺳﻴﻨﺎ ﻓﻨﻮﺩﻱ ﻋﻠﻴﻪ ﻟﻌﻼﺟﻬﺎ . ﺩﺧﻞ ﺍﺑﻦ ﺳﻴﻨﺎ ﻋﻠﻰ ﺍﻟﻤﺮﻳﻀﺔ ﻭ ﺑﻌﺪ ﻓﺤﺼﻬﺎ ﻟﻢ ﻳﺠﺪ ﻓﻲ ﻇﺎﻫﺮ بدنها ﻋﻠﺔ تذگر.

    [} ﻓﺄﻣﺴﻚ ﻧﺒﻀﻬﺎ ﻭ ﺭﺍﺡ ﻳﺮﺩﺩ ﻋﻠﻰ ﻣﺴﺎﻣﻌﻬﺎ ﺍﺳﻤﺎﺀ ﻣﻨﺎﻃﻖ ﻭ ﺃﺣﻴﺎﺀ قاع ﺍﻟﻤﺪﻳﻨﺔ . ﻭ ﻋﻨﺪﻣﺎ ﻭﺻﻞ ﺍﻟﻰ ﺍﺳﻢ ﺣارة بعينها لاحظ ارتفاع في وتيرة ﻧﺒﻀﻬﺎ ﻭ تسارعا في ﺿﺮﺑﺎﺕ ﻗﻠﺒﻬﺎ... ﺭﺩﺩ ﺍﺑﻦ ﺳﻴﻨﺎ أسماء أزقة ، نفافيج و ﺑﻴﻮﺕ ﺍﻟﺤارة ﻋﻠﻰ سمع ﺍﻟﻤﺮﻳﻀﺔ ﻓﺰﺍﺩ ﻧﺒﻀﻬﺎ ﻋﻨﺪ ﺫﻛﺮ ﺍﺳﻢ ﺑﻴﺖ ﺍﺳﺮﺓ ﺑﻌﻴﻨﻬﺎ ..
    [} ﻋﻨﺪﻫﺎ ﺍﺧﺬ ﺍﻟﻄﺒﻴﺐ ﺍﻟﺤﺎﺫﻕ ﻳﺮﺩﺩ ﺍﺳﻤﺎﺀ ﻣﻦ ﻳﺴﻜﻨﻮﻥ ﺫﻟﻚ ﺍﻟﺒﻴﺖ ﺣﺘﻰ ﻭﺻﻞ ﺍﻟﻰ ﺍﺳﻢ بعينه ﻣﻦ ﻓﺘﻴﺎﻥ تلك العائلة. ﻓﺈﺫﺍ ﺑﻘﻠﺐ ﺍﻟﻤﺮﻳﻀﺔ «ﻳﺪﻕ .. يدق و أنا قلبي بدق » ﺑﺴﺮعة ﻭ ﻳﺰﺩﺍﺩ ﻧﺒﻀﻬﺎ ﺯﻳﺎﺩﺓ ﻣﻠﺤﻮﻇﺔ.
    [} ﻋﻨﺪﻫﻬﺎ ﺻﺎﺡ فيهمﺍﺑﻦ ﺳﻴﻨﺎ ﻭ ﻗﺎﻝ: ﺯﻭﺟﻮﺍ ﺍﺑﻨﺘﻜﻢ ﻣﻦ ﺫﺍﻟﻚ ﺍﻟﻔﺘﻰ ﻓﻬﻮ فارس أحلامها و طبيب ﻋﻼﺟﻬﺎ!!!
    [} أيوة گدة ياخي ﺩﻳﻞ دﻛﺎﺗﺮﺓ زمان الناس حونان ﺍﻟﺒﻔﻬﻤﻮ ﻓﻲ ﺍﻟﻄﺐ و لا بلاش . ﻣﺶ ﺩﻛﺎﺗﺮت غفلتنا هسي ؛ الواحد يلم فيك: طلع لسانك و قول باااااااااااع و أجبد نفس عميق؛ خرفان ضحية نحن ياخ؟ ثم گيف تجي دي زاتا بالله ، أجبد نفس و أنا فاتح خشمي بي بلاجة و مارق لساني شبرين؟!؛

    [} فأي ﻭﺍﺣﺪﺓ خسوسن لو بايريگس بالذات أهلها ﺣﺎﺳين ﺃﻧﻬﺎ عندنا خمة نفس و وجع صفقات طوالي يدﻗﻮﺍ ﻋﻠﻰ عمك ﺍﺑﻦ ﺳﻴﻨﺎ " ﺍﺫﺍ ﻣﺎ ﻋﻨﺪﻛﻢ ﺭﻗﻤﻮ ،،،، ﺩﻗﻮا ﻋﻠﻰ ﺍﺧﻮﻫﻮ ﺟﻮﻥ ﺳﻴﻨﺎ ، و لا حتى الراحل كمال سينا من ظرفاء أمدرمان😂😂😂😂
                  
|Articles |News |مقالات |بيانات

06-02-2019, 04:26 AM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 8353

للتواصل معنا

FaceBook
تويتر Twitter
YouTube


Re: عنصرية تقيلة معتتة شنو راح لامز مزننمة عد (Re: دفع الله ود الأصيل)

    اندياح جميل يا دفع الله
    وَلَوْلَا دَفْعُ اللَّهِ النَّاسَ بَعْضَهُم بِبَعْضٍ لَّفَسَدَتِ الْأَرْضُ وَلَٰكِنَّ اللَّهَ ذُو فَضْلٍ عَلَى الْعَالَمِينَ
    واصل...
                  
|Articles |News |مقالات |بيانات

06-02-2019, 08:43 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: عنصرية تقيلة معتتة شنو راح لامز مزننمة عد (Re: خضر الطيب)

    { 20}
    سلمت أخوي خدر و يسلم لي ضراعك.
    و دي كمان اندياحة من جوة بيت كلاوي
    الحراك بشعاراته النارية حيث « حرية
    سلام و عدالة و مدنية خيار الشعب».

    [} فإذا كان الحوثيون قاعد يهددو السعودية
    والامارات و السودان بالصواريخ و الطيارات
    المسيرة بدون طيار. طيب السعودية و الإمارات
    ديل عندهم مضادات صواريخ . و لكن نحن مع
    شنو ناس قريعتي راحت ؛ مضاد حيوي ما عندنا
    لأبوبئة الگوليرا المسمنها تدليعا: مجرد « إسهالات
    مائية!! الله لا كسبك يا الحميرلاي حميرتي.
    😭😭😭😭😭😭😭😭😭😭😭😭😭😭😭😭
                  
|Articles |News |مقالات |بيانات

06-06-2019, 08:41 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: عنصرية تقيلة معتتة شنو راح لامز مزننمة عد (Re: دفع الله ود الأصيل)

    {21}
    ∆ بقلوب فائضة بالحزن و الأسى و بوجدان غاصة بالألم ،
    فإننا مضطرون لنرفع لمقام حضرة سمومكم العاطفي و نتقدم
    إلي جلالة قدركم بصادق التبريكات ، معطرة بأطيب التمنيات
    و منمقة بأحر التهاني، بمناسبة حلول هذا العيد الشهيد، و الذي
    عاد علينا في عامنا هذا و في بلدنا هذا بوجه تعلوه الگآبة
    و تلفه الرتابة ؛ فسالناه: « بأية حال عدت يا عيد أبدماء
    قد سفكت و كرامة أزهقت، أم العصيان فيك تمديد؟! »
                  
|Articles |News |مقالات |بيانات

06-24-2019, 07:22 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: عنصرية تقيلة معتتة شنو راح لامز مزننمة عد (Re: دفع الله ود الأصيل)

    (22)
    @ عمنا الصديق الجعلي النجضابي زول شرس وشايل أخلاقو في راس نخرينو.
    ياخي دا مرات وكتين كديستو تكون خلاس رافعة ضنبا يشاكل ضلو يقوللو : يا
    زول هوي مأخيرك تختاني كدي كدي أنا دربي زلق و كان قبت عليك ، تاني علا
    يفرزوناباللباست. كمان مرة قام قشة عينو من النوم المرة قالتلو الشفع ما شربو شاي
    الصباح . قام حكلالغنماية دايريحلبا و هي معصلجة قدرما لاواها ترفسو و تابي أصلو
    ما تقيفلو. يحلبا في النهاية وكتين غلب فيها حيلة و جابت كثافتو عكما ليك و حلبا غسب
    حسنة. لاكين عشان يوريها العنظة وعزت النفس بالصح ، بعد التعب داك كلو قام مسكا
    من نخرينا عضاها فيهن و كبالا فيها اللبن صعطا بيهو و خلاها و فات مشى جدع للمرة
    حلتا فاضية مسكتاو سكتت؛ لأنو هي زاتا كان قالت بغم بفرطقعا ليها فوق هامتا .

    # أها مرة كانو هو ود أعمن ليو مسافرين كداري ساي و الدنيا رمضان قريب شراب
    المويات . يلا غشولم حلة لقولم جماعة فارشين برة للفطور ، يلا مع الآذان و فتحت
    الطباقة نزلو فوقم : السلام عليكم. ديلك شلكهم فسلين وعينم ضيقة شوية. فبدل يقولولم
    مرحب حباب الضيوف أتفضلو أببقو جاي آناس ، تقلو دمهم و طنشوهم . أها عمك و قريبو
    صنقرو بعيد و مسكولم أبريق وقعدو يتوضو. لامن خلصو زول هببم و لا اشتغلبهم مافي .

    # أها عمنا الصديق لكز أخوه قاللو : أرح آزول نشوقف لنا دبارة فطورن قدام ، النس ديل
    ما فيهم فايدةيلا وهم فايتين في واحدين في أهل المحل لاحظو إنهم غلطو في حق الضويف فزي
    القعدو ييأنبو في نفسم قالو لبعض: يا جماعة عيب والله أالناس ديل نحن ما انسترنا معاهم ولا
    عبرناهم،امن هديلك زعلو فاتو. يقوم واحد ملقوف فال : خلاس ، زعل أزهري و للمحجوب.

    # أها بس كلمتو العفنة دي عاد تقع في أضان العدو . يلا عمنما الصديق براو ديارلو سبة
    يلا جاهم من هناك مصوقر متل اليعبر الهايج و كرعينو بي نعلاتون مجلبطات بطين الوضو
    و قمز لك فوق ا لأكل دا بس تقول أبو الصقير فجخن ليك خلا لك الصواني و الطباقة
    و الصحانة و جكاكة الآبري ديل يتطارن بي ملحاتن وعصايرن و لمالك فوق أهل المحل
    شي كفت و لطم و شي شلاليت و شي أم دلادم ساي. لامن ناس الحلة سمعو الهيجة جو
    يا ألله حجزوه منهم و ساقوه هو و صاحبو طيبو خاطرم و فطروهم و أكرمو مثواهم


    (عدل بواسطة دفع الله ود الأصيل on 06-24-2019, 07:27 AM)
    (عدل بواسطة دفع الله ود الأصيل on 06-24-2019, 08:21 AM)

                  
|Articles |News |مقالات |بيانات

06-26-2019, 10:27 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


(من أطْرَفِ طَرَائف العرب) (Re: دفع الله ود الأصيل)

    Quote:
    بالله يا ود الحيشان، يا ريت تكتر لينا
    من شمارات العرب ياخي ديل ياما تحت
    السواهي دماهي و نكون ليك شاكرين ،
    أخوك المشتاق دايمن و أبدن / أبو النور


    (23)
    حاضرين يا سيدي/ أبو النور
    بس شريطة تكونو حاضرين و متابعين
    و عشان خاطر عيون حلوين ..
    بشوف في رموشها ليل ونهار
    ولهفة تشيل مشاعرنا
    تقصر للخطي المشوار
    نجيكم نحنا مشتاقين
    فراشات تسأل النوار
    وخضرة قولنا عند اللقيا
    ياالسمحين تجف تحتار
    *****
    عشان خايفين تسيبونا
    عشان خايفين نعيش في ودار
    حزين قلبآ بزورو الحب
    يا ريتو لو ما زار
    *****
    شلنا الريدهةيا أحبــاب
    يباس أيامنا شلنا خــدار
    إنتو املنا إنتـــو اهلنـــا
    في غربتنــا إنتـــو الــدار
    و شراع الريــد بعيد عـدى
    و يتحدى طول سكة المشوار
                  
|Articles |News |مقالات |بيانات

06-26-2019, 10:33 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (((24)))
    @ يلا خلينا نقول بسم الله و نبتي بأول طريفة من طرائف العرب ،
    خاصةً و أنه ما أشبه بارحة لسان حالهم بليلة ما يدور في ببلدنا هذا:

    @ فقد دخل أحد النحويين السوق ليشتري حماراً فقـال لسبايي
    الحمير: أريد حماراً ليس بالصغير المحتقر و لا هو بالكبير المشتهر:
    إن قدرت عليه علفه تراه صبر، وإن بحبحت له شكر، حماراً لا يدخل
    بي تحت البواري و لا يزاحم بي السواري، إذا خلا في الطريق تَنَهَّقَ،
    و إذا كَثُر الزحام ترفق فقال له السبابي وقد تشجر من فزلقته بالكلام :

    - دعني إذا مسخ الله القاضي فلاناً حماراً بعتُك إياه. ولعله كان
    يرمز بقوله إلى القاضي الشهير إياس بن معاوية الذي لمَّا قيل له:‏
    إن فيك عيوبـًا: أبرزها دمامة الخَلْق،وإعجابك برأيك، وعَجَلتك بالحُكم
    قال مكابراً : أماا لدمامة فليس أمرُها بيدي. وأ ما اعتدادي برأيي، قال :
    أفليس يعجبكم ما أرى؟ قالوا: خوفاً من بطشهه بل يُعجبنا. ‏ قال: إذاً ،
    فأنا الأحرى بأن أعجب بقولي. و أما العجلة بالحكم ، فكم هذه؟ومدّ
    أصابع يده. قالوا: خمس. ‏فقال:و كأني بكم قد عْجَلـْتم بالجواب
    و لم تَعـُدُّوها إصبعـًا إصبعـًا. قالوا:كيف نعدّ مانعلمه؟! ‏
    ‏فقال لهم:و أنا، كيف تريدونلي أن أماطل بذمتي
    فأؤجل البتفي حُكمَ ما أعلمه بداهةً؟!
                  
|Articles |News |مقالات |بيانات

07-10-2019, 01:45 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    {25}
    {] بمناسبة فگة حظر النت، طبعن دي ما ممكن تعدي مرور كرام.
    يعني في أضرار كدا بسبب الانكطاع ما بتتعوض أبدن و كلو كلو
    خسوسن خسائر الأرواح و المعنويات؛ القيقات الراحن هينات😔

    [} فدا وأحد اخونا مغترب أول ما النت ردت ليه الروح اتصل إيمو
    و هو يتحرق شوغا ل«حبيبة عمره يفش الخبر». الجكسوية بت لزينة
    بتاعة«حبيبي أمسك لي و أنا بكطع ليگ بالحاصل بي و الحاصل بيك»
    صدق لقاها باعتو بتمن بخس،. و يلا شترت « تيك أوي » و شتت
    تأكل رز بالعسل ، وين ! في شهر العسل !!!
    😭😭😭

    فا شنو، فقدوا جكسوااكم آ ناس هوي😢💔😢
                  
|Articles |News |مقالات |بيانات

07-10-2019, 10:47 PM

Amira Hussien
<aAmira Hussien
تاريخ التسجيل: 11-26-2016
مجموع المشاركات: 687

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    هههههههه فى ناس ما بتضيع وقتها
                  
|Articles |News |مقالات |بيانات

07-11-2019, 06:23 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: Amira Hussien)

    مرحبن بك و مسهلن بك أيُّ هذا الكعبُ العالي، بحجم
    وفدٍ كاملٍٍ و رفيع ا لمستوى ؛ و كفانا بك زائراً مواظباً
    بين الفينة و الفينة على تعطيررضابنا الخالية و بيادرنا
    اليباب بغُبار النور تنفضه من زعفران قرع نعليك .

    © هذا، رغم إنو شُلتنا نس ود الماطامير و أبو إيثار و سواح عاشق الترحال و التنين
    نفاخ النار طبعن حاقدين جدن كانو بقولو لي خزعبالتك القاعد تخرمجا هنا دي ولا في
    زولن كدي قاعد يقراها ليك . فقلتُ لهم: تباً لكم أيها الإوغاد أتدعون أنه لا يقرؤني
    أحدٌسواي،إذنن، فمن أين لگم بهذه الارقام المهولة من المشاهدات الفلكلية المسجلة أمام
    ناظريكم هنا ، اللهم إلا إذا كنت متعدداً لذاتي . أم أنها يا تُرى أنهم عفاريت من عيال الجِنِّ
    أو (بنات إبليس)، حيث يأتونَ يوماتي بقطعٍ من الليل، زرافاتٍ و وُحْداناً، لنزول ساحتي
    و زيارة زاويتي . يعني بعد كدا و أنا جاي أتاوق ، ما اسمي الله و أدخل بيميني .

    # فقط واجبٌ علينا التنويه ، إلى أن ما أكتبه هنا ليست مجرد ثرثرةٍ نتخذها ذريعة
    و حيلةٍ ماكرةٍ لطرد خلوف الصائم عن الكلام بطول االسكات الذي يقال جزافاً
    أنه من ذهب ؛ كما سميتَه ا لبعض ، و إنما هي آراءً حُرَّ ومقالات ضاربة في
    صميم الشأن اليومي العام و نريد من وارء رزميتهاقول الكثير المثير من
    المسكوت و المغاضى عنه ، إما من باب الخوف منه أو الخوف عليه.
                  
|Articles |News |مقالات |بيانات

07-11-2019, 07:57 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    Quote: هههههههه فى ناس ما بتضيع وقتها.
    (26)
    (26)
    [} والله إن مرور موگبگم المهيب من هنا لگي ينزل بساحة
    حربنا الباردة على صفحات القرطاس و القلم ،لهو الذي و لا
    أمتع، و لگأن أبواب السماء الدنيا قد فتحت لنا مصاريعها بسبعين ألف مرحب على رأسهم شخصگم الاثير لدينا.

    [}خاصةً و كما يبدو أننا نتشاطر الشعور بأنا قد سئمنا حتى هرمنا من حالة اللاحرب و لا سلم التي نعيشها عشقاً عذريا ً
    لا ينجب أطفالاً، و كحال دون گيشوت في صراعه العبثي مع طواحين هوائية تجعجع و لكن دون تطرح لنا طحيناً يُذگر.

    [} قلته بلسان حال تجاني سعيد:( رحلت و جيت في بعدك لقيت كل الأرض منفى }
    ﻭ ﻟﻤﺎ ﺭﺟعت لقيت حتى اﻟﻄﻴﺮ ﺭﺣﻞ ﺧﻼﻧﻲ ﻭ أمل التمرجية
    بقت (مؤتمرجية) و عرست أكبر ﻣﻘﺎﻭﻝ ﻣﺒﺎني؛ من بياع ترمس و كبكب و دخن الدخدخاني{ أكل الحمار و العانيو}.

    # الساحر ﻭ ﺍلأﻃﻔﺎﻝ مرق و لحق ﺑﻠﻪ ﺍﻟﻐﺎﺋﺐ في الركايب؛
    لامن جاء راجع لينا مع شيخ حامد التايب و ام فتة وقعت في البير و صاحبا واحد خنزير.. و أم سيسيةالفار ﺑﻘت أغلد ﺟﻘﺮن حفَّـــار..إلهام و ﺳﻬﺎﻡ ﻭ عنايات ﺑﻘﻦ بايرگس و ﺣﺒﻮﺑﺎﺕ..ﻭ ﻃﻪ
    ﺍﻟﻘﺮﺷﻲ( موش الدلاهة، طبعن) باقي لينا مريض ..وهاشم في العيد نفوه بعيد..جنودنا ﺍﻟﻤﺠﻬﻮلين بقو منقهرين. حايمين و شايل مدافع دلاقين في سوق صابرين. و ﺯﻳﺪﺍﻥ الگسلاﻥ ركب الموجة..و علق نجمة مطرب رامي العداد؛ ودع حرمان ﻣﻦ ﺣﻴﺚ ﺃﺗﻰ و أبو الدردوق ﻫﺟﺮ الأوطان الكان عايش و ربى فيها زمان!!

    # منقو زمبيري ﺍلكان فرز عيشتو هداك هايم حيران و الكان ضهبان أصبح ترعان و الكوز الگان رجرجة و دهماء بقو ليك وجهاء و زعماء جاهزين لعرس الزهراء .. و عمك تنقو الكان دلدول حايم متل بهلول في إسطنبول ماوش أصبح لينا زولن مسعول .. في الحلة يصول و يجول و وراه طبول و بخور. و هييي لبلب و كم في الخت؟! ما ستة؟!يلا خلاس ، تشد و اركب. و لا تزال للحديث شجون لحدَّتْ ما # تسقط مثنى و ثُلاث.

    ود الحيشــــان التَّــــلاتة / مؤذن مغمور في جزيرة مالطة،،،،}

    (عدل بواسطة دفع الله ود الأصيل on 07-11-2019, 05:03 PM)

                  
|Articles |News |مقالات |بيانات

07-16-2019, 07:13 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (((27)))
    مرت امرأة فاتنة الحسن باتعة الجمال و لكنها بديعة الفطنة و الفراسة ،
    برجل أغبر أشعث و هو فقيرٌ بل معدمٌ ، فنظر...إليها و قلبه ينفطر شغفًا
    بها ثم دنا منها و دار بينهما حوارٌ جاف و خالٍ من أية رومانسية في ما لي:
    هو :"و زيّناها للناظرين"
    هي : ' وحفظناها من كل شيطان رجيم '
    هو : 'بل هي فتنة ولكن أكثرهم لا يعلمون"
    هي : ' واتقوا فتنة لا تصيبن الذين ظلموا منكم خاصة"
    واعلموا أن الله شديد العقاب '
    هي : ' لن تنالوا البرّحتى تنفقوا '
    هو : 'وإن كان ذو عسرة '
    هي : 'حتى يغنيهم الله من فضله '
    هو : و الذين لا يجدون ما ينفقون "
    هي : " أولئك عنها مبعدون"
    هو : وقد اشتاط غيظاً و قال: ' ألا لعنة الله على نساء الأرض أجمعين!! '
    لكنها لاحقته بآخر ضربة قاضية ، قائلة: ف(للذكر مثل حظ الأنثيين(

    (عدل بواسطة دفع الله ود الأصيل on 07-18-2019, 06:24 AM)

                  
|Articles |News |مقالات |بيانات

07-17-2019, 04:51 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    {{{28}}}
    ∆ من المضحكات المبكيات بالجد ، قالولك:
    الوسيط الأفروحبشي بعد ما كان قاعد «يگرع» معانا
    في «الحلو مر» دا لأخر جغمة لامن تعشا فشبع و تجشأ
    في ليلة القبض على« حرية ، سلام و عدالة». يلا هسي
    اقتنع تب إنو طبعن «مضحي» حدانا؛ و قالو: هداك حايم
    بين أسواق ستة و ليببا بي أمبدة كرور ؛ گايس «للبركاوي»
    و باقي الدواشات و التكاوين و المقادير اللازنة لطريقة
    عمل الشربوت . فشايف كيف بالله جنس محن عزابة؟!

    (عدل بواسطة دفع الله ود الأصيل on 07-17-2019, 09:06 PM)

                  
|Articles |News |مقالات |بيانات

07-18-2019, 06:21 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    ……….(29)………
    قال بنان الطّفيلي:‏ ‏ دخلتُ يوماً على بعض بني هاشم فإذا أمامه لَوْزِينجَ من النَّشا و بياض البيض،
    حشوة اللوز المقشّر مع السكر والعسل الأبيض، ومندّىبالماورد،إذا أُدخِلَ الفم سُمِعَ له نَشِيش كَنَشيش
    الحديد إذا أخرجته من النار وغمستَه في الماء. فلم يزل يأكل ولا يطعمني.
    فقلت:‏ ‏ يا سيدي: "إنّ إلهَكُمْ لوَاحِدٌ وإن لالدين لواقع".‏ ‏فأعطاني واحدة.‏ ‏
    فقلت: :إذْ أرسلنا إليهم اثنين".‏ ‏ فأعطان يثانية.‏ ‏
    فقلت: "فَعَزَّزْنَا بثالث".‏ ‏ فأعطاني ثالثة.‏‏
    فقلت: "فَخُذْ أربعةً من الطَّير فَصُرْهُنَّ إليك".‏ ‏ فأعطاني رابعة.‏ ‏
    فقلت: "خمسةٌ سادسُهم كلبُهم".‏ ‏ فأعطاني خامسة.‏ ‏
    فقلت: "خَلَق السموات و الأرض في ستة أيام ثم استوى على العرش".‏ ‏فأعطاني سادسة.‏
    ‏ فقلت: { وَلَقَدْ آتَيْنَاكَ سَبْعاً مِّنَ ٱلْمَثَانِي وَٱلْقُرْآنَ ٱلْعَظِيمَ}.‏ ‏ فأعطاني السابعة.‏ ‏
    فقلت: "ثمانيةَ أزواجٍ من الضَّأن اثنين ومن المعز اثنين".‏ ‏ فأردف لي بالثامنة.‏
    ‏ فقلت: { وكان في المدينة} تسعة رهط يفسدون في الأرض و لا يصلحون}.‏ ‏فأعطاني تاسعة.‏ ‏
    فقلت: "تلك عَشَرةٌ كاملة".‏ ‏ فأعطاني عاشرة.‏
    ‏ فقلت: يا أبَت إني رأيت أحَدَ عشر كوكباً و الشمس و القمر رأيتهم لي ساجدين".‏‏ فأعطاني الحادية عشرة.‏
    ‏ فقلت:" إن عِدَّةَ الشهور عند الله اثنا عَشَر شهراً في كتاب الله".‏ ‏ فأعطاني الثانية عشرة.‏
    ‏ فقلت: "إن يكن منكم عشرون صابرون يغلبوا مائتين".‏ ‏
    فقذف بالطبق إليّ و قال: كُل يا ابنَ البغيضة و اغرب عن وجهي!‏‏
    فقلت: و الله لئن لم تُعْطيِنِه لقُلتُ لك:" و أرسلناه إلى مائة ألف أو يزيدون.
                  
|Articles |News |مقالات |بيانات

07-24-2019, 07:57 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (30)
    {دي بقى واقعية من طرايف أهلنا الغبش}
    [} يروي بطلها: كنت جاي على مدني من الخرتوم محل حميرتي و البلهان
    بنوم و التيارة بقوم. نزلت قريب الحصاحيصا حلتنا فركة قدم في جو خريفي
    حالم : المطر نازل بعنف مع المغرب و في عز الضباب الرؤية شبه معدومة.

    [} إذا بعربة ملاگي تدنو مني، فظنيت صاحبا أبو مروة داير يرفع كراعي
    معاه يجنبني بهدلة المتاعب و ينوبو فيني ثواب . ففتحت الباب و ركبت
    و سرعان ما بادرته بإلقاء تحية الإسلام السلام ؛ و أردفتها بتوجيه صوت
    شگري و عرفاني و امتناني لموقفه الإنساني النبيل و حسن صنيعه بي.

                  
|Articles |News |مقالات |بيانات

07-24-2019, 08:33 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (31)
    [} كانت المفاجأة الصادمة حد الدخول في فلم رعب خطير ؛ أنه لم يكن
    هناك سائق أصلن لگي أجزل له تشگراتي أو لأجاذبه طرفي الحنك . و من
    هنا حنكيني زاتن بدن يطاقشن و أرتجف خوفاً لامن شعرت جلدي كلبت.و
    ما زاد طيني بللاً فوق صبيب المطر، هو أنني شعرت و شفت بأم عيني يداً
    خفية تمتد من خارج النافذة لتمسك بعجلة القيادة و تتحكم بتوجيه خط
    سير الغربة تارة ذات اليمين و ذات اليسار تارة أخرى ، و ببطء شديد ؛ مما
    حدا بي لأهم بالاندفاع خارجاً كي أنفد بجلدي بكل ما أوتيت من قوة و من
    رباط الخيل؛ لو حالة الذعر عطلت حواسي الخمس و أصابني و جوز و تبلد.
                  
|Articles |News |مقالات |بيانات

07-24-2019, 09:01 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (32)
    [} و رغم إنني كنت عامل فيها أشفت زول ولا بؤمن بالطيرة،
    و لا بأنو نوع «الشينين سراي الليل» من عفاريت الجن و بنات
    إبليس يكون ليهم سلطان على بني الإنسان و إنو ممكن يوم
    يلاقوك براك في فرقة و يجهجهو باكاتك و يلحسوك المرقة !!

    [} لكن اليوم داك عرفت حاجة. و قعدت غايتو أتمتم بشيء
    مما تيسر لي من آيات الذكر الحيكم.المهم لغاية ما قدرت شنو
    استجمع قواي البدنية و العقلية المعتبرة شرعاً و قانونا لأقذف
    بجتتي المتهاكة في حالة إغماء تام. ما فلو منها إلا أيدي شبان
    وجدهم و قد حملوني إلى استراحة كافتيربا خلوية هناك.
                  
|Articles |News |مقالات |بيانات

07-24-2019, 09:41 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (33)
    [} فوقوني من شبة غيبوبتي لأجدهم متحلقين حولي في لهفة
    و تشوق عجيب لگي أقص عليهم فصولو شمار مأساتي المذهلة.
    في الأثناء ، و بينما نحن منهمكون و مستمخون مع محبكة السرد
    ومتعة الإصغاء، إذا برجلين غريبين أشعثين أغبرين يدخلان علينا
    في الكافتيربا ، و قد بدا عليها أثر الإنهاك و وعثاء السفر . يل، أول ما
    وقعت عين أحدهما في عيني، إذا به يشير لصاخبه ناحيتي و يقول
    ليه:" شوف ياهو داك الزول الأناني المعفن القبيل جاناىإتچگن ركب
    لينا جوة العربية و نحنا لازنها؛ دا بدل ما كان يمد بدو يساعدنا"
                  
|Articles |News |مقالات |بيانات

07-25-2019, 05:20 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (34)
    [} خفصة راجلا جنجويدابي دقش أضانا شمار ﺑﻘﺮﺍﺭ من ﺍلدب الداشر ولي عهد خايب الحرمين الشريفين بتعويضﺍﻟﻤصابين
    من مرتزقة حميرتي بحرب اليمن 500 الف ﺭﻳﺎﻝللراس الواحد.

    [} يلا طوالي ﺍﺗﺼﻠﺖ عليه ﻗﺎلتلو: ﻗﻠﺖ ﻟﻲ عليك الله يا إساغة و لا درابة طايشة ﺳﺎﻱ ﻣﺎﺟﺎتك ﻓﻲ هامة راسك الغليد و مقودس عامل متل سرج العجلة دا، يعوضوك لينا متل الناس؟

    [} ﻗﺎﻝ ﻟﻴﻬﺎ : ﺍﻟﻨﺎﺱ ﺍﻟﻌﻮﺿﻮﻫﻢ ﻣﺸﻮ ﻋﺮﺳﻮبن نساوين ﺳﻮرﻳﺎﺕ لحم أبيض متوسد ، يتلاصفن مع القمرة، و شعورن لي قعورن
    ما متلك إنتي يا حفصة، أكان إدردقتي عديل عاملة شعيراتك المظعمطات متل ليفة الجبنة ديل ما يوصلن الواطة .

    [} زولتك فصلت و ﻗﺎلتلو : هي و نان يا إساغة ما بركة
    ﺍﻟﻤﺎ ﺟﺎﺗﻚ ﺣﺎﺟة، إن شاء الله ﺗﺒﺮا و تستبرا ﻳﺎ ﻭلض أﻣﻲ.

    (عدل بواسطة دفع الله ود الأصيل on 07-25-2019, 06:03 PM)

                  
|Articles |News |مقالات |بيانات

07-26-2019, 12:16 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (35)
    السائل:- دخلت لي في صندوق وشلت أول صرفه وكبيت الزوغه!. هل ممكن ربنا يغفر لي؟
    الحكيم :- باب التوبه مفتوح... بس عشان ربنا يغفر ليك رجّع ليهم قريشاتهم أو أخد العفو منهم.
    السائل:- المشكله القروش عرست بيها ومشيت بيها شهر عسل في ماليزيا!.
    الحكيم :- بالغت ياخ!....ليه عملت كده؟!
    السائل :- حدث ماحدث.
    الحكيم :- بالله شعورك كان شنو وانت في ماليزيا وخامي قروش الناس.
    السائل:- زي إحساس حميدتي حسع!. حسع الحل شنو؟ أطلق المره وللا أعمل شنو؟
    الحكيم :- الحل في كلمه واحده.
    السائل :- شنو؟ألحقني بيها
    الحكيم :- توباااااااااااااااااااااااااااااااااااااااااااااو
    ∆ و أهم شيء: مدنياااااااااااااااااااااااااااااااااااااااو.
                  
|Articles |News |مقالات |بيانات

07-28-2019, 11:35 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (36)
    واحد مستنكح حب يستفيد من جوا لفوى الخلاقة الحاصل
    قا كابي الزوغة مع الجكسوية بتاعتو و تاهو في دهاليز
    وأوكار كولومبيا . و لامن قضى أوطاره وجا راجع الولية
    عملت لو لجنة تحقيق وقفت لو شوكة حوت في لهاتو :
    * و ين كنتا هامل كم يوم ؟!!
    و الله أهلي فقدوني من يوم فض اللعتصام خافو علي أكون
    في عداد الموتى أو المفوقدينن فمشيت أطلهم و أوريهم وشي.
    فلقيتم مفرشين على أمي ماتت بسبب حسرتا على شبابي!!
    * طيب ما تسأل عني أنا الحصل أنعلي بجاي شنو بوراك؟!
    ياخ موش الجنجويد جو ساقوني و هددوني يا أغني و أرقص ليهم ؛
    يا يموينوني و ييودني لبيوت الأشباح يسوو فوقي السبعة و زمتا ؟!!
    - أها ، و إن شاء بس زينوك ورقصتي ليهم حتيتي كمبلة زي الناس
    لأنو الخيار التاني معروف البسوو فيك أخير منو تموتي عدييل كدا
    - طبعن ما بقدر أغني وأرقص و أمك ميتة لسة عينا ما انقدت.
    هههههههههه
    ود أم زقدة على قولت سمعة تحين ما قفلتو نوبة.
                  
|Articles |News |مقالات |بيانات

08-03-2019, 03:20 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (((37)))
    تقول إحدى أخوات نسيبة، رضي الله عنها :
    ∆ إذا أغضب البعل بعلته، بالزات في هذه العشر الأول من ذي الحجة، فلن تنفعه صلاته و لا صيامه و لا قيامه و لا أي عمل صالح يقوم به!!!!! متفق عليه ، و انتهى البيان.
    ∆ سألوها: مين اللي اتفق عليه ؟؟ 🤔
    قالت: طبعن أنا و جاراتي في لمة عواسة الآبري، و شريكاتي في ختة الصندوق و كل صويحباتي و الستات المعنا في قروب تويتر و كدا ؛ يلا، كولنا اتفقنا على كدا !!! 😊

    (عدل بواسطة دفع الله ود الأصيل on 08-03-2019, 03:25 AM)
    (عدل بواسطة دفع الله ود الأصيل on 08-03-2019, 04:22 AM)
    (عدل بواسطة دفع الله ود الأصيل on 08-03-2019, 04:24 AM)

                  
|Articles |News |مقالات |بيانات

08-05-2019, 05:52 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (38)
    نكتة قديمة (بشة واردوغان واللمبي)
    ههههههههههههه
    ∆قالك بشة على أيام قبال الخلعة ،مشى تركيا التقي اردوغان سألو: قدرت تنهض
    بي تركيا لمصاف الدول العظمى عملتها كيف دي؟! رد عليهو وقال: بختار مساعدين ذكياء
    - بشة: بتعرفوهن كيف اذكياء.... اردوغان قال ليهو بي كل بساطه بسألهم أسئلة بسيطة... البشير قاليهو: زي شنو يعني؟

    ∆ ابتسم اردوغان و قال: دقيقة: بوريك... . نادى الوزير داؤود أوغلو وقاليهو:
    ياداؤود ناس امك و ابوك رقدو ما بعضم وجابو ولد هو لا اخوك و ولا اختك
    ممكن يطلع منو دا؟ داؤود جاوب بكل بداهة: ما دا انا طبعن.
    ∆ البشير رجع متكيف وقال أسأل الجماعة.... لاقاهو عبد الرحيم في المطار أثناء
    ما هم راجعين سأله قاليهو: ياعبد الرحيم امك و ابوك يوم رقدو رز سوا في الليلة
    ديك و جابو فنطوط لاهو اخوك و لا اختك أها يطلع منو دا كمان يلا كلها يا شاطر؟

    ∆ عبد الرحيم راسو سخن قاليهو: اديني فرصه افكر شوية و اجيك.زولك سأل طوب الواطة مافي زول عرف الجواب، بعد يومين صادف صلاح قوش ناداهو :ي قوش امك و ابوك جابو شافع لاهو اخوك و لاختك يطلع منو؟ قاليهو يا زول بي صحك دا ما انا زاتي!!

    ∆ عمك رجع متكيف للبشير قاليهو: نقشتها يا بشة. قاليهو: اه يابو العريف منو؟قاليهو:
    ما طلع صلاح قوش.. قام البشير قاليهو: انا عارفك غبي من يومك واحد لمبي عوير
    و ما بتفهم الاجابة الصحيحة داوووووووود اوغلوووووووو
                  
|Articles |News |مقالات |بيانات

08-05-2019, 06:29 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    {39}
    *(بعيداً عن السياسه)*
    ***
    ∆ عروس بايريكس بتحكي: غايتوو أنا الحصل
    لي مااا اظن بكون حصل لواحدة فيكم 😂 😂
    و انا في الكوفير متوترة ومنتظرة متين يضربو يباركو
    لي عقد قراني اتصلت علي اختي وقالت لي رقمك الوطني
    مالقيناهو😱😱😱وانا في اللحظه ديك دخلت فيني هجمة
    الساعة النفضت ليك البت البتمكيج فيني متل هناك. و قمت
    واقفة علي حيلي..قلت لأختي انتي حيوانة وولاشنو كيف يعني
    مالقيتو الرقم الوطني انا خاتاهو في دولاب ابوي 😤😤 اختي
    قالت:لينا ساعة بنفتش فيهو الماذون زهج قال عندو عقد تاني
    إنتي اصلك عندك كادوك. و مافي ليك عرس تاني كان شنو😭

    ∆ طوالي قفلت من اختي واتصلت علي اخوي و قبل ما يهيج فيني قلت ليهو اسمعني ثبت الماذونده ان شاء الله تهددو بسكين انا جاية عليكم في الشارع 😤😤 وطوالي درعت عبايتي و مرقت شايلة باب الكوفير بي كتفيواقرب بتاع
    ركشة وقفتو و ركبت معاهو بي قدام لصق ولاجايبة خبر.

    ∆ الساعه ديك طبعاً شعري ده كان واقف زي بوخ الحلة.
    بتاع الركشه لمن خاف وصاحبتي معاي قايلاني جنيت تشيل وتبكي وانا من الزعل ماشايفاها ولا سامعاها😤😤 يعني بعد بورتي اتفكت يجو يقولو لي رقمك الوطني ماف يأجلو عرسي؟ و الله اختطف العريس من أهلو..دي لعبة قذرة شغل دغمسة
    من ناس بيتنا اكيد لكن خلوني اصل البيت بوضبكم💪💪
    هو انا لقيت العريس بي الساهل عشان يقولو لي عرس ماف
    دي يقع فيها موت عديل و يسيل الدم ركب و نتقدالرهيفة🔪😤😤

    [} يلا في دقايق لقيت نفسي في ناصية شارع بيتنا وجيت
    ناطة من الركشه بس كان اخوي جا جاري علي.. استعدلني
    بي كفين و كتفني دخلني الركشة و شغال لي يا مجنونه
    لقينا الرقم وعقدنا ليك

    ∆ يلا، الساعه ديك تعالو شوفو الزغاريد الفكيتا😭😭
    *الزمن ده الا تقيف في حقك بضراعك براااك* 💪💪
    عضو إيش. عروق بااااامبي😂😂😂

    ¶ مسمار ، من خلف الأسوار:
    ∆ عفيت منك ياخ ديل مستعدين
    يسرقو ثورة سلميةبحالا. ما «يشلبو»
    عريس الغفلة الهوين دا !!!!!؟

    (عدل بواسطة دفع الله ود الأصيل on 08-05-2019, 06:44 PM)
    (عدل بواسطة دفع الله ود الأصيل on 08-05-2019, 06:44 PM)

                  
|Articles |News |مقالات |بيانات

08-06-2019, 04:47 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (40)
    بالعودة إلى طرائف العرب و سرعة
    البديهة عندهم من براعة الإمام علي بن ابي
    طالب ورد أن أمير المؤمنين - عمر بن الخطاب
    - رضى الله عنه- لقى حذيفة بن اليمان فقال له عمر:
    كيف أصبحت يا حذيفة ؟ فقال حذيفة : أصبحت أحب الفتنة
    و أكره الحق و أصلى بغير وضوء، ولى فى الأرض ما ليس لله فى
    السماء .. فغضب عمر غضبا شديداً ، وساعتها دخل عليه الإمام علىّ
    بن أبى طالب وما زالت آثار الغضب على وجه عمر ، فسأله علىّ : يا أمير
    المؤمنين: على وجهك أثر للغضب ، فقال عمر: إنه حذيفة بن اليمان ، قلت
    له كيف أصبحت ؟ فقال:أصبحت أحب الفتنة و أكره الحق و أصلى بغير وضوء،
    ولى فى الأرض ما ليس لله فى السماء .. فقال علىّ : لقد صدق يا أمير المؤمنين
    .. يحب الفتنة : أى المال و البنين لأن الله يقول ( إنما أموالكم و أولادكم فتنة)،
    و يكره الحق : يعنى الموت.. و يصلى بغير وضوء : يعنى يصلى على النبى
    صلى الله عليه و سلم بغير وضوء أى فى كل وقت .. و له فى الأرض ما
    ليس لله فى السماء : يعنى له زوجة و ولد و لله لم يتخذ صاحبةً
    و لا ولداً .. فقال عمر: والله يا أبا الحسن لقد أزلت ما
    فى قلبى على حذيفة من غضب!!
                  
|Articles |News |مقالات |بيانات

08-16-2019, 08:02 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (41)
    // درامة رمال متحركة//
    { بس، متل حجوة أم ضبيبينة}

    ∆ مدير شركه قال لسكرتيرته : عندنا أنا وانتى رحلة عمل أسبوع رتبي امورك !

    ∆ السكرتيرة اتصلِت على زوجها قالت له عنديّ وحلة مع مديري أسبوع انت دبر امورك !

    ∆ الزوج إتصل على زوجته الثانيه اللي متزوجها في السر : قال لها زوجتيّ حتسافر اسبوع خلينا نقضي الأسبوُع مع بعض !

    ∆ زوجته الثانية تعمل مربيه لولد صغير إتصلت قالتِ له أنا عندي شغل أسبوع كامل ما بقدر اجيك ..

    ∆ الولد إتصل على جدّه قال له : جدي المربية عندها شغل أسبوع كامل ..

    ∆ وما بتقدر تجى خلينا كل يوم نروح مكان ونغيّر جو .

    ∆ الجد طلع نفسه هو مدير الشركة اتصل على السكرتيره قال لها : الغي الإجتماع لأنى مشغول مع حفيدي !!

    ∆ السكرتيرة اتصلت على زوجها قالت له : اتلغِت الرحله وأنا راجعة البيت !

    ∆ الزوج اتصل على زوجته الثانية قال لها زوجتىّ ما حتسافر وما حقدر اشوفِك ..

    ∆ الزوجة الثانية اتصلت على الولد الصغير قالت له لا خلاص ما عندي شغل وأنا حأجيك بكرة.

    ∆ الولد : اتصل على جده وقال له خلاص ياجدي المربيه حتجي خد راحتك ..

    ∆ الجد رجع اتصل على سكرتيرته وقال لها : حضري نفسك لازم نسافر للاجتماع ..
    كملوا باقي القصة أنا تعبت

    *هكذا تجري 🏃🏃🏃🏃🏃🏃 مفاوضات الحوار الوطني بالسودان.
    *****((((+)))))*****

    ∆ ياخ واحد كرستلاوي عبر عن حواراتتا وطني على مجتمعبي بطريقة بلدية موووولالغة. قال: باقية علينا حكاية: مرة راكبين لفاتحة بهوستن داوودي موديل من حفرو البحر{سنة أم دقنوس}.
    ∆ قام وحلنا في ترس حقنة و وقف حمار الشيخ في العقبة. اللوري كطع سير مروحة؛ فما لقينا حل علا واحد مننا أتبرع بي تكة سروالو. درجتنا شوية و انكطعت؛ ملصنا تكة واحد تاني و هلم جرا؛
    # لحدما كملنا تككنا تشت عليهن. حتين وصلنا بكان الفراش. هناك محتاربن ظاطو، شن نسوي:
    نرفع الفاتحة و لا نمسك لباساتنا.؟!
                  
|Articles |News |مقالات |بيانات

08-20-2019, 11:25 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (42)
    Quote: كتب المرحوم mahagoub ابدعته فواصل بدون فواصل

    يا مرحباً و يا مسهلاً بعودتنا لهمس النوارس
    يحدو سربها العم المبجل الراحل /المحجوب ود عمر
    والنوارس لمَّا ترجل ما بترحل باختياراو الله لو كان هذا
    المتبر محزونا لانفضاض سامنا بعد رجعون نفسك المطمئة
    إلى ربك رضية مرضية ، أوقل لو كنا محزونين بقيراط
    و احد، فواللله لقد كان معيار وجدي لفراقك تحديداً 24 قيراطاً.
    فلكم تمنيت يوم افترقنا، وكم من أمل مر الخداع، وقفةً أقرأ فيها
    لك أشعارالوداع .. ساعة أغفل فيها لك أجيال امتناع. يا مناجاتي
    وسري و خيالي وابتداعيتبعث السلوى وتنسي الموت مهتوك
    القنــــاع .. دمعة الحـزن التي تسكبهـــا فــوق ذراعــي..
    قف تأمل ، إذاً لتقرأ ما كتبته في حقك يوم رحيلك ياحبيبي
    شفت كل الكون مسافر لا زهر في روضة غنا و لا
    زهر عطر بيادر لا تلاقي يروي شوقي
    لا حديث يجبر بخاطر.......

    (عدل بواسطة دفع الله ود الأصيل on 08-20-2019, 11:32 AM)

                  
|Articles |News |مقالات |بيانات

08-24-2019, 02:33 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (43)
    [} حكى لي واحد مغترب في قطر من جبل أولياء.
    قال : أمي جايبالا صلصة من جماعة (منتهي الصلاحية).
    فتحت لها علبة للملاح لقت الدود فاير جواها . قمت أنا
    خاتف العلب و فللي على سوق الجبل؛ هنا محل حمدوك
    بنوم ، و التيارة بقوم ؛ موش في ناس أبو گرشولة.

    [} لميت في الشافع لقيتو شغال «سريح» تبع هامور
    كبير. رحت مقبقبو ليك ؛ دفرني متل هنوك و قال لي:
    ياخقوم لف،إتا بي صحك؛قايل إيدي دي بقدر يلوبها الزيك
    دي ربيانة بالمنتهي و الأجر على الله. شعارنا هنا بس أسغر
    منك دوسو دوس» دحين أبعد دمك و خلنا نلقط رزقنا.

    [} و بينما تجمهر الفراجة حولنا اللعمى شايل المكسر للشمار،
    إذا برجل منفعل يتفلت ناحيتي هو خالي أخوي أمي لينبري
    لي من بين كل الخشد و يحشر فيني كف لامن نزلت مني دمعة
    و اليوم دا كان جمعة، و اللمة مجتمعة. قاللي: يا ولد عمى يقلع
    عينك ؛ يعني عشان جاي من «قطر قروش مطرةد» داير تسو لنا
    فضيحة في السوق ما الناس دي معانا من خلقنا و بناكل في
    المنتهي دا و فرد يوم ما فينا زولن كدي سمعنابو أبى العيش.

                  
|Articles |News |مقالات |بيانات

08-24-2019, 08:05 PM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 5388

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    يا ود الاصيل
    رفقة بنا
    فأنت مترع بالروايات
    ادينا بالدرب
    عشان نقدر نتابع
    ارجوك ؟
                  
|Articles |News |مقالات |بيانات

08-25-2019, 06:18 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: Ali Alkanzi)

    (44)

    Quote:
    Quote:
    آخر ما كتب رفيق الخيل واليل و البيداء و القرطاس
    القلم فقيدنا المرحوم/ العم Mahagoub Omer
    السلام عليكم ورحمة الله
    كنت احلم بأن احلق بالقروب فى آفاق اوسع و اشمل و أن نجتمع جميعاً
    تحت ظل وريف و لكن شاءت الله ان ينكسر جناحى ويمنعنى من التحليق
    بكم فأعتزر عن فقدانى القدرة فى التحليق واتنحى لمن له اجنجة قوية وإذا إلتأم
    الجناح وزال الظلام ستجدونىبينكم احلق من جديد وحتى ذلكالحين استودعكم من
    لا تضيع ودائعه واتمنى للجميع التوفيق ودمتم

    متى آن لهذا الفارس أن يترجل؟!
    لله در هؤلاء الأماجد الذين سبقوني إليك حفاةً ،
    فوالله لولا خشية أن نكسر عنقك بباقات من أزاهير المدح
    و الثناء الجميل. لما شبعنا من النظر إليك مقام سمو الغطافي
    ك السامسبعين رضاً كليلة عن كلِّ عيبٍ ؛ حتى ترضى عنا و تقول فينا
    ما تظن، و ربما لسانحالنا يقول شيئاً أخر: و لكن عزائنا فيك هو أنك واحد من
    "ديل أهلي"و هذا الخير و الفالْ.. و إنّي محب ، و بعـضُ الحـبِّ قتالْ، منسوج
    كيانيمن روح و صلصالْ. و قلبي يصيح بصوت من قالْ : إلهي لا تعذبني فإني
    مقر بالذي قد مكان مني. و كان عشمنا أن تظل معنا همسة في قلوب العاشقين،
    و قيد أنملة على أوتار الحنين.؛ وبقايا ذكرى شاخصة لا تموت و لو بمر السنين،
    سنون العمر تمضي بنا خفافاً، فلا تدع لنا سوى حفنات من تجارب ، و تطوقنا
    بشريط رفيع من ذكريات ، أو فيض بازخ من أمنيات. عزيزي / المحجوب ، أيا
    نجماً بازغاً في سمائناً، و يا زورق ألحان ظللنا نبحر على متنك، و تغدق على الكل
    بعبارات مترعة بالوداد. يا ما تطاولنا عبثاً أمام سمهري قوامك؛ و يا ما تنقلنا معك
    عبر أروقة النفس نطوف في معيتك بيادر العزة عبرربوع البلاد من أجل أن نطرح
    البسمة على شفاه الحزانى و ننعش النبض في أوصال الكادحين. حيث ثرثرنا كثيراً
    عن كل شيءمباح. يأخذ بعضنا بأيدي بعض و نتقاسم عناء الرحلة كما زاد الطريق،
    ماضين على بركة الله ، فقلبنا معك ، وسدد الله على سراط الجنان خطاك ، لقد
    أخلصت العمل لله و لم تبخل علينا بكلمات كنت تلقيها بين السطور، لتحيي بها
    ضميراً ، و توقظ غفلة ، و تزرع بارقة أمل ،و تمسح دمعة ألم. فكيف يهون
    عليك أنتترجل بكل هذه البساطةً؟ لذا ، اسمح لي بالقول: إن، طلبكم كان
    مرفوضاً ، و قراركم مردوداً لولا أن المنايا أبد إلى تكون أسرع منا
    إليك لخطفك من بين أيدينا ! فإلى جان الخلد في عليين؛ آمين.
    صدر تحت توقيعيبقصر محمول على بساط ريح،
    و انتهى البيان!!!! !!

    (عدل بواسطة دفع الله ود الأصيل on 08-25-2019, 06:21 AM)

                  
|Articles |News |مقالات |بيانات

09-03-2019, 02:43 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)

    (45)
    π من أدبرات الثورة £
    ∆ أخونا البلولة الكوز قال لمرتو تام زينو:
    فى شفع كتار فى الثورة حقتكم دى بيكوركوا :
    (مدنيااااو) ساي و هم ما عارفين زاتو شن معناها .
    قالت ليو : ما أنت و جماعتك تراكم قادننا ليكم30
    سنة تكوركو: (هي لله) و ما ناقشين فيها الدقعة. و
    «الأَعْرَابُ أَشَدُّ كُفْرًا وَ نِفَاقًا وَ أَجْدَرُ أَلا يَعْلَمُوا حُدُودَ
    مَا أَنْزَلَ اللَّهُ عَلَى رَسُولِهِ لِهِ وَ اللَّهُ عَلِيمٌ حَكِيمٌ »
                  
|Articles |News |مقالات |بيانات

09-03-2019, 06:40 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: (من أطْرَفِ طَرَائف العرب) (Re: دفع الله ود الأصيل)


    (46)
    Quote:
    ةآخر ما كتب المرحوم Mahgoub Omer
    اثرنى تعبيرك يا أصيل فأرجو أن اكون كما تظن
    ومتعكم جميعا بالصحة والعافيهحتى تكوتوا نبراس
    ينير طريق الآخرين فأنتم الزاد وزوادة السفر

    (46)
    كان ذاك قيضاً
    من فيض ما أنت حريٌ به يا غالي
    وإذا كان تبسمٌ في وجه ذميم أدل على
    مروءةالمرء فما بالك بإعجابنا برائع و
    جميل مثلك..فقط نرجو لما قلناه
    أن يكون خارجاً من قلبنا
    ليصادف له في قلبكم
    مستقراً خالياً

    كن كصندلة ٍ ، تعطر فأس قاطعها
    كن وردةً ، عطرها حتى لسارقها
    لا دمنةً ، خبثها حتى لساقيها
                  
|Articles |News |مقالات |بيانات

09-07-2019, 03:30 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: ( يا دوبك حلت للدعس) في (Re: دفع الله ود الأصيل)

    {47}
    [} حرامي تم القبض عليه متلبساً بيده داخل جراب الدقيق .
    قاضي التحقيق سألو: الحاجات دي جبتها من وين يا زول؟!
    قال ليو: هدية من واحد بقولولو الدب الداشر، محمد بن سلمان.
    و يلا بي( قفتا) سلمتها لناس بيتنا ، و لا موش كدا يا وداد ؟!
    الله لا كسبك يا بشه حللت للنشالين مبد «أيا دوب حلت للدعس»
    😆😂
    طيب هاكم دي: نشال مستنكح قبضوه خاتف ليو شنطة يد من مرة.
    جابوه للقاضي. قاليو: بالله دي عملة يعلا راجل؟! يا مولانا لاكين دا ما أنا؛
    دي يدي المعفنة دي براها انمدت و ختفت الشنطة منها. - و كمان بتخفف
    في دمك ؛ طيب اسمع نحن حكمنا علي يدك المجرمة دي تاني من الليلة ما
    تبراك!! يعني ح تقطعوها من خلاف كدا؟! أيوة حنريحك منها. يلا، زولك
    أصلو ما صدق قالو: و أنا زاتي حأربحكم من المهمة؛ فطوالي مداها ملصا
    ختاها ليو قدامو في الطربيظة.و قام مارق يهتف: « يحيا العدل»
    فإذا هي تبخة بلاستيگة تلبيسة بيضياء من غير سوء!!
                  
|Articles |News |مقالات |بيانات

09-13-2019, 03:55 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


π راحت عليگ £ (Re: دفع الله ود الأصيل)

    {48}
    ‏متى تتأكد إنك خلاس، عجزت!!؟
    1) إذا انقلب لون شعرك ملح و فلفل؟ لا, ما صاح ؛
    2) إذا كثرت مساسقتك على الدكاترة!؟ برضو غلت؛
    3) گرمشت وصلّعت رأسك بقى بيت نمل؟ لا ، خطأ
    4) لامن تقوم تسلم على الشباب ، و رگبينك يطقطقن
    فيسرعو إليك في مكانك جالسا؟! برضو شوف غيرا؛
    5) طيب ياخ ، لامن تدخل لبيت الخلاء فتصدر عنك
    مفرقعات ألعاب نارية تسابقگ للتفجير بمواقعها؟
    برضوگضبن گاضب و الجواب الصحيح هو :عندما
    تبدأ زوجتك تستكين تثق في دهوك و مرقاتكك😂 ‎
    6) و دا آخر عنان الساعة ، لامن تقوم من عنقريب تلقى
    نص سروالك و عراقيك مصرورات جوة مؤخرتك بورا.
    فياخونا بكدا، بالجد حقو تعترف إنها فعلن راحت عليك؛
    هبشة: و برضو تقوللي: كايس تدبل؛ عالم ما بتقتنع!!
                  
|Articles |News |مقالات |بيانات

09-14-2019, 08:30 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: π راحت عليگ £ (Re: دفع الله ود الأصيل)


    (49)
    { دا واحد جبان رعديد بيحگي}
    مره قلت أصارح المُدام زوجتي واقول ليها:
    أنا عاوز اعرس ما قدرت اقول واخيرن كتبت
    الكلام ده في ورقة و أديتا ليها و أمريلله. كتبت
    في الورقة: ناوي اضوق طعم {العرس} مرة أخرى
    و بنكة مختلفة " سلمتها الورقة بيد راجفة. زولتك قرت
    ليك الورقة و مدتا لي قالت لي امسك و رقتك دي عليك
    و بس دقائق و بجيك . دخلت المطبخ و يلا الفار نقز في عبي .

    # جات مارقة و وفي يدها ساااااطور خروف الضحية.
    لسة بي دمُو ينقط طبعن ما تفتكروني خفت أفففو و أخوكم
    عاد قايلنو بخاف و لا بعر الخوف أناأخو الرايية ، لاكين
    بيني وبينكم ، أكان كشكش كديس تلقاني قايم صوووف .
    فغايتو ، لامن قالت لي بصوت عالي كدي اقرا لي ورقتك
    دي تاني .قريت ليها الجمله انا بعد إذنك يعني
    عاوز اضوق طعم (العدس) مره اخري.
    /center]

    (عدل بواسطة دفع الله ود الأصيل on 09-16-2019, 10:27 AM)

                  
|Articles |News |مقالات |بيانات

09-16-2019, 10:38 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


π عوداً على ما بدأنا به عن أطرف طرائف العرب £ (Re: دفع الله ود الأصيل)


    (50)
    Quote:
    كتب ابوالنور افوتك مكسر انا معقولة ي عابر ياخ عمومن ،
    يا ريت نرجع تاني تواصل يا أصيل لينا في في طرائف العرب

    تبرا ياخ من الكسير وتعيش كنفاً أمناً و جواداً جامحاً لفارسكم الجديد
    سائل ربي ينمو و يشب في عزكم ليرفع راية عازة في ركاب مجدكم
    يلا خلاس أبقى لا جوة نرجع تاني نديك شوية من نوادر أهلك العرب

    @ إذ يُحكى عن أحمد بن المعدل (عن أحد فقهاء اللصوص) قال :
    كنت عند ابن الماجشون ، فجاءه بعض جلسائه ،
    فقال : يا أبا مروان أعجوبة ، خرجت إلى حائطي بالغابة ، فعرض لي قاطع طريق،
    فقال : اخلع ثيابك .
    قلت : لم ؟
    قال : لأني أخوك ، وأنا عريان .
    قلت : فالمواساة .
    قال : قد لبستها برهة .
    قلت : فتعريني .
    قال : قد روينا عن مالك أنه قال : لا بأس للرجل أن يغتسل عرياناً .
    قلت : تُرى عورتي .
    قال : لو كان أحد يلقاك هنا ما تعرضت لك .
    قلت : دعني أدخل حائطي ، و أبعث بها إليك .
    قال : كلا ، تريدت حيلة لتوجه عبيدك فيمسكو بي .
    قلت : أحلف لك .
    قال : لا تلزم يمينك للص .
    فحلفت له لأبعثن بها إليك طيبة بها نفسي .
    فأطرق ثم قال : تصفحت أمر اللصوص منذ عهد النبي
    صلى الله عليه وسلم إلى وقتنافلم أجد لصاً أخد بنسيئة [ أي :
    مؤجلاً] فأكره أن أبتدع . قال: فخلعت ثيابي له و عدت إلى أهلي
    عُرياناً مولاي كما خلقتني و كما ولدتني أمي حراً طليقاً!!
                  
|Articles |News |مقالات |بيانات

09-16-2019, 02:19 PM

Hani Arabi Mohamed
<aHani Arabi Mohamed
تاريخ التسجيل: 06-25-2005
مجموع المشاركات: 2512

للتواصل معنا

FaceBook
تويتر Twitter
YouTube


Re: π عوداً على ما بدأنا به عن أطرف طرائف العر (Re: دفع الله ود الأصيل)

    Thanks

    You made my day
                  
|Articles |News |مقالات |بيانات

09-16-2019, 04:15 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: π عوداً على ما بدأنا به عن أطرف طرائف العر (Re: Hani Arabi Mohamed)


    ∆ ممنون لك ويهنيك أخوي هاني، و
    يسعد أيامك كما أسعدني ببهاء إطلالتك
    و أنيق مرور موكبك المهيب من هنا .
    ∆ طبعن ما نقشتها(You made my day)
    لكن حاولت أجازف تأويلا على محمل (Die) باعتار
    قولت كتلتني من الضحك؛ ألف بعد الشر عليك. عليك.

    (عدل بواسطة دفع الله ود الأصيل on 09-16-2019, 04:24 PM)

                  
|Articles |News |مقالات |بيانات

09-19-2019, 03:39 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: π عوداً على ما بدأنا به عن أطرف طرائف العر (Re: دفع الله ود الأصيل)



    (51)
    ∆ واحده ساكنة (الثورة) حارة 13، تحديدن بين حميدان و الرومي ،
    على شارع الشنقيطي. بعدينك عندها عقدة عويصة من دولابا في غرفة
    العمليات ، أبدن ما ضايقة فيها طعم الهنا ؛ ليه ، لأنو بس كلما يجي البص
    ماري بالشارع، الدولاب دا يقعد يتراقص زي جبل الرجاف داگ المابنشاف؛
    ضٍلًفٌو يتفتحن براهن.الزولة دي شايلة ليلا و نهارا حيح \ن تقفل و هن يفتحن.

    [} لامن يوم جابت لها نجار ، ورتو الحاصل، و إنها خايفة الشيء دا يكونمسكون،
    مسلن فيه عفريت من الجن و معاه بت إبليس عاملين حفلة (تنكرية)جواه. النجار قال
    ليها يا زولة استهدي و قولي بسم الله. گدي انا بنحشر ليك في الدولاب دا و بنتظر جوة،
    عشان أنقش ليك محل الاى و أنت راقبي لي جية البص. يلا، قبال مازولگ يتوهط سَمِح،
    و في هذه الأثناء المهببة ، يقوم راجل المرة فجأة يجي راجع؛أتاريه ناسي موبايلو في
    الدولاب؛ طوالي مشى عليه راسو عديل؛ فأول ما فتح يلقي ليك المسكين دا مصنقر
    مبرعم وعويناتو منططات بُيُّضْ متل بصل الگلاب في الروبو يدينو زي بقولو:
    « محشورات في جراب الدقيق »؛ جنس بياخة موغف،لا يحسد عليه.

    ∆ يلا، ما لقى قدامو غير ينفقع من الضحك لحدما سال لعابه, ثم أجهشه البكاء .
    الراجل قال ليه: يا زول أظهر و بان و عليك الأمان أمان الله ماني هابشك علا بعد
    توريني المبهدلك گدي و مضحكك لامن مبكيك شنو ؟! النجار قاللو: يا زول، غايتو
    الداير تسوي سوي؛ لاني موش حلفت ليك ، لو مدغت ليك المصحف قدامك ورقة
    ورقة و قلت ليك إني مشرور هنا راجي بص الشنقيطي أصلگ ما حا تصدقني .

    (عدل بواسطة دفع الله ود الأصيل on 09-19-2019, 05:08 AM)

                  
|Articles |News |مقالات |بيانات

09-20-2019, 10:41 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: π عوداً على ما بدأنا به عن أطرف طرائف العر (Re: دفع الله ود الأصيل)

    (

    52)
    ∆ شايقي وجعلي اتقدموا لي بنية سميحة
    عليها جنس طعومية لامن ترمي في( الشوق ).
    الجعلي قال ليها: انا اللسد النتر ، شيال التقيلة ،
    أنا المفطوم بي بليلة و ممسح بي عجين مر و مكحل
    بي شطة قبانيت. الشايقي قال ليها: أنا الراقد لمرتي
    رز ؛ بهابا و بسمع كلاما و بجيب الخدرة بورقا و بفركا
    و بضوقا (بالكنش) . و بملح ليها تاكل. بعدين،
    أقول ليكي حاجة: أنا باگل أي شيء خاصة
    الويكة، و بطبق «الگيكة» فوق «الكيكة» .
    ∆ يلا، طوالي زولتك فصلت ليك مع الشايقي.
    و اتلفتت للجعلي قالت ليه : و إنتا يا ساري الليل
    خليك جنبنا قريب ؛ و خليك مشمر جاهز ليوم
    الحوبة؛ أكان جانا حرامي متلب بنكورك ليك.

    ∆ طبعن، تلقاه دا أبو الشوش قرص ليها قال
    ليها:" أيوة ، شغليه بودي غارد ، حراسة ليلية"
    😂😂😂😂😂

    (عدل بواسطة دفع الله ود الأصيل on 09-20-2019, 01:56 PM)

                  
|Articles |News |مقالات |بيانات

09-20-2019, 07:03 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: π عوداً على ما بدأنا به عن أطرف طرائف العر (Re: دفع الله ود الأصيل)


    {53}
    [} ‏‪شاب سوداني تزوج واحده فرنسية. أول ما
    دخلت الحمام وجدت ليفة شوال معلقة. قعدت
    تقلب فيها غلبتا , فساليه ما هذا يا عزيزي؟!😨
    ما عرف يقول شنو مطر ليها كطع أخدر:كان عندى
    حصان في السودان واغسله بهذا الليفه وكنت أحبه
    كثيرا ولكن في يوم من الأيام مرض ذلك الحصان
    و مات فإحتفظت بهذا الليفه للذكرى

    ∆ انفجرت التلحة باكية بكارا بي نهيفو؛
    (ما بتاعت رفق بالحيوان ،عاظ) وقالت له:
    الحصان المخلوق الحساس اللطيف الرقيق
    تغسلو بهذه الليفه الخشنه دى😳😱كم كنت
    فظاً عايز القلب معه يا عزيزي ؛ عشان كدا مات
    و انفض من حولك😔
    ∆ بالله شوف جنس دي ؛ ماذا لوعلمت بأن زوجها
    هو الحصان كان طول عمرو ينكرشى بي سلك جلاي
    العدة يتمرغ في موية الترعة؛ ثم ماذا لو علمت بأن
    اغلب أهلنا الغبش أبان مسوحن موية ياما اندعكوبا!
    ∆ دعونا نبكي جميعا بحرقة و في صمت صاخب🐸💔
    العجب كان شافت الطوبه الحمرا حقت الكرعين 😂😂😂

    😝معناتا دا بكون زولك التربال داك اللامن عمو رقدلو قاللو:
    تعال عصر لي ضهري دا. الجنا طلع فوق ضهر عمو كورك قاللو:
    يا ولدي أملص الشقيانة تموت تخليه دي و عصر لي حفيان ساي.
    ∆ يلا من هنا،عاملين كرعينكم المفلخات ديل؛ شقهن يدخل ورل.
                  
|Articles |News |مقالات |بيانات

09-21-2019, 04:12 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: π عوداً على ما بدأنا به عن أطرف طرائف العر (Re: دفع الله ود الأصيل)

    {54}
    تعريجة سريعاً ، و بالعودة إلى عمنا الشايقي ، لفتني واحد ظريف
    من خبثاء قاع المدينة إلى أنو أبو الشوش حريف، أصلن دس عسل
    كلامو كولو في دسم حتة «الگيكة» دي بس و البنية نقشت الشفرة
    و طوالي رقدت معاه رز(نظام حبيبي أمسك لي دك ي و انا بكطع ليك).
    فقلت لود اللزينة دا يجازي محنك، طلعت حنبلي أكتر من الإمام زاتو.

    [} و الغريبة زي مغامرات توم and جيري. دايمن ناصرين
    فيهن أب ضنب على أب شنب. برضو بتمتمو بين شوق
    بالجلودرة ما عارف ليه . لكن باين ليهم مزايا تانية.
                  
|Articles |News |مقالات |بيانات

09-22-2019, 07:52 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


ذكاء الإمام الشافعي (Re: دفع الله ود الأصيل)


    (55)
    مما ورد في ذكاء الامام الشافعي
    كان هناك مجموعة من العلماء

    يحقدون على الإمام الشافعي

    ويدبرون له المكائد عند الأمراء ..

    فأجتمعوا وقرروا أن يجمعوا له

    العديد من المسائل الفقهية

    المعقدة لإختبار ذكائه .. فاجتمعوا

    ذات مرة عند الخليفة الرشيد الذي

    كان معجبًا بذكاء الشافعي وعلمه

    بالأمور الفقهية وبدأوا بإلقاء

    الأسئلة والفتاوى في حضور الرشيد



    فسأل الأول : ما قولك في رجل ذبح

    شاة في منزله ثم خرج في حاجة فعاد

    وقال لأهله : كلوا أنتم الشاة فقد

    حرمت علي .. فقال أهله : علينا كذلك



    فكر قليلاً فأجاب الشافعي : إن هذا

    الرجل كان مشركاً فذبح الشاة على

    اسم الأنصاب وخرج من منزله لبعض

    المهمات فهداه الله إلى الإسلام

    وأسلم فحرمت عليه الشاة وعندما

    علم أهله أسلموا هم أيضاً فحرمت

    عليهم الشاة كذلك.



    وسُئل : شرب مسلمان عاقلان الخمر ..

    فلماذا يُقام الحد على أحدهما ولا

    يُقام على الآخر ؟



    فكر قليلاً : فأجاب إن أحدَهما كان

    صبياً والآخرُ بالغاً.



    وسُئل : زنا خمسة أفراد بإمرأة ..

    فوجب على أولِهم القتل .. وثانيهم

    الرجم .. وثالثِهم الحد .. ورابعِهم

    نصفُ الحدِّ .. وآخرهم لا شيء ؟



    فكر قليلاً فأجاب : استحل الأولُ

    الزنا فصار مرتدًا فوجب عليه

    القتل .. والثاني كان محصناً ..

    والثالثُ غيرَ محصنٍ .. والرابعُ

    كان عبداً .. والخامسُ مجنوناً.



    وسُئل : رجل صلى ولما سلم عن يمينه

    طلقت زوجته !! .. ولما سلم عن يساره

    بطلت صلاته !! .. ولما نظر إلى

    السماء وجب عليه دفع ألف درهم ؟



    فكر قليلاً ثم قال الشافعي : لما

    سلم عن يمينه رأى زوج امرأته التي

    تزوجها في غيابه فلما رآه قد حضر

    طلقت منه زوجته .. ولما سلم عن

    يساره رأى في ثوبه نجاسة فبطلت

    صلاته .. فلما نظر إلى السماء رأى

    الهلال وقد ظهر في السماء وكان

    عليه دين ألف درهم يستحق سداده في

    أول الشهر.



    وسُئل : ما تقول في إمام كان يصلي

    مع أربعة نفر في مسجد فدخل عليهم

    رجل .. ولما سلم الإمام وجب على

    الإمام القتل وعلى المصلين

    الأربعة الجلد ووجب هدم المسجد

    على أساسه ؟



    فكر قليلاً فأجاب الشافعي : إن

    الرجل القادم كانت له زوجة وسافر

    وتركها في بيت أخيه فقتل الإمام

    هذا الأخ وأدعى أن المرأة زوجة

    المقتول فتزوج منها .. وشهد على ذلك

    الأربعة المصلون .. وأن المسجد كان

    بيتًا للمقتول .. فجعله الإمام

    مسجدًا !.

    وسُئل : ما تقول في رجل أخذ قدح ماء

    ليشرب .. فشرب حلالاً وحرم عليه

    بقية ما في القدح ؟



    فكر قليلاً فأجاب : إن الرجل شرب

    نصف القدح فرعف ( أي نزف ) في الماء

    المتبقي .. فاختلط الماء بالدم

    فحرم عليه ما في القدح !.



    وسُئل : كان رجلان فوق سطح منزل ..

    فسقط أحدُهما فمات فحرمت على

    الآخر زوجته ؟



    فكر قليلاً فأجاب : إن الرجل الذي

    سقط فمات كان مزوجاً ابنته من عبده

    الذي كان معه فوق السطح .. فلما مات

    أصبحت البنت تملك ذلك العبدَ الذي

    هو زوجها فحرمت عليه.



    إلى هنا لم يستطع الرشيدُ الذي

    كان حاضرًا تلك المساجلة أن يخفي

    إعجابه بذكاء الشافعي وسرعة

    خاطرته وجودة فهمه وحس إدراكه ..

    وقال لبني عبد مناف : لقد بينت

    فأحسنت وعبرت فأفصحت وفسرت فأبلغت



    فقال الشافعي : أطال الله عمر أمير

    المؤمنين إني سائل هؤلاء العلماء

    مسألة فإن أجابوا عليها فالحمد

    لله وإلا فأرجو أمير المؤمنين أن

    يكف عني شرهم فقال الرشيد لك ذلك

    وسلهم ما تريد يا شافعي .. فقال

    الشافعي : مات رجلٌ وترك 600 درهم ..

    فلم تنل أخته من هذه التركة إلا

    درهمًا واحدًا .. فكيف كان الظرف في

    توزيع التركة ؟؟



    فنظر العلماء بعضُهم إلى بعض

    طويلاً ولم يستطع أحدهم الإجابة

    على السؤال



    فلما طال بهم السكوت طلب الرشيد

    من الشافعي الإجابة



    فقال الشافعي : مات هذا الرجل عن

    ابنتين وأم و زوجة واثني عشر أخاً

    وأختٍ واحدةٍ .. فأخذت البنتان

    الثلثين وهما 400 درهم .. وأخذت الأم

    السدسَ وهو 100 درهم .. وأخذت الزوجة

    الثمنَ وهو75 درهم … وأخذ

    الإثناعشر أخاً 24 درهمًا فبقي

    درهم واحد للأخت



    فتبسم الرشيدُ وقال :



    أكثر الله في أهلي منك .. وأمر له

    بألفي درهم فتسلمها الشافعي

    ووزعها على خدم القصر

                  
|Articles |News |مقالات |بيانات

09-22-2019, 03:53 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: ذكاء الإمام الشافعي (Re: دفع الله ود الأصيل)

    (

    56)
    ®صــــــراعُ الدَّجَاجَـــــاتَ)®
    {لا النافية للجنvsس{π × نق²}
    ® مع كامل احترامنا و تقديرنا لگنداكاتنا المربيات
    المعلمات الصامدات على نطاق بلادي :هنا دعاء منفعل
    لإحداهن مدرسة لغة عربية ضليعةو ثائرة على بعلها لأنه
    ضربها بأختها كنداكاية تانية،معلمة رياضيات عبقرية . لكن ،
    و بكل صراحة ،إبداع خرافي ؛لخصت فيه علوم النحو و
    الصرف و بلاغة المعانيمحسنات البديع و فن العروض؛
    للعقول التي لاتزال تفقه شيئا من (شوارد بنت عدنان).
    ************
    ∆ اللهم اصرفه عنها و امنعني من الصرف عنه!
    ∆ اللهم اجعلها مفردة معزولة عن محيطنا الخاص!
    و اجعل ما بيني و بينه عروة وثقى.. لانفصام لها!
    ∆ اللهم إن جمعته بها فليكن جمع تكسير و دشدشة!
    و اجمعني معه جمع مذكر و مؤنث سالمين غانمين!!!

    ∆ اللهم اجعلها من فصيلة « لا النافية للجنس» و أخوات
    كان و لم يعد (Was, But, Ceased To Be)بينما تجعلني
    من أخوات صار و سوف يظل.. و لا يزال العرض جاريا!

    ∆ اللهم اجعله منصوباً عندي بالفتحة الزاهرة و عندها مگسوراً
    بالصدمةا لمقدرة على قفاه ، منع من ظهورها تَعَذُّرُ الظروف
    المهببة و انشغال ( محلنا ) بحرگة الموناسبة و اللاموناسبة )!!

    ∆ اللهم اجعل معاملته لها {بالشِّدَِّ و الجَزمةالقديمة}
    و اجعل معاملته معاي {بالضمو السكون التام في الليل
    الهادي يذكرني حبيبي .. سوهدي و بوعداك .. جنني}!!

    ∆ اللهم اجعله عندها ظرفا عابراً و اجعله عندي
    حالاً قائماً و صفة باقية و نعتاً ملازماً و عطفاً لصيقاً و
    اجعلني له اسم موصول لا محل لما بعد من الإعراب!!

    ∆ اللهم اجعله عندي مبتدأ و اسماً لإنَّ و أخواتها
    و اجعله عندها خبراً لِلَيْسَ مقطوعة من شدرة!!

    ∆ اللهم اجعله لي فاعلاً مختاراً و اجعلني له مفعولاً
    لأجلي؛و اجعله لها مفعولاُ مطلقاً بالتلاتةِ و بينونة كبرى}

    ∆ اللهم اجعل شأني عنده مرفوعاً و اجعل شأنها
    عنده مجروراً جراً بالإضافةِ أو بحرف جر زائد !!!

    ∆ اللهم اجعلني عنده تاءَ متكلمٍ مبنياً ؛ واجعلها عنده
    تاءَ تأنيثٍ ساكنةٍ باهتة و لا مَحِلَّ لها من الإعرابِ!!

    ∆ اللهم اجعلني عنده فعلاً مضارعاً تاماً لاماً
    غير منقوص؛ و اجعلها عنده فعلاً ماضياً ناقصاً.

    ∆ اللهم اجعله عندي فعلاً صحيحاً و اجعله عندها
    فعلاً أجوفَ، زو مريضاً معتلاً في أولِه و في أخرِه!!

    ∆اللهم اجعله عندي ضميرَ رفعٍ متصلاً و اجعله عندها
    ضمير نصبٍ (منفصلاً) و مفارقا فراق الطريفي لي جملو!!

    * فيا لها من ابتهالات فصاح و دعواتٍ باقيات صالحاتٍ؛
    و إذا تقبلها الله عز ظهر غيب، فلا شكَّ أنَّ العلمَ نور، و له
    دورٌ في صياغة أصدق الدعاء بهواء ملهلب ساخن!
    *******************************!
    © ثم جاء دور الضرة لترد على غريمتها صاع التحية بمثلها
    أو بصاعين أسوأ منها و كانت هي الأخرى استاذة رياضيات
    لا يشق أنا غبار لي مضمارها؛ لتلقمها طامود صخرحطه السيل
    من عل ، و تگسحها عصفاً نارياً كاسحاً و (ردماً) عِلْمِيَّاً حاسماً:

    ∆ اللهم اجعل دعائَها دائرةً شؤم مغلقة تدور عليها..

    ∆ اللهم غيره عنها 180 درجةً على مقياس رختر
    لقياسالزلازل و التسوناميهات و الاحتباس الحراري!

    ∆ اللهم اجمعني معه جمعاً و اطرحها عنها طرحاً

    ∆ اللهم اجعل حياتي معه جمعاً و قسمةً و نصيباً و اجعل
    حياته معها ضربا بالشلاليت بالصرمة و طرحاسحلاً بالأرض!!

    ∆ اللهم اجعله مستقيماً عندي و عندها شبه منحرف و بتاع مننوعات!!

    ∆ اللهم اجعلني له زاوية واسعة منفرجة؛ و اجعلها له
    {شقا} أضيق من جحر ضب، و أحرج من سم الخياط!!

    ∆ اللهم اجعل بيني و بينه قاسماً مشتركاً اعظم في كل حياتنا؛
    و اجعله عنصراً محايداً غير قابلٍ للجمع بحياتهما! اللهم و اجعل
    مضجعي له عشاً هادئاً مرحباً و مسهلاً و علينا معاً برداً و سلاماً؛
    و اجعل مرقدها ملالة و « باااي باااى نق ترببع « π × نق² »
    و ذاك هو المطلوب و إثباته تماماً و تحديدن. هذا ، مع
    خالص مودتنا للمهرتين على طرفي مضمار الرهان.

    (عدل بواسطة دفع الله ود الأصيل on 09-26-2019, 09:28 AM)

                  
|Articles |News |مقالات |بيانات

09-22-2019, 03:56 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: ذكاء الإمام الشافعي (Re: دفع الله ود الأصيل)

    (

    (57)
    أحسنت ياخ/ أبو النور
    و كما رأيت فكل ذي نعمة محسودٌ
    فما بالك بعبقري كالأمام الشافعي، و الذي من شهرته
    حتى ينسب إليه نظم أشعارٍ و حكمٍ متواترة كثيرة و هو ربما
    كان منها براءً براءة الذئب. و منها قوله فى تجارب الحياة :
    ضاقت فلما استحكمت حلقاتها فرجت و كنت أظنها لا تفرج
    و أبيات قيلت في كمال الخلق في تقبل تصاريف القدر، يقول مطلعها:
    دع الأيام تفعل مـا تشـــاء .......... وطب نفسا إذا حكم القضاء
    ولا تجزع لحــادثة الليـالي .............. فما لحوادث الدنيـا بقــاء
    وكن رجلا على الأهوال جلدا ....... وشيمتك السماحة والوفـاء
    وإن كثرت عيوبك في البرايـا. ......... وسرك أن يكون لها غطـاء
    تستر بالسخــاء فكل عيـب ......... يغطيه - كما قيل- السخـاء
    ولا تر للأعــداء قــط ذلا .................فما في النار للظمآن مــاء
    ورزقك ليس ينقصه التــأني .............ولا بؤس عليك ولا رخـاء
    إذا ما كنت ذا قلب قنــوع .............. فأنت ومالك الدنيا ســواء
    ومن نزلت بساحته المنايــا ........... فلا أرض تقيه ولا سمــاء
    وأرض الله واسعــة ولكن .............. إذا نزل القضا ضاق الفضاء
    دع الأيام تغدر كل حيــن ............ فما يغني عن الموت الـدواء

    (عدل بواسطة دفع الله ود الأصيل on 09-22-2019, 05:38 PM)
    (عدل بواسطة دفع الله ود الأصيل on 09-26-2019, 09:35 AM)

                  
|Articles |News |مقالات |بيانات

09-25-2019, 07:08 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


《 الصديق أب نوتة》 (Re: دفع الله ود الأصيل)


    # يوميات_مغترب قرفان)

    جهزوا نوتتكم قبل العودة النهائية

    # يحكى أن أحد المغتربؤز المكشوشين اسمه صديق،
    قد جزم متاعه عائداٌ أدراجه من السعودية داقي خروج نهائي .
    للبلد وجاء بالشنط مستفة دلاقين و تفاتيف فارغة ، لا تسمن
    و لا تغني من طوع. بس و طوالي قام بكرة يفتش لبيت للإيجار. .
    ناس الحلة المخمخو معاه عضة كرامةبمزاب الجية ، أكلو لحمو:
    زولك عداها فخفخة ساي. .المهم الإشاعات كترت. .وكل زول
    يلاقيهو يدبن لطعة أحر من لسة الدبور ، يقول لؤله الصديق،
    إتا هامل عمرك ده كلو في السعودية و جاي أباكك و النجم؛
    ماسويتلك ضرا تلم فيه مع اسرتك؛ بدل ماك هسي مشرد!؟
    المهم يوم لافي و بفتش لاقاهو واحد ملقوف دور معاه
    نفس الأسطوانة قالو يا الصديق انت عمرك ده كله
    ماعملت بيت شكلكم عديتوها سعلكة ساي.

    # يلا، عم صديق اخلاس أخلاقو جاتو هنا في راس نخرينو
    وطلع ليه نوته من جيبو و سأل للزول إنت اسمك منو كدي
    أديني اسمك:قال ليه اسمي فلان ود فلان. .صديق فتش النوته
    و قعد يقرأ فبها: انت أنا مش كان مرسل ليك الشيلة و الشنطة
    حقت عرسك بي مرتك الهلاهة دي .الزول قاللو: آااااي بالحيلوالله
    بذكر رسلتهن لي زمان صديق:ومش رسلت ليك قروش السماية لأول
    بطنة ليك طلع و لدك أبو ريالة المتخلف داك قال ليه: أيوة ، تمام ؛ علا
    لاكين لي شنو بتسألفوقي و مالنو الليلة كلامك حااار كدي ؟!قاللو : لا مافي
    اجة؛ لكن بندور نوريكم هملتنا وانطلاقتنا و سعلكتنا الكنا بنسوي فيها طوال
    سنين طفشانة برة!! تحين وقع ليك؟!أها قالو الزول ده بقى من ديك كلما
    يلاقيجماعة يقوللهم: ياناس الحلة هوي أوعة تاني ما تسعلو الزول دا
    اطابقلو نوته. و أصبح شهيراٌ بالصديق آب نوتة!! يلا يا خاوانَّا
    الراجعين ول زول جاي يجيب نوتاتو معاه لازم.!!
    😂😂

    (عدل بواسطة دفع الله ود الأصيل on 10-01-2019, 04:15 AM)

                  
|Articles |News |مقالات |بيانات

10-01-2019, 02:56 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


Re: 《 الصديق أأب نوتة》 (Re: دفع الله ود الأصيل)


    《58》
    ▪دي واحدة عاملة فوقا البت ثورية للنخاع
    خسوسن شايفة عمك وردي في لقاء جماهيري
    يعرق و يجف و شغال " و يا شعبن لهبت ثوريتك"
    قامت فعلن ثوريتا ولعت لمبة حمرااااء؛ و طوالي كتبت
    في أقرب قروب علي الفيس: "أنا واهبة نفسي للقضية
    و متزوجة الوطن المترامي الأطراف من نمولي إلى حلفا".
    ▪ أتاريها في واحدة شلابة و بايريكس لابدة ليها بالمرصاد
    ردت ليها داك الحزة : "طبعن أكيد و وطنك بيسعنا كولنا"
    ▪ يا زول من حيسو اتلحس المنشور و ذهب مع الريح
    إلى أقرب خور . برضو تجي تقولي شنو و تقولي منو:
    بالله قوم لف برا (وطنَّا البي اسمك غنينا و رطنَّا)
                  
|Articles |News |مقالات |بيانات

11-06-2019, 03:17 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


《 أركز يا عريس أنا جرابك》 (Re: دفع الله ود الأصيل)

    ﺍﻟﺤﻤﻠﺔ ﺍﻟﻘﻮﻣﻴﺔ ﻟﻠﺰﻭﺍﺝ ﻭﺍﻟﺘﻌﺪُّﺩ
    ﺗﺤﺖ ﺷﻌﺎﺭ : ‏( ﺃﺭﺟﻠﻮﺍ ﻳﺎ ﺭﺟﺎﻝ .
    . ﻭﻣﺎ ﺗﺪُّﻭﺍ ﺍﻟﻨﺴﺍ وين أي ﻣﺠﺎﻝ ‏)
    __________________________
    ﻣﺎ ﺗﺨﺎﻑ ﻳﺎ ﺍﻟﻜﻠﺲ .. ﻻ ﺍﻟﺰﻭﺟﺔ ﻻ ﺃُﻣَّﺎﺗﺎ
    ﺃﻗﺪﻝ ﻳﺎ ﺑﻄﻞ .. ﺍﻟﺘﺎﻧﻴﺔ ﻗﺎﻟﻮﺍ ﺣﻼﺗﺎ
    ﺭﺍﻗﺪﺍﺕ ﺍﻟﺒﻨﺎﺕ .. ﺑﻲ ﺑﻴﺘﺎ ﺑﻲ ﻗﺮﻳﺸﺎﺗﺎ
    ﺇﻥ ﺩﺭﺕَ ﺍﻟﻔﺘﺎﺓ .. ﺃﻭ ﻋﺰﺑﺎ ﺑﻲ ﺑﻨﻴﺎﺗﺎ
    ﺇﺕ ﺧﻠﻘﻮﻙ ﺿﻜﺮ .. ﺍﻟﺨﻮﻑ ﺑﻈﻬِّﺮ ﻋﻴﺒﻚ
    ﻣﺜﻨﻰ ﻭﺛﻼﺙ ﻭﺭﺑﺎﻉ .. ﻣﻦ ﺍﻟﻠﻪ ﺣﻖ ﻓﻲ ﺟﻴﺒﻚ
    ﺃﺑﺸﺮ ﻳﺎ ﻋﺮﻳﺲ .. ﻗُﺒَّﺎﻝ ﻳﻬﺎﺟﻤﻚ ﺷﻴﺒﻚ
    ﺍﻟﺪﻳﻦ ﻭﺍﻟﻮﻃﻦ .. ﺭﺍﺟﻴﻦ ﺗﺒﺮﻣﻮ ﺷﻨﻴﺒﻚ
    ﺍﻟﺮﺍﺟﻞ ﺍﻟﻜﻠﺲ .. ﻓﻮﻕ ﺍﻟﺤﺮﻳﻢ ﻛﻢ ﺩﺑَّﻞ
    ﻳﺎ ﺳﺤﺎﺏ ﺍﻟﺨﻼ .. ﺍﻟﻔﻮﻕ ﺍﻟﻌﻮﻧَّﺲ ﻭ ﺑَّﻞ
    ﺣُﺮ ﺍﻧﺖ ﺍﻷﺳﺪ .. ﺣﺎﺷﺎﻛﺎ ﺗﺒﻘﻰ ﻣُﻜﺒَّﻞ
    ﺑﺮﺍﻙ ﻓﻲ ﺍﻟﺪﺍﺭﺓ ﺗﻌﺮﺽ .. ﺍﻧﺒﺴﻂ ﻭ ﺍﺗﺸﺒَّﻞ
    ﻣﺎ ﺑِﺘْﺨﺎﻑ ﻣﻦ ﺍﻟﻔﺎﺭﻏﺔ ﻭﺗﻔﻮﺗﺎ ﺣﻘﻮﻗﻚ
    ﺃﺑﺸﺮ ﻳﺎ ﺍﻟﻌﺮﻳﺲ .. ﻗﺎﻟﻮﺍ ﺍﻧﺖ ﻗﺎﻳﻢ ﺳﻮﻗﻚ
    ﺑﺘﺸﻠﻊ ﻓﻲ ﺳﻤﺎ ﺍﻟﺤﺮُّﻭﻡ .. ﻭﺿﺎﻭﻳﺔ ﺑﺮﻭﻗﻚ
    ﻇﺎﻫﺮ ﻓﻲ ﻭﺷﻴﻚ ﺭﺍﺣﺎﺕ ﻭﻇﺎﻫﺮ ﺭﻭﻗﻚ
    __________________________
    ﺃﻧﺸﺮﻭﻫﺎ ﺑﺎﺭﻙ ﺍﻟﻠﻪ ﻓﻴﻜﻢ
    ﺍﻟﻤﺘﺰﻭﺟﻴﻦ ﻟﻮ ﻭﺍﺣﺪ ﻓﻴﻜﻢ ﺩﺧﻞ
    عنبر الحوادس؛ ﺍﻧﺎ برة ﻣﺎ ﻣﺴﺆﻭﻝ
    أضبط
    قال لزوجته التي تمنعه من الخروج مع أصدقائه
    تذكري أن امرأة دخلت النار في هرة حبستها
    فما بالك و أنت تحبسين أسداً🦁🦁😂
                  
|Articles |News |مقالات |بيانات

11-06-2019, 06:22 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


《 يا زولة، جيبي سَفَّة》 (Re: دفع الله ود الأصيل)

    !
    (60)
    🍅حكمة و الله و حكاية!..لكن ما تفوِّتا.. لو قاومت الضحك بتنفقع👇🏻
    ﺻﺪﻳﻘﻲ ﺳﻤﻴﺮ ﻟﻢ ﺗﺘﺨﻞ ﻋﻨﻪ ﻭﺳﺎﻣﺘﻪ ﻭ لا يزال ليلُه طفلاً يحبو على أهداب
    عقده الخامس ﻭ ﻷﺳﺒﺎﺏٍ ﻟﻢ ﻳﻔﺼﺢ ﻋﻨﻬﺎ ﻟﻢ ﻳُﻘﺪِﻡ بعدُ ﻋﻠﻰ إكمال نصفه الحلو ؛
    ﺭﻏﻢ ﺃﻧﻪ يبدي رغبةً جموحاً ﻓﻲ ﺫﻟﻚ . ﺯﺭﺗﻪ ﺍﻷﺳﺒﻮﻉ ﺍﻟﻤﺎﺿﻲ ﻓﻲ ﻣﻜﺘﺒﻪ ﺍلفخيم
    و الكائن بإﺣﺪﻯ منظماﺕ ﺍﻟﺪﻭﻟﻴﺔ فلفتني وجه ﺇﺣﺪﻯ ﺍﻟﺴﻤﺮﺍﻭﺍﺕ،ﺗﺤﻮﻡ ﺣﻮﻝ ﺍﻟﺤﻤﻰ
    ترمي في الشوق بقوامها الممشوق. مازحتُه : دي قنبلة موقوتة على جانب الطريق؟!
    ﻗﺎﻝ ﻟﻲ ﻣﺒﺘﺴﻤﺎً : ﺇﻧﻬﺎ الآنسة تهاني ، ﺗﻌﻤﻞ ﻣﻌﻨﺎ ﻓﻲ ﻣﺠﺎﻝ ﺍﻟﺘﺮﺟﻤﺔ ﺍﻟﻔﻮﺭﻳﺔ ﻓﻬﻲ ﺗﺠﻴﺪ ﺍﻹﻧﺠﻠﻴﺰﻳﺔ ﻭ ﺍﻟﻔﺮﻧﺴﻴﺔ ﻭ ﺍﻟﺼﻴﻨﻴﺔ بطلاقةٍ . ﺳﺄﻟﺘﻪ : ﻣﺘﺰﻭﺟﺔ؟ .. ﻻ ﺃﺑﺪﺍً ﻭ ﻻ ﻣﺨﻄﻮﺑﺔ ﺣﺘﻰ
    ﻭ ﺭﻓﻀﺖ ﻧﺎﺱ ﻛوتاﺭ ..ﻃﻴﺐ ﻳﺎ ﻋﻮﻳﺮ ﻣﺎ ﺗﻔﻚ ﺑﻴﻬﺎ ﺑﻮﺭﺗﻚ ﺩﻱ .!.. ﺍﺑﺘﺴﻢ ﻭ ﻗﺎﻝ ﻟﻲ : ﺗﻌﺮﻑ ﻳﺎ
    حبوب، دا المجنني و شاغل بالي .. ﺍﻧﺘﻬﺖ ﺍﻟﺰﻳﺎﺭﺓ ﻓﻮﺩﻋﺘﻪ داعياً عليه بدخول القفص زينا.

    ♤ﺻاحبﻲ ﺳﻤﻴﺮ ﺭاﺟﻞ ﻣﺜﻘﻒ ﻭ ﻣﻬﺬﺏ ﻭ ﻧﺎﺟﺢ ﻭ ﺻﺎﺣﺐ ﻭﻇﻴﻔﺔ ﻣﺮﻣﻮﻗﺔ ﻻ ﻳﻌﻴﺒﻪ شيء
    و لا شيةَ فيه ﺳﻮﻯ ‏(ﺳﻒ ﺍﻟﺘﻤﺒﺎﻙ). ﻫﺎﺗﻔﻨﻲ ﺑﻌﺪﻫﺎ ﻭ ﺑﻌﺪ ﺍﻟﺘﺤﻴﺔ ﺳﺄﻟﺘﻪ متشمشراً : ﺃﻫﺎ بَشِّر ﻣﻮﺿﻮﻉ تهاني ﻋﻤﻠﺘﺎ لينا ﻓﻴﻬﻮ ﺷﻨﻮ؟ ﺭﺩ ﻋﻠﻲ ﺿﺎﺣﻜﺎً : ﻻ ﻻ ﺍﻟﻤﻮﺿﻮﻉ ﺩﻩ ﺃﻧﺎ جليتو. ﺍﻟﺴﺒﺐ ﺷﻨﻮ يا خملة؟ .. ﺍلصعوط ﻳﺎ حبيب .. ﻳﺎ ﺧﻲ ﺃﻧﺎ ﻣﺎ ﻗﺘﺎ ﻟﻴﻚ ﺳﺘﻴﻦ ﻣﺮﺓ ﺧﻠﻲ ﺍلعفن ﺩﻩ ياخي الجداد الالكتروني عافو؟.. ﺇﺭﺗﻔﻌﺖ ﻭﺗﻴﺮﺓ ﺿﺤﻜاته ﻭ ﻫﻮ ﻳﻘﻮﻝ ﻟﻲ : ﺗﻌﺮﻑ ﻳﺎ ﺃﺳﻌﺪ زول ، ﺃﻧﺎ ﻓﻲ ﻏﺎﻳﺔ ﺍﻟﺤﺮﺹ ﺩﺍﺋﻤﺎً ﻗﺎﻋﺪ ﺃﺩﺱ ﻛﻴﺲ ﺍلزفت دا ﻭ ﻟﻤﺎ أﺷﻌﺮ ﺑﻰ تهاني ﺩﺍﺧلة على ﻣﻜﺘﺒﻲ طوالي ﻗﺎﻋﺪ تمسكني أم هلَّا هلَّا و ﺃﻏﻄﺲ ﺣﺠﺮﻭ . ﺑﺲ ﻳﻮمتا دي ﺩﻗﺴﺘﺎ ﻭ ﻧﺴﻴﺖ ﺍﻟﻜﻴﺲ ﻓﻲ ﻣﻜﺘﺒﻲ ﻓﻲ ﻣﻜﺎﻥ ﻇﺎﻫﺮ ﺟﻨﺐ ﺍﻟﻜﻤﺒﻴﻮﺗﺮ ﻓﺪﺧﻠﺖ تهاني ﻓﺠﺄﺓ ﻭ لمحتو ﻭ ﻗﺎﻟﺖ ﻟﻲ : ﺇﻧﺘﺎ ﻗﺎﻋﺪ ﺗﺴﻒ ﻳﺎ ﺳﻤﻴﺮ؟ؤلا لقيت اتلعثم و ﺃﻓﻜﺮ ﻓﻲ ﻣﻦ ﺃﻟﺼﻖ ﺑﻪ ﻫﺬﻩ ﺍﻟﺘﻬﻤﺔ الشنعاء ﻓﻜﺮﺕ ﻓﻲ ﺯﻣﻴﻠﻨﺎ ﺇﺳﻤﺎﻋﻴﻞ(أصلو تعيس و متلش كدا و معاه كل المعطيات بس ما قادر يبرهن)فحاولت أﺩﻋﻲ ﺑﺄنو ﺍلمضبطات ديى بتاعتو ﻭ ﻧﺴﺎﻫا ﻫﻨﺎ ﻟﻜﻦ تهاني ﻟﻢ ﺗﻤﻨﺤﻨﻲ أية فرﺻﺔ لأمارس رياضة نط الحبل و اللَّف و الدوران ﻭ سرعان ما ﺃﻣﺴﻜﺖ ﺑﺎﻟﻜﻴﺲ شدتو من أضيناتو ﻭ ﻛﻢ ﻛﺎﻧﺖ ﺩﻫﺸﺘﻲ ﻛﺒﻴﺮﺓ ﻋﻨﺪﻣﺎ ﺃﺩﺧﻠﺖ ﻓﻴﻪ ﺃﻧﺎﻣﻠﻬﺎ ﺍﻟﺮﻗﻴﻘﺔ ﻭ‏( ﻇﺒطﺖ ﻟﻴﻬﺎ ﺳﻔﺔ دُقار بطاح سكس ويل ‏) دنكلتا ليك و ختتا لترتاح ﺗﺤﺖ ﺷﻔﺘﻬﺎ ﺍﻟﻌﻠﻴﺎ ﻭ ﺃﺧﺮﺟﺖ ﻣﺮﺁﺗﻬﺎ ﻣﻦ ﺣﻘﻴﺒﻬﺎ
    ﻭ ﻫﻲ تتحسس ﻣﻜﺎﻥ ﺍﻟﺴﻔﺔ ﺣﺘﻰ ﻻ ﺗﺒﺪﻭ ﻇﺎﻫﺮﺓ ﻟﻠﻌﻴﺎﻥ ﺛﻢ ﻗﺎﻟﺖ ﻟﻲ ﺑﺈﻧﺠﻠﻴﺰﻳﺘﻬﺎ ﺍﻟﺮﺻﻴﻨﺔ اادلمحببة لأذني👈:دا ود عماري الجيد من عمك السنجك بتاع بحري..يا زول دا ﻻ ﻳﻘﺎﻭﻡ🤣😂😂!
                  
|Articles |News |مقالات |بيانات

11-08-2019, 06:53 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 5461

للتواصل معنا

FaceBook
تويتر Twitter
YouTube


《 (صادف فوافق شنَنٌ طـبقةً!!) 》 (Re: دفع الله ود الأصيل)

    قصة بديعة من عيون ما تحكَّت به العرب.
    إذ بقال إن شنَنَاً أو شنَنٌ هذا ، كان رجلاً من عباقرة العرب و دهاتهم
    إذ قال: و الله لأجوبنَّ البلاد حتى أجد امرأة في مثل فطنتي و ذكائي لأنحكها.
    و بينما هو في طريقه ، إذ قابله رجلٌ شاركه المسير إلى ذات الوجهة التي يقصدها
    حتى
    إذا قطعاَ شوطاً في رحلتهما فسأله شنَنٌ: أتحملني أم أحملك ؟ فقال له الرجل أنا راكب و أنت راكب،فكيف أحملك أو تحملني يا هذا؟ فسكت عنه شنُّ. و سارا حتى إذا أتيا أهل قرية، فإذا بزرع قد استُحصِد.فسأل شنَنٌ رفيقه:أترى هذا الزرع أكل أم لا فقال الرجل ممتعضاً: أيُ سؤال هذا؟ ترى نبتاً مستحصداً فتسأل أكل أم لا ؟!فصمت عنه شنُّ حتى إذا دخلا القرية لقيتهما جنازه , فعاد شنَنٌ يسأل:أترى صاحب هذا النعشحياً أو ميْتاً فقال له الرجل : ما رأيت أجهل منك! ترى جنازة فتسأل عنها أميْت صاحبها أم حي. ثم تركه شنَنُّ و همَّ بفراقِه .

    ♤ لكنَّ الرجل أبي أن يتركه واصطحبه حتى صارا إلى بيته فمضى معه. و كان للرجل
    ابنةٌ يقال لها:"طبقةٌ " فلما دخل عليها أبوها سألته عن ضيفه . فأخبرها بمرافقته إياه , طوال مسيرتها و شكا إليها ما كان من شِدَّة غبائه ، ثم حدثها بسخافاته . فقالت: يا أبتِ
    ما هذا بجاهل! أما سؤاله: أتحملني أم أحملك؟! فأراد: أتعينني أم أعينك على وعثاء السفر، و كآبة المنظر بأن نتجاذب طرفي الحديث حتى نقطع طريقنا بدون مللٍ. و أما سؤاله إياك : أترى هذا الزرع أكل أم لا , فأراد هل باعه أهله فانتفعوا ثمنه أم لا!! و أماقوله في الجنازة , فأراد هل ترك الميْتُ عَقِباً يحيا بهم ذكره أم لا. ثم خرج خرج أبوها ليجلسإلى شنَنٍ , و تماثل بمحادثته ساعة ثم قال: أيا ضيفي الكريم ، أتحب أن أتأول لك ما كنتَسألتني عنه؟ قال:
    نعم ففسره فقال شنُّ: ما هذا من كلامك, فأخبرني صدقـــاً، من هوقائله ؟ قال: بل هي
    ابنةٌ لي. فخطبها إلى شننٍ الذي ظفر بها زوجةًثم حملها و مضى سائراً بها إلى دياره,
    فلما رآهما الناس قالوا صادف و وافق شنَنٌ طبقةً. ثم طارت الحكاية مثلاً لكل
    اثنين أو أمرين متطابقين قلباً و قالباً.
    ****************
    فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
    فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
    لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de