الما لامك ما دارك ..

يا سوداني امريكا الان يمكنكم ارسال العفش و الشحن جوا و بحرا الي السودان
سودانيزاونلاين 20 عاما من العطاء و الصمود
بورداب الرياض ( أن نكون أو لا نكون : تلك هي المسألة )
مرحبا Guest
اخر زيارك لك: 01-20-2020, 06:42 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-13-2020, 08:48 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18023

للتواصل معنا

FaceBook
تويتر Twitter
YouTube

20 عاما من العطاء و الصمود
الما لامك ما دارك ..

    08:48 PM January, 13 2020

    سودانيز اون لاين
    سيف اليزل برعي البدوي-
    مكتبتى
    رابط مختصر



    السلام عليكم ورحمة الله وبركاته ..

    الما لامك ما دارك ..

    دا مثل سوداني قديم
    و جميل ..

    بس هل اللوم والعتاب المتواصل هو الحل ؟؟؟
    يعني طواااااالي تكون لوااااااااام ومعاتب
    وفي حالة تحفز وجاهزية لترصد الاخطاء والتقصير !!!
    وعايز تواصل بمزاجك وراحتك وحسب زمنك !!!
    والطرف التاني طوااااالي بس يكون منتظرك وبس !!!

    هي الدنيا دي عمرنا فيها قدر كيف عشان كدا !!!
    نعيش في حروب دائمة من اللوم والجفاء والعتاب والاتهام الدائم بالتقصير والنقص والمشاكل !!!

    احبو بدون عتاب ولوم ..
    اعذرو من تحبون ليدوم الود والحب والخير ..
    اهتمو بهم بدون لوم وعتاب ومحاسبة دائمة ..

    الجفاء والخشونة والافتراء والتسلط والنديات والعنتريات بتمسح المحبة والخير ..

    ترسل ليا رسالة
    او تتصل عليا
    وما ارد عليك
    تزعل فورآ !!!
    و طوالي معناها انا مفتري ومغرور
    وما عايز اتواصل معاك !!!
    خلي نفسك في مكاني ..
    هل انت ممكن ترد في اي وقت واي مكان
    واي زمان ؟؟؟

    حتي اذا شفتا رسالتك وما رديت عليها دا مامعناه
    انو انا ما عايز ارد عليك ..
    عايز اوفر وقت كتير عشان ارد عليك بمزاج وحب وخير ..
    واذا رسالتك فيها غير السلام وإستشارات
    اذا رديت عليك طوالي مفروض تزعل
    عشان انا مافريد زمانة ..
    لازم امشي افتش واشوف احسن شي وارجع ليك ..
    مستحيل اكون زي قوقل طوالي تساله يرد عليك ..
    بعدين ياخ البينا دا مفروض يكون علاقة كريمة ..
    ماامسك لي واقطع ليك وبس كدا ..

    والله نحنا في غربة صعبة وقاسية جدآ
    بنعاني في كل شي وكل يوم معارك طاحنة
    وصابرين صبر ايوب عديل كدا ..
    وبنجي لوسائل التواصل الاجتماعي دي
    عشان نفك شوية ونرتاح ..
    عندنا اوجاع والتزامات كتيرة وكبيرة ..
    ومع دا كلووو مابنقدر ولابنتعمد نقصر في اي مكان
    ولا مع اي زول خالص ..
    عشان بنعمل لاخرتنا زي مابنعمل لدنيانا واكتر ..
    وعشان يدوم الحب والخير ..
    ماتلومونا لاتفة شي ..
    اعذرونا ..
    واعفو عنا وعن تقصيرنا غير المتعمد اكيد ..
    وما تنسونا من صالح وطيب الدعوات ..

    *** إنما تحيا العلاقات بالتراحم قبل الود ،
    وتستمر بالتغافل والاهتمام قبل الحب ..

    *** لا تستصغر وجع غيرك فلعلّ نُطفة من وجعه
    لا تقدر على تحمّلها لو صادفتك ..
    فلنعذر بعضنا البعض ..
    ونتفقد بعضنا البعض بود وخير ورحمة ..
    ليدوم الود والخير والحب ..
    تقبل ألله منا ومنكم صالح الأعمال والدعوات ..

    *** من احب العبادات الى الله سبحانه وتعالى
    جبر الخواطر وغفر الزلات ورحمة بعضنا البعض
    اللهم اجعلنا ممن يجبرون خواطر عبادك دائمآ
    بالحب والخير ..
    ووالدينا وكل من نحب ..

    *** وقليل من عبادي الشكور ..
    اللهم اجعلنا ووالدينا وكل من نحب
    من عبادك القليل الشكور دائمآ وابدآ ..
    أمييين ..

    *** حاجه فيك :
    تقطع نفس خيل القصائد
    تشبة اجراس المعابد
    توهتني .. تعبتني .. جننتني ..
    جننت حرف الكلام
    وبرضو ادتني السلام
    حاجه في شرف المداين
    وفي غرف كل السفاين
    جوه في عمق المناجم والعيون ..
    حاجه زي ما تكون محلق في العواصف
    فجأة تهبط في السكون
    حاجة زي نقر الاصابع
    لما ترتاح للموسيقي
    حاجه زي اخبار تناغم من جريدة ..
    حاجه زي وتر الموانئ
    لما يصدح لي سفينة
    حاجه فيـك لا بتبتدي
    لا بتنتــــهي ..
    خلتني ارجع للقلم
    واتحدي بالحرف الالم
    واضحك مع الزمن العريض ..
    وانسف متاريس الطريق
    واعرف متين ابقي المطر
    وافهم متين اصبــــح حـريق ..

    #العفو_والعافية
    #راقت لي....








                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de