السيد وزير العدل في حكومة الجنجوقحت: هل صحيح انك كنت كوز ؟؟

مرحبا Guest
اخر زيارك لك: 12-15-2019, 03:24 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-02-2019, 01:57 PM

Elhadi
<aElhadi
تاريخ التسجيل: 01-06-2003
مجموع المشاركات: 5927

للتواصل معنا

FaceBook
تويتر Twitter
YouTube


السيد وزير العدل في حكومة الجنجوقحت: هل صحيح انك كنت كوز ؟؟








                  
|Articles |News |مقالات |بيانات

12-02-2019, 02:00 PM

Elhadi
<aElhadi
تاريخ التسجيل: 01-06-2003
مجموع المشاركات: 5927

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Elhadi)

    وما ردك على ما نشر أدناه مرفقاً بصورة لك..



    Quote: الطالب نصرالدين حسين حسن عبد الباري امين نشر الدعوة بالمكتب التنظيمي بمدرسة اسامة بن زيد والخلفية المكتب 1996 ثم رئيسا لاتحاد المدرسة لدورة واحدة .


    هل انحنا كمواطنين سودانيين نطمع في توضيح من السيد الوزير أو وزارة العدل حول ما نشر أعلاه..

    1996 ما بعيدة شديد .. ده تاريخ قريب جداً
                  
|Articles |News |مقالات |بيانات

12-02-2019, 02:02 PM

Elhadi
<aElhadi
تاريخ التسجيل: 01-06-2003
مجموع المشاركات: 5927

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Elhadi)

    1996 دي ياهو زمن بيوت الأشباح لسة مدورة

    وكان في ناس بتموت هناك جوة.. فما هي ذكريات السيد الوزير عن تلك المرحلة ؟؟

    وما رده على تلك المزاعم

    الشفافية مطلوبة
                  
|Articles |News |مقالات |بيانات

12-02-2019, 02:16 PM

Elhadi
<aElhadi
تاريخ التسجيل: 01-06-2003
مجموع المشاركات: 5927

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Elhadi)



    ما رأي سعادة السيد الوزير ؟؟

    الشفافية مطلوبة..
                  
|Articles |News |مقالات |بيانات

12-02-2019, 02:21 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 3891

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Elhadi)



    Quote: امين نشر الدعوة بالمكتب التنظيمي بمدرسة اسامة بن زيد


    سلام يا الهادي
    عشان تظبط البوست بتاعك لازم ترفق سيرة ذاتية للطالب نصرالدين حسين حسن عبد الباري وبها تأريخ ميلاده
    عشان نعرف كم كان عمره في سنة 1996 حينما كان طالباً بالمدرسة.

    غايتو لو طلع عمرو اقل من 18 سنة في الوقت داك بوستك بيكون مستحمي للليفة
    ولو طلع اقل من 21 بوستك برضو بيكون مستحمي لكن بدون ليفة

                  
|Articles |News |مقالات |بيانات

12-02-2019, 02:25 PM

Elhadi
<aElhadi
تاريخ التسجيل: 01-06-2003
مجموع المشاركات: 5927

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Hafiz Bashir)

    أنا مالي ومال عمرو..

    أنا وجدت هذه المعلومة مبذولة في أسافير الله ومرفق بها صورة قيل أنها للسيد الوزير في ذلك الوقت واتخيل لي الصورة غير قابلة للتشكيك (ده حسب اعتقادي يعني)

    فحبيت أستوضح السيد الوزير ووزارة العدل حول حقيقة الأمر.. ده لو في إمكانية إنو يعبرونا يعني بتوضيح صغيرون كده
                  
|Articles |News |مقالات |بيانات

12-02-2019, 02:26 PM

Elhadi
<aElhadi
تاريخ التسجيل: 01-06-2003
مجموع المشاركات: 5927

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Elhadi)

    السيد الوزير هو المسئول عن التوضيح وكشف ملابسات ما يقال
                  
|Articles |News |مقالات |بيانات

12-02-2019, 02:34 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 3891

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Elhadi)



    يكشف ليك ملابسات تاريخ حياتو لمن كان طفل؟


                  
|Articles |News |مقالات |بيانات

12-02-2019, 02:41 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 34799

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Elhadi)

    سلام يا الهادي وحافظ

    هذا واحد تاني بيحلف برضو:



    يازول داوود يحيى بولاد الكان كوز ورئيس اتحاد طلاب جامعة الخرطوم في السبعينات فارق الأخوان المسلمين وحمل السلاح ضدهم وتم قتله في التسعينات في دارفور.

    حتى لو افترضنا أن خبر نصر الدين عبد الباري كان أخو مسلم في التسعينات يمكن أن يكون انفتحت بصيرتو على خواء الفكرة وفارق الفكرة نفسها.. عادي جدا. عدد كبير من الجمهوريين كانوا أخوان مسلمين في المرحلة الثانوية، على سبيل المثال أحمد المصطفى دالي وعمر أحمد القراي.. شفتا كيف؟؟
    يعني براحة ممكن نصر الدين عبد الباري تأثر بالفكرة الجمهورية!!

    بحثت ووجدت له مقال مترجم منشور هنا في سودانيز أونلاين عام 2009

    مسلمو السودان يبحثون عن الحريات الفردية - بقلم نصرالدين عبد الباري-ترجمة : ماجد معاليمسلمو السودان يبحثون عن الحريات الفردية - بقلم نصرالدين عبد الباري-ترجمة : ماجد معالي

    مسلمو السودان يبحثون عن الحريات الفردية - بقلم نصرالدين عبد الباري-ترجمة : ماجد معالي


    إنّ القوانين فى كلّ بلد تعكس مبادىء فلسفية وقانونية معيّنة تسعى السلطة السياسية إلى أن تراها محترمة ومُلتزما بها .

    وفى ظلّ الحكومات الثيوقراطية التى تستمدّ مبادئها القانونية من الأديان، فإنّ القوانين قد تعكس ثقافة دينية لا علاقة لها بثقافة البلد الذى تطبّق فيه.

    إنّ الثقافة الدينية لأيّة أمّة تعكس قيم تلك الأمّة وأعرافها وتقاليدها. ولهذا السبب يمكن أن يحدث تناقض بين الثقافة الحالية او التاريخية لشخص ما والقواعد القانونية التى تستمدّ من مصادر دينية.

    هذا ما حدث فعلا فى حادثة لبنى الصحفية السودانية التى أُلقت القبض عليها شرطة الآداب العامّة (المعروفة أيضا بشرطة أمن المجتمع) فى الخرطوم .

    إنّ إلقاء القبض عليها أثار انتباه الرأي العامّ المحلّي والعالمي. إنّ لبنى ليست السيّدة السودانية الأولى التى يلقى القبض عليها بسبب الزيّ الفاضح أو غير المحتشم، لكنّها كانت الأولى الّتي تحدّت القبض عليها على هذا الأساس.

    هذا ما يحدث عادة فى الخرطوم، ففى حادثة مماثلة فى الأيّام الماضية أُلقي القبض على دكتور محمد شرف الدين الصحفى بجريدة العاصمة اليومية بسبب "الخلوة غير المشروعة او الرفقة غير القانونية".

    اشتبه شرطي في أنّ المرأة التى كانت صحبة دكتور شرف الدين ليست زوجته رغم إبلاغه الشرطيّ ب أنّها زوجته، وأنّ الطفل الذي كان جالسا فى المقعد الخلفيّ هو طفلهما. رغم كلّ ذلك ألقي القبض عليه وأطلق سراحه فى اليوم التالي بعد إبرازه لشهادة عقد الزواج.

    فى معظم الحالات تطبّق الشرطة القوانين التى اعتمدتها حكومة السودان فى بداية تسعينات القرن الماضى لأسلمة البلاد. القانون الجنائي السوداني لسنة 1991 اعتمد في سلسلة قوانين جديدة كان الهدف الأساسيّ منها هو "إصلاح" القوانين والنظام القانونيّ السّوداني برمّته.

    هذه القوانين ليست مستمدّة من الثقافات والعادات والتقاليد السودانية، ولا هي مستمدّة من مبادىء مقبولة عالميا كتلك المنصوص عليها فى المعاهدات الدولية لحقوق الإنسان. هي بدلا عن ذلك مستمدّة من الفقه الإسلاميّ (لا الدين الإسلاميّ) كما فهم وفسّر بواسطة بعض العلماء قبل نحو أربعة عشر قرنا مضت. ذلك الفقه فى الواقع لا يعكس مبادىء وقواعد مقبولة عالميا. جزئيا، هو يعكس عادات المناطق المختلفة التى تطوّر فيها الفقه الإسلاميّ عبر التاريخ، رغم حقيقة أنّ تلك العادات لم تعد موجودة في الكثير من تلك المناطق.

    فالنّقاب الذى يلبس فى السعودية وبعض البلدان الاسلامية اليوم، مثلا لم يأت مع الإسلام، فالنساء فى ذلك الجزء من العالم ولأسباب بيئية كنّ يلبسن النقاب منذ زمن طويل قبل ظهور الإسلام.

    إنّ لبنى والسيّدات والفتيات الصغيرات اللائي قُبض عليهنّ لإيمانهنّ العميق بثقافتهنّ السودانية قاومن عمليا تطبيق أحكام قانونية لا تعبّر عن ثقافتهنّ السودانية. بينما تمّ تنفيذ عقوبة الجلد على الأخريات، نقلت لبنى مقاومتها إلى جبهة اخرى ـ المحاكم، ومن بعد الرأي العامّ المحلّي والعالمي.

    إنّ الكثير من النساء فى السودان يشعرن بأنّ أحكام المادّة 152 من القانون الجنائي لسنة 1991م تتناقض وبوضوح مع طريقة حياتهنّ، وبأنّ الذين يفرضونها يحاولون إجبارهنّ على تغيير ثقافتهنّ.

    إنّ سيّدة سودانية تعيش هنا فى نيروبي، قالت لي قبل أيّام إنّ هنالك الكثير من الأشياء الغريبة التي تحاول الحكومة وبعض السودانيين الذين عاشوا فى الخليج العربى إدخالها الى المجتمع السودانى. وأضافت السيّدة قائلة: "نحن كلّنا مسلمون، لكنّ العادات الجديدة التي يستوردونها غريبة علينا".

    إنّ قضية لبنى ببساطة تعكس التباين بين أولئك الذين يريدون أن يعيشوا، كسودانيين عاديين، أحرارا وأولئك الذين يريدونهم أن يعيشوا طبقا لايدلوجيات مستوردة ضيّقة الأفق.

    بين الذين يريدون العيش فى القرن الواحد والعشرين وأولئك الذين يريدون العيش بعقلية العصور المظلمة . إنّ المئات من النساء والرجال الذين خرجوا للتظاهر ضدّ محاكمة لبنى، أظهروا بجلاء أنّ المعركة بين الحكومات القمعية والمدافعين عن الحريات الفردية لن تنتهي أبدا.

    إنّني أؤمن بأنّ تلك المعركة سوف يكسبها أولئك الذين يستمسكون بوجهات نظر تحترم وتعكس الكرامة الإنسانية والحريات الفردية والحداثة.

    * نصرالدين عبدالباري محامي وقانوني سوداني مقيم في نيروبي، وكان أستاذا سابقا للقانون الدولي بجامعة الخرطوم. هذا المقال نشر بالانجليزية بصحيفة الناشنال استار اليومية الكينية.

    * ماجد معالي محامي وقانوني سوداني

                  
|Articles |News |مقالات |بيانات

12-02-2019, 02:57 PM

Elhadi
<aElhadi
تاريخ التسجيل: 01-06-2003
مجموع المشاركات: 5927

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Yasir Elsharif)

    Quote: يازول داوود يحيى بولاد الكان كوز ورئيس اتحاد طلاب جامعة الخرطوم في السبعينات فارق الأخوان المسلمين وحمل السلاح ضدهم وتم قتله في التسعينات في دارفور.


    علاقة يحيى بولاد بالموضوع ده شنو ؟؟
                  
|Articles |News |مقالات |بيانات

12-02-2019, 03:00 PM

Elhadi
<aElhadi
تاريخ التسجيل: 01-06-2003
مجموع المشاركات: 5927

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Elhadi)

    وهل يحيى بولاد أخفى انتمائه للجبهة الإسلامية القومية في أي مرحلة من المراحل ؟؟

    وهل حصل بسبب ذلك الإخفاء على منصب وزير العدل في حكومة جاءت عقب حكومة الجبهة الإسلامية القومية

    ما في علاقة يا دكتور !!

    كلنا عارفين موضوع يحيى بولاد وخليل إبراهيم و.. و.. و غيرهم من الذين كانوا ينتمون للجبهة الإسلامية القومية ثم حملوا السلاح وعارضوها أو قاتلوها..

    نحن عاوزين نعرف هل معلومة انتماء وزير العدل في حكومة الجنجوقحت لتنظيم الجبهة الإسلامية في وقت من الأوقات معلومة صحيحة ولا لا

    Simple
                  
|Articles |News |مقالات |بيانات

12-02-2019, 03:06 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 34799

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Elhadi)

    Quote: علاقة يحيى بولاد بالموضوع ده شنو ؟؟


    العلاقة هي أن الأخ المسلم قد يفارق الجماعة أو يفارق الفكرة نفسها ويهجر الكوزنة.. علي محمود حسنين كان أخو مسلم ورئيس اتحاد طلاب جامعة الخرطوم!!!

    يعني حتى لو افترضنا أن نصر الدين عبد الباري كان كوز في مرحلة باكرة من شبابه، هذا لا يمنع أن يترك الكوزنة.

                  
|Articles |News |مقالات |بيانات

12-02-2019, 03:57 PM

Elhadi
<aElhadi
تاريخ التسجيل: 01-06-2003
مجموع المشاركات: 5927

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Yasir Elsharif)

    أنا ما سؤالي انو ترك الكوزنة ولا لا..

    أنا سؤالي هو أساساً كان كوز ؟؟ ولي ياتو مرحلة ؟؟

    لأنو في كتابات من بعض زملاءه في الثانوي ( حسب ما هو منشور في وسائل التواصل) وأيضاً في الجامعة برضو حسب ما هو منشور بيقولوا انو كان كوز حتى تلك المرحلة !

    يعني حتى مرحلة جامعة الخرطوم..

    لأنو الحقيقة دي حا تترتب عليها أسئلة كتيرة أخرى
                  
|Articles |News |مقالات |بيانات

12-02-2019, 04:17 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 34799

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Elhadi)

    Quote: نحن عاوزين نعرف هل معلومة انتماء وزير العدل في حكومة الجنجوقحت لتنظيم الجبهة الإسلامية في وقت من الأوقات معلومة صحيحة ولا لا


    حتى لو كانت معلومة صحيحة، فهي ليست ذات قيمة. المهم أنه الآن يختلف مع فكر الجماعة.



    Quote: أنا ما سؤالي انو ترك الكوزنة ولا لا..

    أنا سؤالي هو أساساً كان كوز ؟؟ ولي ياتو مرحلة ؟؟

    لأنو في كتابات من بعض زملاءه في الثانوي ( حسب ما هو منشور في وسائل التواصل) وأيضاً في الجامعة برضو حسب ما هو منشور بيقولوا انو كان كوز حتى تلك المرحلة !

    يعني حتى مرحلة جامعة الخرطوم..

    لأنو الحقيقة دي حا تترتب عليها أسئلة كتيرة أخرى


    حتى لو كان كوز حتى مرحلة الجامعة، شنو الأسئلة اللي حا تترتب على ذلك؟؟
    لن تجد أي سؤال معقول، في تقديري.
                  
|Articles |News |مقالات |بيانات

12-02-2019, 04:06 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 34799

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Yasir Elsharif)

    Quote: وهل يحيى بولاد أخفى انتمائه للجبهة الإسلامية القومية في أي مرحلة من المراحل ؟؟

    مش أخفى انتماءه للأخوان المسلمين وإنما ترك الإنتماء لهم ، وشن الحرب على حكومة الأخوان الترابشيرية في شكل تمرد عسكري.

    Quote: وهل حصل بسبب ذلك الإخفاء على منصب وزير العدل في حكومة جاءت عقب حكومة الجبهة الإسلامية القومية

    هل تقصد أن نصر الدين لا يزال أخو مسلم وأخفى انتماءه هذا ، وبسبب هذا الإخفاء حصل على منصب وزير العدل؟؟

                  
|Articles |News |مقالات |بيانات

12-02-2019, 04:25 PM

Elhadi
<aElhadi
تاريخ التسجيل: 01-06-2003
مجموع المشاركات: 5927

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Yasir Elsharif)

    في تقديري الخاص..

    لمن تكون كوز منظم ومؤتمر وطني في الثانوي وتدخل الجامعة بهذه الصفة في تلك المرحلة بالذات.. ده ما بيطرح أي تساؤلات عندك يا دكتور ياسر الشريف؟؟

    إذا كانت الإجابة بلا..

    فأسمح لي مع احترامي وتقديري لك.. انت لا تعرف تنظيم الجبهة الإسلامية والمؤتمر الوطني جيداً ولا تعرف كيف كانت تجري الأمور في السودان في تلك الفترة

                  
|Articles |News |مقالات |بيانات

12-02-2019, 04:25 PM

Elhadi
<aElhadi
تاريخ التسجيل: 01-06-2003
مجموع المشاركات: 5927

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Elhadi)

    نرجع لي موضوعنا..
                  
|Articles |News |مقالات |بيانات

12-02-2019, 04:48 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 34799

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Elhadi)

    Quote: في تقديري الخاص..

    لمن تكون كوز منظم ومؤتمر وطني في الثانوي وتدخل الجامعة بهذه الصفة في تلك المرحلة بالذات.. ده ما بيطرح أي تساؤلات عندك يا دكتور ياسر الشريف؟؟

    إذا كانت الإجابة بلا..

    فأسمح لي مع احترامي وتقديري لك.. انت لا تعرف تنظيم الجبهة الإسلامية والمؤتمر الوطني جيداً ولا تعرف كيف كانت تجري الأمور في السودان في تلك الفترة


    في تقديري أن الإنسان يمكن أن يتم خمه وتجنيده لتنظيم الأخوان المسلمين منذ الثانوي، ومعروف أن الكيزان كانوا على زمننا (أنا دخلت الجامعة سنة 1971، إنت دخلتها سنة كم؟) كانوا يستهدفون الطلاب الشطار ويستهدفون طلاب دارفور أكثر من غيرهم، أو الأصولهم من دارفور، لأنهم بيكونوا متأثرين بالدين أكثر من غيرهم. وعادي جدا فيما بعد يترك التنظيم، خاصة إذا حدثت تناقضات بين الفكرة وبين ممارسات الحكومة في دارفور.

    طيب كدي إنت ورينا كيف كانت تجري الأمور في السودان في تلك الفترة في التسعينات مع تنظيم الجبهة الإسلامية والمؤتمر الوطني.
                  
|Articles |News |مقالات |بيانات

12-02-2019, 05:31 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 9296

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Yasir Elsharif)




    انا ما عارف فرضية انه كان كوز حات صلنا لوين لكن قلنا نساعدكم بالصور بس.

    (عدل بواسطة عمر التاج on 12-02-2019, 05:38 PM)

                  
|Articles |News |مقالات |بيانات

12-03-2019, 04:28 AM

نادر الفضلى
<aنادر الفضلى
تاريخ التسجيل: 09-19-2006
مجموع المشاركات: 5934

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: عمر التاج)

    يعنى بقت على نصر الدين عبد البارى بس؟ عام 1996 لو نبشت سيرة
    كثير من الدارفوريين النشطاء فى السياسة والمعارضة لوجدتهم
    كانوا عماد نظام الإنقاذ آنذاك. ربما نصر الدين يشفع له انه آنذاك
    كان صغير السن بينما غيره من الدارفوريين كانوا راشدين
    فى اعمارهم وغير راشدين فى مواقفهم السياسية آنذاك
    وهسة بكاتلوا عشان مناصب ومشاركة فى السلطة

    (عدل بواسطة نادر الفضلى on 12-03-2019, 08:05 AM)

                  
|Articles |News |مقالات |بيانات

12-03-2019, 04:31 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 34799

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: عمر التاج)

    في انتظارك يا الهادي تورينا وين المشكلة لو أن نصر الدين بالفعل كان أخو مسلم وترك فكرهم بل صار منتقدا له. ما هي الأسئلة التي قلت أنها ستثار لو ثبت أنه كان كوز؟؟
                  
|Articles |News |مقالات |بيانات

12-03-2019, 04:35 AM

عمر التاج
<aعمر التاج
تاريخ التسجيل: 02-08-2008
مجموع المشاركات: 9296

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Yasir Elsharif)

    من قبل عاب الناس على الإنقاذ انها استقطبت سبدرات وأمين حسن عمر للوزارة
    رغم أصولهم السارية حتى قال عرابهم الترابي؛( انهم يفيدون الإنقاذ أكثر من الأخون) ،
    فتركهم الكيزان لحالهم.
                  
|Articles |News |مقالات |بيانات

12-03-2019, 07:58 AM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 4463

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: عمر التاج)

    مع التحية للحبيب الهادي ..
    هذا السودان كتاب مفتوح ليست لدينا خصوصيات أبداً
    أذكر أنني كنت نشاط في الحزب الشيوعي قبل تقريباً أكثر 50 سنة في دنقلا الثانوية
    قبل فترة قابلني أحد الاخوان من الدفعة بعد التحية والسلام والاشواق قال لي ( انت لسع مع الجماعة)
    وفي تلك الايام الاخوان كانوا ناشطين في دنقلا ( مصطفى عثمان اسماعيل ) قلت ليه ياريت كنت كوز اليوم كنت في سويسرا
    آخر بهجة .. بدل الخليج وقرف الكفيل ..

    هكذا السودان .. على حبيبنا الوزير أن يرد عبر التواصل الاجتماعي
    لأن الكيزان سوف يتربصون به .. وخاصة مع القرارات الاخيرة ( حل الحزب)
    أكيد سوف يدفعون بمجموعات تختف ضده ( يا كوز )

    حفظ الله ثورة الشباب .. وألف رحمة على ابنائنا الشهداء












                  
|Articles |News |مقالات |بيانات

12-03-2019, 09:06 AM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 23397

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: عمر التاج)

    عايز اشير للتوقيت الطلع فيه الكلام دا على الوزير البلّال عبد الباري!
    بالتاكيد من طلّعا المعلومة دي الآن عارفنها من اول ايّام ظهور اسمه كمرشّح للوزارة ثم أدائه القسم في اغسطس الماضي و بعد ذلك!
    وقد كان الوزير على الاعلام طوال الوقت لحساسية منصبه ثم موضوع الفتوى حول نسختي الوثيقة الدستورية و تكوي عدد من اللجان و الاحالات و البل الشديد في وزارته للمستشارين و الموظفين حتى تصريحاته عن المريسة كان الوزير مثار جدل طوال الوقت لكن لم يتبرّع احد مجايليه بهذه المعلومة إلّا بعد صياغته و تجهيزه لقانون البل الوطني العظيم!
    الذي يبدو انّه كان قاصمة ظهر للكيزان و قاضيا على آمالهم و اعتبروا البلّال عبد الباري احد اكبر اعدائهم فعملوا على اغتيال شخصيته!
                  
|Articles |News |مقالات |بيانات

12-03-2019, 10:19 AM

Asim Ali
<aAsim Ali
تاريخ التسجيل: 01-25-2017
مجموع المشاركات: 5648

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: محمد البشرى الخضر)

    سلام عليكم
    لايهمنى شخصيه اللبوست بالتحديد ولكن فتره الانقاذ (من 89)شهدت تطور نوعى فى اساليب الاستقطاب واداره الكوادر وتوجهيها وعندك من معسكرات الدفاع الشعبى والخدمه الوطنيه ودزر المنسقاتيه اللى عندهم قوائم بطلاب المعسكر ومعلومات كافيه عنهم عشان يتم انتقاءالمناسبين ولاغراض مختلفه عشان الواحد يخش الجامعه بشخصيه ممكن يتزرع بيها فى تنظيم من التنظيمات وناس بتم تجنيدهم حسب الكاريزما الاجتماعيه بتاعتهم ويكونو بشخصياتهم دون تغيير عشان يقودو وياثرو فى الراى العام والناس فاهمه انهم ناس ماعندهم فى السياسه والقضايا العامه دا غير تجنيد كوادر تكون للعمل التنظيمى او السياسى.
    وعليه فالمجتمع فيهو كثير من لناس هم مستقطبين من الكيزان ولكن لابسين اقنعه يسيرو بيها فى المجتمع ويقومو بدورهم وعندكم )الاعلامى الرياضى الشاب (رغم تحفظوتحذير الكثيرين من نوع هذه الشخصيه)الظهر ولمع ايام العصيان الاول وموضوع اعتقال لغايه مابقى عندو صوت فى المشهدالعام وسط الشباب وانكشف اخيرا بعد المجزره .حتى هجره البعض او اغترابهم يكون باوامر تنظيميه سواء لاكتساب خبرات محتاجنها او للعمل فى اوساط المهاجرين وبيستفيدوا خاصه من مواليد دول الاعتراب والمهجر واعاده توطينهم فبها خاصه ابناء الكيزان .
    كوادر لاتطالها شبهه الانتماء للتنظيم بل ويكونو فى نظر الناس عكس 180 درجه وديل ناس الخطه ب والخطه ج وربما الخطه د
    انا من الطلبه الرجعهم ابراهيم احمد عمر للسودان عشان يوفر دولار للحكومه وجينا وكملنا دراستنافى الجامعات السودانيه وانا شخصيا فى اطار الكليه (بس) اعرف وباثبات واحدموجود فى مجتمع الطلاب من غير لون سياسى وليهو حضور بين الطلاب وبعدالتخرج مشى وعمل شركه كمبيوتر فى الامارات دا غيراتنين غواصات واحدهفى تنظيم يسارى وواحدفى حزب طائفى (مع سطوه جهاز الامن على عمليه التعيين ومراجعه والمصادقه على التعيين بعد الفحص الامنى لملفاتهم وبالمناسبه اول واحد اتعين من دفعتنا كان متخرج بالدرجه التالته واتعين فى جامعه برضو من الجامعات الكبرى ) وبعد التخرج اتعين فى احدى الجامعات الكبرى ولاحقا مشى السعوديه
    فى كوادر عشان يساعدوهم على الهجره يخلوهم يقلبو ويبدو يهاجمو النظام والكيزان فى انشطه سياسيه ويدخل المعتقل وحاجات زى دى عشان تبقى مدخل للخروج للعمل لصالح التنظيم بره السودان.
    عشان كدا شخصيا بعاين وبكون حذر لنفسى وعدم الثقه بكثيرين جدا لكن لا اتهم شخص بعينو ولا اقع فى فخ الدفاع عنو
                  
|Articles |News |مقالات |بيانات

12-03-2019, 06:05 PM

امتثال عبدالله

تاريخ التسجيل: 05-15-2017
مجموع المشاركات: 3405

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Asim Ali)

    يا حافظ إذا افترضنا عمره كان ١٨ سنة في ذلك الوقت ، فهو إذن كان راجل كبير وفاهم وعارف انو الكيزان حرامية و لصوص....
    هل انت بتعرف ان بيل غيتس ، الملياردير الأمريكي وعالم الكمبيوترات، وعمره ١٠ سنوات فقط كان خلص الجامعة وبيحاضر في اعرق جامعات أمريكا..
    عشان كده وزير العدل مطالب بتوضيح عن تلك الفترة التي كان فيها امين التنظيم ، وهل تبرأ من ذاك التنظيم الشيطاني عندما عرف حقيقتهم !!؟؟
                  
|Articles |News |مقالات |بيانات

12-03-2019, 08:05 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 23397

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: امتثال عبدالله)

    Quote: هل انت بتعرف ان بيل غيتس ، الملياردير الأمريكي وعالم الكمبيوترات، وعمره ١٠ سنوات فقط كان خلص الجامعة وبيحاضر في اعرق جامعات أمريكا..
    دا كلام شنو يا امتثال! كدري راجعي سيرته الذاتية تاني
                  
|Articles |News |مقالات |بيانات

12-04-2019, 05:44 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 3891

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: محمد البشرى الخضر)



    سلام أختنا وبتنا العزيزة إمتثال

    Quote: يا حافظ إذا افترضنا عمره كان ١٨ سنة في ذلك الوقت ، فهو إذن كان راجل كبير

    طبعاً بنختلف في تحديد العمر الممكن نقول فيهو إنو الزول بقى راجل كبير وفاهم.
    في السودان الحق في التصويت والمشاركة السياسية يبدأ من عمر 18 سنة مما يعني أن العرف القانوني يعتبر أن الأشخاص أقل من عمر 18 سنة غير ناضجين وغير مؤهلين للحكم وإتخاذ القرارات في المسائل المتعلقة بالسياسة.
    وأيضاً القانون يعتبر ستة 18 سنة هي السن التي تبدأ فيها الأهلية والمسؤلية القانونية للشخص.
    لذلك أنا ما شايف أي معنى لمساءلة أي شخص غن الإختيارات السياسية والفكرية البيختارها في عمر أقل من 18 سنة.
    وبالمناسبة أنا ذاتي لما كان عمري بين 15 و16 سنة باريت الكيزان لمدة شهر تقريباً
    ومباراتي ليهم وإنقطاعي عن مباراتهم الإتنين كانوا قرارات طفولية غير ناضجة.

    ______________

    بيل قيتس ألتحق بهارفارد لما كان عمرو بالضبط 18 سنة ودرس فيها لمدة سنتين وما أكمل دراسته فيها.
    لكن صحيح هو كان نابغة في مجال البرمجة والنبوغ دا ظهر عليهو وهو عمره 13 سنة.




                  
|Articles |News |مقالات |بيانات

12-04-2019, 05:57 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5137

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Hafiz Bashir)

    Quote: وبالمناسبة أنا ذاتي لما كان عمري بين 15 و16 سنة باريت الكيزان لمدة شهر تقريباً



    ههههه تشرّكـ بي رقبتك ياحافظ بالغت فوقا دي ..
    الجدعة دي انت فوتا فيها صاحبنا ود البشرى بي غادي ..
    دي رمية في التمنيات ..
    ــــــــــــــــــــــــــــــــــــــــــــــــــــــــــــــــــــــــــــــــ

    ذكرتني موقف زي حقك ده لكن وحاة الله مابتحكي كلو كلو ..
    غايتو ياعمكـ ضحكتني أضحك الله (سنكـ) ..
    لكن كان النديك (هنت) عشان الشمار وكده ..
    واحد صناعي كبير شرّك لي مغلم بارز في سماء الفن والطرب ..
    وتم الباقي براكـ ..
    أو كورك لي أبو حميد يتمها ليك ..
    مع إني استبعد إنك تحتاج خدماته الجليلة ..
    بالمناسبة دي هو اختفى وين تاني ..
    زي ما قال الراجل لي مرته إنتي بمناسبة الزفت ..
    أمك وين طوّلت مننا ..
                  
|Articles |News |مقالات |بيانات

12-04-2019, 06:03 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5137

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: جمال ود القوز)

    وحسب رؤيتي الشخصية أنا شايف إنه لايضيره في هذا العمر الباكر مبارات الكيزان ..
    لكن حسب العارفه إنه الزول ده كان مباري الكيزان في الجامعة ..
    أها بتلقى ليها مخارجة دي ياقريبنا ولا كووو ......
                  
|Articles |News |مقالات |بيانات

12-04-2019, 07:17 PM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 8679

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: جمال ود القوز)

    Quote: نرجع لي موضوعنا..

    هو وينو الموضوع يا الهادي
    كلو قالو لي و جابو لي الصورة
    و اعتقد؟
    كَناطِحٍ صَخْرَةً يَوْماً ليِوُهِنَهافَلَمْ يَضِرّْها وأوْهى قَرْنَه الوعِلُ
    الوعل دي خليها البغل:)
                  
|Articles |News |مقالات |بيانات

12-04-2019, 08:22 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 3891

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: خضر الطيب)



    أبو حمييييييييييييييد

    أجدع في الخاص يا قوازي، شكلو الذاكرة أنسهكت
    وابوحميد دا من النوع التوكورك ليهو ما يجي
    😂

    بعدين ياخي شركي دا ود البشرى ما يقدر يعمل زيو
    يعني معقولة يقول ليك أنا كنت رمادي لغاية قريب سن المعاش؟😜😜

    ____________


    عاطف عمر يا بتاع الفيس
    خليك حريف
    صاحبي ديك قلناها والمقصود منها تعليق على بوست الهادي.
    المعنى بتاعها إنو بوستك دا يا الهادي أخير منو الواحد يصاحب عاطف عمر.
    عارفك بعد الشرح دا برضو ما فهمت حاحة
    😉


                  
|Articles |News |مقالات |بيانات

12-04-2019, 11:32 PM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 3506

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: Hafiz Bashir)

    أعتقد الترك الكيزان قبل عام قبل ثورة ديسمبر وأبلى بلا حسن ضدهم ولصالح
    العدل ورد الحقوق لأهلها يستاهل أي منصب ما دام أنه أهل له
    فلماذا لا نحاكمه بأفعاله بعيدا عن تاريخه الطلابي أو حتى الوظيفي السابق
    لماذا دائما تضعون حجب وموانع ضد الحكم على الناس وعلى الحقائق
    بمجردها دون اجترار وارداف حقائق بعيدة عن معايير الحكم الموضوعية على الناس؟!
    بعدين في واحد هنا جاب سيرة امين حسن عمر وعبد الباسط سبدرات
    نقول ليهوا الفرق كبير جداً
    1ـ عبد الباسط سبدرات شارك مع الكيزان في السلطة من أجل السلطة وليس اعتقادا بالمباديء الإخوانية
    وليس ليحقق أي مبدأ وطني فقط الوظيفة وما تحققه له من مكاسب شخصية
    وأما أمين حسن عمرانتقل إلى حزب الكيزان مقتنعاً كما بدى لنا بمنهج وفكر الترابي ومبدأ المصلحة الشخصية
    كان كذلك كان حاضرا وهو الغالب في الغالب
    وكلا الشخصين كبار في السن بفارق كبير وليسوا شبابا في بداية الشباب
    كالرجل موضوع البوست
    وأعتقد الخمسة إلى عشرة سنوات الأولى من الشباب من الطبيعي جداً أن يتنقل فيها الإنسان
    من تيار سياسي لآخر ومن حزب لآخر ومن فكرة أو منهج أو مذهب لأخر
    وناس دارفور معظمهم كانوا قد أثر فيهم تيار الترابي
    ومن خرج منه خرج ومن ظل فيه ظل فيه.
                  
|Articles |News |مقالات |بيانات

12-05-2019, 11:43 AM

Elhadi
<aElhadi
تاريخ التسجيل: 01-06-2003
مجموع المشاركات: 5927

للتواصل معنا

FaceBook
تويتر Twitter
YouTube


Re: السيد وزير العدل في حكومة الجنجوقحت: هل صح (Re: منتصر عبد الباسط)

    انحنا لا بنخت موانع ولا ما موانع

    عاوزين نعرف الحقيقة بس..

    الزول ده كان كوز منظم الوقت داك ولا لا ؟؟ عضو تنظيم الكيزان وأمين أمانة الدعوة بالتنظيم كما يقول من يدعي أنهم رفاقه ومجايليه في ذلك الوقت

    ودخل الجامعة (الوقت داك ) بصفتو التنظيمية دي ولا لا؟؟

    وإذا الموضوع ده عادي وطبيعي وانتماء فكري وما فيهو حاجة زي ما بيحاول البعض هنا أن يقول..

    طيب الدسدسة والغتغتة والجقلبة فوق كم ؟؟

    الزول ده الليلة بقى شخصية عامة وبيتولى موقع مسئولية من أهم وأخطر المواقع بعد التغيير ( أو هكذا يفترض).. يعني ما زول ساي زيو زينا كده

    وبالتالي من المؤكد إنو في معايير وظيفية معينة مفروض تنطبق فيهو ( خلاف المعايير المهنية ) ولا كان المانع شنو يعني يجي نافع علي نافع ولا الطيب سيخة ولا عبد الغفار الشريف زاتو وزير عدل !!

    فشنو يا اخوانا عشان ما تطلعونا من موضوع البوست فكلام الانتماء الفكري وانو كان عمرو صغير والكلام ده اختونا منو لأنو يعتبر كلام لف ودوران ساكت حول الحقيقة وحول موضوع البوست

    تحياتي للجميع
                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de