|
|
|
 Re: |- وللصبر حدود.. صوت من (رجالة) لجان الاحياء (Re: Mutasim Idris)
|
مليونيات الشارع بعد سقوط النظام اكثر من قبل السقوط!!
مليونية تعيين القضاء والنائب العام.. حل المؤتمر الوطني
حق الشهداء ولجنة التحقيق.. والقائمة تطول.. وآخرها كانت
مليونية المجلس التشريعي ( استلمها الوزير الكبير) وسافر
جيبوتي للعلاقات الثنائية بين البلدين!! معقولة بس!!؟
| |
 
|
|
|
|
|
|
|
|
Re: |- وللصبر حدود.. صوت من (رجالة) لجان الاحياء (Re: Mutasim Idris)
|
مليونية الولاة والتشريعي الاخيرة اللي دعي ليها تجمع المهنيين
فهمتها بعض لجان المقاومة بانها بمثابة دس السم في العسل
ظهرت قوائم ( مسربة) لمرشحين لولاية الولايات من قحت مرفوعة
لرئيس الوزراء!! ولم تظهر ااي بوادر لقيام التشريعي (المهم)
للشارع.
الله عرفوه بالعقل ما شوف عين..
الشارع فقط يعرف حمدوك ودنت ساعة الاجابة علي الاسئلة
الصعبة.. شكرا حمدوك.
| |
|
|
|
|
|
|
|
|
|
Re: |- وللصبر حدود.. صوت من (رجالة) لجان الاحياء (Re: Mutasim Idris)
|
سلامات يا معتصم
لجان المقاومة او الأحياء ما هي ضوابطها! أو بمعنى اصح كيفية أو آلية عملها و مدى تأمينها من الاختراق و التضليل!
بل وكيفية تكوينها من الأساس, لا اعتقد جرى نوع من الانتخاب لكن بالتأكيد حصل تقييم و بحث خلفية للاعضاء للتأكد من عدم انتماءهم باي شكل للنظام السابق أو موالاة الثورة المضادة
صراحة الكل الآن يسعى لخطب ود لجان المقاومة و التحدث بإسمها و المظايدة على دماء الشهداء, واعني بالكل الأحزاب و اللايفاب و الثورة المضادة المتوارية وراء حجاب وكارهي قحت و العسكر و حميدتي و كل طامع و صاحب غرض
التجربة تحتاج وعي حتى لا تصبح وبال على الثورة
| |
|
|
|
|
|
|
|
|
Re: |- وللصبر حدود.. صوت من (رجالة) لجان الاحياء (Re: محمد البشرى الخضر)
|
| Quote: لجان المقاومة او الأحياء ما هي ضوابطها! أو بمعنى اصح كيفية أو آلية عملها و مدى تأمينها من الاختراق و التضليل! |
هم عصب وروح وعمود الثورة الفقري. هم حماة التروس أيام
الثورة (لو الناس نست) والكنداكات اللي كانوا بطلقوا زغرودة
بدأ المواكب (توقيت الثورة). عملها وآليته واقفة الف احمر
لكل بايع ضمير سواء كان في الحي وخدماته او في الحكومة.
| Quote: بل وكيفية تكوينها من الأساس, لا اعتقد جرى نوع من الانتخاب لكن بالتأكيد حصل تقييم و بحث خلفية للاعضاء للتأكد من عدم انتماءهم باي شكل للنظام السابق أو موالاة الثورة المضادة |
كيفية تكوينها دي بقي يا محمد الجواب عليها ح يفضح حال امة.
غايتو مازي ما اتكون عشرومية حزب فكة من الامة والاتحادي
واخواتهم من الفكة (دا من البيت فهذا إلآهكم). ولاا زي ما
نقابات كتييرة (خَلّقت) قيادات عضل كدا تمشي بيها حالها
وتشارك بيه في (التجمع). لا.. ديل فتية أمنوا بالثورة وميثاقها
(اللي خلوهوا حتي من كتبوه). ديل هم اللي هدّوا الطاغوت
بشكيمتهم وقوة شوكتهم وعنادهم لتحقيق هدفهم. فشلت كل
محاولات (تقنينهم) لتنظيمهم بالانتخاب عشان ما يحصل بيع
في وجود مشتريين. لجان الاحياء لن تفلح ااي محاولات لكسرهم
او شقهم او شراءهم.
| |
|
|
|
|
|
|
|
|
|
Re: |- وللصبر حدود.. صوت من (رجالة) لجان الاحياء (Re: Mutasim Idris)
|
Quote: ديل فتية أمنوا بالثورة وميثاقها
(اللي خلوهوا حتي من كتبوه). ديل هم اللي هدّوا الطاغوت
بشكيمتهم وقوة شوكتهم وعنادهم لتحقيق هدفهم. فشلت كل
محاولات (تقنينهم) لتنظيمهم بالانتخاب عشان ما يحصل بيع
في وجود مشتريين. لجان الاحياء لن تفلح ااي محاولات لكسرهم
او شقهم او شراءهم. |
كلام جميل لكنه رومانسي للأسف
سؤالي بصيغة تانية
ما الضمان من عدم اختراقهم او تضليلهم وما الضمان في ان تكون لجنة الحي فلان تمثل ابناء الحي كلهم ولن نرى لجنة حي فلان ألف و اللجنة ب! وكل واحدة عندها راي و ثورية و لا احد يزايد عليها
| |
|
|
|
|
|
|
|
|
|
Re: |- وللصبر حدود.. صوت من (رجالة) لجان الاحياء (Re: محمد البشرى الخضر)
|
Quote: كلام جميل لكنه رومانسي للأسف
سؤالي بصيغة تانية
ما الضمان من عدم اختراقهم او تضليلهم وما الضمان في ان تكون لجنة الحي فلان تمثل ابناء الحي كلهم ولن نرى لجنة حي فلان ألف و اللجنة ب! وكل واحدة عندها راي و ثورية و لا احد يزايد عليها |
رومانسية شنو يا محمد واسف شنو واللجان دي شايلة حمدوك
وحكومته وواقفة للكيزان (زي ما قاليك في الفيديو). في
كوز الليلة يقدر ينطق بيها في الشارع؟ معليش يجتمع
بحمدوك يكتبها في جريدة لكن مابقدر يقولها في الحي.
اما الاختراق فلو تم لما طلعت مليونية ولا سار موكب.
لجنة فلان واللجنة ب بالحيل شفناهم في الزواحف
ولة ديل بعلنوا في التلفزيون والجرائد؟..
اللمام الصادق بعدما (رحبوا) بيه في جولته دي قال
ليهم كونوا حزب وانزلوا انتخابات هههههههه.
| |
|
|
|
|
|
|
|
|
|
Re: |- وللصبر حدود.. صوت من (رجالة) لجان الاحياء (Re: Mutasim Idris)
|
سفرة حمدوك (جيبوتي) توقيتها غريب جدااا مع سفرة البرهان
ليوغندا. واضح انه حمدوك وضعت ليه السفرية دي في جدوله
حتي يكون خارج السودان اثناء لقاء السحاب في يوغندا
حفاظا علي (شوية موية وش). يقولو كان برة ما عارف هههه.
البرهان (طلع للربا والتلاف)و تم المهمة.. اهاا الخطوة الجاية
شنوووو؟ جوطة في الشارع وجقلبة كيزان واسلاميين
عشان ينط فيها حميدتي؟؟ إنتخابات مبكرة؟
العسكر ديل سفرهم واجتماعاتهم مع المحور الاماراتي
وعمالتهم (دولتهم الجوة ثورتنا) ما كانت صدفة انما
مخطط ليها يوم قالوا التشريعي ما معانا هسي تحسبا
ليوم زي دا وايام زيه كانت (سفريات الامارات) وايام
ح تجي طالما خط دفاع الثورة هو شوارع قوي التحيير.
حمدوك في المحك.. اقتصاديا وسياسيا..
----
السؤال المهم شديد.. هل استقالة الاستاذ ابراهيم الشيخ
ليها اااي علاقة بتطبيع العلاقات مع اسرائيل؟؟
هل علم بالسفرة واستبقها بالاستقالة المفاجئة؟
السودان امس ما زي سودان الليلة.
غااااايتو.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Mutasim Idris
محمد البشرى الخضر
فيس بوك
تويتر
انستقرام
يوتيوب
بنتيريست