|
Re: ** قوي الحرية والتغير.. حتي لا تنسوا دم الشه (Re: Mutasim Idris)
|
Quote: تجمع المهنيين السودانيين 7 Std. ·
العصيان المدني الشامل والإضراب السياسي المفتوح بأمر الشعب (٢)
طيب نحن عاملين عصيان ليه؟
لأنو بلدنا مختطفة من قبل اللجنة الأمنية الانقلابية ومليشيات جهاز أمنها والجنجويد وكل عصابات الكيزان، والمجرمين ديل دايرين يفرضوا نفسهم ضد رغبتنا وعشان يسرقوا عرقنا وحقوقنا وممتلكاتنا بقوة السلاح وقتلنا وإرهابنا وانتهاك حرماتنا، وده ما في إنسان شريف وحر بيقبله خاصة بعد ما عاهدنا عليه الشهداء من مواصلة لطريق الثورة البدوه وحرسوه بدمهم.
العصيان المدني الشامل والإضراب السياسي المفتوح هو طريقنا السلمي بالكامل البننتصر عبره على كل العنف والقتل الحاصل ده، لأنه بدون سلطة ولا موارد للنظام وميليشياته ما بيقدروا يواصلوا في العنف والقتل، وبنسرع سقوطهم وبأقل تكلفة وبالتالي بنصل لي سلطتنا المدنية الحنبني عبرها دولة سودانية تهز وترز، تقدمهم للمحاكمات العادلة على كل ما ارتكبوه وقاموا به من جرائم وقتل وسرقة وانتهاك حرمات، وبرضو تمنع تكرار جرائم زي دي مرة أخرى، وتجعل من الحرية والسلام والعدالة الاجتماعية واقع معاش.
حرية، سلام، وعدالة مدنية قرار الشعب
#حنبنيهو |
عصينا عصينا وشلنا عصينا علي الحرية منو البوصينا
| |
|
|
|
|
|
|
Re: ** قوي الحرية والتغير.. حتي لا تنسوا دم الشه (Re: Mutasim Idris)
|
Quote: قوى إعلان الحرية والتغيير
بيان
جماهير شعبنا الأبي تحيّة الصمود نتابع الدعوات المسمومة للعودة لطاولة المفاوضات والتي يبثّها المجلس الانقلابي وأزلامه، وهي دعوات فيها استهانة صريحة بالأرواح التي أُزهِقت والدماء التي لم تجف؛ عليه نؤكَّد أن لا عودة إطلاقاً للمفاوضات مع المجلس الانقلابي. وتبقى مطالبنا واضحة: - محاسبة المجلس الانقلابي وكل من تورّط في جرائمه منذ الحادي عشر من أبريل. - تسليم السلطة الانتقالية كاملة للمدنيين كما نصّ إعلان الحريّة والتغيير. - الحل الفوري لمليشيا الجنجويد وتسليم سلاحها للجيش، وإنهاء استباحتها لشوارع المدن.
عهدنا مع جماهير شعبنا أن ثورتنا مستمرة ونصرنا أكيد، والعصيان المدني سلاحنا الذي سيجثو أمامه الطغاة والأراذِل. شعبنا سوّاي وقادر، والليل زائل، لا غرفة التوقيف باقية ولا زرد السلاسل.
قوى إعلان الحرية والتغيير ٦ يونيو ٢٠١٩
#عيد_شهيد #مجزره_القياده_العامه #العصيان_المدني_الشامل |
شكرا للاخ الدكتور الانسان ياسر المليح للتوثيق..
| |
|
|
|
|
|
|
Re: ** قوي الحرية والتغير.. حتي لا تنسوا دم الشه (Re: Mutasim Idris)
|
الدقير لقناة الحدث: وافقنا علي المبادرة الاثيوبية وهي نقطتين الاولي ما تم الاتفاق عليه بين المجلس والقوي بالنسبة للمجلسين التشريعي والوزراء. والثانية المجلس السيادي وهو مكون من سبعة مدنين وسبعة عسكريين بالاضافة الي مدني متفق عليه بين الطرفين. يراس الفريقين فترة سنوات الانتقالية مناصفة حيث تؤول الفترة الاولي(لسة ما تم اتفاق كامل) للعسكرين. وقد ابدي العسكريين الرغبة في الوصول الي اتفاق كامل للخروج من الازمة..
| |
|
|
|
|
|
|
Re: ** قوي الحرية والتغير.. حتي لا تنسوا دم الشه (Re: Mutasim Idris)
|
يعني يا الدقير عاوزين تفطرونا علي بصله وترجعونا الي فترة ما قبل فض الاعتصام؟؟ دا مش كان ما تم الاتفاق عليه بينكم والمجلس قبل ليلة من فض الاعتصام؟؟ بمعني تاني فض الاعتصام والشهداء والاغتصابات وحتي العصيان المدني في نظركم لا قيمة ثورية ليه؟؟؟؟؟ غايتو انتو امشوا في اتفاقكم وانبطاحكم دا ونحن في الشارع قاااااعدون.. مدنياااااااااااا
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|