يا سلاااام يا احمد حمودي اسعدتا صباحي رائعة الشاعر الراحل عثمان خالد (ود بارا ) و غناء عبد العزيز المبارك آداء الفنان الإثيوبي الشاب قيزاشو أميرا فيهو ملامح من زميل البورد الفنان الصديق دكتور ابراهيم نواحي المانيا و كتير من الفنانين الإثيوبيين بترجمو بعض المقاطع للغة الإثيوبية شغل فيهو مهارة و ذكاء
بتقولي لا
وحياة شبابك ذبت في عينيك حنان ومغازلا
سافرت في رحلة مشاعر ملهمة ومتأملا
شوفت الورود من وجنتيك غيرانة جات متوسلة
حتى القمر غار من صفاك وأصبح يردد في الصلاة
وجاكي المساء يؤدي الفروض داعب شفايفك وغازلا
شال نور جميل من وجنتية مسح خدودك وبللا
وأصبح يلمملم في النجوم ينظم عقودا ويغزلا
طرز لجيدك بالحرير أحلى العقود وبتقولي لا
وانا بيك بلملم في النجوم ياحلوة أحرف وأشتلا
بملاها رقة ودندنات وعناق حنان ومبادلا
وانا بيكي لو قلبك يحن عالم يجن من الوله
واهديك حنان ماأظنو كان في الدنيا أو كانت صلة
وأزرع هواك بين النجوم روضة حنان وأدللا
وأهديك لحون ياغالية لانسابت ولاعود غازلا
وأخلى كل الكون يكون فنان يقول يامذهلة
بتقولي لا يالهفة المشتاق ويا طعم الحلا
بتقولي لا ---------- هاك نفس الأغنية مع عبد العزيز المبارك و الفنانة الإثيوبية بورانبور هاميمال رغم انو فني الصوت و المخرج و حتى عبد العزيز المبارك ما ادوها فرصة
08-09-2019, 10:45 AM
Gafar Bashir
Gafar Bashir
تاريخ التسجيل: 05-02-2005
مجموع المشاركات: 7220
الاحباش هجمو في الاونة الاخيرة على الاغاني السودانية واستباحوها وحققوا انتشارا وشهرة بعد اضافة الرقصات واهنزاز الاجساد والجعبات التي لا علاقة لها بالحس المرهف للذوق السوداني وكلمات الاغنية وقالو سمح القول في خشيم سيدو والفنان الاثيوبي شوه الفن السوداني وانمنى من وزارة الثقافة السودانية والفنانين مقاضاة مثل هولاء المتطفلين على الفن والتراث السوداني الذي خلق خصيصا للسودان والفن السايب يعلم السرقة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة