|
كتب الكاتب الفاتح جبرا المتوفرة بمعرض الدوحة
|
|
 Re: andquot; بلا قيود andquot; مع أسماء محمد عبد الله وز� (Re: يحي قباني)
|
ذكرت وزيرة الخارجية السودانية أن الوفد السوداني سيقدم خلال اجتماعاته مع الجانب الأمريكي من الأدلة والبراهين ما يؤكد عدم وجود إرهاب في السودان.
أسماء عبدالله: لا مبرر أمام الحركات المسلحة لرفع السلاح لأن النظام سقط
أعلنت وزيرة الخارجية السودانية أسماء محمد عبد الله في لقاء خاص مع برنامج بلا قيود انه سيكون هناك لقاءات مع مسؤولين أمريكيين لبحث مسالة رفع اسم السودان
من قائمة الدول الراعية للإرهاب، وذلك على هامش مشاركة السودان في اجتماعات الدورة الرابعة والسبعين للجمعية العامة للأمم المتحدة. وذكرت وزيرة الخارجية
أن الوفد السوداني سيقدم خلال اجتماعاته مع الجانب الأمريكي من الأدلة والبراهين ما يؤكد عدم وجود إرهاب في السودان. كما أعربت عن تفاؤلها بشأن فرص
تحقيق السلام خلال المفاوضات التي تستضيفها جوبا بين الحكومة السودانية والحركات السودانية المسلحة. وقالت وزيرة الخارجية إنه لم يعد هناك مبرر أمام الحركات
المسلحة للاستمرار في رفع السلاح لأن النظام الذي كانت تقاتله قد سقط وإن هذه الحركات تعتبر جزءاً من قوى الحرية والتغيير في السودان
" التعليق منقول من اليوتيوب ".
| |
  
|
|
|
|
|
|
|
|
Re: andquot; بلا قيود andquot; مع أسماء محمد عبد الله وز� (Re: يحي قباني)
|
سلام حبيبنا قُبة
بس بقول يا لطيف
و كنت كتبتا في بوست سابق ان السيدة اسماء و بخبرتها الطويلة في الخارجية منذ السبعينات من القرن الماضي
تصلح ان تكون وكيلة لوزارة الخارجية , وهو منصب هام جداً و لكن كونها تكون وزيرة حارجية دي مسألة غير مقبولة على الاطلاق
لا عيب في كبر السن ولكن للسن احكام , و في الخدمة المدنية في كل دول العالم يتم احالة الموظف للتقاعد في سن ال 65
و ربما قبلها بخمسة سنوات في بعض الدول
يجب على حمدوك مراجعة وزرائها و مراجعة تشكيل حكومته و لا داعي للمجاملات في هذا الشأن
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: خضر الطيب)
|
Quote: سلام حبيبنا قُبة
بس بقول يا لطيف
و كنت كتبتا في بوست سابق ان السيدة اسماء و بخبرتها الطويلة في الخارجية منذ السبعينات من القرن الماضي
تصلح ان تكون وكيلة لوزارة الخارجية , وهو منصب هام جداً و لكن كونها تكون وزيرة حارجية دي مسألة غير مقبولة على الاطلاق
لا عيب في كبر السن ولكن للسن احكام , و في الخدمة المدنية في كل دول العالم يتم احالة الموظف للتقاعد في سن ال 65
و ربما قبلها بخمسة سنوات في بعض الدول
يجب على حمدوك مراجعة وزرائها و مراجعة تشكيل حكومته و لا داعي للمجاملات في هذا الشأن |
سلامات حبيبنا خضر ..
هل في شي تاني غير مسألة السن ؟
انا حضرت اللقاء ده كامل و اعتقد انها راكزة و عارفة مسارها تماما ... رغم انو المقدمة حاولت استفزازها اكتر من مره ...
عموما لو الدنيا استمرت ديموقراطية ... حتما لو ما ملت مركزها التغيير ساهل ...
| |
|
|
|
|
|
|
|
|
 Re: andquot; بلا قيود andquot; مع أسماء محمد عبد الله � (Re: يحي قباني)
|
سلام عليكم
الحديث عن رفع اسم السودان من قائمه الدول الراعيه للارهاب اعتقد انو بدرى شويه فالكيزان بخلاف تفكيك دولتهم العميقه فى مؤسسات الحكم مازالت الصوره غير واضحه حول مصير مؤسساتهم العامله فى مخلف المناحى اقتصادى .خيرى , اعلامى وحتى الاكاديمى (مع وجود مؤسسه يقوم عليها قيادات فكريه واكاديميه منهم و تفرخ كوادر من جنسيات مختلفه) ..... وهى ليست الا واجهات حاضنه لكوادر التنظبم من جهه ويتم عبرها اداره اعمال التنظيم داخليا و(خارجيا) ودا الجزء الاهم فى ملف رفع اسم السودان من الدول الراعيه للارهاب.
اضف الى ذلك كميه الوجودللاسلاميين من العرب خاصه من الدول غير المستقره يمن وسوريا وفلسطين ...
اعتقد الجوانب دى لو اتحسمت من غير نمشى نفاوض هم براهم حيرفعو اسم السودان من القائمه اما لو تم رفع اسم السودان دون حسم او تغيير فى الوضع الموصوف اعلاه فمعناها الحكايه فيها صفقه لصالح الكيزان وهبوطهم الناعم. والله اعلم
تحياتى
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: يحي قباني)
|
Quote: سلامات حبيبنا خضر ..
هل في شي تاني غير مسألة السن ؟
انا حضرت اللقاء ده كامل و اعتقد انها راكزة و عارفة مسارها تماما ... رغم انو المقدمة حاولت استفزازها اكتر من مره ...
عموما لو الدنيا استمرت ديموقراطية ... حتما لو ما ملت مركزها التغيير ساهل ... |
غير موكبة وغير مستوعبة لمتغيرات المرحلة وما قادرة تفصل بي امريكا ومشروعا القبيح في المنطقة ودلالينه من المحيط الي الخليج وعلي راسهم مصر والسعودية والامارات ومورطين السودان في حرب اليمن
والارهاب بالمعايير الامريكية انتهازية امريكية مفضوحة وامريكا تنشر العار ولا تنشر الديمقراطية في اي مكان وهي ليس من يحدد لنا نرجع للديمقراطية كيف
والصورة دي ما بتفهما انت يا فقعوص لكن خضر بعرفا
https://up.top4top.net/
امريكا هي البنك الدولي يا شيوعيين ولي عملية التحول السياسي دي نستكم ايام لن يحكمنا البنك الدولي
عندك جنود في اليمن وتجنيد اطفال ايضا وحروب ابادة في السودان واضاعة حقوق وملف ذى الزفت في حقوق الانسان وتمشي تحنس امريكا عشان تقول ليك انت كويس
انت ابقى كويس ورجع الديمقراطية والفدرالية واللانتخابات الاقليمية والمركزية والراسية ..دي نوع الدول الما بتجي عليها امريكا لابتزازها
الدول الديمقراطية ...و ده شعر ما عندكم ليه رقبة با بعاعيت مايو 1969
ادو الوزير دي الكتاب ده تقراه ما تشرط عينا وتبقى شجاعة زى وزير خارجية ايران وكوبا ...
https://up.top4top.net/
واقراه انت كمان بدل التسكع غير المفيد في كندا مع اب صلعة
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: عبدالعظيم عثمان)
|
Quote: عادل أمين
انت اهبل ؟
زمان قت ليك قلة الأدب ما صعبة
احترم رقبتك يا زول و قش ريالتك دي و اختاني ...
سكتنا لي دخل بي حمارو ...
الله يطولك يا روح ... عاهات ماشة بس ... |
انت وعيك متدني وانت عاهة المركز والبورد يا امة الامجاد
امشي اقرا الكتاب ده وانلهي ما في شي شالي السودان ومعطل الديمقراطية في السودان غيرك وغير نوعك في المركز
معروض كتاب واضح وصورة تورط السعودية ومصر في المشروع الامريكي وهذه الدول تحكمها عصابات ضد شعوبها ولا يمكن تكون رهان ابدا للشعب السوداني الذى لا تمثله انت اطلاقا
غيرك بجي ويوعا ويشوف ضحالتك دي
انت احسن تعولم وعيك
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: adil amin)
|
Quote: عوقوا يا حكم
يا قباني زولك دا اليمنيين بسمووه (مصيبة من أعالي القمم)
حيطلع عينك |
انت وصلت وين.....خلي اليمنيين يا كلب الحر امشي ثقف نفسك دينيا واحترم الحسين عليه السلام والدين البنعرفو في السودان اول حاجة وحدد لي نفسك هوية واضحة
بعديل تعال اتصرمح في البورد
وزيرة الخارجية بتاعتكم دي اوت اوف ديت وحتشوفو بعد وقت بتصلو وين ؟؟؟
والهرولة لي امريكا ما بتجيب الديمقراطية والفدرالية في السودان ابدا
الديمقراطية اندميك في السودان من 1938-1956 ما بفتشوها بره ولمن الشعب ينتخب ممثليه الفعليين في الاقليم والمركز تاني امريكا ما عندها حاجة عندنا والشعب السوداني عمره ما انتخب حثالة سياسية اطلاقا
وانا بحارو بلدا زيكم في البورد عشان يوعي الاخرين فقط ويزحو منكم
https://up.top4top.net/
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: عبدالعظيم عثمان)
|
تحياتي يا باشمهندس قبّاني ولضيوفك
من السابق لأوانه الحكم عليها، الفترة الكافية للتقييم لم تمر بعد.
بعض القيادات لا تجيد الكلام وخاصة في وسائل الاعلام ولكنهم
ممتازين جداً في التخطيط و المتابعة و التنفيذ. وآخرين عكس ذلك
تماماً. فالننتظر ونري ما هي فاعلة بالوزارة والدبلوماسية.
::::::::::::::::::::::::::::::::::::::::::::::::::::::::::::::::::::::::::::::::::::::::::::::
يا باشا: ما عندك خبر عن استاذنا عبدالحفيظ ابوسن؟؟؟؟؟
حقيقة أنا غبت من المنبر لفترة ولكن قبل غيابي هو كان غايب
لفترة طويلة.
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: Ali Abdalla)
|
عادل امين الرجل الذي ضل سعيه
انت عذبتنا وهردت فشفاشنا بي لواكة قصة الغول وفاطنة السمحة
ما ممكن حايم بي موضوع دستور 2005 وعاوز تركبه في اي حوار
واي بوست
، بقيت زي العطار النصاب البيصرف التوم بالزنجبيل لأي مرض
امشي شوف ليك شغلة اقضاها
الحكومة حكومتنا والسيدة اسماء وزيرة الخارجية
اول وزيرة خارجية للسلطة المدنية بعد سقوط الكيزان
وماشين في السكة نمد
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: عبدالعظيم عثمان)
|
مساء النور حبيبنا قُبة
Quote: ِسلامات حبيبنا خضر ..
هل في شي تاني غير مسألة السن ؟
انا حضرت اللقاء ده كامل و اعتقد انها راكزة و عارفة مسارها تماما ... رغم انو المقدمة حاولت استفزازها اكتر من مره ...
عموما لو الدنيا استمرت ديموقراطية ... حتما لو ما ملت مركزها التغيير ساهل ... |
نعم يا قباني يجب متابعة و مراجعة آداء كل الوزراء
حقيقة تفوقت المذيعة على الوزيرة
و واضح انو المذيعة مذاكرة كويس
في النهاية العبرة بالنتائج
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: خضر الطيب)
|
حقيقةً اصبت بصدمة وأنا اشهد لقاء رئسة الوزراء وأصبت بخيبة أمل
وارجو منها أن تستقيل لتحفظ ماء وجهها من هذا المستوى الغير مقبول
وحقو نجيب المذيعة كرئيسة وزراء
والله حالتنا حتكون صعبة لي قدام
وزارة الخارجية دي دايرة زول مطلوق عديل لسانه أطول منو
لا اشك انها بتكون جيدة في العمل المكتبي لكن وزارة الخارجية لا لا لا لا لا
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: خضر الطيب)
|
حبيبنا قباني .. تحياتي ..
بعض الناس يكونوا على مستوى عالي جداً من المعرفة والخبرة
والعلوم الاكاديمية ولكن تنقصهم الحضور ( كاريزما ) ودي حاجة من الخالق عز وجل
شاهدت لقاء مشترك ( مؤتمر صحفي ) لها مع وزيرة خارجية جنوب السودان ( أوت دينق )
أوت كان لها حضور طاغي في طريقة الكلام والحركة الجسدية
تحياتي الحبيب قباني .. زمن الحرية ..
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: علي عبدالوهاب عثمان)
|
الاخ يحى قباني وضويوفه الكرام.
أتفق تماما في كل النقد الذي وجه اليها خصوصا ما كتبه الاخ خضر الطيب، فهي لا تصلح لهذا المنصب الهام.
إختيارها غير موفق.
موضوع رفع أسم السودان من الدول الداعمة للإرهاب هذا ملف شائك جدا، والموضوع ليس موضوع سلام وحرب داخل السودان فقط ولكنه علاقات النظام السابق ببعض التنظيمات الإرهابية مثل القاعدة وبوكو وأستضافة السودان لبعض العناصر الإرهابية في المنطقة. نصيحتي لهذه الوزيرة لو هي ماشة تقول زي كلامها ده للأمريكان أحسن تصمت.
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: يحي قباني)
|
Quote: تحياتي يا باشمهندس قبّاني ولضيوفك
من السابق لأوانه الحكم عليها، الفترة الكافية للتقييم لم تمر بعد.
بعض القيادات لا تجيد الكلام وخاصة في وسائل الاعلام ولكنهم
ممتازين جداً في التخطيط و المتابعة و التنفيذ. وآخرين عكس ذلك
تماماً. فالننتظر ونري ما هي فاعلة بالوزارة والدبلوماسية. |
سلامات علي ...
الحكم عليها بالفشل لعدم طلاقة لسانها في اجحاف ...
عبر السنين مرت شخصيات على الخدمة المدنية و في مواقع قيادية
لم يكن لها طلاقة في لسانها ... و لكن لهم العلم و الخبره و الدراية ...
اما سنها ... فمن هم اكبر منها على راس العمل في كل الدنيا ...
السيدة لا تنقصها اللباقة ... و هي في قمة الهدوء و الادب ...
لا احد يعرف كيف ستتناول الملفات ... فالوقت لا زال باكراً ...
و كما اسلفت ... لو الديموقراطية استمرت كما نتمنى ... فان ثبت عدم قدرتها فالتغيير سهل ....
______________________________
اب سن موجود ... على تواصل معاهو انا ...
ابلغوا سؤالك ان شاء الله ...
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: يحي قباني)
|
Quote: نعم يا قباني يجب متابعة و مراجعة آداء كل الوزراء
حقيقة تفوقت المذيعة على الوزيرة
و واضح انو المذيعة مذاكرة كويس
في النهاية العبرة بالنتائج |
خدوري يا جميل ...
من الاجحاف ان نحكم عليها من لقاء تلفزيوني ... او حتى مقارنتها بالمذيعة ...
اعتقد لازم تاخد فرصتها ...
ثقتي في من اختاروها لا حد لها ... فلننتظر ...
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: يحي قباني)
|
Quote: حقيقةً اصبت بصدمة وأنا اشهد لقاء رئسة الوزراء وأصبت بخيبة أمل
وارجو منها أن تستقيل لتحفظ ماء وجهها من هذا المستوى الغير مقبول
وحقو نجيب المذيعة كرئيسة وزراء
والله حالتنا حتكون صعبة لي قدام
وزارة الخارجية دي دايرة زول مطلوق عديل لسانه أطول منو
لا اشك انها بتكون جيدة في العمل المكتبي لكن وزارة الخارجية لا لا لا لا لا |
ترهاقا يا جميل ...
مافي فرصة واحده طيب هههه
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: يحي قباني)
|
Quote:
مافي فرصة واحده طيب هههه
|
تعرف يا باشمهندس ، أنا اثق في اختيارات حمدوك تماما ، ولكن اتعودت أن يكون وزير /ة الخارجية عندهم كارزيما
يجذبوك للاستماع اليهم حتى لو بيكضبوا عليك وبدون ورق ، يعني الليلة استمعت للبروف صغيرون وزيرة التعليم العالي ، كانت مدهشة
اما الخالة وزيرة الخارجية ، اتمنى ان اكون استعجلت في الحكم عليها ، يعني هل شفت منصور خالد وكل وزراء الخارجية بما فيهم الانقاذي
غندور بيتكلموا وورق قدامهم ؟
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: ترهاقا)
|
Quote: خدوري يا جميل ...
من الاجحاف ان نحكم عليها من لقاء تلفزيوني ... او حتى مقارنتها بالمذيعة ...
اعتقد لازم تاخد فرصتها ...
ثقتي في من اختاروها لا حد لها ... فلننتظر ... |
تتعلمو الحلاقة في رؤس اليتامي مش كده يا ناس المحاصصة وق ح ت التي ضل سعيها في الحياة الدنيا
الفرق شنو لمن عملتو انقلاب 1969 وقعدتو في راس الناس في زول واحد دق باب نميري ولي بابكر عوض الله قال ليه عايز اغير علم الاستقلال او وحيد القرن ؟
مش فرضتو عقنكم كلو من 25مايو 1969 لحدي يوليو 1971يا بعاعيت
وحمدوك بتاعك ده مش ياهودا مع ظو النون يسمع في ادب للخطة 5+1+5
https://up.top4top.net/
الدولة مؤسسات والتغير مشروع وخارطة طريق وليس محاصصة وفلان وعلان
ارسل ليكم ودك يمني عشان تمشطو الانقاذ دبي قملا ...ولي عندك ليهم كريم روز وديانا ولي نستلف من ناس ابام لها ايقاع وعلجوم الانقاذ حسين خوجلي وشوف جلسن يا حلاتن
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: يحي قباني)
|
ول ابا .. حبابك يا صديقي..
اولا يا صديقي ، اعتذر ، يبدو اني فقدت رقم تلفونك..!!..ليه؟
استمعت لتسجيل لأخونا الفاضل الجبوري عن السيدة وزيرة الخارجية (طبعا قبلها بعض الناس التي قامت ببث خبر انها قدمت استقالتها بسبب النقد في السوشيال ميديا..!!)..وباقي النقة المكتوبة ، سواءا في هذا المنبر او الفيس بووك او غيره من ادوات تواصل..!
ردي كان اوديو(تسجلين)..وكنت حريص ان ارسل هذا الرد لك..ومؤكد سوف يصل لناس كتيرة ، كما حدث وان نشرته في غرفة الجالية السودانية بمدينة كالقري..!
عموما ، اذا هناك فرصة ارجو ان ترسل لي تلفونك في الخاص وعبر الواتساب ح اباصي ليك التسجيلين القمتا عملتها..بخلاف ذلك.. سأضطر الى تفريغ النص المسموع كنص مكتوب ومقروء..!
التقد في حق وزيرة الخارجية السودانية ، 90% منه نقد غير موضوعي بالمرة..وانو شغل بتاع ناس فريقين:
الأول: فريق كيزان داير يشتت اللعب..افصلوها..عشان بكرة يمشى الإتجاه افصلوا الوزير الفلاني او الوزيرة العلانية..يعني شل حكومة الفترة الإنتقالية وحصرها في حكاية ترفد/تعين..وتضيع الفترة الإنتقالية من غير ان نعمل حاجة..
الثاني: ناس عاطفية ، ما واقع ليها طبيعة الحكومة في الفترة الإنتقالية القصيرة المحدودة..والأهم الناس بتطعن في رئيس الوزراء الذي وثقت فيه بدءا..يعني لا يمكن ان تثق في رئيس وزراء وبارادتك جبتو وسلمتو دقنك..وتقعد كل دقيقة والتانية تشبكو: انت غلطان هنا وغلطان هناك وشنو كده ما عارف..!!..خيارنا واحد يا اما نتمسك بتفويضنا لرئيس الوزراء ونخليهو يشوف شغلو..او كمان نقول ليهو امشى بيتكم بدل ما نحرجو بالصورة دي..!!..ياخي رئيس وزراء قدموا ليهو لستة فيها اكتر من سبعين نفر اختار منهم تلاتة فقط وشكرناه على الحسم والضبط والربط..فلماذا نحتج على اختياره في وزارة الخارجية؟..ياخي حقو نكون عقلانيين..الزول ده اختار الناس البيعرف يشتغل معاهم..ومنهم وزيرة الخارجية..اشمعنا الجوطة؟
عموما..وكتي ضيق يا يحي..وانا ادعم وزيرة الخارجية السودانية اسماء محمد عبد الله ، واثق فيها و انها مناسبة للمرحلة الإنتقالية..المرحلة التي تحاول ان تبني ثقة مع العالم..ونحن خارجين من نظام مشاكس نجح في استعداء العالم لمدة تلاتين سنة..!!
عموما يا يحى عملت تسجلين..ولو وصلتك ووصلت اسماء وحمدوك خير وبركة ، ما وصلت ح اقوم بتفريغها هنا وسوف تصل للجميع..!
الفترة الإنتقالية محدودة وقصيرة..وحقو الشعب السوداني يبطل المراهقة السياسية وشغل انو كل زول داير يعملوا ليهو الفي راسو..الناس اختارت وفوضت رئيس وزراء..يبقى شغل انو نريس زول ونتيسو ..الكلام ده ما بيجي..!
كتر خيرك يا صاحب..
أي زول متداخل هنا..عندو الرغبة يسمع الأوديو بتاعنا..يخط لينا رقمو بتاع الواتساب في الخيط عشان الناس تفهمنا ونفهمها..!!
ولي قدام..
كبر
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: Kabar)
|
Quote: حبيبنا قباني .. تحياتي ..
بعض الناس يكونوا على مستوى عالي جداً من المعرفة والخبرة
والعلوم الاكاديمية ولكن تنقصهم الحضور ( كاريزما ) ودي حاجة من الخالق عز وجل
شاهدت لقاء مشترك ( مؤتمر صحفي ) لها مع وزيرة خارجية جنوب السودان ( أوت دينق )
أوت كان لها حضور طاغي في طريقة الكلام والحركة الجسدية
تحياتي الحبيب قباني .. زمن الحرية .. |
يا عم علي ...
الكاريزما مطلوبة ان وجدت ...
لكن الهدوء و الزول الراكز برضه عنده وزن ...
انا قايل نديها وقتها و زمنها و نشوف ...
كت اتمنى اشوف ليها لقاء بالإنجليزي ... نشوفها كيف كمان ...
حقيقي الحكم السريع ده شفقة بس ...
زي البنية الراجلها مات و ابوها جاها المطبخ و قال ليها حنزوجك اخوالمرحوم بعد تتمي العده...
قالت ليو باقي كبايتين بس ...
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: يحي قباني)
|
وعيها وعي ق ح ت ذاتو اوت اوف ديت وشفتها في فضائية الجزيرة
لا احد يعيب شكلها... او حضورها ..شكل الناس في القرن 21 الناس خلو الي الفارغين يا هودا ستينفن هوكنيز ,,,زول جسد ما عنده وعقل جبار يوزن بلد
نحن هنا نقيم الوعي بس هل يليق بوزير خارجية في القرن21 في هذا العالم المفضوح
يا قبة انت يمكنكك تضللو الشباب وتصنعو من موية الفيسخ شربات و تقولو دي ثورة ولكن التاريخ بقول كلمتو يوم من الايام
ونضيف مخازيكم هسة لي مخازي 1969 طولي مخازي الانقلاب ومخازي المحاصصة واحد
المخازي سياسية يتعاملو معاها علميا كالاتي
1- اما تعترف باخطاءاك ذى تشرشل اذا تسبب قرارك في ضرر كبير
2- او تواجه المحكمة الدستورية في الدول المحترمة ذى اسرائيل والهند
3- او يعريك الاعلام الحر والمسؤال ذى بالعمل فيه هنا
4-او يواجهك بيه رب العالمين يوم القيامة
انتو يا ناس تسقط بس الفترة الانتقالية توصلونا الانتخابات بس وتهيكلو الدولة بس وبعد دام نجيب ناسنا بي الصناديق والبقع براه ما ببكي
الازهري حشرنا في جامعة الدول العربية 1957 وندفع في الثمن لحدي هسة
الترابي غتس حجر ااتفاقية اديس ابابا 1973 وضيع جنوب السودان والفدرالية علي المدي البعيد
وانتو يا بعاعيت مايو 1969 وايتام الترابي 1989 ضيعتو نيفاشا ودستور 2005 وحنشوف النتائح قريب جدا لي المحاصصة والاعلان الدستوري الفطير ده
https://up.top4top.net/
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: يحي قباني)
|
Quote: الاخ يحى قباني وضويوفه الكرام.
أتفق تماما في كل النقد الذي وجه اليها خصوصا ما كتبه الاخ خضر الطيب، فهي لا تصلح لهذا المنصب الهام.
إختيارها غير موفق.
|
دينق يا حبيب ...
كل النقد في موضوع الكاريزما و عدم المامها كما بدا للناس بتفاصيل بعض القضايا ...
اعتقد في استعجال على الحكم عليها ...
انا ما بعرف هي كان بعيدة قدر شنو عن السلك الدبلوماسي في فترة العواليق ديل ...
لكن الكيزان مسحو أي شي و شردو الناس و الناس 30 سنة آوت اوف تتش ...
صبرا جميلا ...
اتفق معك قد يكون من هو اكثر كفاءة ... لكن لا احد يعرف المعيار الذي اختاره بها حمدوك ...
we need to give him and her the benefit of the doubt ya Deng.
| |
|
|
|
|
|
|
|
|
 Re: andquot; بلا قيود andquot; مع أسماء محمد عبد الله � (Re: يحي قباني)
|
السلام عليكم
عزيزنا الباشمهندس يحيــى، ليك التحايا الطيبة، وشكراً على التطمين بأن ما يزال بالأخت الوزيرة النحريرة، باقي! والحقيقة لله تعالى، لقد خيّبتْ وزيرة خارجيتنا تطلعاتنا " ثوّاراً " وَ كيزانا خُمجانا ..! ولولا أن ال "هؤلاء" ولغوا في شأن لقاء الوزيرة الذي بلا قيــود، بلا أدنى قيود؛ لما قصــّرنا نحنا في إصلائها لوماً وتقريعا ..! ليس فقط لهمود "كارزميتها" أو حتى " كوزموبوليتانيّتها" وبس! بل لعدم موضوعية - أو قُل عدم تجانُسية - كثير من ردودها..! فانظر لرأيها في الجنود السودانيين باليمن السعيد "كان زمااان" ..؟! وانظر لصفحة وجهها تقع على الورق فتخرج من المشهد التلفازي كخروج السّهَم من الرّمية..
ربما يقول قائل، وبالذات بعد قراءة بوستك دا: لابد من فُرصة تانية وتالتة حتى، ولكن يقوم قلقٌ آخر ..! يتقوقع تحت السؤال الفضّاح: مَــنْ اختارها للوزارة؟ وهل الأخ الدكتور حمدوك، رئيس الوزراء، مفوّض كُليّا ليَرى رأيه هو ...!! وهل يكون "اختيار الأخت وزيرة الخارجية" رأيه ال كُل x ال كُل ..! وليس معه - ولو - شيئٌ من أمريكا ذات العَماد؟!!
وبعدَين، هل ستُمسي هذه الأخت الوزيرة هي الخَيّة الوحيدة في اختيارات رئيس الوزراء ..! أم هناك مصائبٌ لن تأتِ فُـــرادَى؟
ما تزال الخرطوم، وليس وحدها!!! تئنُّ شعوبها من صفوف السِّلع الاستراتيجية، وَ نُدرتها و فوضاها وعدم اتّساقها كملامح ثابتة a fixed features في عهد مثل هذه الثورة التي بلغت بجهود البررة من أبناء وبنات السودان الثريا ..! ثم لا أحد يُخــَــدِّرنا كما كان يفعل البائدون السامدون الهامدون آل-كوزجيّون، بأن البواخر تتزاحم على مينائنا الفلبيني والإماراتي والقمري والشمري والغوسجي التوركقطري ال.. ال... وكلو في السليم يا سجيم..!!
بالطبع، يُمكننا أن نصبر على حماقات الصفوف، ونخوض في أوحال الندرة والفوضى لبُرَهٍ من الزمان.. لكننا بالطبع تربيع! لن نحتمل أن تُخَيّب آمالنا وتطلّعاتنا فيما تعارَفنا عليه من معنى " الكفاءات" أو التكنقراطية ..! ثم وأوعى-بالَك، البراغماتية بالطريقة دي، ح تلحق مصير "الرتوت" .. وقد قيل إن مُحَبّاً للرّتوت (كُسّار القراصة أو الفطيرة في نهاية قدح الفطير/القراصة باللبن) أولَم لضيفٍ من أصدقائه، ثم تآكلا، وقد ضاعت على المُضيف، لذة لغف الرّتوت "رتوتِه" فقال مــُقرّظاً لنفسه أن آثر ضيفه بالرتوت - كما يظُن!_ بالله رأيك في الرتوت دا شنو ..؟! فقال الصاحب الضيف: هووو وينو الرتوت؟ ماااالاقاني حَــرّم، ولا شفتو خِلقتو
أقووول: نُكتة بي نكتة، وأنت البادي أبلغ، بل أدسم .. فشكرا
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: محمد أبوجودة)
|
سلام لكل «من أيد ، و من عارط»
∆ خرج جحا يردف ابنه على ظهر حماره.فقال الخشامة عنه:
بلا رحمة و عديم الرفق بالحيوان.قام نزل الشافع ليتبعه راجلاً ؛
فقيل عنه أناني منزوع الشففة على صغيره. قام نزل هو ليتبع ابنه راكباً؛ فرموا الصبي بالقسوة و العقوق لوالده المسن. ثم نزل الاثنان ليتبعا الحمار سيرا على الأقدام ؛ فاتهموهما بغباء الحمير.
∆ مما دفع الاثنين ليحملا الحمار؛ لتهتف الحشود خلفهما:
«أيوة كدا، يا دوبك صاح ؛ و الحمار أكان ولد برتاح »
∆ مسمار من خلف الأسوار :
لولا اختلاف السلع لبارت الأنظار!!
(عدل بواسطة دفع الله ود الأصيل on 09-18-2019, 10:21 PM)
(عدل بواسطة دفع الله ود الأصيل on 09-18-2019, 10:26 PM)
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: عبدالرحمن إبراهيم محمد)
|
Quote: فهذه حملة إفتراء وكذب لمن يخافون حسمها وشجاعتها فى التصدى لكل خائن وفاسد.
أقول قولة الحق هذه لأرضى ضميرى. ولها أمنياتى بالتوفيق والنجاح من أجل الوطن. |
المعذرة للجميع في كوني قذت الى مداخلة البروف الراقي الاستاذ عبد الرحمنابراهيم ..
سلمت يداك و سلم يراعك استاذنا المبجل ...
و الله لقد ساءني اتهامها بعد القدرة و ساءني اكثر اتهامها بانها كبيرة في السن ...
و ها انت يا سيدي ابن دفعتها و على معرفة وثيقة بها ...
فاوقعت كيد مسالة العمر و المعرفة في نحور الكثيرين ...
من الظلم الحكم المبكر ...
| |
|
|
|
|
|
|
|
|
|
Re: andquot; بلا قيود andquot; مع أسماء محمد عبد الله � (Re: يحي قباني)
|
Quote: ربما يقول قائل، وبالذات بعد قراءة بوستك دا: لابد من فُرصة تانية وتالتة حتى، ولكن يقوم قلقٌ آخر ..! يتقوقع تحت السؤال الفضّاح: مَــنْ اختارها للوزارة؟
وهل الأخ الدكتور حمدوك، رئيس الوزراء، مفوّض كُليّا ليَرى رأيه هو ...!! وهل يكون "اختيار الأخت وزيرة الخارجية" رأيه ال كُل x ال كُل ..! وليس معه - ولو - شيئٌ من أمريكا ذات العَماد؟!! |
ابو جودة يا حبيب ...
لم نعطي كل الحكومة الانتقالية فرصة بعد ...
اقل من شهر ؟ و تطلعاتنا اصلاح ما افسده الكيزان خلال 30 عااً ؟
ثم طالما ارتضينا حمدوك ... فلنعطه الثقة ...
الحكومة ن يطول عمرها اكثر من 3 سنوات ... لو كنا محظوظين و لم يمتطي احد ( الجياشة ) دبابته ...
فلنصبر ...
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
يحي قباني
خضر الطيب
Asim Ali
adil amin
عبدالعظيم عثمان
Ali Abdalla
ترهاقا
علي عبدالوهاب عثمان
Deng
احمد حمودى
Kabar
محمد أبوجودة
دفع الله ود الأصيل
عبدالرحمن إبراهيم محمد
فيس بوك
تويتر
انستقرام
يوتيوب
بنتيريست