|
|
|
 Re: andquot;قوى التغييرandquot; تتسلم مسودة اتفاق مع ال (Re: Yasir Elsharif)
|
دا كان متوقع يا د.ياسر انه المجلس ح يفتش في مراقة قبل زلزال 30 يونيو. مقابلة المبعوث الامريكي ليهم امس كان واااااضح انه فحواها ح تحرجونا وح تحرجوا
الامارات والسعودية ومصر حلفائنا بنجاح المليونية والمطالبة برحيلكم. حتي المبعوث الامريكي واقع تحت ضغوط انه يرجع يجاوب علي اسئلة من الكونغرس علي مهمته.
في جلسة الكونغرس حضروها نشطاء وكان مفروض يشاركوا باسئلتهم لكن اعتذروا ليهم بضيق الزمن ودا نادر يحصل.
الضغط الشعبي الداخلي والخارجي خل الناس ديل كووووولهم يتجاروا يلحقوا حاجة قبل المليونية.
الكورة الااااان في ملعب التجمع وقوي الاعلان. هم في موقف قوة اكثر من اااااي وقت خاصة بعد فض الاعتصام والزخم الكبير الوجدته الثورة السودانية.
في نظرة سريعة للتعبئه علي امتداد الوطن ح تلقي الرغبة الاكيدة عند الناس بالمشاركة رغم تهديدات القتل والموت وتكرار مجزرة القيادة.
مليونية 30 يونيو بأختصار خلت المجلس قاعد امفكو حتي قبل طلوعها وعلي اعلان القوي والتجمع فرض شروطهم..
لا للخزلان ولا للتراجع ولن نقبل بالتنازلات.
| |
 
|
|
|
|
|
|
|
|
Re: andquot;قوى التغييرandquot; تتسلم مسودة اتفاق مع (Re: Mutasim Idris)
|
تحميل البرهان شخصيا سلامة المواكب من الكونغرس الامريكي كانت رسالة قوووووية ليهم خاااااااصة وانه مجلس البرهان (اتلدغ) من جهة ما و حدث ما حدث.
وجود مليشيات كثييييرة حائمة ومامعروف سيدها منو خلت الناس ديل يجوا جااااارين للاتفاق حتي وان بدأوا انهم غير راغبين.
المجلس لا يمتلك قراره وفريق الخلا ماسك بكل المفاصل وفي رحلة مراهقة سياسية وتهور واحلام يقظة. عليهم تحجيم زول الخلا دا اولا ويجوا بكلام راجل واحد.
التجمع وأعلان القوي عليهم فرض شروطهم كاااااملة غير منقوصة ويكون في بالهم انه الشارع كوووولو طالع في 30 يونيو ومستعد يروي ثورته ان دعي بالدماء.
| |
|
|
|
|
|
|
|
|
|
Re: andquot;قوى التغييرandquot; تتسلم مسودة اتفاق مع (Re: Yasir Elsharif)
|
المجلس العسكري عشان ما يدخل نفسو في ورطة أكبر من الورطة اللي هو فيها
يعمل رقابة شديدة على كتائب عبد الحي وكتائب الظل والأمن الطلابي
وأيضا المجموعات المتفلتة من الجنجويد وبعض أعضاء المجلس العسكري المعروفين بكراهيتهم للتجمع
وكل العواطلية اللي شايلين سلاح في البلد الهاملة دي ولازم ينزلوا الشرطة لحماية المسيرة
| |
|
|
|
|
|
|
|
|
Re: andquot;قوى التغييرandquot; تتسلم مسودة اتفاق مع (Re: ترهاقا)
|
تحياتي
المجلس العسكري متخوف من تحمل تبعات أي خلل أمني ممكن يحصل في المسيرة لا قدر الله
وزي ما قال أستاذ ترهاقا وجود مجموعات مسلحة ما معروف تبعيتها لي منو حيكون التحدي الأكبر.
حاجات كتيرة وصلتنا للخلل الأمني الحاصل، منها:
سحب المجلس العسكري السلاح من الجيش وتمكين الجنجويد.
خطاب التخوين من الثوار للجيش "من قبيل البلد ما فيها جيش"، خطاب قطع العلاقة الهشة بين الجيش كمؤسسة وقوى الحرية والتغيير.
برضو غياب الرسايل المباشرة من قوى الحرية والتغيير لمنسوبي جهاز الأمن والمخابرات وتوعدهم بالإقصاء وحل الجهاز مع غياب خطة مستقبلية للتعامل معاهم بالدمج والتسريح، الحاجات دي حتزيد من هشاشة الوضع الأمني العام.
ربنا يجييب العواقب سليمة
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Yasir Elsharif
Mutasim Idris
ترهاقا
فيس بوك
تويتر
انستقرام
يوتيوب
بنتيريست