|
Re: تلفونات أحتاجها بشدة وبشكل عاجل (Re: Waly Eldin Elfakey)
|
Quote: لكن ما بالغت هسع انا كان عندي بديك
|
والي الدين داير تقوم بالتقيلة براك
يا زول لاهاي شنو انتا لسة مصدق الكذبة دي ... حرم ديل رجال ياكلوا النار ما تهزهم لاهاي ولا واشنطون زاتها ... وإن هم رضوا انهم يمشوا لاهاي حرم نحنا ما بنخليهم طول ما فينا قطرة دم واحدة .... نحنا سودانيين نقوم ونقع برانا
| |
|
|
|
|
|
|
Re: تلفونات أحتاجها بشدة وبشكل عاجل (Re: مهيرة)
|
دكتورة سلامات
يادكتورة جايبة لي المشاكل مالك انا ماشي تحت الحيط
يادكتورة ياخي الناس ديل ختوا الأسلحة النارية وبقوا رافعين أسلحة الإعمار والتنمية أخيراً أكتشفت انهم فعلاً رجال غيورين على بلدهم وعلى انسان بلدهم رجال صدقوا ما عاهدوا الله عليه ... اللهم احفظ ولاة أمرنا وحكومتنا الرشيدة واحمي بلادنا اللهم اعز الإسلام والمسلمين آمين رب العالمين
| |
|
|
|
|
|
|
Re: تلفونات أحتاجها بشدة وبشكل عاجل (Re: ود الباوقة)
|
الريس ودالباوقة سلامات ومشتاقين يا راجل
ياخي انتا عارف المشكلة ما كانت فينا يا ود الباوقة المشكلة فيكم. يعني لو كنتوا حاولتوا معانا من بدري وحاولتوا تهدونا وترشدونا للطريق القويم ما كان دا حالنا أسي.
على العموم تاني أنا كل ما أجي الرياض ياكا زولي تب ... بس ناس أحمد حنين ومن لف لفهم أختانا منهم عليك الله.
تحياتي يا ود الباوقة
| |
|
|
|
|
|
|
Re: تلفونات أحتاجها بشدة وبشكل عاجل (Re: Badri)
|
سلام يا أستاذ بدري
الله يعينك ليه داير تخرب علاقتك بالجيران و الأهل والأصدقاء لمن يعرفو إنك بتتصل بالجماعة ديل من غير ما يعرفو نيتك؟؟؟ بتدخل نفسك في لوم مع الناس و سيب الخلق لله .. البت الحديقة قربت تجي و معاها وضاحة و حا نمشي معاها في الممشى العريض في سكون الليل
لك التقدير
مهندس / وائل تاج السر
| |
|
|
|
|
|
|
Re: تلفونات أحتاجها بشدة وبشكل عاجل (Re: Ahmed Abdallah)
|
أحمد عبدالله يا راجل يا ملك تحياتي
عارف يا أبو حميد واحد صاحبنا من بتاعين المزاج اتصل بي قبل كم يوم وبشكل جادي قال لي يا بدري داير تلفون نافع فقلتا ليهو نافع منو قال لي نافع علي نافع قلتا ليهو دقيقة افتشو واضرب ليك. طبعاً فتشتا في موبايلي ما لقيت الرقم قلتا أستعين باصدقائي في سودانييز اون لاين لكن لغاية اسي مافي زول جاب لي الرقم
أحمد باصي الرقم.
| |
|
|
|
|
|
|
Re: تلفونات أحتاجها بشدة وبشكل عاجل (Re: محمد عبدالرحمن)
|
Quote: لكن بينى وبينك اسى عمر البشير دا بكون رد على بوش دا كيف ؟ |
محمد سلامات أنا المحيرني بوش يكون قال لعمر البشير ألو بياتو لغة ... ريسنا زولاً جعلي دمه حار ما بتنازل عن لغته زولاً فنجري تب انتا عارف يامحمد بوش يكون علمه العربي مخصوص عشان المكالمة دي. يعيش الريس ياراجل.
| |
|
|
|
|
|
|
|