|
|
 عيدروس......!!!!!
|
اجازة خفيفة فى مدنى
ياعيدروس
خميس وجمعة لكن نشأت الامام
شخت لينا وعمل مشغول
لكن استمتعنا
ومن الليلة دايرين نعمل حصار اجتماعى لنشأت
ورينا معانا والا مع االتانين..........................
|
|
 
|
|
|
|
|
|
|
|
Re: عيدروس......!!!!! (Re: حافظ عبدالعاطى احمد)
|
يا حافظ يا ولدنا
الحال من بعضه ..
نحبها ولكنها عصية علينا ..
لا نحب مفارقتها ولو للحظة ولكننا مضطرون لذلك..
مدني في حدقات عيوني وباقية في جواي اثر .. ولكن الاقامة بها اصبحت مستحيلة ..
بحثاً عن العيش ولقمته ارتضينا بالخرطوم مكاناً..
وحالي من بعضه مع نشأت .. اردد كثيراً مع الرائع عبدالعال السيد
تسألني عن حالي
وانا حالي ما بسرك
حالي علي يا جميل
خليه في سرك..
رجاء اعف عن نشأت فهو يتمثل نفس الابيات سابقها ..
==========
يا حافظ يا حنين
انت وين
قلنا تعالوا جاي يا اولاد مدني
حضرتم ثم غبتم
فاصبحت مدني خاوية تبحث عن ابنائها
فهل من عودة هل؟؟؟؟؟؟؟؟؟؟؟؟
| |
|
|
|
|
|
|
|
|
|
Re: عيدروس......!!!!! (Re: معتصم عيدروس)
|
العزيز جدا.....
عيدروس......
والله قصدنا نجيبك........بس بيجاى....
عسى ولعل ...نشتم رايحة مدنى.......
وما بعدنا ولكن زى مابقولو ناس السوق المعايش جبارة
ولكن..........!!!!!!!!!!!!!
تبقى مدنى فى الدواخل ونظل نتصيد المناسبات ونتسبب بالخفسة لحدى هناك.........
واحداها كانت يوم الخميس........
حيث افتقدنا نشات........
اها.......وهسى دايرين نعمل الشكلة......
| |
|
|
|
|
|
|
|
|
|
Re: عيدروس......!!!!! (Re: معتصم عيدروس)
|
اااااااااااميييييييييييييييييييييييييييييييييييييييييييييييييييييييييييييييييييين....يارب.....
لكن ما خقتك يا عيدروس....
حقت الغالية....
وبعدين المكنة الشنبرا خفيف دى مابتقسم فينى يا عيدروس.....
صاحبك دا قول ليهو الخلا .....بس
| |
|
|
|
|
|
|
|
|
|
Re: عيدروس......!!!!! (Re: حافظ عبدالعاطى احمد)
|
Quote: اااااااااااميييييييييييييييييييييييييييييييييييييييييييييييييييييييييييييييييييين....يارب.....
لكن ما حقتك يا عيدروس....
حقت الغالية.... |
ما قلنا حاجة يا حافظ ..
عشان خاطر عيون حلوين
| |
|
|
|
|
|
|
|
|
|
Re: عيدروس......!!!!! (Re: معتصم عيدروس)
|
الحبيب حافظ عبد العاطي
ياخي تسلم.. وانا كل ما الليل يضلم اغني مع العميري:
جُن ليلي وهاجت أعراضي
سح دمعي وطاشت اغراضي
هذا بعض البي عدا امراضي
وانت داري وبالعلي راضي
ودوماً ما يلبسنا الليل هنا في الخرطوم ثوباً من الشجن المضني..
وفعلاً كما قال نزار قباني: الليل يضخم أحزان الغرباء..
ونحن غرباء هنا في الخرطوم برغم كثير من ود نحفظه لها..
لكن تبقى مدني تمتلك من القلب سويداءه وتتمدد فيها بدلال.. كعروس تنهض كسولة يوم »الصبحية«..
حافظ.. تسآلني: هل أنت مذنب؟
اجيبك بوجع: نعم.. لاني لم اذهب إلى مدني يوم الخميس..
ولكن.. يوم الخميس ده بالذات البقولوا عنو: خميسك .. لو تبيع قميصك..
انا اسوأ يوم لي في ايام العمل.. ففيه عدد من الدوامات ما يكفي ثلاثة رجال بالغين وراشدين..
غايتو ربك يسهل.. وقول يا لطيف..
بعدين ياخي البوست الجاب ليك نادية عثمان ده.. يفترض تضبح ليهو عديل كده.. وعشان خاطر ندويه.. السماح يا غالي.. نحنا قاصدين السماح
واخونا عيدروس حاول يبرر لينا.. ولانو هو حاسي بالاحنا فيهو.. والجمرة البتحرق الواطيها.. واطيها معانا معتصم.. لذا فهو اقرب للاحساس بمدى حُرقتها..
ولك المودة تاني وتالت
| |
|
|
|
|
|
|
|
|
|
Re: عيدروس......!!!!! (Re: نادية عثمان)
|
اللوم الكتير ما نحن اهلو وساسو
بس بنلوم شديد احبابنا لمن يقاسو
ما الغربة حارة المر مدور كاسو
وكتين نمش لدارنا الزول بفتش ناسو
يقعد طيبة فى نص شلتو واناسو
تسلمو لينا يا الغالين وماتنداسو
| |
|
|
|
|
|
|
|
|
|
Re: عيدروس......!!!!! (Re: حافظ عبدالعاطى احمد)
|
الزول السمح راقي ورقيق احساسو
نسام الزهور شال طيبو من أنفاسو
يا ناديه الجمال باقيالو انتي اساسو
ونحنا طلاق تلاته نبقى ليك حراسو
ياحافظ اخوي الزول عزيز بي ناسو
والماعندو خوه قمحان وخربان ساسو
والزول النجيض بأهلو برفع راسو
وفي يوم الدواس غير اهلو مين بيواسو؟
| |
|
|
|
|
|
|
|
|
|
Re: عيدروس......!!!!! (Re: nashaat elemam)
|
اه من مدنى من نارا البتوقد جوفنا
منها يطلع الغبن المولد بوخنا
من فتناها تب مالقينا البكمل شوفنا
حت مانطوف نشوف ذكراها مالية رفوفنا
منها قمنا واتربينا نلنا قطوفنا
ومن خيرات هالة عليناا مالية كفوفنا
| |
|
|
|
|
|
|
| |
معتصم عيدروس
nashaat elemam
فيس بوك
تويتر
انستقرام
يوتيوب
بنتيريست