|
|
|
 Re: بتاع البتيخ .. (Re: صلاح الدين عبدالله محمد)
|
يا صديقا اقرب الي من جدار
الفلب
شوقين ووطن ينادينا
وبتيخ كمان
لو لاقيتو(بتاع النتيخ)
دردق لينا منو واحده معاك
اتيتك لنفض شئ الغبار
وفض بكارة الشوق
سلام كبير
وشوق يفوقك طولا وعرضا
تحيات للوراك
| |
 
|
|
|
|
|
|
|
|
Re: بتاع البتيخ .. (Re: bayan)
|
اخونا صلاح يا اخوي البتيخ خشم بيوت ومتعدد الانواع والالوان ياتو في ديل .
بتيخ روسمن على وزن ابراهيم ..
بتيخ على السكين
بتيخ بلدي مدور
بتييخ حلا وحمار بفتح الحاء والميم
بتيخ ضارباه الشمش
بتيخ لاقي ..اوغ يكون القاصدوا انت ...
ود الباوقة
| |
|
|
|
|
|
|
|
|
|
Re: بتاع البتيخ .. (Re: ود الباوقة)
|
الفاضله/ بيان
معليش للتاخير فى ردى لكم
محبط جدا تكون معتقد انك شايل بطيخه بطيخه وتصل تفتحها تجدها (ارعه )
| Quote: لما بتاع البتيخ يجي بالله اشتري لي واحدة كبيرة |
اتضح انه لازم نمشى منه
| |
|
|
|
|
|
|
|
|
|
Re: بتاع البتيخ .. (Re: صلاح الدين عبدالله محمد)
|
حبيبنا/ ابوجهينه
| Quote: و من يومها .. دخل البطيخ و الشمام ضمن لائحة الممنوعات .. |
الشمام كل ذنبه انه ابن عم البطيخ ؟
هذه فى قلب وجعى
ـــــــــــــــــ
ابوجهينه
شباب الرياض مالم بهناك
الغفير ماشافم
شايلين بطيخ ولا شنو ؟؟
| |
|
|
|
|
|
|
|
|
 Re: بتاع البتيخ .. (Re: صلاح الدين عبدالله محمد)
|
والبطـبخـة في لنـدن أحـسـن تشتريها مـن محـلات العرب...مضـمـونة تكـون حـلـوة...تبـدأ أسـعارها في بعض المحـلات المجـنونة مـن 15 جنيه استرليني حسب الوزن..... حـتي تنزل الأسـعار الي 4 جـنيه في عـز الموسـم في أغلب المحـلات..
وجـرب يا صـلاح أكـل البطـيخ مـع الجـبنة بس في أكـثر الأوقـات حـرارة..
وجـبة اتعلمناهـا مـن جـدي عثمـان الحـسـين ومن عمـك الخليفـة عـوض وخـالتك جـارة...
وبالهنـا والشـفا....
مـني
| |
|
|
|
|
|
|
|
|
|
Re: بتاع البتيخ .. (Re: صلاح الدين عبدالله محمد)
|
أنا يا صديقي من أكثر المتضررين من الباعة الجائلون بصفة عامة وبتاع البتيخ بصفة خاصة لسؤ توقيته في البيع والذي عادة ما يصادف وقت القيلولة في عز الهجير فقد سبق أن حدثت مشادة بيني وبين بينه عندما طلبت منه أن يكف عن الصياح وأن يتركنا نرتاح فما كان جوابه إلا أن قال لي وبالحرف الواحد ، ده حي شعبي يا أخونا كان ما عاجبك أرحل الأحياء الخمسه نجوم ولو لقيتني بي هناك ولع لي فرن غاز
كان جارنا ....... يقوم برمي قشر البطيخ أمام باب داره عامداً متعمداً إمعاناً في الإعلان صراحة بأنهم قد إشتروا بطيخة وتناولوها وأنهم أحسن حالاً منا وكان أحد أبنائه يتربص بغنم الحله حتى لا تقوم بأكل قشور البطيخ وتفسد عليهم مخططهم ويستمر الحال هكذا لمدة ستة ساعات متواصلة.
العم ...... هو من أصحاب المزاج وفي وقت قيلولة وتحت ظل شجرته الوارفة الظلال كانت درجة الحرارة تحت ظل الشجرة لا تتعدي الـ 26 درجة وخارج الظل تفوق الـ 46 درجة مئوية وفي أثناء إتكأته نادي بتاع البطيخ على بضاعته بأغان وكلمات ماتعات وبصوت أجش مثل "البتيخ المو مسيخ" ، "عال يا بتيييخ ، البتيخ العال ، كوستي والجبلين" إلى آخر الغنيه وقد زرع البائع شارعنا جيئة وذهاباً عدة مرات وكأنه أحد أبطال سباحة الفراشة في مسابقة أولمبياد وفي اللفة الرابعة تململ العم .... وتضايق وطار صوابه فنادي على سيد البتيخ أن هلم ، ولما جا سيد البتيخ دار الحوار التالي:
البتيخ بي كم؟
بدور لك كم بتيخه آ الشيخ
بقول ليك البتيخ كلو بي كم
وأخذ صاحبنا يحصي بطيخه عددا ثم أطرق ملياً وكاد يقفز من الفرح ليك إت آ صباح الخير بي ..... جنيه
والحمار بي كم؟
آ شيخنا زربتك بي أب شرا ما تضحك على أنا زول تعبان والهجيرة دي كلها شايله فوق صنقوري ده تقول لي الحمار بي كم؟ قول لي بتدور لك كم بتيخه وأنا بهاودك فيهن.
قلت ليك الحمار بي كم؟
إت بي صحك آزول أها أديني .... وبديك الحمار بي بتيخو وقفافو كمان
فما كان من عمنا .... إلا أن إشتري الحمار بما حمل وقال مخاطباً سيد البتيخ أمشي أربط الحمار ده في العمود وشوف يا ..... يا إبن الـ ....... تاني أشوفك في الحله دي بكسر كرعينك بالله عليك شوف أبواب البيوت شكلها كيف دي بيوت ناس تأكل بتيخ بلا ياخدك طلعتها من راسنا.
| |
|
|
|
|
|
|
|
|
|
Re: بتاع البتيخ .. (Re: almulaomar)
|
الفاضله /منى
Quote: وجـرب يا صـلاح أكـل البطـيخ مـع الجـبنة بس في أكـثر الأوقـات حـرارة..
مـني |
غايتو فى السودان اكان اكلت بتيخ بالجبه بيقولوا اتفلهم
نحن مشكلتنا فى بتاع البتيخ نفسه
| |
|
|
|
|
|
|
|
|
|
Re: بتاع البتيخ .. (Re: صلاح الدين عبدالله محمد)
|
أنا لا ألوم بتاع البتيخ وأطلب منه تعلم فن الإتيكيت ، فالرجل أجبرته الظروف أن يمتهن هذه المهنة المتواضعة وأن يقاسي ما يقاسي ويكابد ما يكابد من ظروف مناخية ومشقة هو وحماره سواء بسواء ، ودعونا هنا نلولو إلى ما لا نهاية من اللولوة فتحت عمل الشيطان أم لم تفتحه فشياطين الإنس عاثوا فسادا وفعلوا ما يعجز الجن عن فعلته. فالرجل المسكين لو نال حظاً من التعليم وشيئاً من العدالة وعدم التهميش في المجتمع لما جال الطرقات في عز الهجير مروجاً لبضاعته ، بل كان يجلس في مقعد أمام محل يعرض بضاعته من بطيخ وخلافه ، وهو قطعاً وفي كل الأحوال أفضل مئات المرات من الذي يسرقون ويفقرون ويظلمون ويمسحون الجوخ.
والبتيخ المو مسيخ
| |
|
|
|
|
|
|
|
|
|
Re: بتاع البتيخ .. (Re: almulaomar)
|
ده كلام شنو ياصلاح ما أكلت البطيخ مع الجبنة حاجة عجيبة
وخاصة جبنة الدويم الطازجة وفريدة
ذكرتني ونحن في مدني اطفالا كنا نذهب في جماعات صغيرة لنشتري البطيخ من سوق الملجة وكل واحد في جيبه تعريفة او قرش ونشتري البطيخ ونعود في قافلة فرحة نمشي خلف بعضنا البعض وكل مرة نشق بطيخة ونأكلها كأجدادنا القدماء
ذكرتني
أجمل الأيام
مودتي
| |
|
|
|
|
|
|
|
|
|
Re: بتاع البتيخ .. (Re: محمد سنى دفع الله)
|
الفن الرائع محمد السني
ما هو لازم تكونوا أجدادنا القدماء وبالله التعريفه دي زاتها شكلها كيف  والقرش ده نوع من السمك يا عمو السني وهو يعيش في البحار والمحيطات مش كده  المهم المعلومة دي أخدناها في المدرسة في حصة التربية الوطنية كيف تكون قرشاً وكيف تكون تمساحاً أو أسداً أو ثعلباً
| |
|
|
|
|
|
|
| |
صلاح الدين عبدالله محمد
فيصل عباس
bayan
willeim andrea
ابو جهينة
Muna Khugali
almulaomar
محمد سنى دفع الله
فيس بوك
تويتر
انستقرام
يوتيوب
بنتيريست