|
Re: عـلى الحـكومة السـودانية تسليم سفارة تشاد لجبهة التغيير (Re: WADKASSALA)
|
Quote: على حكومة السودانية طرد سفير تشاد والمعاملة بالمثل |
يا ود كسلا . لك التحية . الموضوع بقى ليه كم يوم إنت ماك دارى ولا شنو؟!.
الزول أستدعوه زمان لتشاد والرئيس أصدر قرار بقطع العلاقات بين البلدين . وتسليم سفارة السودان الى الحركات المسلحة السودانية .
والسفير السودانى لسة قاعد فى انجمينا منه حيروح لنيامى عاصمة دولة النيجر. لمواصلة عمله هناك كسفير لانه سفير للسودان فى البلدين وكان مقيم بإنجمينا.
بس السفير السودانى دا أظنو حيفرق معاه كتير لانه صديق مقرب لديبى وكان تلقاه فى كل الحفلات والمناسبات الخاصة بتاع ديبى جالس قربه. وليه صلات وعلاقات مع المجتمع التشادى والعاصمى الحى!.
دا غير البزينس اللى كان بجيب له المال الكتير .
يمشى النادى السودانى بحى ( deaux chateau). ويغرق الناس كرم فياض .
ويسأل عن الناس واحوالهم وهوشخصية مرحة واديب وكاتب ساخر . وما من زول كبير يجى انجمينا إلا وتلقاه جابوا ليك النادى وهاك يا ندوة وسياسة , ولو جاء فنان , وما اكثر الفنانين الذين يأتون الى انجمينا فحفل غداء وترحيب وغناء مجانى لرواد النادى من السودانيين وغيرهم من احبى السودان .
مع انو كان بإمكانه عمل جلسة فى منزله مخصوص . بس قلت ليك الزول دا شعبى ورسمى ومحبوب .
وما اعتقد شارك فى المؤامرة بتاع انجمينا !؟؟. فله التحية اينما حل ولاسرته الكريمة الصحة والتوفيق .
الزول دا : بريدو.
| |
|
|
|
|