كتب الكاتب الفاتح جبرا المتوفرة بمعرض الدوحة
|
ربيع طــــــــــــه
|
كومدياني حتى النخاع ... رطب مع مجموعة الجو الرطب سماوات الابداع في الجامعات السودانية لحينا من الدهر ... والآن يظهر "بمجازفاته" التلفزيونية القليلة ليربط الماضي الرائع بالحاضر .... تقاطيع وجهه النحيل مع تعابير عدم المبالاة والسخرية ... تنتزع منك الضحكة قسراً ....
رايكم شنو في الزول دا
|
|
|
|
|
|
|
|
Re: ربيع طــــــــــــه (Re: أبوشيبة)
|
لم اكن اعرفه حتى كان ذات يوم التقيته وقلت له فى سياق ( ونسة ) مع الصديق جعفر سعيد انو بعمل حاجات ما لذيذة ، فقام زعل منى ، لكنى لم اركن لغضبه وزعله منى لاننى فى حقيقة دواخلى كنت ارمى الى القول بتطوير الاداء لاننى لم اكن اعرف الكثير عن ربيع طه ومن عاصره لاسباب السفر ، المهم عقدنا صداقة بدون ترتيب ، صار يتصل ويسال : وين انتى يا سلومة ؟ هكذا كان ينادينى ربيع طه ذلكم الفنان المحامى ، رايته قبل كم يوم وهويرتدى الكرفته والبدلة والقيافة والعربية قلت له وين يا ؟ فقال :الايام دى بقيت محامى تانى ، قلت : يعنى اتحجبت واعتزلت ؟ قال : لا ياخى افوت المسرح كيف ؟ وقرا لى قصيدة لطالما احبها وضحكت حتى كدت اشرق بالضحك واموت، هو ذاك ربيع طه لا تستطيع الا ان تحبه وتحبه بلا حساب لانه جدير بحب الناس فهو فنان كل خلية فيه تنطق فنا وشاعر جميل حين يقول لك ( سته دينكاحلب لاقوسته حلب دينكا ) هى من الخستكات الشعرية لكنها تضحكنى ، ان لاقيتم ربيع طه قولو له لكم احبه
| |
|
|
|
|
|
|
Re: ربيع طــــــــــــه (Re: nazar hussien)
|
ربيع طه.. يا سلام يا اخي.. يكاد يكون الكوميدي السوداني الوحيد الذي يضحكني حتى البكاء.. ربيع كوميدي حتى النخاع.. تضحك قبل أن يتكلم تأتي القفشة والموقف الكوميدي منه بتلقائية عجيبة من منا لا يذكر جواب الرضية.. التحية للفنان ربيع طه وتحية لك أخي أبو شيبة
| |
|
|
|
|
|
|
Re: ربيع طــــــــــــه (Re: Nasruddin Al Basheer)
|
والعجب لمن تشوفو عيان بيان
بس العنصرية ونبذ النسوان ده بقى ما بضحكنى
الله يجازى حقوق الانسان
خربوا علينا الكوميديا
تحياتى لربيع طه الزول ده اخونا عديييييل كده
قوليهو مثل شحاد..
مثقف واثيوبى فى المدرسة
بتموتوا والله لو شفتو الدور ده..
هههههه
| |
|
|
|
|
|
|
Re: ربيع طــــــــــــه (Re: nazar hussien)
|
ربيع طه هو صديق شخصي أعتز بصداقته. تزاملنا بجامعة القاهرة فرع الخرطوم وامتدت الصداقة وما تزال.
وبالمناسبة يا أستاذة سلمى ربيع طه هو صديق وزميل مشترك مع حبيبنا الجميل أخوك محمد المعتصم الشيخ سلامه الذي طال شوقنا له وبلغيه منا السلام المعطر.
ولطالما شارك ربيع طه في نشاطات التجمعات الإجتماعية والثقافية بدون مقابل وبكل أريحية.
ربيع إنسان مرهف المشاعر ومثقف ويغلف جرأته المباغتة حياء شفيف لا يدركه إلاّ من يقترب منه. وهذه سمة مميزة لمستها في كل من شاركه في فهمه لرسالة السياسة والإجتماع والفن.
والتحية له والمحبة. والشكر لكم.
عوض الله أحمد الطيب الرياض
| |
|
|
|
|
|
|
Re: ربيع طــــــــــــه (Re: Elawad Eltayeb)
|
الشكر لك اخي ابوشيبة ولجميع المتداخلين والمتداخلات ربيع طه اولا كان جارنا في الثورة الحارة السابعة وهو كوميدي بالفطرة له من المقالب في الحلة ما ينؤ به البوست وماكلام احد القضاة له عندما حضر كمحامي دفاع لاحد المتهمين فما كان من القاضي الا ان قال ربيع اخوي يا انا مجنون يا المتهم مجنون وللحقيقة هو محامي متمكن وفي احدالمرات زعل من ابوه فقام بعزومة كل ناس الحلة للغداء وعند حضورهم تفاجو بان مافي عزومة ولا حاجة وكان رد ابوه عملها ود الكل----- له التحية بقدر ما شلهتنا في الحلة ولنا عودة
| |
|
|
|
|
|
|
Re: ربيع طــــــــــــه (Re: Mutwali Malik)
|
متولي حالك يا عزيزي
وكيف الاسرة
حضرت من السودان قريبا
ذكرتني ربيع
طبعا درس معاي في فصل واحد بالمدرسة
كان اطول طالب
ورهيف
سريع الغضب
جميل الابتسامة
وقد درست في روضة اخته فائزه
وقد زاملنا في نفس الفصل
سرور محمد سرور رملي = رسام بارع
عوض النوباوي = رسام بارع
خالد طيفور = اول الفصل وكان يساعد والده في عربة الكارو
اسامة كرم
حاتم كرم
عاطف عرق = اخو عادل وعاكف لاعبي الفريق القومي وكان عاطف احرف منهم ولم يتابع
سامي محمد احمد = سامي السيوسية = لضعف بنيته وقتها
عمر مصطفي جارنا
اسامة ور- ور
عاطف عبدالواحد طيش الفصل
عادل عبدالعاطي
لقد حاولت نحت الذاكرة دون جدوي يا متولي
يظهر الكبر
كل المودة
| |
|
|
|
|
|
|
|