|
|
|
 Re: الماسنجر ......... هل هو نعمة أم نغمة ؟؟؟؟؟؟ (Re: عمر عبد الخالق سعيد)
|
ولدنا نوبي
سلام..
اي حاجة لو استخدمت استخدام سئ بتكون نغمة وبلوة...
ماسنجر البورد بيستخدم كثيرا لفرض الحصار على الاخرين..
مثلما حادث الان ان ترسل مجموعة رسالة لشخص تخبره
انت بيعدوك ظلامي.. او كما ارسل ضد الاخت نادية..
برضو مرات بتلقى رسائل جميلة تسعدك كثيرا
من اصدقاء قدامى.. عرفو للتو انك فلان
وهكذا...
اتمنى ان نقف كلنا ضد النسناسين الخبثاء..
اي زول يجيه مسانجر تحريض
ينشروا طوالي
لانه بكرة ليك وبعدو عليك...
شكرا ليك
فشيتني
| |
 
|
|
|
|
|
|
|
|
Re: الماسنجر ......... هل هو نعمة أم نغمة ؟؟؟؟؟؟ (Re: bayan)
|
العزيز نوبى...
سلامات..
الماسنجر دا زى العيش(الذرة)
كسرة و عصيدة حلال
عرقى و مريسة حرام
حسب الإستعمال و الغرض بتتحدد إمكانية فايدته
زى أخونا هشام بتكلم مع أولاده آها دا كسرة و عصيدة...
إستعماله لبذر الفتنة، أو أغراض دنيئة
دا يبقى عرقى و مريسة...
إن شاء الله أكون وضحت ليك وجهت نظرى،،
مع الوّد؛؛
| |
|
|
|
|
|
|
|
|
|
Re: الماسنجر ......... هل هو نعمة أم نغمة ؟؟؟؟؟؟ (Re: عبدالرحمن عزّاز)
|
العزيز
فيصل نوبى
مره نعمة ومره نغمة
يعنى على حسب استخدامه
مثلا
انا مره كنت محتاجه اكلم اختى لقيت التلفون مشغول
حاولت كم مره وبرضو التلفون مشغول
اها فتحت الماسنجر لقيت ابنها اون لاين
نغمة
برضو عندى ود اختى مجننى جن فى الماسنجر وما بكون عندوموضوع
بس يشوفنى اون لاين وهاك يا هاى وكل مره شابكنى هاى
لكن قدرت ليهو وعامله ليه بلوك
ولما احتاج ليه بخليه اون لاين
والمضحك هو العلمنى BLOCKE
| |
|
|
|
|
|
|
|
|
|
Re: الماسنجر ......... هل هو نعمة أم نغمة ؟؟؟؟؟؟ (Re: فيصل نوبي)
|
.
.
مرحباً فيصل
المسنجر نعمة لأنه مجرد وسيلة اتصال سريعة
زى التلفون اللى بسيئوا بعض النسوان استخدامه
في القطيعة والشمارات طول اليوم في حين يستخدمه البعض
الآخر للضرورة و يوصلون المعلومة من خلاله بصورة مقتضبة
ممكن تلقى ناس بقضوا ساعات في المسنجر يقطعوا ويتناقلوا
شمارات البورد في حين إنو ممكن جدا آخرين يقضوا ساعات برضو
يتناقشوا في التركيب الفنى البالغ التعقيد عند وليم فوكنر
أوالتأثيرات الحقيقية لنظرية البروستروكيا في الإقتصاد الروسي
يعنى هو زيه زى أى حاجة اخترعت لفايدة الانسانية وأساءت بعض
فئات هذه الانسانية استخدامها
و شكرا ليك على طرح الفكرة فرصة كويسة كل زول يحاسب نفسو
و يشوف هل هو بستخدمو بصورة صحيحة ولا لا .
| |
|
|
|
|
|
|
|
|
|
Re: الماسنجر ......... هل هو نعمة أم نغمة ؟؟؟؟؟؟ (Re: منى أحمد)
|
الاخت مني
اولا دعيني ارحب بكي و كما هي اول مداخلة بيننا
أشكرك علي المداخلة القيمة جدا و التي لخصت الكثير في كلمات قليلة
Quote: المسنجر نعمة لأنه مجرد وسيلة اتصال سريعة
زى التلفون اللى بسيئوا بعض النسوان استخدامه
في القطيعة والشمارات طول اليوم في حين يستخدمه البعض
الآخر للضرورة و يوصلون المعلومة من خلاله بصورة مقتضبة
ممكن تلقى ناس بقضوا ساعات في المسنجر يقطعوا ويتناقلوا
شمارات البورد في حين إنو ممكن جدا آخرين يقضوا ساعات برضو
يتناقشوا في التركيب الفنى البالغ التعقيد عند وليم فوكنر
أوالتأثيرات الحقيقية لنظرية البروستروكيا في الإقتصاد الروسي
يعنى هو زيه زى أى حاجة اخترعت لفايدة الانسانية وأساءت بعض
فئات هذه الانسانية استخدامها
و شكرا ليك على طرح الفكرة فرصة كويسة كل زول يحاسب نفسو
و يشوف هل هو بستخدمو بصورة صحيحة ولا لا . |
و هذا ما فعلته و الذكر تنفع المؤمنين ..
| |
|
|
|
|
|
|
|
|
|
Re: الماسنجر ......... هل هو نعمة أم نغمة ؟؟؟؟؟؟ (Re: فيصل نوبي)
|
..
اتفق معك في ان اي اختراع بالتاكيد سلاح ذو حدين, ولكن اعتب عليك اختي منى حصر سوء استخدام التلفون على "النسوان" كما تفضلتي. تداول الشمارات اصبح سمة العصر للاسف... خصوصامع التطور التكنولوجي والفراغ الفكري السائد في عالمنااليوم.
ايضا لا ارى غضاضه في استخدام سبل التواصل للونسه العاديه... هناك اوقات لفوكنر, ادغار ا. بو, وغيره, وهناك وقت للدردشه البسيطه ....وكلو في الاخر بينّمي الانسان بداخلنا.
لك جل تقديري اختي منى.
شكرا اخ سعد الدين على كلمة نقمه لاني - بعد اغتراب طوّل من العربي- بديت اتساءل ياربي الكلام غيّروا ولا شنو؟
(:
| |
|
|
|
|
|
|
| |
فيصل نوبي
يازولyazoalيازول
عمر عبد الخالق سعيد
bob
bayan
عبدالرحمن عزّاز
elham ahmed
Ahmed Abdallah
saadeldin abdelrahman
نجوان
فيس بوك
تويتر
انستقرام
يوتيوب
بنتيريست