|
كراسي في حياتنا!
|
سلام علي الجميع،
دي محاولة لرصد كل أنواع الكراسي في مجتمعنا السوداني ..
أرجو مشاركتكم فيها ...
|
|
|
|
|
|
|
|
Re: كراسي في حياتنا! (Re: Khalid Osman Jaafar)
|
ابدأ ليكم:
١. كرسي الشهيد:
الكرسي المجاور للسائق في أمجاد
لي ناس برة، أمجاد يعني زي العربية دي:
سموهو كرسي الشهيد عشان عربات النقل الجماعي دي بيطيرو بيها طيران ...
وحوادثها كتيرة ...
وطبعاً البركب قدام يا حليلو
لو أي حاجة لاوزت للسواق طوالي بيفتدي نفسو بيهو!
| |
|
|
|
|
|
|
Re: كراسي في حياتنا! (Re: Khalid Osman Jaafar)
|
٢. كرسي ود المرحوم:
ديل كراسي النص في الحافلات
سموهم كده لأنو البركب فيهم بيقيف كل ما يكون في زول داير يركب ولا ينزل ...
يعني عامل زي ود المرحوم في بيت البكا ...
كل ما زول يجي ولا يكون ماشي لازم يقيف يشيل معاهو الفاتحة
| |
|
|
|
|
|
|
Re: كراسي في حياتنا! (Re: Khalid Osman Jaafar)
|
وبرضو خلينا في المواصلات ..
٣. كرسي المتحري:
ده كرسي الراكب الأمامي في الحافلات (علي اليمين) ..
سموهو كده عشان أول شي بيلاقيك في الحافلة
زي ما المتحري هو أول زول بيلاقيك في القسم
| |
|
|
|
|
|
|
Re: كراسي في حياتنا! (Re: Khalid Osman Jaafar)
|
٤. كرسي الكاميرا الخفية:
ده بقي الكرسي البين السواق وبين كرسي المتحري - يعني برضو راكب أمامي
سموهو كده عشان البيقعد فيهو بيكون شايف كل الركاب في مراية السواق بدون ما يكونو شايفينو
| |
|
|
|
|
|
|
Re: كراسي في حياتنا! (Re: Khalid Osman Jaafar)
|
سلام يا جمال،
يا سيدي أنا سعيد إنو الموضوع ضحكك
وإن شاء الله تكون مبسوط علي طول
طبعاً كنبة شكراً أو أحفظ مالك دي هي المفضلة للطلبة، لأنو قروشهم بسيطة ومحددين سلفاً حتتصرف كيف
أها يللا إيدك معانا نكمل باقي الكراسي ...
| |
|
|
|
|
|
|
|