وانته قاعد في المساء بعد ما رشو الحوش بالمويه وفرشو الملايات وطلعه التفزيون وزبطو الشاي المقنن بالخبيز وناس البيت اتملو وقعدوا قدام التلفزيون والضحك مدور والشمار مدور ... دقا باب الشارع وقام واحد من ناس البيت فتح الباب لقى ضيوف خشو ما تخشو دخلو واحد منهم لابس عمه نظيف وشكله ليه مده من السودان المه نظام الشاي وكدا طلبو صاحب البيت جاهم صاحب البيت وسلم عليهم وقال ليهم اخدمكم كيف قام صاحبنا اب عمه قال ليه ... عند 3 ايام تفضي لي البيت دا استغرب جدا صاحب البيت دا كلام شنو دا يازول كيف افضي ليك بيتي .. انته ما صاحي ولا شنو فا اب عمه استغرب شدبد ... قال ليه البيت دا انا اشتريته من 20 سنه بس كنته في الخليج وما جايب ليه خبر فا عرفته انو انا بيتي مسكون في ناس مستاجرين ليهم زمن ما دفعوا قرش واحد .... صاحب البيت قام طوالي مشا جاب ليه شنطه من سنة اسكت قال ليه البيت انا وارثه من والدي والدي اشتراه قبل 26 سنه كيف الكلام دا الحكايه حقيقيه بس كيف اتسجل البيت في الشهر العقاري لى شخصين مختلفين لى نفس البيت اها خت نفسك مكان صاحب البيت ح تعمل شنو
الحبيب أيهاب تحياتي لك .. تعرف صاحب البيت ده يعمل شنو .. يكشح الشاي .. ويكسر الخبيز في الوطه المرشوشه دي .. ويحلف طلاق تاني مايشرب شاي المغرب ولايرش ا لحوش ويحرم على ناس البيت الشمار لقايت ماالقضيه دي تتحله ... أما أبو عمه الجايي من الخليج ده يعمل حاجه واحده بس ( مايكلم مرته ) لغايت مايلقى ليه حل عشان ماتطربقه ليع على راسه .. وبالمناسبة ... قالوا لمن المطره الشديده ديك جات ناس الحله بيوتهم كلها إتكسرت .. ماعدا في بيت واحد كده سمح مطرطش والحوش سراميك وكده .. ست البيت جات قاشره ... وقالت لي النسوان ولله ماعجبني ليكم كسير بيوتكم .. لكن المطره ظريفه غسلت لي البيت ولمعت لي السرميك بتاع الحوش .. ردت ليها واحده متغايظه قالت ليها إنشاء الله تجي صاقعة تكوي ليكم بيتكم ..هاهاهيهيهيهيهيهيهيهي .... وأنا بقول إنشاء تجي صاقعة تكوي السمسار الغشة الجماعه ديل .. والتحيات ليك ياظريف ...الساكن الإسكان التحته فرن الرغيف .. أخوك/ خالد سعيد الأرباب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ايهاب نميري
معتز تروتسكى
يوسف الولى
almulaomar
Khalid Saeed
فيس بوك
تويتر
انستقرام
يوتيوب
بنتيريست