شفت الفرق كيف يا سامي؟؟؟؟؟؟؟؟؟؟؟؟؟؟؟؟ يعني ما قلت لي يا عمر فرّق لينا بين الهلال والمريخ بحكم إنو الهلال لعب افضل مليون مرة من المريخ ولكنك مشيت عشان تقارن الرينجرز بالضرائب !!!!!!! وكل السبب لأنو الهلال فاز اربعة - صفر بالتالي الرينجرز كعب .. ولأنو حضرة المريخ فاز بشق الأنفس وبي كرامة البليلة معناها الضرائب هو القوي!!!!!! اها شفت عشان حركاتكم (الأرعة ) دي انا بداعيكم !!!!!! لأنكم ما عايزين تعترفوا إنو الهلال فريق قوي ومتمرس ..يبقا سبب واحد يخليني اتمنى ليكم الفوز ماف .. واليوم التقتنعوا إنو الهلال حالياً هو افضل فريق في السودان وافضل من يلعب الكرة الجماعية في الوقت داك بس ممكن افكر إنو اتمنى ان يتعادل المريخ في مبارياته الدولية !!!! انت يا سامي ما تعترف إنو المريخ امبارح كان سيئ تماماً .. إن كان من شئ اعترف به بل واقسم عليه : والله ووالله العجب احرز هدف هو الأجمل على مستوى العالم طيلة مشاهدتي لكرة القدم خلال مشاهدتي لجميع دوريات العالم !!!!!! ولو عندنا ناس بتهتم بي الإحصائيات وقياس السرعة لوجدوا ان كرة العجب بالأمس اسرع من تسديدات روبرتو كارلوس بي مية مرة .. هاردلك فريق الضرائب الخروج بعد الاداء المشرف في اول مشاركة لكم ..
04-02-2006, 01:35 AM
سامى عبد الوهاب مكى
سامى عبد الوهاب مكى
تاريخ التسجيل: 01-06-2005
مجموع المشاركات: 4971
يا سامي الخرخار (بدلاً من سامي الخصال): يا زول إنتو امبارح لحدي الدقيقة 70 كنتوا وين ؟؟؟؟؟؟؟؟ ولحدي الدقيقة 70 المريخ الاوربي ده كان وين ؟؟؟؟ ولحدي الدقيقة 70 الجمهور المثالي ده كان وين ؟؟؟؟ والله زي التقول صابة فيكم مطرة ..والله بغم ما قاعدين نسمعا ؟؟؟ ياخ لمن المزيع بقا يتفصل ويقول ياخ إن شاء الله قون واحد .. ولمن جبتو القون المزيع بقا يكورك وب ووووووووب وووووووووووووووووووووووب والله ما فضل ليهو إلا يقول كر علي .. وبعدين عنتر شنو البدر الدين بخيت ؟؟؟؟؟؟؟؟؟؟؟؟ يازول إنت قايلنا ما شفنا كورة قبل كده ولا ما إتفرجنا في مريخ 89 ؟؟؟؟؟ وزومة شنو البيجي لي ود القوز المدفعجي اصحى يا بريش !!!!!!!!!!!!!!!!!!!!!!!!!
04-02-2006, 02:10 AM
keiga2000
keiga2000
تاريخ التسجيل: 05-11-2002
مجموع المشاركات: 4119
الناس ديل فرحانين بالأربعة عليك الله لو الرينجز دا ياهو الرينجز الاصلي فريق شوط كامل ضربة ركنية واحدة مافي والذ حاجة اتخيلهم خلاص قالوا ابوبكر الشريف حيحرس المرمى يوم محاكمة (وداد) يجي بيضوضان يرجعوا تاني للكنبه طبعا المعز اشتهر با(الخمسات) وابوبكر با(الستات) ونعيش ونشوف ومحمد أدم با(المسمار)
عاوزين يقارنوا بين الرينجز والضرائب شوف بالله شوف
04-02-2006, 02:41 AM
على محمد على بشير
على محمد على بشير
تاريخ التسجيل: 08-07-2005
مجموع المشاركات: 8648
Quote: والله ووالله العجب احرز هدف هو الأجمل على مستوى العالم طيلة مشاهدتي لكرة القدم خلال مشاهدتي لجميع دوريات العالم !!!!!! ولو عندنا ناس بتهتم بي الإحصائيات وقياس السرعة لوجدوا ان كرة العجب بالأمس اسرع من تسديدات روبرتو كارلوس بي مية مرة ..
اول حاجه دى للتوثيق ياعمر الفاروق
وتانى حاجه صدقنى انو انتصاركم الاخير والعريض على الرينجرز اعمى عيونكم عن حقيقه مهمه جدا وهى ان الرينجرز الذى لاعبتوه اول امس لم يكن الرينجرز الذى نعرفه وتعرفوه , فقد كان الرينجرز مفكك الاوصال تائه طوال زمن المباراه دفاع مكشوف ولايملك العمق الدفاعى ووسط تعبان وهجوم تائه ولا رابط ولا ظابط لخطوط الفريق التلاته . ولا انكر بأن الهلال استغل هذه النواحى فى الرينجرز وسجل فوزا عريضا عليه ولكن هذا لايعنى بأن الهلال قد اصبح عال العال فى ليله وضحاها ولكن يمكن القول بأن الهلال يسير على الدرب الصحيح وان المباراه اعطت الهلال دفعه معنويه لا غنى عنها وان مثل هذه المباريات المهم فيها الفوز وانها كانت خير اعداد لمباراة رد الكرامه امام الرجاء المغربى وكم تمنيت بأن يلاعب الهلال فريق الضرائب اليوغندى وديا ليستفيد لمباراة الرجاء فاليوغنديين ياعزيزى ورغم علمنا بتخلف الكره عندهم اسوة بنا الا انه ورغم ذلك ورغم ان الضرائب هذه اول مشاركه افريقيه له الا انهم قدموا امام المريخ مردود طيب جدا وخاصه فى تشكيلهم الدفاعى , فهم منضبطين جدا دفاعيا ويبدا الدفاع عندهم من منطقة الخصم مع عدم اتاحة الفرصه للخصم للاستلام والتمرير ويمتازون باللياقه العاليه والنفس الطويل والالتحامات القويه والاصرار على تخليص الكره من الخصم ويجيدون الهجمه المرتده مع عيب واضح فى ختام الهجمات شز ذلك عكس الرينجرز الذى يبدو ان احتراف بعض لاعبيه المميزين ورحلته الى السودان الشاقه وعدم نيلهم القسط الكافى من الراحه وعدم تأقلمهم على جو البلاد وعدم اداءهم لاى تمرين ولا حتى تفكيك العضلات قد ساهمت كل هذه الاسباب بهذا الظهور الغير مشرف لاحد الفرق الافريقيه التى لها باع طويل فى البطولات . وحتى المريخ الذى انتصر فى مباراة الامس قدم مردود غير مطمن فى شوط المباراه الاول وحبس انفاسنا الى الشوط الثانى شوط الانتفاضه المريخيه والاداء الممتاز والممرحل والسلس ليكسر عناد اليوغنديين ويزرع الفرحه فى نفوش عشاقه .
عموما مبروك للهلال والمريخ والذين يبدو ان لهم هذه المره كلام واى كلام فى بطولات افريقيا , ويجب على الجميع توخى الحزر واخز الحيطه فالغريق قدام !
والشكر للاخ سامى صاحب البوست ونقول ليهو الف الف مبروووووك
04-02-2006, 03:01 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
سؤال بسيط : ماذا لو لم يفوز الهلال بالأربعة على الرينجرز ؟؟؟؟؟؟؟ يعني لو فاز الهلال بشق الأنفس على الرينجرز وبهدف وحيد ماذا كان سيكون تعليقكم ؟؟؟ عموماً انا اعرف الإجابة !!!!
تخريمة : يا ابو علوة الهلال لا يسير في الطريق الصحيح لأن الهلال اصلاً ماشي في الطريق الصحيح ولا يعني التعادلات والخسارة بالخمسة ان الهلال بعيد عن مستواه فالهلال ابيتوا ولا رضيتوا هو احسن فريق في الساحة حالياً واكثر فريق مكتمل الخطوط ..
طيب سؤال : لو الهلال فاز علي الوداد خمسة رايكم حا يكون شنو ؟؟؟
04-02-2006, 03:12 AM
على محمد على بشير
على محمد على بشير
تاريخ التسجيل: 08-07-2005
مجموع المشاركات: 8648
Quote: خريمة : يا ابو علوة الهلال لا يسير في الطريق الصحيح لأن الهلال اصلاً ماشي في الطريق الصحيح ولا يعني التعادلات والخسارة بالخمسة ان الهلال بعيد عن مستواه فالهلال ابيتوا ولا رضيتوا هو احسن فريق في الساحة حالياً واكثر فريق مكتمل الخطوط ..
اهو جنس الكلام دا ياعمر اللى ح يلحقكم امات طه قريب جدا !!
Quote: طيب سؤال : لو الهلال فاز علي الوداد خمسة رايكم حا يكون شنو ؟؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة