|
Re: الليله يوم الرجال،،، دعواتكم يامريخاب ؟؟ (Re: keiga2000)
|
رغماً عن فريق الضرائب فريق جبايات .. ورغماً عن ان فريق المريخ منتشي هذه الأيام بتعادله مع الهلال ووتغوله على بغاث الفرق .. إلا اننا نرفع الأكف بالدعاء للمولى عز وجل لينصر فريق الضرائب في هذه المعركة .. اللهم انصر الضرائب على الزكاة .. اللهم يا رب خفض الضرائب على المريخ ... اللهم يا رب عليك بالشياطين (الحمر).. اللهم يا رب اعمي بصيرة العجب اليوم ... اللهم يا رب اشتر شوتات السعودي يا الله .. اللهم يا متعال اجعل العلاقة بين بهاء الدين وشعيرية علاقة وطيدة ..
إنك قادر مجيب الدعاء .. امين ..
| |
|
|
|
|
|
|
Re: الليله يوم الرجال،،، دعواتكم يامريخاب ؟؟ (Re: keiga2000)
|
شباب الربة : عارفين الفرق بين عدم وطنيتي وعدم وطنيتكم شنو ؟؟؟ عدم وطنيتي بتظهر قبل كور المريخ .. وعدم وطنيتكم بتظهر بعد كور الهلال .. تكونوا لابدين وحيلكم ميييييييت ودعواتنا لي هلال السودان ونحن في خندق واحد مع الهلال وبس بالله الحكم يصفر تييييت تييييييت توووووووت وتجونا بالموشحات ..
اها الليلة شحدت ربي الكورة تنتهي صفر -صفر يعني عشان اكون وطني شديد والمريخ ما يخسر المباراة .. اللهم يا منزل المطر اللهم خلي حسبو يشتت قصبو .. اللهم يا حي يا قيوم خلي مهند الجيلي بعد الكورة يمشي الجيلي.. اللهم يا مالك الملك ابعد (القلق) عن الضرائب وثبت اقدامهم .. اللهم ياملين الحديد لداؤود الن اليوم دفاع المريخ واجعله رخواً .. اللهم يا رازق النمل ارزق الضرائب ثلاثة نقاط ..
| |
|
|
|
|
|
|
Re: الليله يوم الرجال،،، دعواتكم يامريخاب ؟؟ (Re: keiga2000)
|
. اخونا طارق جبريل
Quote: مريخنا اكبر من كل الرشاشات |
غايتو نقول ليكم مبروك ..لانو الكورة اقوان .. لكن صراحة صراحة إخخخخخخخخخخخخخخخخخخخخخخخخخخي على المستوى بالله عليك الله الكان بيسوو فيهو اولادكم ده بتسموهو كورة ؟؟ انا واثق لو جبتو اي حداشر واحد من ( مشجعي )الهلال كانوا حيلعبوا بمستوى افضل ياخي معقووولة ثلاث نقلات مع بعضها مافي ..
انا غايتو الحمد لله لحقت نفسي بسرعة وشاهدت مباراة البارصا والريال لو ما عملت كده ما عارف كان حيحصل لي شنو بعد شعور الرغبة في " الغثيان " الناتج من مشاهدة مباراة المريخ الليلة ..تاني غايتو توووووووووبة .. صاحبي مغربي شاف معاي الكورة وقال لي مستحييييل يكون ده ( ند) الهلال ..اضطريت اكضب وقلت ليهو هم أحسن من كده لكن الليلة ما عارف حاصل ليهم شنو .. انا حأقترح للمسؤولين انو يخلوا مباريات الهلال دائما بعد مباريات المريخ عشان الشعب السوداني المسكين ده ما تحصل ليهو احباطات بعد الفرح البيدخلوا الهلال لنفوسهم.
على صعيد آخر - زي ما بيقولوا في الأخبار... اولمبيك خريبكة انتصر اليوم 6/0 ... وحبابينا ناس الرجاء اليوم ربحوا 7/0 وصاحبك بيضوضان جاب براااااهو اربعة أهداف والله دي مصيبة راجيانا .. .
| |
|
|
|
|
|
|
Re: الليله يوم الرجال،،، دعواتكم يامريخاب ؟؟ (Re: hatim ibrahim)
|
والله ياود الفاروق اثبت لي انك فعلا هلالابي
ياخي انا قلت قبل كدا واقولها بالفم الملئ انو حقدكم هذا هو البخليكم تنغلبوا بالخمسات وتجيبوا للسودان الفضائح وعمركم 70 سنة وحتى الان ماقادرين تجيبوا كاس خارجي
ياخي اغسل الحقد من قلبك دا يوم واحد
عشان هلافيتكم ديل يشيلوا ليكم كاس صفيح انشاء الله
ولنا لقاء
ابومصطفى
| |
|
|
|
|
|
|
|