كتب الكاتب الفاتح جبرا المتوفرة بمعرض الدوحة
|
|
 لو اللمبه قالت بق تبقي اللمبه دايرى الدق
|
كلام قديم .. بسيط .. اصيل .. عميق .. معتق
رمية / محد كرم الله
يا ديك اللمبه ولكن قالوا بقاقه
وياريت اللمبه لو بتحس
وتشعر بالأيادى الناعمه لمه تمس
كان لا بتبق ولا بتمل
حتى لو جازا كمل وشريطا يبس
وكان بضوى ليك فرحانه
وتعزف ليك الحانه وتصبح بتى سبحانه
ولو اللمبه قالت بق تبقي اللمبه دايرى الدق
كسره فقسه وانتى ليك الحق اوعه عليها ما تشفق
قبال ما تحرقك خليها تتحرق
ولو بقت كمان اللمبه معذوره
كيف بضوي هى وعينه مكسوره
يمكن حاسدى ويمكن شالتها الغيرة
ويمكن خايفه فى نورك يضيع نوره
ولو تاجوج بقت بالرتبه مشهوره
على تاجك يمنين زادوك دبورة
عشان كدى
|
|
 
|
|
|
|
|
|
|
 Re: لو اللمبه قالت بق تبقي اللمبه دايرى الدق (Re: عبد المجيد محمود)
|
شوفوا الروعه
ود اليمنى
دهرى والعمر العشتوا انا زايلى
الدنيا ما دامت ودى سنه
حكم بي فراقنا مالك يا زمنا
حليل يا رايقة ايام نحن كنا
صغار يادوب كسرنا سنون لبنا
ونحن خاتين من دغاين ومن مظنه
وفد يوم فى الدهر ما قال وقلنا
انا اسباب جنى من ناسا اهلنا
هم لا راعو القرابه ولا محنه
انتى الفى الجروف قايم قبلنا
صغار يا دوب مو شايل متنا
بحبك متيم قال ود كنه
هو لا لاقيلوا نار لا لاقى جنه
يا رب العباد وعليك تكلنا
مع ست ريدى ابقي سعيد واتهنا
انا اضوق ساعة الصفاح ومبروك والحنه
ويزغردنى البنات واليمنى غنا
الازانى فى امروا محتار شن بسويلوا عزيز وجار
ما بنساهو انا حتى لو جار وما بجيب اسمو ولو هظار
فى اعضاى كتب اسمو تذكار والزمن يا بدرى غدار
يا خدارى المشتول صغار ارضو طيبه سياقة بدار
المفرهد شالوا رمان انا راوى بى دماعى الغزار
فى القرير مزروع ما خسار حامى دائما سوقوا مابار
قام واستوى بقي للعمار ده جنى الوز انا راجى طار
فى العيون السيفا بتار خلفت لى قلبي الدمار
الضمير قبضه الشعر جار سمحة يا نوارة الديار
انا مالى من نار امشى لى نار انا مالو اسم مجنون فوقى سار
تانى اوعه قلبى وحذار ما كفاية بنيتو وإنهار
| |
|
|
|
|
|
|
|
|
|
Re: لو اللمبه قالت بق تبقي اللمبه دايرى الدق (Re: عبد المجيد محمود)
|
أخي الكريم عبد المجيد عبد المحمود
خلينا في اللمبه لأنو جني وجن الضلمه وفي رواية أخري الظلمة وهي غير الظلم الشائع فينا كما تعلم من ذوي قربي أو غيرهم.
فالكلمات هنا تفترض وبسؤ نية مبيتة أن اللمبة سوف تقول بق وقد حضرت حكماً مسبقاً غير قابل للإستئناف ألا وهو أنها أى اللمبة تبقي دايره الدق كيف لا وهي التي قالت بق وبعدين يا أخوانا ما هي لمبه وكان لازم تقول بق لأنو فيها جاز وأبو الجاز زاتو – مش بقينا من الدول المصدرة للبخت والمستوردة لليخت – فكان لابد أن تقول بق إذا ولعناها على حين غره و طفيناها متربصين ولا دايرنها تقول دينق دونق ما علينا ، القصيدة ذهبت لأبعد من ذلك بأن أمرت بتكسير اللمبه دون شفقة أو رحمة. أها بعد ما أكسر اللمبة أمشي أشتري واحدة تانية ولا أعيش في ظلمة ؟
وإلى أن تجيب أو لا تجيب على سؤالي هذا آن لي أن أتوقف لصلاة الظهر بحسب التوقيت المحلي لقريتنا الكائنة مع مراعاة فروق الوقت وطول حبل البئر وحجم الدلو .
من أجمل الأبيات التي عجبتني في القصيدة
كيف بتضوي هي وعينه مكسورة
| |
|
|
|
|
|
|
|
|
|
Re: لو اللمبه قالت بق تبقي اللمبه دايرى الدق (Re: almulaomar)
|
طالما نحن في دائرة الضو والوضوح لك الإشراق بكل فيوض النور ... قولت بق للمبه ربما هو خروج عن دائرة النص واختلال في الإضاءة التي بالتأكيد تخل بوضوح الرؤية وليس المقصود من البق مجرد الضوء ... وربما يأتي ذلك ( لِعله ) بالجاز المزيف فليست كل ما في السوق ياباني ومن البخاته أن ينكسر شر الفتنة وينجبر خاطر السودان تحت ضوء وانغام دينق ودونق وكل النوت الموسيقية التي نطرب لها فوق لذلك لو أضاءت الدواخل عِوضا عن الجاز بنقاء السريرة وصفاء الروح والظن الحسن بعيد عن التربص والكيد ستنجلى الظلمه
ربنا يتقبل الصلاة فقط ادعو لنا ولولا طول المسافة وفروق الوقت لصلينا معك جماعه موحدين لله ومتحدين تحت لواء حبنا للجميع
يمكن حاسدى ويمكن شالتها الغيرة
ويمكن خايفه فى نورك يضيع نوره
كل الود
| |
|
|
|
|
|
|
|
|
|
Re: لو اللمبه قالت بق تبقي اللمبه دايرى الدق (Re: عبد المجيد محمود)
|
وداليمنى
شوف حاله البقي انتا من فارقتها النوم فارقا
وانا ما بتلاقى عيونى شوف حاله البقى
كل يوم بالشوق عليك متحرقه
ما لقت لو نظره منك تسرقه
ما كفاها عذاب كفاها أذى وشقى
مالها من دون خلقوا فيك متعلقه
يوم داك فى الداره بالحيل ضايقه
حيرت الناس قالوا جلّ الخالقه
الهدوم الفوقو عطروا معبقه
الكفوف مطلية حنة مطبقة
لونا زى قمحا مصوبر فى التقى
نازله زى الليل ضفايروا مفرتقه
الشفاه يا سيده خمره معتقه
إلا بس عينيك سيوفا مطرقه
نفسي ما تلوموها مره حقايقا
التقول يعطف عليها يضايقا
انا البيزيد لى جروحى تانى يفتقه
كل ما اشوف لى عروس قاعدة مجرتقه
ما بيطيب لى قعادى اقوم انتاوقا
ما بروق ان ما لقيتها مَرَوقه
العطور جنب المرايه مروقه
العطور عايقانى الله يعوقه
| |
|
|
|
|
|
|
|
|
|
Re: لو اللمبه قالت بق تبقي اللمبه دايرى الدق (Re: عبد المجيد محمود)
|
وآ اسفاى يا يمه ومرادى الدايروا ماتمه
ده سفرا ما نفع ضمه
اخير نرجع تلمينا وعليك يايمه نتلمه
جوابك جانى وقريتوا حفظتوا بالكلمة
كل الفيهو فلان عرس واتلمه وفلان ولد الجنا سما
وفلان حشا التمر لمه
فلان ساعى البقر مرحات زرايبوا ملانى لى خشمه
وفلان سافر بعد سفرك ورجع شايل الورق حزمة
بناء وخدر بيوت حيشان وادى الخاله والعمه
ده كلوا قريتوا بس دايرانى اعرس كيف
وانا اهدم كل يوم وابني
انا العزيل مجننى فى ديك ما دخلت الكتاب
وحتى رماده ما فاهمه
وديك قرايتا الجامعه وعلى ما اظن بتتلمه
وديك فصيحة نقناقه وزى المكرفون خشما
وديك لا قالوا لا قلنا ولا بتنضم تقول بكما
وديك ضعيفى عد ضلعه وديك من الشحم وارمه
وديكا قصيرى طبعا فتنه يا حكمه
وديك الطولا متل طولى ومنو البمشيلا وا سجمه
مره اقول من الخرطوم أيوه عروس من العاصمه
كان شفتيها يا يمه هى مى زى القمر
لما يظهر بينو وبين غيمه
نورا يفوق كهاربنا وجبينا ينور الظلمه
كان شفتى الشعر يمه سواد الليل
وموج النيل وزى البان يميل جسمه
لما اقول من الخرطوم اذكر بنات ارقى
الواردات والنازلات
ومانى سعيد انا اصلى شقى لما تلاقى واحده عصير
ومن تلاك تجر هدمه تسالمك بى ادب يغريك
وطبعا هى من الحشمه وديك شايلى الصفيحى بشيش
وديك تقدل وراء غنمه
وديك شعرا طويل وغزير غزير بالغصب لامه
مره اقول بنات ارقى وارجع اقول من العاصمه
وانا بين ديل وديك حيران .......
لمن جيت لى عرسى وعاد خلق الله متلمه
بدا الطنبور مع اليمنى ولى زغرتى يا يمه
ابشر فوق بنياتنا اكالم داك وا ضاحك داك
وخشمى انا غالبوا ينطمه
رابط فوق جبينى هلال ولاوى مقلوز العمه
جلابه سكروته من جلد النمر جزمه
اقوم من نومى زى الجن وافتح اتارى كان حلمه
| |
|
|
|
|
|
|
|
|
|
Re: لو اللمبه قالت بق تبقي اللمبه دايرى الدق (Re: عبد المجيد محمود)
|
الأخ عبدالمجيد
تحياتي
أتيت بخيط رائع وجميل، ودرب لم يطرقه قبلك في هذا المنبر، وأعد لي ايام ألقيت ترحالي بين رابطة أبناء مروي بجامعة القاهرة "زمن كانت حنينة وسكرة"، وأنا طير صعيد، رغم أن جذوري ضاربة في قلب ديار الشايقية.
Quote: وآ اسفاى يا يمه ومرادى الدايروا ماتمه
ده سفرا ما نفع ضمه
اخير نرجع تلمينا وعليك يايمه نتلمه
|
| |
|
|
|
|
|
|
|
|
|
Re: لو اللمبه قالت بق تبقي اللمبه دايرى الدق (Re: nadus2000)
|
الاخ الكريم / nadus2000
احترامي
الذكري تطرب الخيال وتعيد الزمن الجميل وتنعش الروح بتأصل اللحظات الرائعة فدائرة الزمن تتسع وتضيق وفي محيطها يبقي الجميل لا يتأثر بهذا وذاك وطيب معشركم وهذا الحنين والوفاء لأيام خلت يأكد إنسانيتكم وقيمكم الفاضلة فمساحة الود في الذاكره بخور باطن ...
اسعدني جدا مرورك الأنيق ..
كل الود
| |
|
|
|
|
|
|
|
|
|
Re: لو اللمبه قالت بق تبقي اللمبه دايرى الدق (Re: nadus2000)
|
ليك يا nadus2000
الطيف
محمد كرم الله
يمه النوم ابى وجافاني واصـبح داجي ساهر
وين حتى الطـيـر رحـل خـلاني
ما طـيـب لي خـاطـر
هي .. قليل يا طيف اقيف وارجاني
ويـن فـايـتنـي عـابـر
وانا شن حارس وراك انا تاني
يـانـي مـعـاك مـسـافــر
لا تقولي هي كدي استناني
بـمـشي واجـيـك باكـر
ويبقى انا ما الم فيك تاني
ومـيـن عـارف المصاير وين
الليلة هـاك اثار انين الحاني
وابقى معـايـا صـابـر
خفف لي قليل احزاني ياما انا عشت صابر
انـا مـر الـعــذاب وراني
سـهـموا فـي قلبي غـاير
الليلة جـا وفر من صـبح فناني
لافـح حـروا كافـر
عـدمان الضـليل لواني
مجـنون قالوا شـاعـر
انا بحوم وارجع افوتا بكاني
مرفـوع راسـي حاير
وين احبابي وين خلاني
اه يا الله قـادر
وانت ياطيف عليك احزاني
لـيا شـوية كـابر
عـشـان خـاطـر قليبي عشاني
لحـظـات بس تخاطـر
| |
|
|
|
|
|
|
|
|
|
Re: لو اللمبه قالت بق تبقي اللمبه دايرى الدق (Re: ناصر جبريل)
|
الكريم الفاضل / ناصر
احترامي
قـلبي الـسـمـع لحـنك وقـف بعـدك عمي وجنا وطرش
انــت يـا لحـن الـغـروب نـبـض الشعاع من الشمس
تـتـبـاهـي فـي الـوان قــزح جـواي ســوالك عرش
الـشـوق يـعـشـعـش في حـشـاي يحرق مصارينو ويحش
وانا منو ياعـشـق الصـبا انضاري في الزاد وانكمش
راجيك والاحلام معـاي نـتـبـاكـي عـاطـنـيـن الفرش
في لحـظة الشـوق نـتحـرق نـرجـع نـفـرهـد وننتعش
انا وريني غـير فرحا مـعـاك بـالله شـن طعـم القرش
حتي انا عـرفتا الكـون براي او في جنات الخلد عش
طـيفك دلـيلي عـلي الـدوام يـلهـم دواخـلنا ويهش
لك التحية وربنا يقدرنا ونوفي جزء من روائع الاغاني الشايقية
كل الود وابقي شرفنا دائما
| |
|
|
|
|
|
|
|
|
|
Re: لو اللمبه قالت بق تبقي اللمبه دايرى الدق (Re: عبد المجيد محمود)
|
وداليمني
نقر حس الدليب للحله شقا
رقص طنبور حنين بالحيل ودقا
وظهر نور الرتاين قاج وبقا
زغاريت الفرح من جوه طقا
وجات السمحه دى الزادوها صفقا
هى متل مزروع جديد نديان مساقا
انا قلبى استاهلا وليها استحقا
وخلاص ماشاف عزل يا ناس ونقا
ناس كتار الهاجو من ساعه رؤاها
كتار السألوا منها ومن ابوها
كتار الطلبوا تانى يرقصوها
وحد من تدور تمرق تانى يرجعوها
زعلت امها وقالت اذوها
كفاها رقيص خلاص ما فتروها
هى تارى معرسة ومتموم حلوها
وجاى إجازة بس لى عرس اخوها
| |
|
|
|
|
|
|
|
|
|
Re: لو اللمبه قالت بق تبقي اللمبه دايرى الدق (Re: كبسيبة)
|
احترامي كبسيبه
Quote: حاجة زي نقر الاصابع
|
ياحبيبي نحن اتلاقينا مره في خيالي وفي شعورى ألف مرة
Quote: من زمان بفتش على (عينيك يا أعز الناس)
عشان فيها علمتني أحب |
رسـل طـيـفـك لـى يـواسـى لـمـا تـعـود تـقـبـل جاى
يـاهـو واحـاتـك لمـا تـغـيب بيبقي انيسى ويبقى عذاى
بـلـغ دارك عـنى تـحـايا قـدر الـشـوق الـبـاقى معاى
كـم نــاديــت لـطـيـفـك يـرجـع إلا ارتـدا عـليّ صـداى
| |
|
|
|
|
|
|
|
|
|
Re: لو اللمبه قالت بق تبقي اللمبه دايرى الدق (Re: عبد المجيد محمود)
|
الليلة يارب يا كريم ينتم مرادى
ويا سيد الحسن ينتم مرادى
ويا رجال القبتين ينتم مرادى
يابن سوداب اجمعين ينتم مرادى
عاد اضوق قبض المواهى انا من ولادى
تبقي عشرين جنيه وانا مانى راضى
وبعد داك يا البنات انا فى ابوكن مانى فاضى
هو بيحسبلى الكلام وانا عاد بقبل منو غادى
| |
|
|
|
|
|
|
|
|
|
Re: لو اللمبه قالت بق تبقي اللمبه دايرى الدق (Re: عبد المجيد محمود)
|
ست الودع شوفى شملى متين ينجمع ارمى ليّ
ارفعى ولمى الموقع ووصى قلبى اللبا يتقرع
حزرى وزيدى التورع بكلامك كان يقتنع
لسه براى الأوهام تبع وفى بحور الشوق مشرع
انا إن هديتو قلتو اتمنع فى الغرام يقعد يشرك
فى شريكك مابى ينضرع ولى وصال حبل مقطع
ليه يعجبك حالى البشع ويا قلب ضيعتنى وضع
باكى ساهر يجرى الدمع وما طفت قلبي المولع
حوضى فى حبك ينفرع ولا يوم بالعبره اتفقع
وجانا نازل عام متفدع ويرقص الرقصه ويبدع
وفيهو اتفنن ينوع ومرة يبطى ومرة يسرع
جرا توبوا لي اقصاه التبع فات صدروا مكان المدافع
عاد لينا حق ان كان نتخلع وننطقش لامن نوقع
عرسولك واسطة زرع وقفلوا المغالق بالشمع
بالنهار غفرك يجدع ومافى حاجه وبه ننصرع
وليك ابكم يوم ما سمع وماعرف شئ غير المنع
لا بينغش لا بينخدع وان رقد يرقد مكوع
كيف مثال زولاً ماقنع ونظروا فى شوفتك ما قنع
وللعشم فى ضيف ماطمع وحكمو كاتل زول فى الشرع
| |
|
|
|
|
|
|
|
|
|
Re: لو اللمبه قالت بق تبقي اللمبه دايرى الدق (Re: عبد المجيد محمود)
|
عقلى يتوه مع نوره لما تكمل الرقصة
وتقلب توبه فوق راسه وتقول كدى تجرى تندسه
بتوه فى طاسة وشيها بدور بطرفى اغطيها
محال عين زول ما تجيها والكف ليهو رده
بشيل طنبورى اغنيها بنقرش وابارى كرعيها
معاى القمره تاريها تصفق ودايراله فرصة
بتتكتر من قوامه متل ما تكتر كلامه
تعوم وتحاكى الحمامه نفس القدله والدسه
تقلب الدنيا بى حالها تخلى الداره ملاله
سماح فنان ياجمالا وكت ترقص ترسه ترسه
تموع البت بلا الفرصه تصحى مدرس الحصه
من عينوا تتطير النعسه وتعال شوفلك جنس جرسه
يا خى فوقه تلبش الند جمالا خمسة من خمسة
خدودا بلا الحرير ..... ما بتستحمل الهبشه
| |
|
|
|
|
|
|
|
|
|
Re: لو اللمبه قالت بق تبقي اللمبه دايرى الدق (Re: عبد المجيد محمود)
|
حاحاية التعب يا السمحى وين بلقاها
فى الزمن الصعب راية الأمل دلاها
جقلب بالعذاب دنيا الخلوق باراها
زى لفح العصار لافح جمال معناها
صحاية الشموس الفى نعاسه ونايمه
وين بلقاها لليل اب وصايبا حايمه
يا عزة دماى خلى الرسائل اللائمة
ماسك فى هواى لامن تقوم القايمه
مافى إنسان بلاك اقنع عيونى وشوقه
عرفت بى لماك معنى النعيم والروقه
قلبى شرب هواك ما بنفطم بسوقه
ما قسم عواطفوا وريدتوا جات مشقوقه
جلابة الفرح طلقت غنانا حِداها
سوت من خبارتنا وحجانا حُجاها
الروح انكفت فوق لى هواك براها
لصقت فيهو زى مخلوق كأنوا معاها
لا تلومى الزمن لومى البلون رسمو
من فعل النفوس بياخد ملامحو وإسمو
ناسا فيها رزق الناس تشيلوا تقسموا
توقد نارا فى ضلو وتحرر نسموا
يا سمره التعب قرقر عضاى زى سوسه
كلما الليل يجن تبقي الهموم ناموسه
جوه الراس تطن ترطن تدق ناقوسه
غير بسمة رضاك حالتى العلى ميئوسه
هاجمنى العذاب بي خطه قارى دروسه
غير نار الفراق روح الفرح محروسه
دنياي فى الدموع كافيه ومجافيه شموسه
تفصيلة القدر لو كان لهيب ملبوسه
| |
|
|
|
|
|
|
| |
almulaomar
nadus2000
ناصر جبريل
Adil Osman
albagir altahir
فيس بوك
تويتر
انستقرام
يوتيوب
بنتيريست