|
|
|
 Re: حالة ...انصراف (Re: garjah)
|
انتباه زائد لا يساعد على ايجاد فرق في موازنة
اعدت في طرف النهار الثاني
ولكن انصرافا لنكته ياتي سريعا بالفرق
ولذا كنت دائما اؤمن ان المتجهم لا ياتي بخير
| |
 
|
|
|
|
|
|
|
|
Re: حالة ...انصراف (Re: لؤى)
|
لؤي
معك يندلق الجمال ....فننصرف له لنجد انفسنا اكثر انتباها
أظنك يا لؤي بدأت الغناء بمشاغبة علبة الهندسة والدرج ...في انصراف لذيذ بعد حصة دسمة ومعلومات فيزياء وكيمياء ورياضيات يصعب هضمها...وربما وجدت جوغة من اولاد الفصل يشيلون معك الاغنية ومن بين الاصوات تظهر المواهب ...وتجد طريقها لمسرح المدرسة الذي كنا نقف فيه ونحن نكابر السحاب لان اباءنا يجلسون امامنا يسمعون نشيدنا.
لا ازال اذكر تلك الحالة ولا اكذبك انها تقمصتني الان للحظات ورحلت ...لحظة اولياء الامور يشهدون ابناءهم يؤدون مسرحية او ينشدون لحنا.
أن تلتقي اسرتك داخل اسوار المدرسة حدث تكرر كثيرا في حياتنا وكنا نحتفي بمقدمهم ونحاول اكرامهم كنا نقيم الاسواق الخيرية والمعارض ونعمل تجارب الكيمياء والفيزياء فيتعجبون ويعجبون بما نعمل .
| |
|
|
|
|
|
|
|
|
|
Re: حالة ...انصراف (Re: garjah)
|
طلب مني صديقي وزميلي في العمل ابوروان أن أتعرف على صديق له قادم من اسبانيا ليحكي لي قصة حصلت لهما بالامس .
سلمت على رائد وطلب منه صديقنا المشترك ابوروان ان يحكي ما حدث بالامس.
قال رائد كنا جالسين انا وابوروان في كافيه ومر من امامنا شاب اسمر فنادى عليه ابوروان
يازول يازول بالله شيشة ومية
يقول رائد
بان الشاب وبتهذيب شديد سالهم ان كانا يحتاجان لشي اخر وبعد ان علم ذلك هو كل ما في الامر
ذهب وحضر برفقة واحد من عمال الكافيه ليضع امامهم الطلبات وذهب الزول في حاله
وهنا قال لهم عامل المحل
هذا نفر هو في يدفع حساب
لحق رائدوابوروان بالزول خارج المحل محاولين الاعتذار عن ما بدر منهما الا ان الزول وبهدوء شديد رفض استلام قيمة الفاتورة .
| |
|
|
|
|
|
|
|
|
|
Re: حالة ...انصراف (Re: garjah)
|
حكى لي انه وأثناء تواجده في مشاعر الحج اقترب منه رجل في صدر الشيخوخة وقال له يا ابني انا شايفك مناسب للعمل عندي في رعي الابل والماعز ( فصديقي اسمر طويل القامة )
قال له صديقي
كم تدفع
ما عندك مشكلة اعطيك ستمائة ريال
لا شوية زيدها لان غيرك دفع اكتر
اعطيك سبعمئة ريال وهي اعلى راتب ادفعه لراعي ابل
لا يا عمي دفعوا لي اكتر
اعطيك ثمانمئة
لا يا عمي دفعوا لي اكتر
مين قولي يدفع اكتر من ها المبلغ
انا مدفوع لي اربعين الف
يازول قول كلام غير ها الحكي
وكان الزول طيارا في خطوط عالمية
| |
|
|
|
|
|
|
|
|
|
Re: حالة ...انصراف (Re: garjah)
|
أهلنا الكبار قالولنا من زمان (إذا جاورت بنو دنقل في الفردوس فعجل بالرحيل إلى لظى ....). والكلام مو معناتو هم ناساً كعبين ولو معناتو تخليهم في الفردوس يبرطعوا ويتجدعوا فيها براهم (ياكلوا قراصة الجنة ديك ) وتقوم إنت تتشالق تمش جهنم تتشوشو وتفور وتنجلق براك و (تاكل إنت في خاطرك) ده كدي يبقى جن وغباء منك .. الكلام ده مقصودبو ) إنك تسوقم وتمش بيهم لي لظى الحجل بالرجل .. لأنو أخوانا الدناقلة ديل يريدو نار لظي دي ريده شديده وفيها ليهم فايدة كبيرة .. في شان (القراصة الحارة) الليلتم يعني زي الجعلي الشاف الشايقي دخل جهنم .. قال ودوني معاهو .. لامن سعلوهو لي شنو .. قال : الشايقي ده ما بمشيلو مكاناً ما فوقو فايدة ... و( باقي هم يحبوا يعوسوها في نار جهنم..) أنا الكلام ده ما إتوكدت منو وما خبرتو صاح علا لامن واحداً من رفقاي دنقلاوي .. هسي بقيت عدو من أعدائي .. قام عزمني وأصر علي إنو أجي أتغدأ عندهم قراصة .. وأنا لي الزمن والتاريخ قلت أشوف القراصة البياكلوها بي الملاح واللحم دي كيفن .. باقي نحن عندنـا القراصة دي (تحلية) بنأكله بي السكر بس .. وفي قمة الرفاهية بنأكله بالسمن والسكر ده لامن يكون عندنا ضيوف.
أهان وكان معزوم معاي صاحبنا إسمو (لؤي) وطبعاً من اللسم ممكن تعرفوا الزول ده زول قراصة وله لا .. أنا غايتو متوكد إنو ماسمع بي القراصة دي إلا في (معرض تراث سوداني) أو في برنامج (صور شعبية...) ده من النوع البستحم يومياً .. وشاقي شعرو كمان .. أقول ليكم شنو ما ببالغ إن قلت ليكم (قاعد يلبس كرفته ) قمنا إندرجا ومشينا علي الناس ديل أنا وأخوي (المكندش ده..) طايبونه وسالمونه سمح .. وهم ناساً طيبانين خلاس .. وأخدنا قعدتنا وجابوا الشربات إتشربتنا سمح وإتونسنا زين .. أهان بعد داك صاحبي قام جاب صينية الغدا .. عليك أمان الله الصينيه (بوخه) يجيب المطافي .. فيها قراصة تكفي (معسكر دفاع شعبي كامل) ختوها في الواطه .. وقالوا أتفضلوا صاحبي لامن شاف (البوخ البلوي داك) قرب يتفضل يمشي أهلو ... أنا في خاتري شلت هم تب وقلت دي أكان خلوها تبرد لي العشاء ماهي بارده .. القراصة زاته مقاس 11 (ماهي سفنجة) ... مقاس (مخدة) عدييل .. تبارك الله لو بردت (تصلي) فوقه عدييل .. وتاني قالوا أتفضلوا .. أها صاحبنا (sud) سيد البيت قام مد يده دخله في القراصة أشوف ليك (وشو) حمر وطير عيونو (حرقتو لكن أكله في خاترو...) قلت تبارك الله ( قراصة بالريموت كنترول) من (اليد للوشي مباشرة..) أهان ده صاحب البيت ومتعود عليها أنا وأخوي (الكاشف) ده يحصل لينا شنو .. غايتو إتوكلت علي الله ودخلت يدي في الصحن (وودعت أصابعيني لي وداعة الله..) غايتو (ختت أصبعي حسيت بي راسي ينتح وطاقتي وقعت من راسي ودموعي يجرن...) إستغربت قلت (قراصة الدناقلة) دي الظاهر ما بتمشي المعدة بتمشي (المخ) طوالي .. غايتو (إتجوعلت) وعملت فيها (سجيمان) ولقمة في الخشم ونبرد يدنا في صحن الشطة سبحان الله الشطة بقت لينا (تحلية) عدييل. وإتمنيت في الوكت داك لو خشمي العريض ده سويت ليهو (مروحة سقف..) لحدي ما كلمت القراصة.. أنا حمدت الله إنها كملت لكن .. الراجل حلف ومشى يجيب زيادة .. وتبارك الله التقول (الكانون) بتاعهم ( Pentium4 غايتو الله يدي أمو العافية) وفي أقل من دقيقة وجاب القراصة الحارة زاته .. والمصيبة إنهم قاموا وقعدوا يحلفوا علينا نكمل القراصة .. صاحبي (لؤي) بعد ما شعرو كان مسبسب وشاقيهو (كل شعره قامت علي حيله) و (أزرق عيونو راح) وبقى ( يقح و خنق..) أنا قلت الزول ده لو جابو زيادة تاني ح نجيب ليهو الإسعاف عدييل ... قعدنا بعد داك وجابو التحلية (بتيخة) قلت لي صاحبي .. ليه ما (سلقتو) البتيخة دي وجيبتوها لينا (شوربه) نشربه .. وعرفت إنو (إذا جاورت بنو دنقل في الفردوس فعجل بالرحيل إلى لظى ..) لأنو لو عزموك قراصتم الحارة دي في الجنة .. ح تبقى ليك الجنة (لظى) عديييييييييل ..
| |
|
|
|
|
|
|
| |
garjah
لؤى
فيس بوك
تويتر
انستقرام
يوتيوب
بنتيريست