هل كل من تخرج من معهد الموسيقى والمسرح أو كلية الفنون الجميلة مبدع ؟؟؟

Quote: وقد سارعت إلى التقاط قفاز المبادرة لناقشك هذه المرة يا عمر الفاروق استباقا لأي مداخلة انطباعية تسير بهذا البوست إلى غايات أخرى جانبية.

Quote: أنا شخصيا أكثر من استخدام كلمة (مبدع) وإبداع

Quote: بالنسبة للنقد ن هناك من هم مرفوع عنهم الحرج ، بمعنى لمجرد انهم وصفوا بالابداع في البداية فيبقى من الصعب نقدهم ن وده برضو اعتقد اللي ودى الفن في السودان لورا

Quote: معهد الموسيقى في رأي زمان كان بيقدم للسودان مبدعين اكتر من الان ، والمعهد في النهاية هو صقل للموهبة ، يعني لا ينفع فقط ان ادخل المعهد وانا لا املك موهبة لكي اتخرج واقدم نفسي اني مبدعة من الدرجة الاولى ن هنا بيكون في شكل اكاديمي جدا اكثر من كونه موهبة مصقولة

طيب المشكلة إنو في ناس ما عندها موهبة أصلاً بالتالي ماف شي ينصقل ورغماً عن ذلك يجبرك أن تناديه أو تصفه بالمبدع ويا ويلك لو إنتقدتو حا يقول ليك بالله شوف الزول الما قام من قعر الـــواطة ده جاي ينضم معاي انا القريتا اربعة سنوات !!!!!!

Quote: يعني مثلا وعلى سبيل المثال حسه ما بيعجبني فرفور ولا اطيق الاستماع لصوته ، وكذلك محمود عبدالعزيز فاذا عبرت عن رأي ده بصراحة ، فقد يتم تصنيفي اني جاهلة من الدرجة الاولى ولا افقه شيئا في الموسيقى والفن

لا في دي بالجد جاهلة
يا زولة بهظر ساي ما تحنفي لي وشك
المنبر هنا لازم تقول كلام البيضحكك وما تقول كلام الببكيك وإلا إنت زول حاقد وكسار مجاديف وووو ..

تخريمة :
يا زولة كدي الما عاجبك شنو في محمود وعليك علي انا وراكوبة بي تحت تحت كده بنقنعك إنو زول غناي

Quote: أولاً : النقد الذي أعرفه هو علم قائم بحد ذاته له أصوله وأدواته وقواعده. وعلى هذا فإن الناقد يجب أن يكون مؤهلاً لممارسة النقد. فالنقد الفني (الموسيقي) يجب أولاً أن يكون عارفاً مجيداً لهذا العلم وذو معرفة كاملة وحصيفة لتأريخية الموسيقى وتطورها ومدارسها … إلخ حتى يمكن أن نعترف بنقده. وهذا النقد بهذا المفهوم يقوم على ركيزتين أولهما : وضع يد (المبدع) على مواطن الخلل لمعالجتها. وثانيهما: تبصيره لمواطن جودته للمواصلة في التجويد. أما ما يحدث هنا فهو ليس بنقد إنما يندرج تحت مسمى (أحكام عامة) أو يمكنك أن تطلق عليها اسم (وجه نظر) أو (رأي شخصي) لا يستند فيه بالضرورة إلى إلا ذاتية الرؤية ومحدودية النظر (وأعني هنا بمحدودية النظر : إشمال رقعة الحكم الوارد على عينة تتم ملاحظتها بطريقة مسحية عامة) وهذا مثل حكمي الشخصي على بوستات بعض الأشخاص ، ورأيي الشخصي – أيضاً – في ما يدور في سودانيزأولاين، فهو لم يكن نقداً لأنه لم تكن دراسة إنما مشاهدات. وهذه المشاهدات متاحة للجميع ، فالأخت المتداخلة التي ترى أنها لا يعجبها غناء محمود عبد العزيز فهو رأي أو حكم شخصي يخضع بالضرورة لذاتية موقفها تجه الشخص المعني ، والنقد كالتاريخ إن اشتمل على ذاتية أفسده تماماً وأخرجه من إطار العلم الموثوق إلى إطار الأحكام الذاتية الصرفة. وإذا استثنينا بعض المحاولات النقدية الجادة في هذا المنبر كتلك التي قام بها مشكوراً أحد الأعضاء لدراسة كتابات أديبنا العزيز عثمان محمد صالح (آسف لا أذكر اسم الناقد) فهو لم يكتفي فقط بقول (هذا كلام جميل) أو ما إلى ذلك ، إنما أفرد مساحة واعية تناول فيها تفاصيل لغوية ومعرفية عميقة. ثانياً : الإبداع … حقيقة هو سؤال عميق جداً يجدر بعارف ومتخصص أن يأتي ويحدد لنا حدود الإبداع الجغرافية. ورأيي الشخصي في الإبداع هو البروز في فن ما من الفنون الإنسانية وغيرها بحيث يساعده ويؤهله هذا البروز في التفرد في المجال وبالتالي يمنحه القدرة على الخلق والابتكار ولو دققنا سنجد أن الإبداع creativity مشتق من create بمعنى الخلق أو الإنشاء من العدم. فعندما تجيد فناً ما – مع اشتراط الملكة – ثم تتقنه لدرجة تصبح فيها قادراً على خلق الجديد اعتماداً على مخزونك المعرفي لهذا الفن فإنك تكون مبدعاً وإلا فسوف تكون محض فنان أو مقلّد. فالرسام الذي يكتفي باقتفاء أثر السابقين من أصحاب المدارس هو محض مقلّد – في نظري – وإنما المبدع الحقيقي هو من يستطيع أن يطوع معرفته تلك ليشطح بما لديه فيخلق نوعاً جديداً يضيف معنى جمالياً لما تعارف عليه الجميع ، ولذا فإنني أرى أن (عاطف خيري) مبدع وليس مجرد شاعر ، و (مصطفى سيد أحمد) مبدع وليس مجرد مطرب. أن تكون ذا صوت جميل هو تماماً كأن تمتلك سيارة. هذا ليس إبداع .. إنما الإبداع هو أن تعرف كيفية توظيف هذا الصوت وتطويره وأن تخلق لك منه شيئاً متفرداً .. بصمة (بمعنى آخر) ليس فقط في طريقة الغناء أو اختلاف الصوت عن بقية أصوات الفنانين إنما في الرسالة التي يجب أن تحملها أغنياتك ، وكيفية انتقاء الكلمات. وهكذا في سائر بقية الفنون الأخرى.

Quote: اصبح من النادر حقاً ان تجد طلاباً في هذه الكليات وهو يدخل ليصقل موهبة ربانية وإبداع مولود مع

(عدل بواسطة Elmosley on 03-20-2006, 01:26 PM)

Quote: (Go to the point and specify your target

Quote: تحياتي علي موضوعك الجيد والذي يعيبه شيئ واحد ليس هنالك تحديد وليس هنالك هدف محدد

الأخ عثمان :

Quote: اولا انت قاصد النادر ولا الناذر؟

إنت قاصد بتارية ولا بتانية

ويا زول اللوج إتملى والمساطب الجانبية كذلك وما عندك حل إلا في المقصورة عشان قروشا كتييييييييييييرة ..

Quote: شايفك داير تركب مكنة ناقد فني الأيامات دي بس إنشالله ما تكون نص مكنة زي الأنا قريتا بي هناك

Quote: أنا عشان دي ما نزلت لي أغاني بي صوتي لحدي هسي والحمد لله في المنبر دا

تعرف يا حبيبو انا كنت لابد ليك عشان اتفشّ فيك لأنو إنت زول صحبي وممكن اقول فيك العايزو ومن خلالك الباقين يفهموا لكن إنت عرفتها وفي نفس الوقت ضيعت علي فرصة إنو اوصل رسالة لي بعض اصحاب اللينكات ..
تعرف يا حبيبو انا مرة كده بشاهد في التلفزيون ومعاي مجموعة شباب وفجأة كده جابو فنان وقمنا كلنا إتفقنا نحول القناة لأنو الفنان صوتو ما كان خالص والأغاني معقدة والكلام ده كان بي إجماع الشباب ..
صراحة ماف زول كان عارف الفنان ده منو وإسمو منو ووووو ..وتفجأت بكرة بي إنو الفنان ده كان عضو معانا وحبيت اختلف مع الناس هنا وانقل ليهم ما دار ليلة الأمس لكن كنت حا اتردم ليك درّاب لمن الله يغفر لي ..

Quote: دي حالة حاصلة برضو في كلية الموسيقى ونبحنا لمن فترنا عشان حكاية النسبة دي تتلغي ويكون الدخول للكلية ما عندو علاقة بالنسب بل بالرغبة والموهبة وحدهما ..

شوف يا حبيبو ..
خلينا نتفق إنو المعادلة صعبة ..يعني موهبة من غير علم مشكلة وعلم من غير موهبة مشكلة ..
وإمكن إنتو في مجال الموسيقى اقرب مثال ليكم محمدية البتقولوا إنو ملك الكمنجة ولكن للأسف محمدية ما ممكن يقعد مع اوركسترا تقرأ النوتة واخيراً إكتشف اهمية النوتة وزي بدا يطور نفسو في المجال ده ..مع العلم إنو في شباب صعاليك عديييييييل في الكمنجات دي وموهوبين ومتعلمين في نفس الوقت لكن هنا برضو بتظهر حكاية سيطرة الكبار والإعلام ..
وكمان مرات بتلقى ليك زول بيجضم العود ده للكتاش لكن مثلاً ما بتقدر تضيف ليهو الجانب الأكاديمي عشان يقدر يستوعبو ..

بجيك لسة إن شاء الله

Quote: والحكاية بتتاخد مشى خلف القطيع، يعني الله قال بقول الزول اللي بيجي ويقول رأيه ساكت في فنان او شخص مجتمعة حوله كمية من الاراء الموالية ..ومن الممكن هدر دمه معنويا ..!! فكثير من الناس لما شخص يقول رأي مخالف ليها طوالي بتعتبره عدو ، وتتجهم الوشوش..ويمكن ان يصنف الامر تحت بند الاهانة الشخصية التي قد تصل لاخذ موقف..!!!