كتب الكاتب الفاتح جبرا المتوفرة بمعرض الدوحة
|
|
 البتقول صباح خير تلقاه دبيب وعقارب...عكير 2
|
من حكم الحكيييييييييم جدا عكير الدامر عليه الرحمه (2)
(1)
جم الاهل بقت العداوه اقارب
البتجيب فزعه يكون دبيب وعقارب
البتقول صباح خير تلقي بكره مغارب
دبره صرة وجعه جوه حربه غارب
(2)
يبس شجر المحنه وراحت الاهليه
ود اختك نصيحتي تقاطعو بي الكليه
ود العم نصيبه وبي المرض ممليه
والعجب ان قبيل عدمان ولقي ماليه
(3)
الجني في المحاكم شفنا خاصم ابوهو
والحق الجلي الشايب قبل يابوهو
الشبان بقو البيصلي مابحبوهو
والدين المحمدي اصبحو يسبوهو
(4)
الصبي قاطع الوالدين ولما حباله
والاخو بالبترمي اخوهو مشغول باله
الخال انسحب ود الاخت سباله
والعم ود اخوهو يدور نسب ياباله
(5)
الجار قاطع الجار والحيط علوها
وان قلت النصيحه الفي الكتاب قتلوها
الاخوان علي بعض السيوف سلوها
واموال اليتيم اهل السبح اكلوها
(6)
مابتقدم اللي عله يمه عطاه
والبهتك عرض مكشوف تملي غطاه
البزرع له شوك لابد يتوطاه
والبطبخ له سم لابد يتعاطاه
(7)
ود بيت المحل ماتجر معاه موده
وماتتغشي برزق الحجر مااكده
كل يوم الفرح لي اصلو ياخد رده
مو زول ستره ود الايدو قاطع المده
(
كافح في حياتك وللبزاحمك راكب
واتدور مع الايام نجوم وكواكب
امش قرابي مره ومره خليك راكب
اصلو الدنيا طوفان والمعيشه مراكب
(9)
ونسة العالمين ياريبه ولا نميمه
والانفس علي الشهوات كتر تعميمه
الايد البترحم مابيقولو هميمه
والبزرع جميل يبقالو لوم وزميمه
(10)
الافكار بقت فوق الحساده جريها
واللي الله راحت ومافي زول طاريها
وانطفت النصيحه ومافي زول طاريها
اما شهادة الزور حاضره للبشريها
(11)
عمر سوق النفاق سرت وسبعه تجارته
انبهل الفساد الجار قمز فوق جارتو
والماتم سبع سنين يبخ في سجارته
وود التسعه صاحب رخصه واجبه فجارته
(12)
الجور والضلال بين الخلايق شرن
والانفس علي الشهوات جميع انجرن
ربات الخدود من الحجاب اتورن
السوق فيه باعن واشترن واتعرن
(13)
جميل خوف الله راح اهل العلم رضيانه
وبي هتك العروض واحدين بقت عيانه
كتير الامنوهو وسوا كلو خيانه
حاكي المرفعين قال للعبور تقيانه
(14)
اب عمرا" طويل مابنقتل بظروفه
واب عمرا" قصير موية شراب مقروفه
سو عيشتك توكل والرزق مصروفه
بيضا ديمه والعند الله مي معروفه
(15)
تجارة اخر الزمن فانيه وعميره قصير
المال مابعز ود القبيل مو خير
الشبع البعد جوع سيدو ديمه صغير
والريش البقوم بعد الكسر مابطير
(16)
تجارة اخر الزمن زايله ومتاعا قليل
اخدو ايامكم اصلها طيره في يد عيل
مادام شبعو ناس ود الريالتو تسيل
الافضل علي الخلا وام شديده نميل
(17)
عمل الخير اجر والنيه مركب وصله
والشر دار خراب لي الدايمه يتقبض له
رفعة الدون ودار دواه قطعة وفصله
والعب والكلب لو طار يعود لاصله
|
|
 
|
|
|
|
|
|
|
|
Re: البتقول صباح خير تلقاه دبيب وعقارب...عكير 2 (Re: DKEEN)
|
Quote: الافكار بقت فوق الحساده جريها
واللي الله راحت ومافي زول طاريها
وانطفت النصيحه ومافي زول طاريها
اما شهادة الزور حاضره للبشريها
الله يرحك يا عكير بقدر ما خلدته من شعر رصين وكلمات شفيفات ناصعات حاسمات
شكرا لك اختي عنيده وهل من مزيد؟
| |
|
|
|
|
|
|
|
|
 Re: البتقول صباح خير تلقاه دبيب وعقارب...عكير 2 (Re: محمد بهنس)
|
Quote: كافح في حياتك وللبزاحمك راكب
واتدور مع الايام نجوم وكواكب
امش قرابي مره ومره خليك راكب
اصلو الدنيا طوفان والمعيشه مراكب |
حليل مقرنا وحليل شغل فنان بديع ختري
ذاكر تمثال دقنة وسحر الجمال الصخري
ولعب الطين عند اسامة الجنيد الفقري
وين يابهنس ايامك وايام نجيلة القلري
| |
|
|
|
|
|
|
|
| |
عنيده
AMNA MUKHTAR
hatim
munswor almophtah
فيس بوك
تويتر
انستقرام
يوتيوب
بنتيريست