|
|
|
 Re: كـتابتا ما أروعا...دكتوره بيان مبدعـه...مموسقة (Re: منصوري)
|
ناس تكتب بسرعة يستهويها الحدث أو البوست فتقوم تكتب بسرعة من غير ما تفكر فيها فيصيب رزاز الكتابة الآخرين.. وتكتب متسرعة حتى الإملاء العادي يغلطوا فيهو..وما أكثر الخلط هنا بين الذال والزين.. وزمان فرقوهن لينا.. وقالوا ذا ذنب.. و.. ز... زرافة..
| |
 
|
|
|
|
|
|
|
 Re: كـتابتا ما أروعا...دكتوره بيان مبدعـه...مموسقة (Re: منصوري)
|
و الله يا عمو صديق و ندوية انتو المبدعين...
و كمان انت يا (عبدالله عقيق)..قصدي ...عقيد..
التحية لكم جميعاً..
تخريمة خارج النص..
شكراً يا عم منصوري انك أديتني الفرصة أشوفك و أشوف رحاب و أخوها..لكن شايفة الصورة قديمة شوية..
شكلك كده مصر نطلعك من قصة عمو دي..
لكن لو خليناها حنقول جدو...(وش مبتسم .. من الأضان دي للأضان دي)
| |
|
|
|
|
|
|
|
|
|
Re: كـتابتا ما أروعا...دكتوره بيان مبدعـه...مموسقة (Re: منصوري)
|
Quote: الاخ منصورى والاستاذة نادية المبدعة
لكم التحية على هذه الكلمات واللحن الجميل
|
الواثق.. إنت حكايتك شنو؟ نادية برة الموضوع دا المرة دي..
ما شايفا ماجات ولا علقتك ولا قالت لينا عينكم في راسكم؟
........
لكن يا الواثق يبدو إنه اسمي واسم نادية اصبح مربوط مع بعض للتعاون الفني المستمر بينا. وأنا أتشرف بذلك.. كما أتشرف بأي أخ أو أخت هنا..
............
بعدين يا الواثق تاج السر..
إنت ايش معني إخترت البيت البي يقول..( تعرف الجملة تربعا)... يا تري ماذا انبعث في ذهنك من البيت البي يقول( قالوا اتنين في اتنين اربعة... وسبعة في واحد بسبعة)
| |
|
|
|
|
|
|
|
|
|
Re: كـتابتا ما أروعا...دكتوره بيان مبدعـه...مموسقة (Re: منصوري)
|
Quote: و الله يا عمو صديق و ندوية انتو المبدعين...
|
تاني يا بتنا سناء.. جبتى نادية عثمان.. نادية دا ماهو شعرا.. دا شعري أنا... لكن المديهو الله عاد منو البحميهو...
بعدين يا سناء مالك بقيتي لى في حلقي.. أنا طبعاً بقول ليك بتنا مجازاً ..لكن اقول الفرق بيني وبينك كم؟...
وبعدين يا سناء.. تعالى نوريك الفنجرة... كضب الكاضب دي ما رحاب.. وبعدين الصورة دي جديدة.. قبل شهرين والله.. أسألى ناسكم شوفي وليدي دا عمرو كم؟ الولد دا.. حاجة سعاد اكلت سمايتو اسأليها.. دا اسمو ابى صديق منصوري.. أبى بضم الألف.. سميناهو على الصحابي الجليل رضى الله عنه أبي... أما البنت فهى رؤى صديق صاحبة دكتورة سحر وقعدت معاها يومين في غرفتا في الجامعة.. ادعى معاي للوليدات ربنا يحفظهم ويحفظنا ليهم..عافية الدين وعافية الدنيا..
........
شايفك برضو عملتى ليك بوست في وداع الدكتورة وهي تستاهل.. حا نجي نسجل حضورنا بي هناك..
| |
|
|
|
|
|
|
|
|
|
Re: كـتابتا ما أروعا...دكتوره بيان مبدعـه...مموسقة (Re: منصوري)
|
أحمد.. أبو حميد...
(ناس بتكتب وهي مشعشعة)...ها ها ها
........
ياترى أولاد الزمن دا.. وبنيات الزمن دا بيعرفوا معنى(مشعشعة)
.............
طبعاً زي ما قال الأخ عالم المنبر عجب الفيا.. اللهجة السودانية اقرب الى اللغة العربية ونزل بوست عديل في المعنى دا.. حتى كمان القرآن فيهو كلمات سودانية..
وكلمة شعشعة طبعاً هى كلمة عربية فصحى قال الشاعر:
شعشعت في الكأس بكراً فروتنا.. ثم ذاب الرسم منا..كل متنا..
...........
ويقول ليك في اللهجة السودانية دا مشعشع.. والمشعشع هو الزول داك السلع ما لحق سكر كويس، يعني يا داب ضرب ليهو كاس كاسين كدة.. ماهو الزول الصاحي وماهو الزول التملكت منو السكرة.. وطبعاً أنا لا اعرف هذه الحالة وما حصل جربتها..
...........
اخونا الشاعر العوض مصطفي طبعاً هو رباطابي جارنا.. مرة قال لى يا منصوري، أنا شايف إيقاع الدليب عندكم في المناصير اسرع شوية من جهة جنوب المنطقة في القبيلة الواسعة عند الشوايقة.. فقال لى.. أنا أفتكر مسرعاهو (المريسة.. أي المريسي)..
| |
|
|
|
|
|
|
| |
منصوري
الواثق تاج السر عبدالله
عبد الله عقيد
ابوالقاسم ابراهيم الحاج
فيس بوك
تويتر
انستقرام
يوتيوب
بنتيريست