( تماضر ) في هذا العنوان .. ( تجربة الضوء )

مرحبا Guest
اخر زيارك لك: 03-29-2024, 02:20 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الأول للعام 2006م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-15-2006, 08:46 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
( تماضر ) في هذا العنوان .. ( تجربة الضوء )

    هو ذاك ..
    سيقول من قائل :
    قالت تكتب بغصن .. وهأنت ترده لها ..
    حسناً ..
    أجذب مقعداً .. استقبل شاشة الكمبيوتر .. استرح
    أدخل إلي سودانيزأونلاين ..
    هل أشعلت سيجارتك ؟
    إن كنت عضواً في هذا ( البلد الأصفر ) .. فاختر موضوعاً جديداً ..
    أكتب أي طلاسم شئت في متن نص النافذة تلك ..
    ثم ضع هذه الأحرف الخمس ( ت / م / ا / ض / ر ) في مكانٍ ما .. تعنون به تلك الطلاسم .
    أدفع بذلك إلى الصفحة الأولى .. وانتظر .
    ستفاجأ .. أو تفجع ..

    ظلماً أو إنصافا .. سيتقاطر المتداخلون و القراء ..
    و تتسارع وتيرة الصفحات الجديدة باضطراد مذهل .
    لتماضر ذاك الألق ..السطوع .
    ( قيل أن الضوء ينادي الفراشات ، تساقط عليه ) ..
    وذات الضوء يجذب الهوام الليلية و طفيليات الحشرات و اليعاسيب ..
    و الضوء ذاته قد يوجع ( الأعين الرُّمُد ) ..
    و يشفي - هو الضوء نفسه - نفوسا طالما تاقت للإنفلات من ربقة الظلال الدائمة .
    وسترقب الكلمات تترى .. فيض من فيض ..
    المقرظون .. المعجبون .. المساكين .. ذوو المآرب .. السابلة .. الطيبون .. الغُثاء .. الشامخون .. السَّوََقة .. طالبو القُرب .. طالبو الثأر .. الكاظمون الغيظ .. الممتلؤن حباً .. الشامتون .. ( مُتَلقو الحِجج ) .. التقدميون .. المرتدون .. المنافقون .. شذاذ الآفاق .. المريدون .. الـ .. الـ ..

    وعني سأحدّث ..
    ( أدرجوني تحت أحد الأصناف أعلاه .. كما تشاؤن .. و سأظل أستدفيء بالضوء .. بعد ) :
    أخبرت الجميع يوم أن وجدت تماضر ترد على إحدى مداخلاتي هنا ..
    طويلاً كنت يومها .. و مزهواً حد ( البجاحة ) ..
    كيف لا و قد إنتبهت إليّ تماضر .. و ما أدراك ما تماضر .
    ( وقدلت ) ما شاء لي يومذاك .. و كافأت نفسي كثيرا .

    جميلٌ كان ذاك الزمان .. و هي كانت إحدى رموزه المُلهِمات .
    زمان الإنقلابات الكبرى و الآفاق الجدد .. زمان السبعينات و أوائل الثمانينات .
    كل شيء كان يتفتح و يزهر .. كنا نتذوق طعم كل شيء بلذة لا تُحد . و نجرب كل شيء باندفاع أحمق .. لكنه طامح للتغيير . إنقلاب على شريعة العادة و شرعية السكون .
    تماضر كانت هناك .. تملأ الدنيا و تشغل الناس .
    فتاة ملهمة في قفزها السريع إلى الصفوف الأولى في الفعل الدرامي السوداني ، والذي كان يفتقر إلى بصمة نسائية تعدل ميزان كفته الراجحة ( تحية زروق ) .
    ملهمة لأخيلة الشباب ( كنا نكره الهادي الصديق ينتهرها في إحدى المشاهد .. و نتوعده سراً بالويل و الثبور و عظائم الأمور وهو يصر علي ترداده : يااه - البايخة - تلك .. ومازال ) ..
    و نتمثلها حين نتعاطى نصوص الكتابة تجاور أخيلتنا في امرأة ممشوقة كما الرمح .. و مؤنسةٌ كما تلاوة الفجرية ..
    كانت ( جان دارك ) تململنا من قيد العسكر وسلطوية العائلة .. وملامح جاراتنا المكرورة ..
    كانت سودانية في كل شيء .. ورغم ذلك نجمة !!! ( حين نتبادل المطبوعات العربية فنراهن النجمات العربيات .. فنستل سيف عنصريتنا و تتلبسنا فروسية مُقنع الواليات .. فتخسر العيون الخضر والزرق و ألوان الطيف في الأوجه البيض و .. تشمخ تماضر ) .
    تشبهنا كانت في أدوارها الدرامية .. ( تحية زروق كانت تشبهنا أيضاً .. تشبه حبيباتنا الغيبيات .. في انطلاقها و ضحكاتها العذبة و .. خفة دمها) .
    تماضر كانت تشبهنا أكثر .. تشبه أخواتنا أكثر .. و تشبه حبيباتنا الخجولات .. وسمرتنا و طيبتنا و حماقتنا و.. جنوننا .
    تماضر تشبه أن .. تكون حاضرة يوم تخرجك ..
    تشبه أن ( تبشر ) فوقها فتديك الشبال .. فتثملك العزة حتي تشق قميصك للبطان ..
    تشبه أن تخاصمها حين تسقط ( الطرحة ) عن رأسها في الطريق لصباح مدرسي .
    تشبه إن ( تستلف ) منها كتاب الرياضيات ..
    تشبه أن تعزمها سندويتش طعمية في كافتيريا الجامعة ..
    تشبه أن توصلها بيتها بعد إنتهاء حفلة بأبوعركي ..
    تشبه إيمان أختي في ( حمبكتها ) الطفولية ..
    تشبه فاطمة أحمد ابراهيم حزناً شامخاً يوم أعدم الشفيع ..
    تشبه ماريا الغجرية ..
    تشبه كل ذلك .. لأنها تتقمص كل ذلك .. وتعبقر التقمص في زمنٍ كانت الدراما فيه تحبو و تلثغ ..
    تجيء تماضر مع أغنيات الحقيبة .. وتشهيات الحبيبة و أحلام الرحيل إلى مدن الضوء البعيد..
    تجيء مع اختيارنا للون الشارلستون ( وهو ضربٌ من السراويل غريب ) .. و قصة الشعر .. ونوع الفيلم الذي نرتاده اليوم في ( سينما غرب ) .
    كانت تطل على الشاشة فنصمت .. و نظل نرقب طريقة لبسها ( لتوبها ) .. وطريقتها في عقد ذراعيها أماماً ( زعل تماضر ) معطية ظهرها لتلك الـ .. ( ياااه ) ..
    و نسخر كنا من أخواتنا تتضاءل سماحتهن حين نقول : تماضر .
    كانت ( سعاد حسننا ) .. ( جين فوندانا ) .. و ( إنقريد بريجمانا ) .. و .. و ..
    ذلك إندفاع في التاريخ رهناه لرفع أصواتنا عاليات فوق كل المسَلّمات .. بداية من تُرهاتنا المراهقة في الحب .. و هوسنا بالفنون و الآداب .. و لؤمنا في مواجهة تقليدية المجتمع و قيوده .. وأحلامنا المستبدة بتحقيق فتوحات تطال السماء وليس انتهاءً بالتهام كل ما يمكن قراءته .. وكل ما يمكن تعاطيه .. وعشقنا الأخرق الجميل للحرية .
    قاسمتنا تماضر كل ذلك ..
    فصارت تأخذ رائحة الزمن .. وتتخذ أشكال الأمكنة .. وتتلون في أغنيات الإذاعة و هتافات المظاهرات و زغاريد الأعراس .. و أماني الأمهات .

    كان زمن الغليان الذي ينذر بقفزة ما ..
    إما إلى قمة .. أو في فراغ عدمي ..
    كانت مدرسة الغابة و الصحراء في الأدب .. مدرسة الخرطوم التشكيلية .. التلفزيون وسحره .. جعفر نميري .. معهد الموسيقى .. محطة التلفزيون الأهلية .. البلابل .. الإشتراكية .. حرب أكتوبر .. قاعة الصداقة .. و .. و .. و
    كل ذاك ( الفوران ) حدث في بضع سنوات ..
    جرعة سم .. أو دسامة ( بُكره ) ..

    وكانت هناك تماضر ..
    أضاءت طويلاً .. طويلا
    وسطعت حين أحوج ما كنا لمشاعل .. و منارات ..
    لكنا تشاغلنا ..
    فانسرب منا كل ذاك الضي ..
    ومضى ..
    ( ربما .. لو لم يكن هذا الجدار ..
    ما عرفنا قيمة الضؤ الطليق ) ..
    نيزكها المذنب ما زال يضيء ..
    غير أنها ارتضت أن تكون نخلة ..
    نخلة ..
    ( شكل آخر تتقمصه تماضر .. وأيضاً يشبهها ..
    .. دور آخر أكبر من كل أدوارها السابقات )
    بعيدا عن السماء .. تتجذر عميقاً في الأرض التي تعشق ..
    نخلتنا النجمة ..

    وما تزال تضيء ..
    و ماتزال يحصبها الحاصبون ..فتساقط عليهم تمرها الرطب ..
    وماتزال يتحلق ضؤها السمار .. يرسمون خارطة حدادي مدادي
    و يهشون هوام الليل و ناموسه ..
    ويعدون الفراشات بـ :
    عوديها غداً ..
    تسطع أكثر .. و تثمر أكبر


                  

03-15-2006, 09:02 AM

Muna Khugali
<aMuna Khugali
تاريخ التسجيل: 11-27-2004
مجموع المشاركات: 22503

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: Emad Abdulla)

    وما تزال تضيء ..
    و ماتزال يحصبها الحاصبون ..فتساقط عليهم تمرها الرطب ..
    وماتزال يتحلق ضؤها السمار .. يرسمون خارطة حدادي مدادي
    و يهشون هوام الليل و ناموسه ..
    ويعدون الفراشات بـ :
    عوديها غداً ..
    تسطع أكثر .. و تثمر أكبر


    معك حـق في كـل ماقلته عـن طـمطم..فهي كـل هـذا وأكـثر...
    رأيتها العام السابق تـؤدي مشـهد ممتلئ بالمعاني وانفعال الشـخصية ذات الأبعاد المـركبـة..

    ومـين غـير الفنان المبـدع بيقـدر يـؤدي عـن 'عمـد' مايأتي اليك في تلقائية وطـبيعية تجـد نفسـك أمامها في تسـاؤل برئ..

    ياربي الزول ده بيتكـلم جـد ولا بيمثل?

    لها ولك كـل الـحب
                  

03-15-2006, 09:14 AM

esam gabralla

تاريخ التسجيل: 05-03-2003
مجموع المشاركات: 6116

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: Emad Abdulla)

    تملك غصن دعاش يا عماد
    حرف طاعم , مغسول بحبر حكمة و "حرفنة" حياة و بصيرة محب مغامر....

    البت تماضر والنساء مثلها
    ليسن امراة واحدة, هن نساء فى امراة
    لا املك الا تذكر وصف درويش لبيروت
    اتذكر:
    تفاحة للبحر.نرجسة الرخام
    فراشة غجرية.
    شكل الروح فى المراة,و رائحة الغمام
    فضة.زبد. وصايا الارض فى ريش الحمام.
    تفاحة فى البحر. امراة الدم المعجون بالاقواس.
    شطرنج الكلام.
    بقية الروح. استغاثات الندى.
                  

03-15-2006, 09:49 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: esam gabralla)



    ..
    عمدة . سلامات
    كنتا عايز اكتب .. لكن في وكت كدا الواحد بيقرا وبيحس بي نفسو زي ابو الدقيق وداخل في اللمبة ..

    عصام كيفك ؟؟




    خدر وين؟؟
                  

03-15-2006, 10:00 AM

خدر
<aخدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: tmbis)

    تمبس

    (المُطرب) ده منو !!








    برجع ليكم ياعماد وتمادر و عصام
                  

03-15-2006, 10:19 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: خدر)

    Quote: (المُطرب) ده منو !!


    خدر ..
    المطرب دا زول ( عادي ) .. صاحبي يعني


    العين بالعين والسن بالسن والبادي اظلم


    انا زاتي برجع ليكم بعدين بالليل خالص

                  

03-15-2006, 10:22 AM

esam gabralla

تاريخ التسجيل: 05-03-2003
مجموع المشاركات: 6116

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: Emad Abdulla)

    بي صورتك دى احسن ما تجى راجع

    غيرا حتى تتفضل
                  

03-15-2006, 10:35 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: esam gabralla)

    Quote: بي صورتك دى احسن ما تجى راجع

    غيرا حتى تتفضل

    ..


    يعني انت اصلو ما كنت صغير زمان ؟؟
                  

03-15-2006, 11:30 AM

هشام آدم
<aهشام آدم
تاريخ التسجيل: 11-06-2005
مجموع المشاركات: 12249

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: tmbis)

    Tumadir's a wonderful woman, thanks Emad, you're too
                  

03-15-2006, 11:57 AM

خدر
<aخدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: tmbis)

    Quote: يعني انت اصلو ما كنت صغير زمان ؟؟




    عصام ,,

    في ذمتكـ .. دي صورة طفل
                  

03-15-2006, 12:19 PM

ابو جهينة
<aابو جهينة
تاريخ التسجيل: 05-20-2003
مجموع المشاركات: 22456

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: خدر)

    عماد


    سلام كبير

    Quote: تماضر تشبه أن .. تكون حاضرة يوم تخرجك ..
    تشبه أن ( تبشر ) فوقها فتديك الشبال .. فتثملك العزة حتي تشق قميصك للبطان ..
    تشبه أن تخاصمها حين تسقط ( الطرحة ) عن رأسها في الطريق لصباح مدرسي .
    تشبه إن ( تستلف ) منها كتاب الرياضيات ..
    تشبه أن تعزمها سندويتش طعمية في كافتيريا الجامعة ..
    تشبه أن توصلها بيتها بعد إنتهاء حفلة بأبوعركي ..
    تشبه إيمان أختي في ( حمبكتها ) الطفولية ..
    تشبه فاطمة أحمد ابراهيم حزناً شامخاً يوم أعدم الشفيع ..


    الآن .. و الآن فقط .. عرفت الشجرة التي قصدتْ تماضر أنك تنزع غصنها .. و عرفت لون الحبر الذي تغمس فيه ريشة غصنك .. فهاهي الوثيقة ..

    و ها أنا أشق العراقي ... و البطان بمزاج ... و حرم زول يزحزحني من هني مافي ..

    أرقد عافية يا جميل
    تماضر .. التحية لك و لأسرتك
                  

03-15-2006, 12:23 PM

ثابت محمد
<aثابت محمد
تاريخ التسجيل: 10-17-2005
مجموع المشاركات: 2006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: Emad Abdulla)

    ســلام بلا حدود

    تمبس وخدر وعصام
    وكّحكن عِمــاد بكلامو البكلِّب شَـعرة الجلد دا خلاكن تتونسو ؟؟
    عاملين فيها رايحين مش ؟؟
    غلبكم البتقولوه ؟؟ قولوا ماشاء الله بس
    أنا زاتي غالبنى البسويهو
    بس لو في النساء رسول .. كانت تماضر
    وكان النسوان في الدنيا دي كلهن زي تماضر
    أريتو عودي في الدنيا عود مرا

    أما عمـاد عبدالله
    أخير ما نتكلم معاهو
    يقوم يقول لينا ده زخُ وشــيك
    غايتو الزول ده يوم مطرتو تنزل لملمو نعلاتكم وأدخلو الجنّـة
    قبيــلة المبدعين بالمنبـر .. حضـرنا ولم نجـدكم
    عماد الله يخدر ضراعك
                  

03-15-2006, 12:34 PM

خدر
<aخدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: ثابت محمد)

    Quote: كانت ( سعاد حسننا ) .. ( جين فوندانا ) .. و ( إنقريد بريجمانا )


    عماد

    لاحولاااا

    لا فُض فوكـ .. تكتب كما يتونس الاخرون في (اخر محطة_ اللستكـ _ بعد الكورة )
    لكن
    بلغة عالية


    قلدتكـ أن أنت مزاجيً الكتابي
                  

03-15-2006, 02:27 PM

خدر
<aخدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: خدر)

    علي سبيل شحن البطاريات .. وكده













    ؛
                  

03-15-2006, 04:43 PM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: ثابت محمد)

    Quote: تمبس وخدر وعصام
    وكّحكن عِمــاد بكلامو البكلِّب شَـعرة الجلد دا خلاكن تتونسو ؟؟
    عاملين فيها رايحين مش ؟؟
    غلبكم البتقولوه ؟؟ قولوا ماشاء الله بس
    أنا زاتي غالبنى البسويهو



    يا ثابت ..
    ياخي انت شفتني عيانا بيان .. زي راسنا دا بيطلع منو كلام زي دا ؟؟
    وياتو يوم شفتني .. رصيت لي كلمتين مع بعض .. وكتبت ( بالتفعيلة ) ..

    غايتو انا بجازف لي مساحة بتاعت ( كم وتلتين كيلو بايت ) بموت بيها مع خدر وعصام وديل كمان إلا الواحد يجيهم ( بالليل خالص ) ..
    عماد دا يحل موضوعو مع تماضر بي طريقتهم .. ( انا جني وجن حصة الكيمياء )
    ممكن امشي اجيب الكورة من وراء القون بس وازازي خدر وعصام
                  

03-15-2006, 05:00 PM

ثابت محمد
<aثابت محمد
تاريخ التسجيل: 10-17-2005
مجموع المشاركات: 2006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: tmbis)

    Quote: عيانا بيان ..


    تمبس .. قول بسم الله
    إنت بقيت البتسمعو بتكتبو ؟؟
    عيان بيان دي مش في الأغنية الشغالة في البوست ده ؟؟
    غايتو الحمد لله الماكانت من ( ساحات الفداء )

    تمبس إنت وجودك والإحساس بوجودك يكفي
    الكلام المُدهش خليناهو لي عماد براهو بخيت وسعيد عليهو


    الأخبار؟؟؟
                  

03-15-2006, 02:30 PM

معتصم الطاهر
<aمعتصم الطاهر
تاريخ التسجيل: 11-26-2004
مجموع المشاركات: 3995

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: Emad Abdulla)

    عماد
    تمام الدر

    جئت أعلن .. أننى أتقاصر
    و( أتباقص) أمام فلمك ووصفها ..
    وبس ..
                  

03-15-2006, 03:47 PM

بدر الدين الأمير
<aبدر الدين الأمير
تاريخ التسجيل: 09-28-2005
مجموع المشاركات: 22928

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: معتصم الطاهر)


    عماد من اين اتيت بالقدرة على تعميدنا لا يهم المهم عندى

    ليتك كنت تماضر

    وليت تماضر كانت العميرى

    وليت سلمى الشيخ كانت شاعرة فى حضرة من اهوى 0000

    وليت محمد السنى كان ابو سليم

    وليتنى كنت عبدالله الطيب

    وليت 0000 كان مصطفى سيد احمد و تغنى بكيت ولا همانى شىء وضحكت ولا همانى شىء عندك

    وقفت من المشى وغرقت فى ضو النهار



                  

03-15-2006, 05:19 PM

محمد بهنس

تاريخ التسجيل: 12-02-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: بدر الدين الأمير)

    "في حضرة عماد
    يطيب الجلوس
    تماضر امامك يكون ده الكلام
    لانك..."
    محجوب شريف(بتصرف
    )
                  

03-15-2006, 05:54 PM

Arbab

تاريخ التسجيل: 07-27-2002
مجموع المشاركات: 335

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: بدر الدين الأمير)

    وليت لنا كل يوم جرعة منها ومن تدويلها لملامحنا ...
    المعتمدة كلما بحثنا عن من يعتمدنا ..... كفيلتنا في المنافي .
    شكرا جميلا يا عماد
    ليت يوما ما ..سلسا و ورديا .. نسمي دولتنا
    او حزبا ما او جماعة للضغط ... او قل مطار .... باسمها
    لنقول : طرنا في امان .... ونعود في الوقت المناسب في امان
                  

03-16-2006, 02:36 AM

فيصل عباس
<aفيصل عباس
تاريخ التسجيل: 03-08-2004
مجموع المشاركات: 1345

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: Emad Abdulla)

    آسف يبدو انني دخلت معبدا او محرابا
    او قل مسجدا (عن طريق الخطاء)

    وان الوقت فيه وقت صلاة
    والصلاة تستوجب الوضوء قبلا
    ولكني!! لم اتمكن من الماء
    ساحاول التيمم
    ولكني لا اعلم فروض التيمم!!

    هل لي ان احاول تجربة الوضؤ بالضوء؟؟
    او قل تجربة الضوء
    انا هنا اذن في انتظار من يفتي بصحتة الوضؤ وفي ذات الوقت ارغب في ان الحق بالصلاة

    اذن ساراقبكم في صلاتكم من خلف تلك النافذه او ذاك الباب
    لاصاب برهبتها واجتهد لتعلمها
    ولاحقا ساعظم حرمتها
    وانشر تجربة الوضؤ بالضوء التماضري


    ويا سلام عليك يا عماد
    يا زول يا كتاب

    وشكرا لتماضر المدرسه التي نرى فيها كل يوم
    جمال وابداع ما ومعرفة كثيفه
    وليت كل النساء تماضر
    وكل الحروف حرفك الذي تكتب به ياعماد

    *حاشيه:
    تمبس مالك زعلان اكيد عصام ما بيكون قاصدك انت بالصوره بيكون قاصد صاحبك
    خدر افهما يا لورد

    تسلموا

    (عدل بواسطة فيصل عباس on 03-16-2006, 02:47 AM)

                  

03-16-2006, 02:11 PM

عصام عبد الحفيظ
<aعصام عبد الحفيظ
تاريخ التسجيل: 08-08-2004
مجموع المشاركات: 4159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: فيصل عباس)




    ايييييييييييييييييييييييك
    طيب ان كنت وين لامن الكلام ده كلو حصل!!!!!
                  

03-16-2006, 02:33 PM

عصام عبد الحفيظ
<aعصام عبد الحفيظ
تاريخ التسجيل: 08-08-2004
مجموع المشاركات: 4159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: عصام عبد الحفيظ)




    اظنى كنت عامل كده !!!!
                  

03-16-2006, 06:30 PM

ودرملية
<aودرملية
تاريخ التسجيل: 07-27-2002
مجموع المشاركات: 3687

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: عصام عبد الحفيظ)

    تماضر .. ياااااااااااااااااااه ياعماد بالله زد ولاتقف ..
    هذه السمراء النبيلة ...
    بكفك (الجهبوز) روائع فانثرها علي حبيبتنا الجميلة تماضر .. امراة تمشي علي حزن وهموم..اكتب ياعماد واجعلها تتذكر اننا مازلنا نحبها .. هذه الابنوسية الفريدة ... جميلة في كل شيء ..
    لك المحبة ياتماضر وليت عماد (يعيرني) بعض من فصاحته فالبسك ثوب بهيا من ضياء الحروف ..
    لك سيدتي الفاضلة تمام المقال والمودة ..
    صبرا عماد .. علني ارتوي من هذا الفيض الغزير .. يارجل باي غصن تكتب؟؟؟؟
    محبتي كحنين الامهات ...
                  

03-16-2006, 08:34 PM

Omar Bob
<aOmar Bob
تاريخ التسجيل: 02-02-2005
مجموع المشاركات: 2543

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: Emad Abdulla)

    عماد

    لقد وضعتنا في محك
    هل نتاوه علي نصك البديع
    اكثر
    ام علي تماضر الجميله
    اكثر

    لك ولتماضر كل الود
                  

03-17-2006, 00:39 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: Omar Bob)

    عماد ياعمده
    برقك شلع زهلل جني
    صحى عقلي المطومس أعصابي
    علق شهقة دهشتي
    بين الحلق واللهاتي
    مدخل للشكر
    ياعمادمأأجمل اختيارك تماضر عسل السودان
    ابداع متدفق وخفة دم شربات ،لكن هم كلهم كده اقصد العايلة منو ما بخليك تضحك ؟؟
    وتماضر درست المعهد زمن الفنانين المجانين والجن هنا مقصود بيه الابداع الخالص الحرفنة والدربة
    والتجاوز قرت في المعهد الذي كان يمورمنتديات وعروض مسرحية وحفلات موسيقية وابشركم العميد ابن المعهد د.سعد يوسف أعاد أوركسترا الساعة 12..تماضر حضرت زمن تألق قرني في التمثيل وظهور الفرق الجادة السديم والاصدقاء وفرق الشباب والنادي الجاد الذي أسسه الفنان الشامل العميري الراحل المقيم ..والكوريين والبات الحلوات من سلمى الشيخ لي اسيا التلب كانو مجانين في معهد مجنون اليوم كلو نغني مع ابوعركس وخليل والفاتح كسلاوي وعمر الشاعر وناس هادية وحياة بتشوف السينما ووبتمثل في التلفزيون وبتحب الشعر ..شنو المابخليها كده ؟؟
    وبعد كلو شاطرة عوارة عيني بارده وما شاءالله تجي بعد يومين ماتكتب في الموقع ده تقولو سحرة السنى أها الشطارة دي ادتها بعد تاني منظراتية للطيش وجات الغربه وفنحت فيهاكل ابواب الحنين الفي الدنيا وخلت تكتب من جواها كلام عميق جاب ليها الشكر على استحققاق
    بالمناسبة ياعماد جاني (((قرضة مصاص العرديب )وقال لي صاحبك ..عرفة من متين ؟؟اكتب فيها الكلام ده كلو ؟؟؟؟لم ارد عليه الحاسد الحاقد ....ونتابع مع تماضر الضوء ......
                  

04-05-2006, 05:24 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: محمد سنى دفع الله)

    Quote: أما أنتم فعليكم تقع مسئوليات جسام ، أهمها الحفاظ على هويتنا السودانية .. ويا موصلي مكان السني ليس الدوحة ولا أمريكا ، بل السودان ، هو وأنت ، وتماضر ، وبدرالدين شنا ، وفضيلي جماع ، ويحي فضل الله ، وخطاب حسن أحمد , وسلمى الشيخ ، والصلحي ، والطيب صالح ، النور عثمان أبكر ، حمزة سليمان ، ميرغني الزين ، علي السقيد , كل التشكيليين ، العازفين والموسيقيين والدراميين والكتاب والأدباء والشعراء ، وكل الشخصيات العامة (المنشرة) في بلاد الله الواسعة.
    عودوا حتى نستبدل الزفة المستوردة بـ(الليل ليل العديل والزين .. الليلة العديلة تقدمو وتبرا) ، ونواجه الثقافة الوافدة التي شوّهت (سودانيتنا) ..

    أنا سكت يا سني ..
    وبعرف تماضر من زمن : ياااااااه .. البايخة ديك بتاعت الهادي الصديق .
    وقرضه مصاص العرديب ح يمص ده و البِهِل ..

    رد انت على صلاح عبدالله
    و ما تبقي عليك حكاية ( حقيرتي في ود بقيرتي ) ..

    و سلام يا مغني يا جميل ..
                  

03-17-2006, 09:56 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: Emad Abdulla)

    الذين طرزوا هذا الوشي لـ ( تماضر ) ..
    الذين تتزيا لهم تماضر بتمام ضيها .. و كمال إنسانيتها ..
    الذين قالوا لتماضر .. وعنها :

    منى خوجلي .. البنت البلور
    عصام .. الجميل الجميل
    تمبس .. من يهبش ( جوانا ) في حرفنة
    خدر .. صاحبي الأندى .. الفنان العادي
    هشام آدم .. الأديب
    أبوجهينة .. الأقرب للقلب .. السوداني
    ثابت .. يا صديقي .. يا زول يا أكبر من الكلام
    معتصم الطاهر .. أنيق الحس .. البشبهنا
    بدر الدين .. صاحبي في النار
    بهنس .. يا أنا
    أرباب .. المبدع
    فيصل عباس .. يا رقيق حد التبخر
    عصام عبدالحفيظ .. يا ذاكرتي
    ودرملية .. سيد الكلام و مجنونه
    عمر بوب ..أعرفك أكثر .. كل يوم
    السني .. يا عالم من الإبداع .. يا صاحبي

    الله يجبر خاطركم ..
    وسعيدٌ بكلماتكم الطوال .. تُقزمني أكثر و أكثر ..
    حد العجز عن أيجاد ما أرد به ..
    فقط أرد :
    .. أحبكم

    لكننا نقول ما نقول في تبيان مناقب هذه الثروة القومية ( تماضر ) ..
    و نظل بعد قاصرين مقصرين ..
    وهو قدر المبدعين في بلادي ..
    أن لا ترقى كلماتنا الإحتفائية بهم إلى مستوى الفعل ..
    فنظل ( نحبهم ) سلباً .. فقط بالكلمات ..
    و اليد مغلولة من ضيق ذاتها .. و عجزنا أن نرفعهم إلى مصاف يليق .
    فالمبدعون هم حملة مشاعل التنوير .. وهم المبشرون بشمس الأمم تشرق ..
    لكنها الآلة الظلامية التي تدير شأننا ..
    تلك الآلة التي أصدأها الدم والدموع التى أراقت ..
    ومازالت تمارس السحل و الدعس و الدهس ..
    ومازالت الفنون لديها و الإبداع ضربٌ من ( الفنكهة والكماليات ) ..
    إن لجأت إليها ففقط لتزيين صورتها الغول .. و بفعل ( فقه الضرورة ) .

    تماضر واحدة من مشاعلنا .. تجاوزت أدوارها خطوط الإبداع الدرامي ، إلى رسالات الهم الإنساني كافة .. فهي تقاتل في معتركات الدفاع عن حقوق المرأة و الطفل .. و تدلف إلى قضايا الوطن رافعة راية فكرها المعافى في وجه جبروت الداء الإنقاذي .. و صدحت بـ ( أنا ) سودانية حيثما كان محفل للإبداع .. و سعت إلى التعريف بالوطن و قضاياه وهمومه ما تأتت لها السانحة ..
    وحتى هنا ... في هذا الوطن الإسفيري الأصفر ، حتى هنا تمارس فعلها الإيجاب فينا حين يفلت منا الزمام فنجأر بالسباب و الخصومة الفجة .. تتدخل ( تماضر ) مطبطبة علينا .. مسترضية هذا .. و زاجرة ذاك ، تفعل ذلك في حب و حكمة لا تفارقها حتى حينما تستهدفها تلك السموم في شخصها ..
    يا نخلة ..
    كل الذين كتبوا أعلاه يجمعون أنك ( وطن ) ..
                  

04-05-2006, 08:59 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: Emad Abdulla)

    عماد العزيز............. كنت عايز اقول ليك الكلمة الكنت بقولها ليك وكت تعجبنى شديد ولكن قاتل الله قوانين المنبر اذ حالت بينى وبينها ..عموما اول حرف منها كاف...
    ولك التحية حتى الاقيك واطلقها فى وشك السنيح داك،،،،،
                  

04-05-2006, 11:42 AM

ALGARADABI
<aALGARADABI
تاريخ التسجيل: 12-30-2004
مجموع المشاركات: 5236

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: Emad Abdulla)

    عفوا للتكرار

    (عدل بواسطة ALGARADABI on 04-05-2006, 11:46 AM)
    (عدل بواسطة ALGARADABI on 04-05-2006, 12:10 PM)

                  

04-05-2006, 12:06 PM

ALGARADABI
<aALGARADABI
تاريخ التسجيل: 12-30-2004
مجموع المشاركات: 5236

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: ALGARADABI)






    الأخ عماد

    هاك بى تذكارا شيلا
    وشيل معاها الفى عينينا
                  

04-05-2006, 12:06 PM

ALGARADABI
<aALGARADABI
تاريخ التسجيل: 12-30-2004
مجموع المشاركات: 5236

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: ALGARADABI)






    الأخ عماد

    هاك بى تذكارا شيلا
    وشيل معاها الفى عينينا
                  

04-05-2006, 01:40 PM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ( تماضر ) في هذا العنوان .. ( تجربة الضوء ) (Re: ALGARADABI)

    يا ساتر


    تماضر تاااااانى؟

    ومن منو المرة دى ...

    من من تسكرنى حروفه

    ياربى انا حاموت بالعظمة ولا بالشكر ده ولا شنو؟؟

    "انا زول عادى"


    انتو الجميلين

    وهذه الكلمات كلها لا تنفع الا لشربات ظللتم تخرجونه من فسيخ شخصى المتواضع

    خلونى اتواضع ليكم ..

    انتو الجميلين ..انا فقط احاول

    لكم محبتى الكبيرة ...وكل قلبى..

    "خجلت والله..خجلت"

    هذا كثير هذا كثير

    "وانا ما ظهرت فى السبعينات لعلمك....هههههههه"

    ما عارفة اقول شنو

    فشكرا لا تكفى

    ولا املك الا شكرا
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de