|
|
 اعتـــــــذار !!
|
زي ما اتوقعت.. طوالي في ناس جوا ناطين..مفتكرين انو انا دايرة اقدم ليهم اعتذار ما دايرة اقول انو دة ما حيحصل لكن اقول انو الوقت لم يحن بعد لتقديم اي نوع من الاعتذارات ..
آآآي عارفة انو السطر الفوق دة بيعني اعتراف مني بارتكاب اخطاء في حق ناس وهذا يعني انهم يستحقون مني اعتذارا.. ودة صحيح وحأعمل الحاجة دي لاحق بس ما هسة
..دايرة اقول شنو؟؟ نسيت الموضوع الاساسي الكنت دايرة اقولو..
آآآآآآآآ ..اتذكرت .. بتذكر ونحنا صغار _طبعا الكلام دة ممكن يضحك ناس بفتكروا اني كبيرة ومن زمن حفروا البحر في السودان _ كان في برنامج في التلفزيون اسمو الصلات الطيبة .اعتقد انو هسة وقف لاني بصراحة ما عدت من متابعي اي برامج في التلفزيون القومي او غيرو.. وكان بقدموا الاستاذ محجوب عبد الحفيظ رحمه الله .. يعني من خلاله بالصلات الطيبة في المجتمع ..برنامج يهتم بقضايا ذوي الحاجات الخاصة.. ويومها ..زاتذكر ذلك اليوم وكأنه اليوم وقف محجوب عبد الحفيظ يغالب دموعه ليحكي حادثة معينة وقعت سخر فيها احدهم _ ملحن وموسيقار معروف _من برنامج الصلات الطيبة..
|
|
 
|
|
|
|
|
|
|
 Re: اعتـــــــذار !! (Re: صباح احمد)
|
عشان الحكاية تبقي مفهومة شوية
محجوب علي ما اذكر يومها حكي كيف ان هذا الرجل وكان موجودا في حضرة فنانات معروفات قال ما معناه :معقولة بس الواحد بعد رؤية هذه الوجوه الجميلةوسماع هذه الاصوات الجميلة يشوف برنامج الصلات الطيبة؟؟
وغرق محجوب في بحر دموعه وهو يذكر كيف ان الموسيقار اعتذر بعدها علي ما تفوه به غير ان محجوب رحمه الله لم يقبل اعتذاره وبدا غاضبا علي ما حدث يومها وقال كلمات جميلات لا زلت حتي بعد هذه السنوات الطويلة اذكرها:
تعتذر علي شئ عملتوا وانت قاصد تعملو
تعتذر لي زول جرحتوا وسبت دمعوا يبللوا
ايه لزوم الاعتذار
| |
|
|
|
|
|
|
|
|
|
Re: اعتـــــــذار !! (Re: صباح احمد)
|
الحكاية دي فضلت محفورة في ذاكرتي لحدي يوم الليلة رغم انو احداث كتيرة وكبيرة جات.. لكن رغم دة بقيت متعلقة بالعبارات ديك ما عارفة ليه.. وبلقي نفسي كل مازول يجرحني او يزعلني ويحاول يعتذر لي بعد داك ..طوالي بردد العبارات دي في سري..
| |
|
|
|
|
|
|
|
|
|
Re: اعتـــــــذار !! (Re: Deng)
|
العزيزة صباح
كلمات محجوب عبد الحفيظ
معبرة ...معبرة .... معبرة
عن بعضهم يصفك بصفات أو يصف أبيك أو أحد أفراد أسرتك ويعلم أنه زلزل كيانك ويقدم إهتزار أخير عدموا...
Quote: تعتذر علي شئ عملتوا وانت قاصد تعملو
تعتذر لي زول جرحتوا وسبت دمعوا يبللوا
ايه لزوم الاعتذار |
هذه العبارة لزول حساس مرهف
ولكن بعض الناس لهم عبارات سافرة يستخدمونها في وصف الآخرين وهي ليست الحقيقة ...
ثم ..ثم ثم ...ثم ماذا ياصباح ضاعت مني الكلمات وأنا اقرأ عبارات أحدهم ....
يآآآآآآآآه
فليهنأ الوطن
ولتبقى الأخلاق السودانية الأصيلة
ولتتطهر أقلامنا من عبارات تندس هذا الفضاء
ودمتى
قدمي إعتذرات ولا تبالي
قدمي إعتذاراتك ونامي هنيئة العين
قدمي إعتذارك ونامي مرتاحة البال
علمي من هم اكبر منك ومن هم أصغر منك أن الإعتذار لغة وحديث ومقام..
كوني كما انت
| |
|
|
|
|
|
|
| |
صباح احمد
Deng
القلب النابض
khaleel
عمار عبدالله عبدالرحمن
معتز تروتسكى
فيس بوك
تويتر
انستقرام
يوتيوب
بنتيريست