|
|
 فريق الأسود السوداني (الجالية) يفترس مارتيزو الياباني 4 / 3
|
في مباراة اتسمت بالندية والإثارة تمكن فريق الأسود ممثل الكرة السودانية
في اليابان من افتراس فريق مارتيزو متعدد الجنسيات باربعة إصابات مقابل ثلاثة .
وقد شهدت المباراة تألق كل فرقة الأسود التي مثلها هشام الحاج وأزهري أحمد
وعبد الفتاح الحبيب وعبد الرحمن أحمد وسمؤال حنفي وجعفر سومي وعثمان حلفا
وهيثم القاسم وعاطف صديق ومحمد بركية وعمر بركية وأحمد جعفر وعبد الرحمن فوجي
وحسين شحاتة ومحمد غزالي .
وجاءت أهداف الأسود في مرمى مارتيزو مناصفة بين أحمد جعفر ومحمد بركية .
|
|
 
|
|
|
|
|
|
|
 Re: فريق الأسود السوداني (الجالية) يفترس مارتيزو الياباني 4 / 3 (Re: saadeldin abdelrahman)
|
سعد الدين
الكورة السودانية محلية وموغلة في المحلية
وزي ما بكتب مزمل ابو القاسم علينا ألا نحلم
ولأن العود أعوج لن يستقيم الظل أبدا
بخصوص فريق الأسود ممثل الكورة السودانية في اليابان
امسكوا الخشب ، التيم كلو نجوم ، أحمد أخوك
ومحمد بركية ماشاء الله عليهم شوف ليهم فريق معاكم هناك
وانا بجيكم اكمل اجراءات التعاقد لاني وكيلهم الوحيد
والمهم في الموضوع ورقهم كلو في السليم
| |
|
|
|
|
|
|
|
|
 Re: فريق الأسود السوداني (الجالية) يفترس مارتيزو الياباني 4 / 3 (Re: محمد بهنس)
|
ابو السعود ياشقى
جايب الاخبار دى من وين؟؟
والوداك بلاد الشمس المشرقه شنو؟؟
الهى منك..
Quote: ..
المواهب السودانية المتفجرة بأرض الشمس المشرقة
احمد جعفر (18 سنة) و ابوبكر بركية (بوبة) 18 سنة ..
اللذان تناصفا الاهداف في المباراة.
ربنا يحفظهم و يخليهم لأهلهم. |
تعرف فيهم ود عمي..
تشكر كتير عزيزى
ويخليك انت لى اهلك ويخليك لينا..
مادايرن محترفين فى الصين..
| |
|
|
|
|
|
|
|
|
 Re: فريق الأسود السوداني (الجالية) يفترس مارتيزو الياباني 4 / 3 (Re: معتز تروتسكى)
|
تروتسكي الحبيب
ازيك
بركة الجيتنا في بوست الونسة و الكورة ده..
عامل بوستيك القلتا بتاع كبار ده!
و احنا صغيرين يا بيييه ما نعرفش حاجة 
عيال روضة سااااي يا قلب.
Quote: تعرف فيهم ود عمي..
تشكر كتير عزيزى
ويخليك انت لى اهلك ويخليك لينا..
مادايرن محترفين فى الصين |
اها و احد فيهم اخوي و التاني برضو اخوي 
قوللي انا ود عمك عشان ندخل الفيلم الهندي ده
و ننسى الباسطة.
| |
|
|
|
|
|
|
|
|
|
Re: فريق الأسود السوداني (الجالية) يفترس مارتيزو الياباني 4 / 3 (Re: ديامي)
|
الأخ الفاضل ديامي
الف هلا و سهلا بالمخضرمين و الاستاد نور..
صدقت و صدق مزمل ابوالقاسم..الـكرة السودانية و منذ فترة اوغلت في المحلية
و لم يتبقى لنا سوى التاريخ و نحن اسسنا اتحاد افريقيا و الكلام الما جايب
همو ده..و لولا الفلتات و بعض حرارة قلب اهل القبيلة الحمراء  ..لكانوا
(تكلوا بينا باب افريقيا كرويا و غيره).. اما عن النجمين بوبة و احمد فكم
اتمنى ان اشاهد لهما مباراة كاملة..فكل ما كنت اسمعه منهما هو وصف للمباريات
التي خاضوها و بعض الردود على المكاواة.. ما يعجبني في نقاشهما الرياضي انه
مؤسس ..ما زينا احنا زمان ( ناس قريعتي راحت و علي بالطلاق نديكم دستة)..
يعني ما شاء الله بفهموا في التكنيك و الخطة و متابعين جيدين للحدث الكروي..
حتى اننى اتلقى بعض الاخبار و المعلومات الرياضية منهما و من ونستهم مع بعض..
اما عن حضورهما هنا للتعاقد فهذه فكرة جيدة هههه اذا كنت جادا 
الكرة هنا في (Newzealand} متخلفة.. تماما ككرة اليابان في اواخر السبعينات نسبة
لتأثرهم و حماسهم الشديد للعبة الركبي.. حتى ان بعضهم هنا يسميها بلعبة الرجال!
مع ان نسائهم هنا يلعبنها بصورة متوحشة كالرجال و عادي جدا ان ترى فتاة (عبلة)
تلف يدها ب Foul نتيجة ل Shoulder dislocation أو بضمادات في ركبتها او عرقوبها
(ده اذا كان عندهن عرقوب فكلمة عرقوب دائما تذكرني بالنحافة و الفتيات النحيفات
نادرات جدا هنا) المهم ان فريقهم القومي هنا حده على اعتاب جارتهم استراليا فهو دائما
مهزوم منها و يعود ليقبع في احضان جزيرتهم الجميلة هذه (كما يقول ابوالسيوف)..و لا يتقدم
الفريق خطوة في التصفيات .. و عندما اشتكوا للفيفا من ضيق فرصتهم في التأهل لتصفيات
كأس العالم تم نصحهم بإدخال منهج او اعداد خاص بكرة القدم في السنين المبكرة للتعليم
و قد بدأوا ذلك بالفعل.
الحديث ذو شجون استاذنا ديامي..عذرا للإطالة و الاندياح.
محبتي
| |
|
|
|
|
|
|
|
|
|
Re: فريق الأسود السوداني (الجالية) يفترس مارتيزو الياباني 4 / 3 (Re: saadeldin abdelrahman)
|
| Quote: لولا الفلتات و بعض حرارة قلب اهل القبيلةالحمراء ..لكانوا (تكلوا بينا باب افريقيا كرويا و غيره).. |
أبوالسعود
ما قصرته والله
بخصوص الشباب ، تم مؤخرا اختيار الفريق القومي للشباب والذي يستعد لمواجهة تونس، وللمرة الأولى تم اختيار 15 لاعب من أبناء المغتربين من السعودية وقطر والإمارات، نتمنى أن يلقى الشباب السوداني خارج منطقة الخليج الفرصة للدخول إلى هذه التشكيلات القومية. خاصة وأن الأخبار تتوارد باستمرار عن بروز عدد من المواهب هنا وهناك.
وياريت د. شداد في (لفلفاتو) الكتيرة دي في أوروبا ودول العالم ، يعاين ويكشف، عسى ولعل!
| |
|
|
|
|
|
|
|
|
|
Re: فريق الأسود السوداني (الجالية) يفترس مارتيزو الياباني 4 / 3 (Re: Gaafar Ismail)
|
| Quote: لقد صدقت .. لم تسلم الكرة السودانية من المرمطة .. حتى من يوغندا. |
ههههه.. ابو جيمي الحبييييييييب
و ظهر المتربصون...
لي عم مريخابي اصيل كنت آكل معه الباسطة باللبن و الفول
حين يتألب علينا الرشاشة منذ ايام النقر و حموري
و كانت لنا ايام.
و المريخ سياستو صهيونية (قدم الكيشة و الحقوا) و يكفي
انهم احرزوا هدفا في كمبالا ليعطيهم صمام امان ..
فقط ارجو ان لا يناموا في العسل او النجيلة كبعض الإخوان
| |
|
|
|
|
|
|
| |
saadeldin abdelrahman
Rakoba
معتز تروتسكى
.
Gaafar Ismail
فيس بوك
تويتر
انستقرام
يوتيوب
بنتيريست