|
|
 اول مره على منتدانا مطبخ ( ود النميري ، وبت عبدالرحمن ) لجميع الاكلات المعروفا وغير المعروفا
|
سيداتى ........آنساتى ...ساداتى
نرحب بكم فى قسم الطبايخ اللذيذه فى منتدانا الكلو عزابه يبحثون عن وصفه هنا وطبق هناك حتى يجمعهن الله ببنات الحلال ويفارقوا العزوبيه الى غير عودة انشالله وسأبدأ بالاطباق الخفيفه كل يوم طبق انشالله ومن يرغب فى اى وصفه ما عليه الا بالطلب ان امكن ومن اراد اي يضيف بعض الاطباق الجميله اهلا وسهلا ، مستعدة بت عبدالرحمن يلا بسم الله ...
( القطر قام )
بصل احمر، لحم، زيت، بهارات،ملح، أي خضار متوفر ويمكن الاستغناء عنه.
المقادير:
مد لحافك قدر رجليك ،،، ما تيسر من المكونات،، ولا ينطبق هذا الكلام على الملح فلا بد أن سكون مضبوط المقدار..
الطريقة:
يقطع البصل كيفما اتفق، صغر ، كبار، البصلة على اتنين، على اربعة أو زي ما هي دون تقطيع، يوضع البصل في حلة ويضاف الماء على أن يملأ الحله لغاية شلاليفها،، والزيت والملح، والشيء الموجود من البهارات ويمكن الاستغناء عنها،،، ونكب الخضار إذا في خضار..
توضع الحلة على نار هادئة.. وممكن الطباخ يرجع لشله الكوتشينه أو الضمنه أو ينوم ملء عينيه،،، وربما تحرق الحله في حالة النوم بإهمال فلازم تنوم نوم المرفعين، عين آهـ وعين لا..
|
|
 
|
|
|
|
|
|
|
|
Re: اول مره على منتدانا مطبخ ( ود النميري ، وبت عبدالرحمن ) لجميع الاكلات المعروفا وغير المعروف (Re: ايهاب نميري)
|
اهلنا الشوايقه
اولا نبدا لكم ملاح سبروق كارب بالقراصة تاكلوا ماتدوا الجنبكم
اها قولوا بسم الله
ملاح سبروق
اسم غريب لبعض النا س واساسا السبروق (صفق) البامية شكله عريض يورق ذى الورق من عروقه وتعمل شوربة عادية عبارة عن لحم + ماء+بصله كبيرة تتقطع لاربعة لو حبيتى عندما تغلى الشوربة وينضج اللحم نقوم باخراج اللحمة خارج الحلة ونضع (صفق) السبروق فى الشوربة ونضعها تغلى وتنضج وناتى بالمفراك ونبدا بفركها واضافة الويكة وفى ناس بفروكوها بالبامية اللينة يعنى تقطع البامية ذى قطاع الويكة الناشفة وتغلى مع السبروق ونفركهم مع بعض.
اما القراصة عبارة عن دقيق معجون بالماء ومضاف اليه خميرة (دقيق فينو او قمح ويحبذاالقمح دائما) وتصب فى صاج الكسرة .
ثم ناتى بالصحن الكبير ونرص القراصة وناتى بالكورة ونصب الملاح يطلق عليه ملاح سبروق واضافة لصحن الصلطة والتحلية بطيخة باردة وبالهناء والشفاء اخوتى
بالمناسبة لو فى اى اضافة ممكن ياهلنا
بالمناسبة وجبة شايقية فمرحبتن باهلنا الشوايقة
| |
|
|
|
|
|
|
|
|
|
Re: اول مره على منتدانا مطبخ ( ود النميري ، وبت عبدالرحمن ) لجميع الاكلات المعروفا وغير المعروف (Re: ايهاب نميري)
|
التريكين /
طريقة العمل : 1_ناخذ التريكين ثم نفتح البرطمان وناخد جزء صغير منة وندبو في ماء ساخن ونصفية في مصفة ليخرج الشوك.
2_ نضع حبت زيت في طاسة وبصل مفروف و نضع ذلك طاطم ونضع التريكين علي النار ونضع توم مفروم وفلفل
3_ ثم نحضر الجوراسة في الدوكة وبالهنة والشفة (حبت دقيق علي ماء وزرة ملح )
الطريقة الثانية لو التريكين طازة بدون غالي علي النار او يشم ريحة النار بس تحط علية بصل ني
وهذة الاكلة التريكين كل جمعة يوم الاجازة بنكلها في البيت علشان انا لو خرجت بعد هذة الاكلة تحس الناس كلها بتشم الريحة الجميلة علشان كدة بنعملها كل جمعة ولو في اي معلومات اضافية احب اعرفة او طريقة غير دي واتمني ان اتعلم منكم المذيد
اخوكم الشيف ايهاب نميري
وبعد كدة نهضم هذة الاكلة مع الحلو مر لو عندكم لو ما عندكم اعملوا نايمين
| |
|
|
|
|
|
|
|
|
|
Re: اول مره على منتدانا مطبخ ( ود النميري ، وبت عبدالرحمن ) لجميع الاكلات المعروفا وغير المعروف (Re: ايهاب نميري)
|
Quote: التريكين /
طريقة العمل : 1_ناخذ التريكين ثم نفتح البرطمان وناخد جزء صغير منة وندبو في ماء ساخن ونصفية في مصفة ليخرج الشوك.
2_ نضع حبت زيت في طاسة وبصل مفروف و نضع ذلك طاطم ونضع التريكين علي النار ونضع توم مفروم وفلفل
3_ ثم نحضر الجوراسة في الدوكة وبالهنة والشفة (حبت دقيق علي ماء وزرة ملح )
الطريقة الثانية لو التريكين طازة بدون غالي علي النار او يشم ريحة النار بس تحط علية بصل ني
وهذة الاكلة التريكين كل جمعة يوم الاجازة بنكلها في البيت علشان انا لو خرجت بعد هذة الاكلة تحس الناس كلها بتشم الريحة الجميلة علشان كدة بنعملها كل جمعة ولو في اي معلومات اضافية احب اعرفة او طريقة غير دي واتمني ان اتعلم منكم المذيد
اخوكم الشيف ايهاب نميري
وبعد كدة نهضم هذة الاكلة مع الحلو مر لو عندكم لو ما عندكم اعملوا نايمين |
بالله هو التركين بتعمل كدة 
| |
|
|
|
|
|
|
|
|
|
Re: اول مره على منتدانا مطبخ ( ود النميري ، وبت عبدالرحمن ) لجميع الاكلات المعروفا وغير المعروف (Re: ايهاب نميري)
|
قراصة بملاح مفروك"للشوايقة"
المكونات فجل أخضر وشبت (الشمار الأخضر)طبعا ليه نكهة عجيبة وويكة خضراء الشوربة عادية عبارة عن كيلو لحم ضان + ماء+بصله كبيرة تتقطع لاربعة لو حبيتى عندما تغلى الشوربة وينضج اللحم نقوم باخراج اللحمة خارج الحلة ونضع (صفق) الفجل الأخضر مع الشبت فى الشوربة ونضعها تغلى وقبل نضيف الويكة الخضراء وقبل ما تنضج نضيف عطرون زقاوة أو كربونات صوديوم وذلك لتعطي الملاح لونا أخضرا زاهيا وكذلك تساعد في فركه بسهولة وناتى بالمفراكه ونبدا بفركها وفى ناس بفروكوها بالويكة الناشفة يعنى تقطع البامية ذى قطاع الويكة الخضراء وتنشف ونفركهم مع بعض.وبعد ذلك تحمر اللحمة في طوة
اما القراصة عبارة عن دقيق معجون بالماء ومضاف اليه خميرة (دقيق قمح ويحبذ وياحبذا دقيق قمح مخلوط مع دقيق فتريته مايسمى "بالعبجاري") وتصب فى صاج الكسرة .
ثم ناتى بالصحن الكبير ونصب الملاح يطلق عليه ملاح شبت ونرص القراصة ومن فوق للقراصة نضع اللحمة المحمرة طبعا الصحن لازم يكون كبيييير "صحن الترابلة" واضافة لصحن الصلطة بطيخة باردة ولا قاعونة باردة"شمامة "
وبالهناء والشفاء اخوتى
بالمناسبة لو فى اى اضافة ممكن ياهلنا
| |
|
|
|
|
|
|
|
|
|
Re: اول مره على منتدانا مطبخ ( ود النميري ، وبت عبدالرحمن ) لجميع الاكلات المعروفا وغير المعروف (Re: ايهاب نميري)
|
Quote: والله مشاء الله بتعرفي القاورمه
طيب ما تورينا كيف طريقتا |
اولا بالتبادى
تجيب الحله وترص فيها البصل يكون محشوش دقاق عشان مايبقى عيون عيون
وتخت فيهو الزيت وتخليهو لمن يبقى مايل على صفار
وتطفيهو بصلصة ويفضل عصير طماطم زايد شويه بهارات من فلفل وملح وكزبرة وبهار هندى
وتخليهو يجقجق لغايه ما البصله تدوب ويبقى دمعه الماعندو لحمه يخت مرقه (الكلام دة للمساكين بس) نحنا برضو بنراعى مقدرات الناس..
بعداك تجيب البصل بحالتو ظاطه يعنى بس تنضفوهو ويراعى انو يكون صغير فى الحجم عشان ينجض سريع وتخليهو على نار هادية لغاية ماينجض
بعداك تكبوهو فى صحن غريق عشن اكلو حيكون كتير وفى ناس مابتريد الزيادة ومعاهو سلطه خدرا وصحن سعنونى كدة بتاع شطه حمرا بالليمون والملح وعيش وياحبذا لو اتلقت كسرة من نسوان السوق العربى
وبالهنا والشفاء
| |
|
|
|
|
|
|
|
|
|
Re: اول مره على منتدانا مطبخ ( ود النميري ، وبت عبدالرحمن ) لجميع الاكلات المعروفا وغير المعروف (Re: ايهاب نميري)
|
السلام عليكم ورحمة الله وبركاته
سمك الليله سمككككككككككككك
المقادير
كيلو سمك - ثلاث حبات متوسطة تقريبا
ثلاث كؤوس رز بسمتي او اي رز نوعيه جيده
حبتين بصل متوسطتي الحجم
أربع حبات ليمون
ثلاث فصوص ثوم حسب الرغبة
ملعقتي طعام بهارات مخلوطة - راجعي خلطة البهارات المعروفه
ملح
أربع ملاعق طعام زيت لعمل الرز
زيت لقلي السمك
الطريقة
يتبّل السمك بخليط الثوم والليمون والبهارات والملح ويترك لمدة ساعة تقريباً
يتبّل السمك بالطحين ثم يقلى في زيت حار
يوضع في قدر متوسط الحجم خمسة أكواب من الماء مع قليل من الملح
يضاف إليها أربع ملاعق زيت
يوضع على النار حتى يغلي
يضاف إليه الرز المغسول
يترك على النار لمدة 20 دقيقة
يصفى الرز من الماء ثم يعاد إلى القدر مرة أخرى
لعمل الحشو، يقطع البصل قطع صغيرة ويوضع في قدر صغير
يضاف إليه ملعقتي طعام سمن ويترك على نار هادئة حتى يحمر البصل
تضاف ملعقة شاي من مخلوط البهارات
يترك على النار لمدة 10 دقائق ثم يوضع على قدر الأرز حتى وقت التقديم
يوضع الرز في الصحن المعد للتقديم ثم يوضع فوقه الحشو
يوضع السمك فوق الحشو أو في وعاء مستقل حسب الرغبة
يزين الطبق بشرائح الليمون
| |
|
|
|
|
|
|
|
|
|
Re: اول مره على منتدانا مطبخ ( ود النميري ، وبت عبدالرحمن ) لجميع الاكلات المعروفا وغير المعروف (Re: ايهاب نميري)
|
مديدة الحلبة
المقادير
المقادير ملعقة كبيرة سمن + ملعقتان كبيرتان حلبة مطحونة + رطل لبن + رطل ماء + 2 ملعقة دقيق + ملح
طريقة التحضير
اولا : يقدح السمن وتشوحفيها الحلبة حتى تصفر قليلاً ثم تضاف الماء اليها قليلا مع التقليب وبعد الغليان يضاف اللبن لمغلي
ثانيا : يذاب الدقيق بقليل من الماء ثم تضاف الي الخليط ويقلب حتى يغلظ قوامه وتحلى بالسكر ويتركيغالى حتى ينضج الدقيق
يمكن ان تستعمل الحلبة حب
مشروب القريب فروت البارد
المقادير
نص كوب سكر + نصف كوب قريب فروت + كوب ماء + نصف كوب عصر برتقال + نصف عصير ليمون
الطريقة
يعمل محلول سكري ويبرد ويضاف عصير الفاكهة ويمزج جيداً ويصب فوق قطع الثلج في الاقدام ويقدم مشروب الموز باللبن
المقادير
عدد 4 قطع من الموز الكبيرة – كوبان من اللبن الحليب ملعقة كبيرة من العسل – ملعقة كبيرة من الفول السوداني غير المملح
طريقة التحضير
يقشر الموز ويهرس جديا مع العسل واضافة اللبن تدريجيا من الخفق المستمر حتى ينتهي المقدار ويمكن استعمال خلاط ،، يقدم في كؤوس ويرش السطح بالفول السوداني
شراب الكركدي
المقادير
نصف رطل كركدي – 3 ارطال سكر- قليل من العرديب
الطريقة
اولاً : ينظف الكركدي والعرديب ويغسل جيداً وينقعا في 3 ارطال ماء ويترك لمدة 3 ساعات
ثانيا يضاف رطل ماء اليس الثلاثة ارطال سكر ويرفع عل نار هادئة حتى يزوب السكر تماماً ويغلظ مع مراعاة قطف الكريم كلما ظهر
ثالثاً : يصفى عصير الكركدي والعرديب ويكال بالرطل في اثنين – 3 ارطال ثم يضاف الي المحلولالسكري ويترك يغلى حتى يغلظ القوام ثم يرفع من على النار وتضف روح الموز ويعبا في الزجاجيات المعقمة وتقفل بغطاء محكم
شراب الحلو مر اولاً طريقة عمل الزريعة
نصف كيلو ذرة (فتريتة) يفرش على شوال ويسقى بالماء لمدة تتراوح ما بين أيام حتى يصير كالحشيش أي يرزع ، ثم يوضع في إناء كبير الحجم ويغسل جيدا ويترك ليجف ويسمى في هذه المرحلة بالزريعة.
ثانياً : طريقة عمل العجينة
تطحن الزريعة ناعما في الطاحونة ثم يطحن النصف الآخر من الدقيق ويخلط الكميتين مع بعضها.
تغلى كمية من الماء في اناء كبير الحجم ثم يضاف اليها الدقيق المخلوط ويقلب بواسطة ملعقة كبيرة أو بواسطة المفراك ويقلب الخليط على النار لمدة نصف ساعة تقريبا حتى ينضج ثم يرفع من النار ويترك ليبرد
تضاف البهارات (رشة ملح ، قليل من الكركدي والقرفة والقرنجال) ويترك لفترة يوم كامل حتى يتخمر.
تؤخذ كمية من العجين وتصب فوق الصاج الساخن وتترك لمدة دقيقتين ثم تقلب عى الجانب الآخر لتنضج من الوجهين وهكذا نكرر هذه الخطوة حتى تتنتهي كمية العجين. ويترك ليجف
| |
|
|
|
|
|
|
|
|
|
Re: اول مره على منتدانا مطبخ ( ود النميري ، وبت عبدالرحمن ) لجميع الاكلات المعروفا وغير المعروف (Re: ايهاب نميري)
|
ملاح ا لروب والعصيدة .............
نبدا طوالي لانو شكلكم جعاااانين :
لعمل ملاح الروب :
1- قم بتقطيع عدد 2 بصلة تقطيع صغير (ودة طبعا اصعب شي يعني تاني الباقي هين)
2- ضع نصف كباية شاي في القدر .
3- قم بتحمير البصل حتي يصبح احمر اللون ثم اطفي النار .
4- قم بسحن البصل المحمر او لو عايز التعب اكتر دقو في الفندق
5- قم بسكب ربع كيلو لحمة مفرومة واخلطها مع البصل المسحون فوق القدر حتي تنضج اللحمة قليلا
4- اخلط الاتي في خلاط : دكوة(فول مسحون ) + كبايتين زبادي + بهارات + ملح + ملعقتين صلصة
اسكب الخليط فوق البصل المسحون واللحمة المفرومة ثم اتركه حتي يغلي (ما تنسو تضبطو الملح )
واهم شي ما يغلي كتير لانو بيقطع
وكدة تكونو انتهيتو من ملاح الرووب ............. بس يفضل العصيدة ودي الحقلة الجاية يا شوفو زول يعمل ليكم
بالهناء والشفاء ..........
طيب اها نوصف ليكم العصيدة ماسكين اها الورقة لسة
1- ضع ماء في قدر وضعه حتي يغلي
2- اسكب عليه الخمار (وهو عبارة عن دقيق ذرة حامض الطعم نسبة لتخمره)
3- لا تدع الخليط دون تحريكه حتي يصبح العجين متماسك وتخييين ويمكنك زيادة سماكة الخليط باضافة دقيق الذرة عليه)
4- ضع العجين في اطباق واتركها تبرد (يعني اعملها بدري شوية )
وبالهناء والشفاء
ملحوظة : ما تخلو العجينة تتكرضم والا ضاع جهدكم هبااااء
| |
|
|
|
|
|
|
|
|
|
Re: اول مره على منتدانا مطبخ ( ود النميري ، وبت عبدالرحمن ) لجميع الاكلات المعروفا وغير المعروف (Re: عبدالرحمن عبدالله أبوشيبة)
|
سخينه
المقادير
بصل كبار مالى مركزو
طماطمات متفلهمات وكبار
دكوة ناعمة كالحرير
بهارات وكلمتكم ما تكتروها سام عنده قرحه
الطريقه
نجيب البصل الكبار ومقامو عالى ونذلو بالقطيع الشديد حتى يصل مرحلة الفتافيت ودى يا كوستى ما عندها علاقه بام فتفت المهم ونمشى نخلط الطماطم فى الكازينو اقصد فى الخلاط ومعاها الدكوة والبهارات ... نستنى شويه ..كمان شويه .. كمان شويه .. البصله اتحمرت .. جيبوا جك الخلاط.. اها كبوا الطماطم فى البصل الاتحمر .. اها عمل شنو قال تششششششششششش.. و ننتظر لغاية ما ينجض الخليط كلو مع بعض
طريقه التقديم
نسيم يجيب صحن كبير .. وكوستى يجيب عيش من الفرن .. حنانه بتكون عاست ليكم طرقتين كسرة .و انا اصلى ما بسوى شى تانى فترته .. اها جبته ليك الصحن الغريق النخت الكسرة العاسته حنانه .. واقعدو فتو العيش ده النجيب السخينه .. ايوااااااا كده تمام يلا حأكب السخينه بفوق للفته دى قرنين شطه .. اها ابدوا انتو اكلو انا بنتظر بت عبدالرحمن هن والف هنا وشفا ..
| |
|
|
|
|
|
|
| |
ايهاب نميري
طارق جبريل
القلب النابض
Tumadir
عبدالرحمن عبدالله أبوشيبة
فيس بوك
تويتر
انستقرام
يوتيوب
بنتيريست