|
|
 تحية.... واحترام... لشباب وادي السيلكون نت بالشهداء ...
|
تعظيم سلام واحترام لشباب وادي السيلكون نت الشباب الاشاوس
* جمال
* مبشر
* سفيان نابري
* لؤي
* حسن
*نزار
هؤلاء الشباب تعاونوا معي الي ابعد ما يكون التعاون بالمساعده في الكتابة علي البورد والرد علي الاميلات منذ اكتوبر 2005 حتي اواخر فبراير 2006 دون كلل او ملل وبكل رحابة صدر وذلك بالرغم من مشغولياتهم الكثيرة ونشات بيني وبينهم علاقة انسانية رائعة واصبح بيننا البساط احمدي حيث انني اكلفهم في اي وقت بالكتابة وانهم يرحبون علي الفور وكان بيننا المزاح دائما وعندما احضر اليهم في موقع الانترنت مساءا ابدا بالسؤال عن (عبدالحميد الكاتب سفيان نابري) وكان يرد عليي جمال او مبشر انه موجود او قادم.
وفي احدي المرات استكتبت سفيان نابري لاكثر من ساعتين وبين الحين والاخر يرن جرس الموبايل فيرد علي اصدقائة الذين ينتظرونة في مكان ما سوف اكون بعد ثواني معكم كنت اقول لة فلنتوقف عن الكتابة لتذهب الي اصدقائك فيقول لي مافي مشكلة حامشي ليهم حتي انتهينا من الكتابه تماما فعلقت مع جمال (واللة الليلة درشت ليك نابري درش تقيل) وضحكنا وقلت لسفيان اعتزر لاصحابك انابة عني للتاخير وبعد ذلك اختفي نابري لمده يومين عن موقع السيلكون نت وشعرت بتانيب ضمير وسالت عنه جمال وقلت له(اوعه تكون الغيبة دي من الدرشة)وضحك جمال وقال لي انه في مامورية بين مدني والقضارف .
هكذا كانت العلاقة بيننا حميمية وجميلة وودودة وانسانية حقيقة كنت سعيدة بمعرفتهم وصداقتهم ولهم مني كل الشكر والحب والتقدير واتمني لهم مزيد من التقدم في مجال الانترنت وفضاءات الانسانية العامرة
اطمئنكم علي صحتي واحوالي واعرفكم انني قد وجدت بقاهرة المعز شباب رائعين مثلكم وكان بينهم عدد مقدر من (عبدالحميد الكاتب) حيوهم معي وهم
*محمد احمد ابراهيم(عبدالحميد الكاتب والجندي المجهول)
*هنادي فضل يوسف
*اميرة حسين السيد
مع خالص ودي وتقديري
عفاف ابوكشوة
القاهرة 6/مارس/2006
8
|
|
 
|
|
|
|
|
|
|
|
Re: تحية.... واحترام... لشباب وادي السيلكون نت بالشهداء ... (Re: عفاف ابوكشوه)
|
الأستاذة الصحفية المتألقة ......... عفاف أبوكشوة
لك عاطر التحايا .....
يسعدنى أن أكون من أوائل المتداخلين فى هذا البوست ،
سفيان بشير نابرى ........
لا أستغرب حديثك عنه ، فقد عرفته أخاً نبيلاً ، صديقاً حميماً
و من كان أصدقاءه بنكهة :
الشهيد نصرالدين الرشيد إبراهيم الشيخ
د. أبكر آدم إسماعيل
عارف الصاوى
عثمان عجبين
و كل الرائعين و الرائعات كنيل بلادى ، لهو قادم من الزمن الجميل
أقف هنا و شهادتى فيه مشروخة ، أحيى معك سفيان و أصدقائى /أصدقائك
أصدقاءه بالخرطوم....
و أصدقاءك ابناء السودان الحلم بالقاهرة على رأسهم الأستاذة
هنادى الفضل ....
و أتمنى لك عاجل الشفاء و تمام العافية .....
محظوظون هم ... فيا بختهم بوجودك بينهم ...
و لك الوّد و التقدير ؛؛؛؛؛
| |
|
|
|
|
|
|
|
|
|
Re: تحية.... واحترام... لشباب وادي السيلكون نت بالشهداء ... (Re: عفاف ابوكشوه)
|
الأستاذة عفاف أبوكشوة ..تسلمي من كل شر وأذي وربنا يواليك بالعافية
ودائما خلي روحك المعنوية مرتفعة والمؤمن مصاب وربنا مابنسى عباده
عليك بالقرآن والدعاء ..... وأرجوك بزيارة كل الأماكن في مصر :
الأزهر
سيدي الحسين
البرج
قلعة صلاح الدين
كافتيريا نعمة في العجوزة أديها طلة
العتبة - مطعم الخرطوم
محلات ناس سوق الأبيض التجاري بكت كات
أركبي مترو الأنفاق
أمشي سيرك العجوزة
المهم نوع من التغيير لأنه دا مهم جدا ....
عبرك نحيي الشباب الخلوق سفيان بشير نابري وأصدقاءه لوقفتهم معك ولازالت
بلادنا بخير .
مع خالص مودتي وتقديري
| |
|
|
|
|
|
|
|
|
|
Re: تحية.... واحترام... لشباب وادي السيلكون نت بالشهداء ... (Re: عفاف ابوكشوه)
|
الأستاذة عفاف سلامات
ورحلة ناجحة إن شاء الله ....
لكن الفيك إتعرفت والله, الخيل تجقلب والشكر لي حماد ياني سيد ملك وسلك وأشيل وأوصي وإسمي ماتعرفيهو
Quote: * جمال
* مبشر
* سفيان نابري
* لؤي
* حسن
*نزار |
أنا عارف بكون من صاحبي سفيان أصلو مرازيني في أي شئ
المحل محلك ياأستاذة .... وإن شاء الله ترجعي بكامل عافيتك ....
تقبلي سلام كل الشباب
الأقوم أشوف سفيان ده وينو
مع خالص التقدير
| |
|
|
|
|
|
|
|
|
|
Re: تحية.... واحترام... لشباب وادي السيلكون نت بالشهداء ... (Re: عفاف ابوكشوه)
|
صديقتى واستاذتى /
عفاف ابوكشوه (ام قاسم امين)
مرأ دغرى وغلاباوية
كيفك والشوق من حاصف لاقاصف اتلم ويهزلك
متابع اخبارك فى البورد وقلبى معاك قلبى معاك
يا عفاف شفتى الولد بشرى ده اصلاً مسخوت وطبعاً هو اصلاً الملك الحقيقى
لى وادى السيلكون ونحن مجرد (شغيلة) ساااااى ، اها هو طبعاً مهندس زراعى
وفى فترتك دى الكنتى بتجينا فيها مشى يقضى ((الزندية)) اقصد الخدمة الجبرية ديك
المهم هو قبل مايسافر انتى ظهرتى علينا وهو عرفك ووصى عليك كل الشباب وقام سافر
اول ماجاء راجع لقى البوست ده ومالقى اسمو مع الشباب اها قعد اليوم كلو حردان ويحلف
يقول سفيان حرش على عفاف عشان تنسانى.
شفتى حسادة الزول ده كيفنها؟؟؟.
المهم نحن خشينا معاهو فى تسوية وراضيناهو تب.
ياعفاف الشباب فى المحل كلهم يغروك السلام
ويتمنو ليك العافية التخصط فى المصارين وفى روحك الجميلة وعزيمتك القوية.
المهم انتى كونى بخير ونحن عوجه تب ما بتجينا.
شوفى ياعفاف هنادى بت الفضل دى ابقى عليها عشرة انا بعرفه حق المعرفه
انسانه بمعنى الكلمة دغرية وغلاباوية وقلبها قوى وابيض ونضيف ، وتملك معرفة وحكمة
جيدة جداً جداً وسلمى لى عليها شديد وقولى ليها سفيان بتزكر ليك مواقف عظيمة جداً جداً.
وكلميها خليها تلمك فى ود ابكر محى الدين ده كمان ملاك فى توب انسان ولو وصلتى ود ابكر ده سلمى لى على لبنى زوجته وطفلها وبلغيهم شوقى وسؤالتى عنهم.
واحى من هنا معك :-
عبد الحميد الكاتب:- محمد احمد ابراهيم وياها المحريه فيهو.
اميرة حسين السيد :- وهكذا هن بنات وطنى
عفاف تحية اخيرة :-
لك ولهنادى واميرة وكل نساء شعبى تهنية خالصة بيوم المرأة العالمى.
| |
|
|
|
|
|
|
|
|
|
Re: تحية.... واحترام... لشباب وادي السيلكون نت بالشهداء ... (Re: سفيان بشير نابرى)
|
Quote: يا عفاف شفتى الولد بشرى ده اصلاً مسخوت وطبعاً هو اصلاً الملك الحقيقى
لى وادى السيلكون ونحن مجرد (شغيلة) ساااااى ، اها هو طبعاً مهندس زراعى
وفى فترتك دى الكنتى بتجينا فيها مشى يقضى ((الزندية)) اقصد الخدمة الجبرية ديك
المهم هو قبل مايسافر انتى ظهرتى علينا وهو عرفك ووصى عليك كل الشباب وقام سافر
اول ماجاء راجع لقى البوست ده ومالقى اسمو مع الشباب اها قعد اليوم كلو حردان ويحلف
يقول سفيان حرش على عفاف عشان تنسانى. |
الاخ والصديق سفيان نابرى وصحبه الكرام
تحياتى واحترامى
اشتقت اليكم كثيرا وانا بخير وبمعنويات عاليه استعدادا للعملية الاسبوع القادم وقول للاستاذ بشرى الطيب شكرا على المداعبه اللطيفه ولكن انا بحب اتعامل مع الشغيله دائما و فى حالات نادرة مع اصحاب راس المال مباشرة ولذلك لم احظ بمعرفتك وانا سعيدة بالتواصل معك واهنئك على الشباب (الشغيلة) الرائعين وابقى عليهم عشرة واكرر سعادتى مجددا بكم ياشباب وادى السيلكون نت ( شغيلة واصحاب العمل)
واخيرا تحيات حاره الى الاعزاء
مبشر
جمال
حسن
لؤى ... وكل الشباب الرائعين الذين لم تسعفنى الذاكرة لذكر اسمائهم
ودعواتكم لنجاح العملية
| |
|
|
|
|
|
|
|
|
|
Re: تحية.... واحترام... لشباب وادي السيلكون نت بالشهداء ... (Re: عفاف ابوكشوه)
|
ألاستاذةالجليلة عفاف ابو كشوة
لك عاجل الشفاء يا استاذة وربنا يجعل لك صحة وعافية وصبرا جميل ولطفا من رب العالمين .
لي عظيم الشرف بسماع خير الانباء والسير عن نفر جميل من ابناء وطني وجيلي .حسن الاخلاق وسماحة الحضور وطيب المعشر والانسانية العالية .
هذا هو ديدنهم يا عفاف وهم خير الشباب الطموح الهميم بقضايا الوطن ثم قضاياهم , يمتلئون حبا وشوقا لبناء عمارات من المعاني والاخلاق .
الاخت عفاف سرني جدا هذا الكلام لاخوة لي واصدقاء لي .وربنا يكتر من أمثالهم .
لك التحايا العطرة وانتي تنثرين حسن السير ولك التقدير والاحترام
اخواني في وادي السيلكون لكم تحياتي وانتم تجودون بحميمية اخلاقكم وجزالة معشركم يا ايها النبلاء.
سفيان نابري
بشري الطيب
مدثر الشبلي
قرلندو
لكم حبي
وإلي عفاف تاج من الصحة والعافية
مجدي شبندر
| |
|
|
|
|
|
|
|
|
|
Re: تحية.... واحترام... لشباب وادي السيلكون نت بالشهداء ... (Re: عفاف ابوكشوه)
|
صديقتى ام قاسم امين،،
انا بخير حال ، انشد اخبارك كثيراً واتطمن عليك من خلال كتاباتك هنا
وسعيد جداً بان العلاج يسير بصورة جيدة ، وسعيد اكثر بصلابتك وابتسامتك
وعزيمتك.
صديقتى العزيزة عفاف
Quote: عندي اصحاب فاقداهم واخبارهم مقطوعه عني ارجو توصيلي بهم وهم هنادى عثمان صحيفة خرطوم مونتر
مصطفي سرى
عبدالله رزق
لبني حسين
|
سوف يصلك عنهم خبر قريب جداً وسوف يصلونك
كتابياً من خلال الوسائط الاكترونية
لك حبى واحترامى وتقديرى
| |
|
|
|
|
|
|
| |
عفاف ابوكشوه
عبدالرحمن عزّاز
عاصم ابوبكر حامد
Ridhaa
بشري الطيب
سفيان بشير نابرى
مجدي شبندر
حاتم الياس
فيس بوك
تويتر
انستقرام
يوتيوب
بنتيريست