|
عايز أشتم وأعتذر في بوست واحد ممكن؟
|
بتنفع الحكاية دي ياجماعة ولا بتجيب لينا الهوى اصلو الناس الايامات دي تنبذ لمن الله يغفر والبوست يمتليء نصائح وناس تأيد وناس تستنكر
وبعدين
يبدأ الاعتذار والحديث عن الموقف الرجولي والشهامة وانت مافي منك اتنين ومعدنك الما بصدي وهلم جراً
انا عايز اريحكم واديكم ليهن الاتنين ف صحن واحد
قلتو شنو؟؟؟؟؟؟؟؟؟؟؟؟؟؟
|
|
|
|
|
|
|
|
Re: عايز أشتم وأعتذر في بوست واحد ممكن؟ (Re: معتصم الطاهر)
|
نبدأ ليكم بالشينة
اول واحد تمبس دا شنو الناس شابكنوا تعال قبل السنين تجري وياقسيم الريد تعال ليا وعليك النبي تجي وهو عامل قام يتعزز الليمون وجاي تعمل ايه معانا انا غايتو مطنشو خالص ولانامت اعين الجبناء
تخريمة ياتمبس الاعتذار جاهز للنشر ماتتهور اديها صنه
| |
|
|
|
|
|
|
Re: عايز أشتم وأعتذر في بوست واحد ممكن؟ (Re: tmbis)
|
tmbisQuote: الأسمنت رخص الايامات دي .. ( والطوب ) برضو كسر تلج .. احسن ليك من ما نكسر ليك .. ( طوووب )
الرجاء البيضاوي حديد |
هو انت قيت ياحسنين ماعنديش خبر
سيرت الطوب دي ماقلت ليك ماجيبا لي
الرجاء البيضاوي حديد تسليح دشيليون لينينا ماقلت ليك مايكون كوم الاقوان دا فاتك وماسجلتو نمغس بيهو ناس سامي
الايام دي ياحبة الهلال شغال اجتثاث مسئول من الخير الجماعة ديك ماعندنا معاهم ملاقا قريب؟
| |
|
|
|
|
|
|
Re: عايز أشتم وأعتذر في بوست واحد ممكن؟ (Re: زول ساكت)
|
اها أنا برضو فكرت فى التشكيل
قلت نخليها كدا ..
عشان تشاكلنى
واعتذر ليك أنا ..
اها دى معاك كيف ..
بعدين المشاكل دى عندها ناسا
والشتيمة عندها ناسها
اها أنا عندى صاحبى داير اكاجروا
بوريم البوست بعد أنزلوا ..
فى أحسن من تشاكل زول تريدو !!!
| |
|
|
|
|
|
|
Re: عايز أشتم وأعتذر في بوست واحد ممكن؟ (Re: معتصم الطاهر)
|
Quote: عشان تشاكلنى
واعتذر ليك أنا ..
اها دى معاك كيف .. |
دمابتخارج ويفتح الله
اشاكلك واعتذ انا بي مزاجي
ياجماعة ادونا فرصة بالطريقة دي مجهوداتنا بتروح شمار في مرقه
شاكلونا كويس دا شنو الشكل الهوين دا البورد ولله الحمد يذخر بكم هائل من الشتائم والنبذ مدخرنها لي متين يعني
| |
|
|
|
|
|
|
Re: عايز أشتم وأعتذر في بوست واحد ممكن؟ (Re: قرشـــو)
|
المتواجدون الآن
Quote: Ahmad Sanad »Ahmed Mohammed Osman »Al Sunda »dalihabboub »farda »Foetus »Halema2 »Ishraga Haimoura »khaleel »Muna Khugali »saadeldin abdelrahman »saif massad ali »samwal ebrahiem »showgi idriss »اسامه سعيد »بدرالدين شنا »بكرى ابوبكر »زول ساكت »صلاح الدين عبدالله محمد »فرح »فيصل نوبي »كمال حسن »محمد الأمين موسى »مشتاق »ناذر محمد الخليفة »نجود حسن عبد الرحمن »ود العجمى |
كنت عايز اقول نجود الطيش ود العجمي ماريحني بكري الحيطه بالحيطه عوجه مابتجينا تب
| |
|
|
|
|
|
|
Re: عايز أشتم وأعتذر في بوست واحد ممكن؟ (Re: زول ساكت)
|
Quote: كنت عايز اقول نجود الطيش ود العجمي ماريحني بكري الحيطه بالحيطه عوجه مابتجينا تب |
نحن الطلبة سلاحنا الطوب
وشنو كدة ماعارفه
بعتذر لناس حنتوب خاصة ومدنى عامه
نجود الطيش ..
تعيش .. تعيش .. تعيش
وبرضو بقيت رئيسه
| |
|
|
|
|
|
|
Re: عايز أشتم وأعتذر في بوست واحد ممكن؟ (Re: زول ساكت)
|
فكرة مريحة جدا اهو تريحنا من ال back وبتقلل عدد الكليكات وتمد في عمر الماوس
لكن اديك فكرة تاني
انت اعتذر اول بعد داك اشتم لانو في ناس بتاخد موقف من اول حاجة يعني مثلا تقول :
يا ناذر انا بعتذر ليك عن الكلام ال(ح)اقولو دا وجد (عايز اتسرع) وداير اسمع كلام الناس واقرا كلامك بي سرعة وما افهم انت قاصد شنو ..
تجي تاني في نفس البوست تقول: هووووووووووووووووووي يا ناذر فتح عويناتك ديل شابكنا العاجبة والقالبة وهسي كمان شابكنا حزب البعث والشعبي انت اصلك زول عنصري وحاسد ومستبد وووووووووووووووو
| |
|
|
|
|
|
|
Re: عايز أشتم وأعتذر في بوست واحد ممكن؟ (Re: aosman)
|
Quote: وانا كمان أديك فكرة تالتة أعتذر بأنك كنت داير تشتم وأكتب الشتيمة كلها وتاني ارجع اسحب أعتذارك |
ياعثمان انا اصلي مابمسح هسي دي نصيحة اهرب من المعركة يعني والله تكترو اقول ليك كوز تفتح خشمك ابقيك جك
الاعتذار مرسول بي طرد مختوم بالشمع الازرق كيتاً في المريخاب
| |
|
|
|
|
|
|
Re: عايز أشتم وأعتذر في بوست واحد ممكن؟ (Re: Ahmed Mohammed Osman)
|
زول ساكت
يا زول إنت وين ؟ مشتاقين بالحيل .. كيفك و كيف الوليدات ؟
Quote: اول واحد تمبس دا شنو الناس شابكنوا تعال قبل السنين تجري وياقسيم الريد تعال ليا وعليك النبي تجي وهو عامل قام يتعزز الليمون وجاي تعمل ايه معانا انا غايتو مطنشو خالص ولانامت اعين الجبناء |
مع إنو ولا ليمون ولا حاجة .. تمبس طلع قنقليز
Quote: تخريمة ياتمبس الاعتذار جاهز للنشر ماتتهور اديها صنه |
غايتو لو في الرياض لا بيديها صنة ولا شي .. جنو و جن الصنات ..
ما قلت ليك ؟
| |
|
|
|
|
|
|
Re: عايز أشتم وأعتذر في بوست واحد ممكن؟ (Re: aosman)
|
المدعو ودقاسم
المعروف بالخال رغم الكلام الكبااااااار البيكتبو ليكم في السياسة والشعر والغربة وكدا الا انه وارد منطقة تشكو من التخمة(عكس التهميش) تعرف رسمياً بغرب الجزيره ويسميها اباءنا الضهره ونحن نسميها غرب الكنار ويرمز لها غ ك هذه المنطقة التفت لها الساسة والحكام واولها عناية خاصة فهي درة تضاهي ارقى احياء الخرطوم(ماينعنس بقال بس)
شفتو الراجل الاسموا ود قاسم دا برجوازي الى آخر حد
اذكر مرة في باية التسعينات ذهبنا لاحضار رملة البناء من تلك المنطقة
معاي اخوي خبير قال عارف الناس البجمعوا الرملة ديل من هنا علي الكمبو وقشة عينن من النوم علي هنا الحاكم السودان منو ماعارفين قامسألهم ليك ياللخو بتعرفوا الزبير محمد صالح(الله يرحمة)كان وقتها النائب الاول فرد عليه احدهم والله مابنعرفوا لكن وصفوا لينا سارح على وين بنجيب ليك خبروا
تاني تعال قول مهمشين
| |
|
|
|
|
|
|
Re: عايز أشتم وأعتذر في بوست واحد ممكن؟ (Re: زول ساكت)
|
عندنا واحد صاحبنا كده زول وهم وفارة وقال عايز يبني بيتو .. الزول ده قايل روحو مغترب ولا شنو ؟؟؟؟؟ وهو زاااااااااتو كان ما زول دايش ساي الإشارة تكون خضراء فاقع لونها وجيييييييييييك يقبض الفرملة ؟؟؟؟ والزول ده زول سااااااااااااااااااكت وما عندو أي موضوع وانا لو محلو اوقف البنا واشتري لي ركشتين ومحل إتصالات ..
اها يا زول يا ما ساكت ده نبزي للزول ده ...
اخونا القاعد تبني في بيتك ياخ إنت زول عصامي جداً ومجتهد وربنا يسهل ليك دنيا واخرة قادر يا كريم وكلامي القبيل ده كلو كلام ساي وكنت عايز أختبرك ولقيتك زول صنديد .. امسحا لي في وشي وعليك علي انا مني لوري طوب اخدر ورقيطا ومعاهم دورين موية .. ده إعتذاري لي الزول ده وفي نفس البوست ..
تخريمة : لكن هو مااااااااااااااااااااالو ..؟؟؟
| |
|
|
|
|
|
|
Re: عايز أشتم وأعتذر في بوست واحد ممكن؟ (Re: عمر الفاروق)
|
شوف ياعمر(حافي كدا) الفاروق ممكن تلقاها مع الاعتذار لو استلمنا لوري الطوب والا حاامعط ليك باقي شعيراتك ديل
الاعتذار مرفوض مرفوض مرفوض ياولدي
في مثل بيقول ليك اخوك كان عايز تضرو اهديهو على البنيان عرفت الفيك فد لوري!!!!!!!!!!!!!
| |
|
|
|
|
|
|
Re: عايز أشتم وأعتذر في بوست واحد ممكن؟ (Re: زول ساكت)
|
------------- ( في مثل بيقول ليك اخوك كان عايز تضرو
------------- اهديهو على البنيان )
------------- يازول ما قاصدنا عديييييييييييييييييييييييييل
------------ ( دى اول الشبكه )
------------ ( كده نتطالع مكان الرمله )
------------ ( ياخى انت صدقت ولا شنو انا قصدت نترافق )
----------- ( طبعا دى خوفه من الخلا وكمان اعتزار )
----------- ( رايك شنو فى الشكله والصلحه )
تحياتــــــــــــــــــــــــى
ســـــــــــــــــــــــــــيد
| |
|
|
|
|
|
|
Re: عايز أشتم وأعتذر في بوست واحد ممكن؟ (Re: زول ساكت)
|
أحمد محمد عثمان ..
Quote: يا ناذر انا بعتذر ليك عن الكلام ال(ح)اقولو دا وجد (عايز اتسرع) وداير اسمع كلام الناس واقرا كلامك بي سرعة وما افهم انت قاصد شنو ..
تجي تاني في نفس البوست تقول: هووووووووووووووووووي يا ناذر فتح عويناتك ديل شابكنا العاجبة والقالبة وهسي كمان شابكنا حزب البعث والشعبي انت اصلك زول عنصري وحاسد ومستبد وووووووووووووووو |
تعرف يا أبو حميد موضع إنو الزول يشتم ويعتذر في بوس واحد دي ما جاية في حقو لإنو هو داير يوري الناس إنو زول شجاع فبالتالي لازم يعمل ليهو يوسط طوييييل وعريض وفيهو الإيقونة دي عشتن يوري الجماعة إنو اعتذر ..
أنا القدامك دا غايتو اهلي وصوني قالوا لي ما تعلم يدك الرجعة .. يعني خبت ليك زول ولا هبرتو ما تمشي تمسح ليهو محل الضربة وتعتذر ليو !! لكن مرات مرات كدة لمن اهبر لي زول هيب نضيف بزعل من نفسي وبمشي أمسح ليهو محل تاني ما محل الهبرة عشان ارضيو يعني لو خبطتو في راسو مثلا وداير اعتذر بمشي أمسح ليهو كرعينو ولا اي حتة تانية !!
صنفرة :
زول ساكت !! كيفنك يا راجل !! مالك ما جيتني صاد ؟؟!!
| |
|
|
|
|
|
|
Re: عايز أشتم وأعتذر في بوست واحد ممكن؟ (Re: زول ساكت)
|
زول ساكِت
في انتظار الاعتذار
ولو إنو إعتذارك ما بيفيدك
لأنو العملتو كان بإيدك
ما عزمتنا في رمضان
أوعى تقول لي اعتذرتو لا، انت بتختار اليوم الفيهو إفطار جماعي وتجي تقول لي د. خدر خلي الجماعة يجوني... هههه دا علينا نِحن
الاعتذار، غير مقبول (مقدما)
| |
|
|
|
|
|
|
Re: عايز أشتم وأعتذر في بوست واحد ممكن؟ (Re: عبد الله عقيد)
|
عبدالله عقيد
Quote: زول ساكِت
في انتظار الاعتذار
ولو إنو إعتذارك ما بيفيدك
لأنو العملتو كان بإيدك
ما عزمتنا في رمضان
أوعى تقول لي اعتذرتو لا، انت بتختار اليوم الفيهو إفطار جماعي وتجي تقول لي د. خدر خلي الجماعة يجوني... هههه دا علينا نِحن
الاعتذار، غير مقبول (مقدما) |
ظلمني وجاني يتظلم سلاني وقال انا السالي
| |
|
|
|
|
|
|
|