|
|
 بيان من سفارة السودان بالرياض لمقاطعة إحتفالات السفارة بعيد الإستقلال..
|
كل الناس طلعت بيانات وقالت ما جاية الإحتفال بعيد الإستقلال..
وبما إنو هذه الأحزاب مؤثرة جداً لي درجة إنو ناس الإنقاذ ليهم 17 سنة ما قادرين يحكموا البلد إلا بمساعدة هذه الأحزاب ..
وبما إنو هذه الأحزاب ذات تأثير فعال ولو ما جات الإحتفال ده فالموضوع حا يطرشق وربما غردون زااااااااتو يقوم من قبرو ويرجع يحكم السودان ويتحكر في القصر ..
وبما إنو ناس المؤتمر الوطني في الرياض كلهم خمسة انفار :
السفير والقنصل ومحمد الحسن وصلاح غريبة ومعاهم همام وقوووول محمد محمود جا معاهم مجاملة ..
وبما إنو السفارة أول مرة في حياتا تحتفل بي عيد الإستقلال لأنو عادة تحتفل هذه الكيانات فقط بعيد الإستقلال ..
وبما إنو الإستقلال زااااتو فات ليهو شهرين وبقا مسيخ ..
وبما إنو قيقم بطّل الغنا وفرقة الصحوة بقت حقت مديح بس والأغاني الجهادية بقت معدومة ..
وحيث إنو السفارة بقا ما عندها قروش بعد ما عفو المغتربين من الضرائب والزكاة ..
وطالما إنو الكركدي فيهو أزمة شديدة نسبة للمشاكل الحاصلة في دارفور..
ونسبة لغياب المفكر الإسلامي والعلامة زائع الصيت احمد حنين وإعتزاره بل ورفضه للمشاركة في الحفل ..
وطالما أنو كل كوادر المؤتمر الوطني نزلوا إجازات السودان وماف غير الخمسة الفوق ..
قررت السفارة إنها تقاطع نفسها وما تجي الإحتفال العاملاهو لي روحا ..
ويرصوا الككراسي كييييييييية للمؤتمر الوطني ويخسروهو القروش ..
ويعملوا العصير كتييييييير ويمقلبوا ليك السفارة ..
والسفير يجي بكرة داخل مكتبو ويضحك ليك في روحو ويقول لي روحو :
هاهاهاهااااااااي والله لكن غشيناكم غشة يا ناس السفارة ..
وي وي ووووووووووووييييييي ولا جيناكم ...
ويقوم السفير يزعل من كلام السفير ويرسل لي رئاسة الجمهورية ويقول ليهم أنقلوا السفير ده من هنا لأنو امبارح ما جا إحتفال السفارة ..
ويقوم يرسل خصم لي كل كوادر الحزب في السفارة ..
يقوموا ناس السفارة يخضوا للسفير ويقولوا ليهو :
والله يا سعادة السفير نحن امبارح السفير قال لينا ما تجو ..
يقوم السفير يقول ليهم سبحان الله انا زاااااااااتي امبارح قلت لي ما تجي ..
والغريبة انا زااااااتي ما جيت ..
يقوموا ناس عمر البشير يرسلوا فاكس يقرروا فيهو إغلاق سفارة السودان في الرياض ..
وبي كده يكون تجمع الأحزاب السياسية من حركة شعبية وأمة وإتحادي ديموقراطي وبعثي وتحالف ومحايدين وجهوا ضربة موجعة للمؤتمر الوطني ونجحوا في إفشال حفل الإستقلال الذي لن يتم إلا في وجودهم كما الحكم الذي لم يستطيع المؤتمر الوطني أن يسيطر عليه طيلة ال 17 عام الفاتو ديل !!!!!!!!!
|
|
 
|
|
|
|
عمر الفاروق
Ahmed Abdallah
فيس بوك
تويتر
انستقرام
يوتيوب
بنتيريست