|
|
|
 Re: طريقة جميلة جدا للأستفادة من الكمبيوترات القديم الرجاء عدم رميهم (Re: aosman)
|
ايه عثمان
يعني شنو يا ود عمي وصديقى سابقا
بقيت تطاعني بالبوستات.؟؟؟؟(وش بيحاول يشوف طريقة انتقام) يعني شنو لو الزول كمبويترو قديم؟
ليك علي شهر 5 اشتري لي كمبويتر محل يفتحو ما تعرفو ما تقولي خبير كبير وعندك دكتوراه في الذكاء الاصطناعي..كمبويتري الجديد حيكون خارج المقرر يا فردة يا زمان..
.
انت قايل نفسك في الدينمارك؟ تطاعن يازول فركة كعب اصلك وحتى لو في الدينمارك
كي بوردي الجديد حياباك بس اركز
اول يوم اشوف بوستك دا...
| |
 
|
|
|
|
|
|
|
|
Re: طريقة جميلة جدا للأستفادة من الكمبيوترات القديم الرجاء عدم رميهم (Re: bayan)
|
عشان ما تقولو بيان ما عارفة الحاصل ولاتجنت على الدكتور دا...
[BQuote: ] الدكتورة بيان عندها كمبيوتر من زمن حفروا البحر زي ما كانت بتقول حبوبتي الله يرحمها اها ودت الكمبيوتر للصيانة وطلع سعر الصيانة قريب من سعر كمبيوتر جديد وبرضها مصرة علي صيانته وانا كم مرة قلت ليها حقو تشتري ليكي كمبيوتر جديد الكمبيوتر ده اكل منه الدهر وشبع ابت تب قالت هي متعودة على الكمبيوتر العجوز ده وما دايره تفارقه ابدا مهما كلفها من ثمن
الظاهر الدكتورة مقتنعة بالمثل البقول الشجر الكبار فيهو صمغ اها قلت مادام ده رأي الدكتورة وما دام انحن ناس كبار وفينا صمغ قلت ليها طيب عرسي لينا بناتك اها وياريتني لو ما قلت ليها الكلام ده قامت بزعل شديد قالت لي انتو ناس كبار وما بتخجلوا الواحد فيكم داير يعرس ليهو واحدة لو عرس بدري شوية بتكون قدر بته وبناتي ديل صغار شديد عليكم كلهم مواليد الثمانينات احسن ليكم تمشو تشوفوا بنات الدراسات العليا بتاعين الدكتورة ديل مناسبات شديد معاكم اها من اليوم داك بقيت كله ما اجي ماري بجمب اي مراية اقنب اعاين علي روحي شديد في المراية والغريبة مرة اشوف روحي شباب لمن اقول وا حلاتي ومرة اقول الله يرحمك يا ايام شبابي
كده خلوني اقول ليكم عمري كم بالضبط عشان تحكمو براكم وتشوفوا هل فعلا كبرت ولا فضل فيني باقي روح انا قبل ستة سنوات بالضبط عمري كان قدر عمر اخوي البكر قبل سبعة سنوات من التاريخ ده وكان عمره قبل السبعة سنوات دي ثلاثة وعشرين سنة بالتمام والكمال مع الجمعات والعطلات الرسمية هسي عليكم الله كده وروني هل انا كبرت لي درجة اني ما مفروض اعرس لي واحدة عمرها بين 18-22 سنة؟ |
| |
|
|
|
|
|
|
|
|
|
Re: طريقة جميلة جدا للأستفادة من الكمبيوترات القديم الرجاء عدم رميهم (Re: Abd Alla Elhabib)
|
نادية
اها عاد استعدي.ز اوعي تكشفي اسرارك الكمبويترية دي قدام
الخبراء ديل.. يشيلو حالك..
ولو قريبة يجيك ببندقية يطلق رصاصة الرحمة عليه..
انا لم اشتري كمبوتري الجديد في عيد ميلادي 19 الجاي
تاني حنغير باب الخباء ونقلب ظهر المجن لصاحبنا دا.
الاخ عبدالله الحبيب
سلام
قلت الدين دا ما بيعرف في الكمبورتات.. يعني استشاراتو ديك
بيكون فاتح ليه كتاب وبيذاكر فوقي..
كدا يا ود عثمان؟
| |
|
|
|
|
|
|
|
|
|
Re: طريقة جميلة جدا للأستفادة من الكمبيوترات القديم الرجاء عدم رميهم (Re: bayan)
|
سلامات يابيان
أولأ حكاية إنو صاحبنا ده كمبيوترجى دى "تدقيسة" لذيذة....أصلا هو كان تمرجى أبقار أوان تعارفنا
حينما كنت مفتش أول ثروة حيوانية بالإقليم الغربى، حقيقة هو رجل ذكى ومجتهد ..بعدها إشتغل سمكرى
معدّات تبريد ثم إبتعثته شركة دنماركية عمل بها فى السودان لمذيد من التأهيل فى مجال السمكرة
طاب له المقام هناك "فكسر" فيزا وبقى سنين عددا حاول خلالها تعليم نفسه فى الكمبيوتر عشان كدا كان "فاكبها" فيكم.!!
كلمى معاك نادية لو محتاجة لى كانون ..بس تشيل كومبيوترها القديم !
| |
|
|
|
|
|
|
|
|
|
Re: طريقة جميلة جدا للأستفادة من الكمبيوترات القديم الرجاء عدم رميهم (Re: aosman)
|
Quote:
بيان
الاخ عبدالله الحبيب
سلام
قلت الدين دا ما بيعرف في الكمبورتات.. يعني استشاراتو ديك
بيكون فاتح ليه كتاب وبيذاكر فوقي..
كدا يا ود عثمان؟ |
الاخ الغالي ابدا عبدالله حبيب
والله ليك وحشة وينك يا راجل, الحمدلله بكري جمعنا تاني, بس أعمل حسابك هنا مافي طريقة للصوت يعني كتابة وبس وبعدين الحتة دي فيها طرد.
يا دكتورة اخونا عبدالله حبيب ده طبعا مفتش ثروة حيوانية قديم في السودان عشان كده ما بفهم في الكمبيوترات اعذريهو
| |
|
|
|
|
|
|
|
|
 Re: طريقة جميلة جدا للأستفادة من الكمبيوترات القديم الرجاء عدم رميهم (Re: aosman)
|
سلامات يابيان
أولأ حكاية إنو صاحبنا ده كمبيوترجى دى "تدقيسة" لذيذة....أصلا هو كان تمرجى أبقار أوان تعارفنا
حينما كنت مفتش أول ثروة حيوانية بالإقليم الغربى، حقيقة هو رجل ذكى ومجتهد ..بعدها إشتغل سمكرى
معدّات تبريد ثم إبتعثته شركة دنماركية عمل بها فى السودان لمذيد من التأهيل فى مجال السمكرة
طاب له المقام هناك "فكسر" فيزا وبقى سنين عددا حاول خلالها تعليم نفسه فى الكمبيوتر عشان كدا كان "فاكبها" فيكم.!!
كلمى معاك نادية لو محتاجة لى كانون ..بس تشيل كومبيوترها القديم !
أها قاعد ليك أنا هنا ومتابعك..وبكرى ده صاحبى...قال computerman قال !!
| |
|
|
|
|
|
|
|
|
|
Re: طريقة جميلة جدا للأستفادة من الكمبيوترات القديم الرجاء عدم رميهم (Re: aosman)
|
Quote: ثم إبتعثته شركة دنماركية عمل بها فى السودان لمذيد من التأهيل
فى مجال السمكرة |
المشكلة ياباشمفتش ما موضوع الكمبويتر اسع الدين دا ذي طلع من منتجات الدينمارك وكدا.. يعني انت كدا عديل
عوقتو شديد معانا..
اسمع يا الدين نحذرك من الحوامة في الجامعة الاسلامية وما جاورها من الجامعات
واعتبر الدعوة بتاعة المطعم المصري الكنت ناوية اقدمها ليك الخميس الجاي في جامعتنا لاغية...
قاطعوا المنتجات الدينماركية
نكلم مولانا ملاسي تاني بيحميك تضرب ليه تلفون حتى...
| |
|
|
|
|
|
|
| |
aosman
bayan
Abd Alla Elhabib
فيس بوك
تويتر
انستقرام
يوتيوب
بنتيريست