|
|
 بلا عرس بلا وجع راس
|
بسم الله نبدأ
اول شى باتمنى انه الاعضاء كلهم يدونى رايهم فى الموضوع ده لانو والله انا ما قدرت اعمل شى غير انى اجى و احكى ليكم
طبعا السبب الخلانى اكتب البوست ده انى كنت قاعد اتونس مع واحدة قريبتنا جات هنا تجهز للشيلة و كده اها المهم اثناء ما بتونس معاها قالت لى حاجات والله و بالله و تالله انا ذهلتنى بى صورة ما طبيعية و اندهشت جد جد يعنى اصلو ما ممكن الموضوع يكون بالصورة دى يعنى انا اكتشفت حاجات عجييييييييييييييييييبة و دخيلة علينا و على بالايمان انا كان الموضوع ده بقى كده انا ما دااااااااااااااااير اعرس والله جد يعنى هاكم امثلة للحاجات القالتها لى :
1- موضة الكوفير دى بقت موضة قديمة هسى الموضة انه العروس لازم تجيب واحدة كوافيرة تجهزها فى البيت و الكوافيرات ديل اسعارهم حسب الواحدة و شهرتها فى المجال ده يعنى بتتراوح بين مليون و مليون و نص دى بيدفعها العريس
2- لازم التسريحة بتاعت اقل شى اتنين من صاحبات العروس يدفعها العوير ااااقصد العريس و طبعا سعر التسريحة بى ميتين و خمسين الف يعنى جوز الحمام ديل نص مليون
3- فستان الزفاف بتاع العروس سعر الايجار (ده اذا العروس طلعت بت حلال و ما قالت دايرة واحد جديد) بيتراوح ما بين مليون لى اتنين مليون و دى طبعا بيدفعها اخونا داك
4- الكوشة بقت ما زى زمان هسى الكوشة لازم تمشى العروس لى واحدة تصممها ليها مخصوص حسب مزاجها يعنى سعرها ما غالى حوالى مليون (بس !!!!!!!!!!!!!!!!!!) و اتخيل لى انتو عارفين الحيدفعها منو
5- الغناية و ما ادراك ما الغناية دى كمان برنامج براهو يعنى اتخيلو معاى انو فى غناية مافى داعى لى ذكر اسمها اتخيل الجكس فى المنتدى بيعرفوها تماااااااااااااااااام دى قالو بتقاول العروس بى الفستان يعنى كل فستان ترقص بيهو العروس عندو سعر و قالوا الفستان سعرو حوالى مليون (اقل شى تلاتة فساتين ) يعنى الحسبة فى النهاية ممكن تحصل اربعة لى خمسة مليون بالاضافة لى خاتم دهب و شوية ريحة كده ليها غير النقطة بتاعت العريس و اهل العروس و طبعا برررررررررررررررررررررررررررضو الاتيكيت بيقول دى يدفعها المعلم داك
6- موضوع الخيم بتاعت زمان ديك بقى حاجة ما راقية يعنى لازم العرس يكون فى نادى اقل شى بى تلاتة مليون و ممكن تحصل عشرين مليون لو النادى راقى بالاضافة لى حق العشاء و ما فى داعى اقول الحيدفعها منو
7-كمان اتذكرت حاجة تانية انو بقى فى بوكيه بتاع ورد طبيعى بالاضافة لى انو العربية بتاعت الزفة لازم كمان تتزين بى ورد طبيعى برضو غايتو حساب الورد بس ممكن يحصل ربع مليون دى بيدفعها الفارة داك
8- موضوع الموسيقى بتاعت دخول العرسان للحفلة ده قالوا بتجهز ليهو العروس يعنى تمشى براها تتفق و تعزل الغنية بتاعت الدخول لزوم ال slow وكدة !!!!!!!!!!!!!!!!!!!!!! ( والله دى حقو ادفعها انا للداقسين الدايرين يعرسو لانو حالتهم بقت كربة خلاص )
طبعا البنود دى كلها لسه ما دخل فيها موضوع العزومة بتاعت العريس و الفنان و الشيلة و الدهب و الريحة و طبعا دى اضعاف اضعاف المبالغ المذكورة اعلاه
اها انا خاتى كان قلت ما داير اعرس ؟؟؟؟؟؟؟؟؟!!!!!!!!!!!!!!!!!!!!!!!!!!!!!
عشان كده انا ماااااااااااااااااااااااا داااااااااااااااااااااااااااير
يعنى ورونى مبرر واحد يخلينى اعمل كده انا فى اعتقادى انو الشباب كلهم كان عرفو الكلام ده حيشيلو موضوع العرس ده من راسهم نهاااااااااااااااااااااااااااااااااائى ولا انتو رايكم شنو ؟
ارجو من الاخوة الاعضاء الادلاء برايهم خصوصا البنات يمكن اكون انا غلطان فى كلامى ده
|
|
 
|
|
|
|
|
|
|
|
Re: بلا عرس بلا وجع راس (Re: ايهاب نميري)
|
واحد من اخوانا الجنوبيين مشى يعرس ..
من أهله الدينكا ..
طلبوا منه مية بقرة .. قصاد الولية ..
صاحبك عافر من هنا من هنا ومع الاجاويد واعمامه ..
تم ليهم المية بقرة ..
تاني يوم من العرس لقوهو قاعد في خشم الباب ..
يغني ويقول ..
قالوا لي واحد مرة بساوي مية بقرة ..
جبنا مية بقرة .. وعرسنا واحد مرة ..
لقينا بقرة واحد ... بساوي مية مرة ..
ومع الاعتذاز للجندريات .. نحن بنعرس بمية رطل سكر .. !!
| |
|
|
|
|
|
|
|
|
|
Re: بلا عرس بلا وجع راس (Re: ايهاب نميري)
|
ايهاب بس؟؟
والله كمان كان ما غيرتوا لينا الجوالات بتاعت كل البيت ابتداءا من حبوبة العروس الى الشغالة وعملتوا لينا اشتراك فى كم قناة من نوع شو تايم واى ار تى والذى منو، وتذاكر سفر العرسان على شهر العسل والنسيب والنسيبة على العمرة والشيلة تجى بى امجاد والامجاد ماترجع تانى وساهمتوا لينا فى كم شركة كده باسم ام العروس ما تمسكوا ايديهم انت والوغد حميدة بتاع البقر ده
يعنى دايرنهن مجانى والا شنو..شوفوا ليكم شغلة غادى ..علكم ما عرستوا.
قال بلا عرس بلا وجع راس..نقول بلا نسابة كحيانين بلا لمة،،،
| |
|
|
|
|
|
|
|
|
|
Re: بلا عرس بلا وجع راس (Re: صديق الموج)
|
الأخ الفنان الجميل / أيهاب نميري
تحية لزيزة جداً .. أنا اذكر مرة بحضر في برنامج يتناول العادات الأفريقية
لفت نظري أنو في احدى القبايل الأفريقيةأهل العريس بيسيروا لي أهل العروس وبدل
مايدوهم حاجات ( شيلة وخلافه ) بيدوهم دقة تمام النسوان يقعوا ليك في أهل العروس
جلد لحدي مايجروا ويشتتوا .. والله أنا الحكاية دي عجبتني عجب ولوما أتزوجته بت جيرانه
من عطبرة والحمد لله الحكاية كانت بسيطة وماكلفتني حاجة الفنانين ملح مجاملين
والتصوير ملح .. وأخوك أبوه جزار التور ملح .. والخدار مجامله .. واوعوا تقولوا ليه
إنته محظوظ .. لأنه المحظوظين ناس العروس .. كان طبقته فيهم العادات الإفريقية
وكان العروس ذاته جاها سوط .
وفي الختام قالوا في مره قالت لي راجله دايره توب أسمه ليلى علوي قال ليها لمن أصرف الماهية أنشاء الله بشتريه ليك ( علما بأن ماهيته 100 ألف ) لمن صرف ساقه السوق
وقال لي بتاع التياب عندك توب ليلى علوي قال ليه أيوه قال ليه بي كم .. قال ليه بي
500 ألف .. صاحبك زعل زعل وفار فيه الدم الأفريقي .. وساق المره وراح لي واحد
فارش سيطان عنج قال ليه أدينا سوط .. صحبك أداه السوط وقع بيه في المرة دق لمن الراجل أتأثر وشاله منه قال ليه لوعارفك داير تدق بيه المرة ماكان أديته ليك .. ومشوا في الطريق على البيت جات عربية ليلى علوي ماشة الراجل قال لي مرته دي شنو .. قالت ليه باص الجريف ..هيهيهيهيهيههيهيهيهي .. والله كلام ....
مع التحية ،
خالد الارباب
| |
|
|
|
|
|
|
|
|
|
Re: بلا عرس بلا وجع راس (Re: Khalid Saeed)
|
انتو اظنكم فتو زمن العولمة وما بعد الحنانة
نحن لاهسي واقفين جنب تمرنا وباب الجامع...وكمان معاها كشف...
يعني بي بساطة شديدة جدا كان ما طلعت كسيان من عرسك دا
ولا تفكر...
زميلنا جبروه يعرس بالطريقة الخططت ليها بت اهلكم دي
وشابكنو جيب حق الحنانات, جيب حق..الكوشة, جيب حق الغناية,
جيب حق الكوافير, جيب حق المنكير,البوديكير,حمام البخار,
حق فستان الزفاف,جيب حق خرفان حفلة الغناية, القيدومة...
حق الفنان ,الصبحية, الرحلة...أخر شيْ اداهم الكريدت كارد
قالوا ليه دا ما بشتغل هنا...وباقي القصة خليه...لكنو عرس
نفس العروس ورجع بي قروشو الدفعن ديل كلهن...
| |
|
|
|
|
|
|
|
|
|
Re: بلا عرس بلا وجع راس (Re: nazar hussien)
|
ايهاب
انا دخلت عشان اقول ليك يا زول وحد الله...
وخليك عاقل..
وبلاش تهور!
واقرا ليك الاية الكريمة:
اعوذ بالله من الشيطان الرجيم
بسم الله الرحمن الرحيم...
(وجعلنا لكم من انفسكم ازواجا لتسكنوا اليها)..صدق الله العظيم..
لكين لمن قريت الكلام دا..
قلت تاريه عاقل..
(اها انا خاتى كان قلت ما داير اعرس ؟؟؟؟؟؟؟؟؟!!!!!!!!!!!!!!!!!!!!!!!!!!!!!)
انت ما خاتى..
والله يلزمك الصبر فيما بلاك...
| |
|
|
|
|
|
|
|
|
|
Re: بلا عرس بلا وجع راس (Re: nour tawir)
|
عليك الله كلامي ما صاح المشكله انو في لاسودان هسي حتى الاسر الماعندها امكانيات عايزه تظهر بالصورة دي وسبحان الله بتدفع اكتر من الناس المستطيعه كيف الله اعلم
ياخي هسي ارخس صاله 3 مليون من غير اي خدمات كراسي وطرابيز فقط
ما بالك مع العشا و البارد بتصل 7 ومرات 9 مليون
انتي عارف انو في حاجه اسمها هاتو للأحتفالات عارف عندها نظام الخيم الملكيه دي مكيفه وراقيه جدا والعماله الشغاله في الخدمه عماله هنديا عارف ايجار الخيمه با كم الليله والله العظيم 24 مليون وفي ناس بدفعوا المبلغ انا شايف عرس السعوديه ارحم با كتيرررررررررررررررررررررر
مع انو في بعض الاسر السودانيه للأسف ببببببوبارا شديد واي عرس كان فيه ترف وبزخ اكتر من الازم اصله ما مشى لي قدام وربنا اصل ما ح يبارك في العرس دا
| |
|
|
|
|
|
|
|
|
|
Re: بلا عرس بلا وجع راس (Re: Khalid Saeed)
|
يا خالد ليك وحشششششششششه يا استاذنا وينك وين ايامك
والله يا عمده كلامك جميل لكن الدخل الدق في موضوعي دا شنو
اوريك حاجه هسي في توب قالوا اسمه كبري امبده
سمعته بالتوب دا اتوقع سعره كم ما بين 350 الى 600 ريال قالوا حسب التطريز
اها زي توب امبدا الوصل 600 ريال لوحده عايزه تشتتري التوب وهي زيك صحبك بتاع ليلى علوي يعمل شنو يقع من فوق الكبري
| |
|
|
|
|
|
|
|
|
|
Re: بلا عرس بلا وجع راس (Re: صديق الموج)
|
برافو عليك ياصديق ياموج يارجل ياناصح يادغري إنت ، مايعجبني فيك هو شجاعتك والوضوح الفيك، بيني وبينك شباب اليوم ليس شباب زواج، إنما شباب سواليف وموضات وقنوات فضائية ومحاكاة من هم ليسوا من جنسنا.
أنا لدي تجربتين فالأولى عام 1986م وكانت تكاليف الزواج (14.000) جنيه سوداني فلم أوفق في زواجي الأول وأما التجربة الثانية فكانت في أكتوبر من العام 1993م وكانت التكلفة الإجمالية (80.000) ريال سعودي هذا بالرغم من أنني عضو في إتحاد الفنانين كوستي.
بعدين المعروف عندنا في السودان أن كل شيء على الرجل وهذا هو الصاح ودي الشهامة يابلاش فأخونا إيهاب إذا أراد الزواج والله يمكنه ذلك لأن الأسر السودانية لازالت بخير وقد يجد بنت الحلال التي سوف لن تكلفه سوى أن ينطق (بلا إله إلا الله وأن محمداً رسول الله) وهذه الشهادة هي مهرها (الله أكبر) .
وعمل الخير لايتوقف أبداً بس قولوا يالطيف .
عزالدين آدم علي
| |
|
|
|
|
|
|
|
|
|
Re: بلا عرس بلا وجع راس (Re: Hani Arabi Mohamed)
|
إيهاب نميري
تحية صباحية في يوم أكثر المتفائلين فيه يرتدون
من الألوان الصارخة ما يجعل الشارع العام منذ صباحه الباكر
كمن لطم خدوده علي فراق عزيز (وجه حزين للناس البتحب ودايرة تعرس)
تمنيت ولو أمتلك بروجكتر لعرض ما قمت بكتابته عليهم
ليعلنوا الشتات وكب الزوغة ...
أنا حاربت العرس منذ أمد طوييييل مناهضا ضد النسيبة وأخوات العروس
وصويحباتها الذين يمثلون الحليف الاسترتيجي للمفعوصة الهانم العروس
الذ يأتي دورها مثل (كديس المطعم عين في الزبون وعين في الماعون )
إنها لا تريد لزوجها الخسارة الفادحة وفي نفس الوقت تريد أن يكون زواجها حدثا
يتشدقون به نساء الحي والأحياء المجاورة سنينا عددا
أما الحليفات فدائما ما يقلن لها ( هو وكت ماعندو إستطاعة العرس ليهو شنو..؟)
وهنا تنبري العروس والنسيبة المصيبة بالطلبات )
وما يضحكني أكثر من هذا الزخم فطور العريس
الذي يجود به أهل العروس لأهل العريس والذي أيضا يدفع السيد تكاليفه مقدما
وذلك إيضا به من العجائب ما به إذ لابد من فطور كاااااارب يتحمل نفقته المغلوب 6/0 علي امره
ولي صاحب اراد لنفسه المجازفه عفوا العرس وبعد أن إستطاع أن
يتغلب علي معظم الطلبات ... جاء الدور لطلبات فطور العريس
وكانت القائمة قد طالت .. إذ إن فطور الغلوب السيد العريس له
قائمة قائمة بذاتها ....
فسردو له القائمة ....!! وعندها قال لهم أنا أهلي صبيحة العرس
صائمين ما دايرين فطور عريس
كن بالف خير
ولا للعرس البزخي
لا لي جيب وجيب
لا للكوفير والذي منو
لا للغناية ورقيص العروس
لا للشيلة المتكلفة
لا ولا ولا ولا ولا ولا ولاولاولا لاو
ولا للعرس ذاتو
أقلهن مهرا اكثرهن بركة
نعم للمهر آية من كتاب الله
ود زبيدة
لو بالطريقة دي
| |
|
|
|
|
|
|
|
|
|
Re: بلا عرس بلا وجع راس (Re: ايهاب نميري)
|
ايهاب والظرفاء
يسعد صباحكم
يا جماعة الليلة قالوا يوم عيدالحب
اها شن قولكم
اوع واحد يقول لى عاوز يحب
خاصة من اعداء الزواج
لانه الحب عاقبه الزواج
يديكم العافية
| |
|
|
|
|
|
|
|
|
|
Re: بلا عرس بلا وجع راس (Re: قرشـــو)
|
| Quote: ما تمسكوا ايديهم انت والوغد حميدة بتاع البقر ده |
يا زول نحن بقينا .. عملة صعبة ..
خلينا من البقرة الكبيرة دي ..
سنتين لقدام كدا ..
بنعرس بجوز ود ابرك .. !! 
| |
|
|
|
|
|
|
|
|
 Re: بلا عرس بلا وجع راس (Re: ايهاب نميري)
|
الأستاذ إيهاب
السلام عليكم ورحمة الله
كان ما داير تعرس عشان الأسباب التي ذكرتها فأنت دون شك غلطان.
بنودالصرف التي ذكرتها جميعا لا داعي لها إلا إذا كان العريس بحب البوبار.
يمكن أن يتم العرس بمنتهى البساطة ودون تعقيد وبنود صرف مكلف.
مثلا في منقطتنا في السودان تم الاتفاق بين جميع السكان أن يتم العرس كما يلي :-
يشتري العريس مستلزمات العروس من ملابس وريحة ألخ ..
يتم العقد في المسجد ويتم توزيع التمر ويعقب ذلك غداء أو عشاء للأهل والأصدقاء بمنزل أهل العروس وفي مساء نفس اليوم يأخد العريس عروسه ويذهب بها إلى شقة في الخرطوم لقضاء اسبوع أو اسبوعين .. والسلام على من اتبع الهدى.
والعاقل هو من يوفر جميع بنود الصرف التي ذكرتها لمستقبل حياته وحياة أسرته....
باختصار تلك بنود الصرف ليست إلزامية.
في هذا الزمن كثير من الأسر والبنات عايزين السترة فقط وليس المظهرالخادع.
صدقني يا إيهاب العرس لذيذ جدا وعندما تجربه ستندم على أي زمن قضيته عازب.
مع تحباتي .. الله يديك العافية.
عمو/ جعفر إسماعيل
| |
|
|
|
|
|
|
|
|
|
Re: بلا عرس بلا وجع راس (Re: Gaafar Ismail)
|
يا عمو / جعفر والله كلامك على العين والراس وكلامك معقول وجميل جدا لكن استحاله تكون في وحده عايزه تتزوج بالصورة دي في السودان اي وحده بقت عايزه تظهر با مظهر احسن من صحبتا ولا اختها مهما كانت ظروف المعيشه وفعلا في ناس ما عندهم مانع عايز يستر بته لكن الناس كم ونلاقاهم وين
ليك التحيه يا عمو وربنا يديك العافيه
| |
|
|
|
|
|
|
| |
ايهاب نميري
humida
صديق الموج
Khalid Saeed
nazar hussien
nour tawir
عزالدين آدم علي
Hani Arabi Mohamed
قرشـــو
Gaafar Ismail
فيس بوك
تويتر
انستقرام
يوتيوب
بنتيريست