طلعت من المولد بي حمص كتير

Quote: قمت بزيارة سنة 2002 لبعض مشائخ الطرق الصوفية لمباركة المولد النبوي الشريف زرت كدباس الشيخ الجعلي ودامر المجذوب وسرحان الشيخ تاي وطابت الشيخ عبد المحمود التي كانت خاتمة لزياراتي قبل يوم من عودتي الي فرانكفورت,في طابت حاولت ان اقابل الشيخ الجيلي لم اتمكن , الناس الماسكين الباب حالو دوني ودون المقابلة والله ناس لايودوا ولا يجيبو لالا ,في اثناء حديثي معهم قلت لهم مع السلامة ورجعت الي الخلف وجدت شابة تقف في طريقي سألتني راجع وين قلت لها الخرطوم , اصرت علي لازم امشي معها الي منزل اهلها واتغدي وهي تحاول الحيران عشان اقابل الشيخ, اوضحت لها اني لازم اغادر لان هنالك بعض الاشياء لازم انتهي منها اليوم وغدا سوف اغادر السودان الي المانيا, جبرت بخاطرها تغديت في بيت علي ما اعتقد بيت عمتها وهي من الاسرة الطيبة , بعد الغداء ذهبت الي سوق طابت وركبت الحافلة الي الخرطوم , تحركت الحافلة فريت نفس الزولة ومعها اتنين واظن هم من حيران الشيخ متجهين نحو السوق مكان الحافلات , ولكن كان متأخر الحافلة كانت اسرع, لم اعرف اسمها ولكن عرفت اسم والدها .لم اكن اتوقع انت تكون نفس الفتاة زوجتي في يوم من الايام, لاعلاقة لي بطابت اخر مرة دخلت المسيد عمري ثلاثة سنوات, وطابت المدينة ازورها في الاجازة اثناء دوري كرة القدم لاتحاد طابت او تلك المباريات التي تقيمها اندية طابت مع فريق نادي الهلال العاصمي . والدي قصة زواج من المانية الكلام ده ما واقع ليهو كويس قبل سنتين اتصل بي وقال لي لو عايز عفوي ورضاي لازم تجي تتزوج من هنا وهو يعرف اني منفصل من زوجتي , لم اعترض بل قلت له احتاج لي وقت شويه,قلت له انا ببحث عن شيخ السماني الشيخ الجيلي ود ابو شام رد علي ياولدي بنات الشيوخ ابعد منهن , واصلت البحث لوحدي لمدة عام كامل ولم اخبر احد , الي ان اجد صفحة في الانترنت عند ناس طابت اسماها سودان انمال عرفت الاسم وجدت تلفون البيت بقي المشكلة اتصل كيف واقول شنو, اتصلت مرتين ولسؤ حظي يجي شيخ السماني وانا اقول ليهو اسف التلفون غلط, اخر يوم غيرت المواعيد اتصلت بالضبط الساعة 11 عندي واحدة في السودان ربك رب الخير تجي زولتي بالضبط قلت اسمي بالكامل وسعلتها قالت ما بتعرفني , سألتها عن ختمة المولد2002 لم تصدق اني نفس الشخص الذي غادر دون مقابلة الشيخ شافت التلفون عندها خارجي اعطيتها رقم تلفوني علي اساس تتأكد من معها علي التلفون وتركت الامر علي كده , يوم رجعت من الشغل الصباح التلفون ضرب جرس طويل عرفت تلفون خارجي تحدثت تسأل عني وقلت لها معاكي تأكدت مني وقالت مع السلامة.

(عدل بواسطة فيصل نوبي on 02-11-2006, 09:56 AM)

Quote: كتبت من الصباح عند ناس طابت ستي وست ريدتي جات الجماعة ردوا علي انت كنت حلمان يازول , ضحكت وواصلت معهم كتاباتي معهم , اتصلت بأهلها ووعدوني خيرا لكن الامر يحتاج الي شهر حتي ياتيني الرد, ربك رب الخير جد الزولة لامها صديق لوالدي كانا يقضيا كل الوقت مع بعض,وعند سؤالهم لشيخ الجيلي قال لهم ده مابسألو عنو ود عوج الدرب اها بقيت زول زواج اتصلت بكل اصدقائي لكي اجهز الشنطة والشيلة , مشكور الاخ فصيل نوبي والاخ هشام مدني وحمد النيل الذين اتفقوا معي علي شراء كل ا ملتزمات العرس . والاستاذة ماجدة احمد الامام والدة زوجتي رفضت رفضا باتا الشيلة والمال وتحدثت الي شيخ السماني ايضا ,قلت له اني اهلي واصدقائي كلهم سوف يحضروا هنا معي ردي علي قال لي يا ولدي انا مابائع ليك بت لاعايز مال ولا شيلة كتر العدد او قل ديل ضيوفي , اها اهلي وخصوصا اخواتي الكلام ده ما واقع ليهم عايزات يشيلن شنطة ومال يمشن هناك ويزغردن 12 توب 12 فستان وكم مليون مال وعشرة شوالات فحم ,مابين ديل وديك وانا بقنع في اختي الصغيرة يازولة الكلام ده خليهو . يعني اكون اول زول تزوج من غير مال من غير شيلة وعلي ملتزمات العروس وتركت لها الامر لوحدها دون ان يمشي اهلي ومعهم شنطة او خطوبة , يعني كل العادات انتهيت منها بس بقت علي مشكلة الحفلات ودي انا مازولة قلت لهم في بادئ الامر ماعندي حفلة قالو مالو كويس ,بعد شوية سألت البت يازولة كيف قالت صديقاتها بجن لي العرس ولازم يكون في حفلة,قبلت بان نكون هنالك حفلة الي جانب المديح من الساعة اربعة مساء وحتي الساعة الثامنة مساء, بس في حاجة طلعت جديدة دي حنة العروس فيها قالو فنان قلت ليهم اها ياجماعة كويس دي لي شنو يعني قالو خاصة بي العروس وصاحباتها قلت ليهم خلاص يجي سجيمان ومعاهو نجود وعبير وصباح وكل بنات البورد لكن بعد موافقتهم قالو كويس يعني انا لم اخسر شئ في العرس كنت متوقع ان يكلف زواجي حاجة كتيرة خلاص

Quote: بارك الله لكما وجمع بينكما على خير

Quote: بس يشوف لينا الفنان محمد بت ده شنو

Quote: أنـا مـاشيـة معاك العرس..ممـكـن?

Quote: طارق جبريل طوالي يا معلم تحضر العرس في فرانكفورت